مشـــاهد من الكليــــه...(ممــارأت عينـــــــي)..

[كحل العين]

يسعــــد صبــاحكم/مســائكم


حبيت انقل لكم مشاهد من كليتي اللي هي الكليه العلميه...
وبصراحه كلها شايفتها بعيني..
طبعـــا راح اذاكر المشاهد السيئه واللي اتمنى انها تتغير السنه الجايه
وماعاد نشوفها...


نبدأ
المشهد الاول...
في السياره...ادعي بس يارب مافيه زحمه سيارات عند الكليه
لان اذا فيه زحمه بنزل عند الزاويه :011: واذا مافيه عند الباب :119:
جد والله ملينا من الزحمه نبي مواقف لللسيارات والله احيانا نجلس
بالزحمه ربع او اكثر خصوصا بالاختبارات :Cry111:


المشهـــد الثاني..
دخلت للكليه والحمد الله :D
استغرب صراحه من حاجه..اول مانزل عبايتي اقول السلام عليكم
بس نادرا ماالقى احد يرد علي..:011:
مع ان السلام سنه ورده واجب:hhheeeart4:


المشهد الثالث...
وانا متجه للمبنــــى والا يمرون بنات والاغاني ترقع ع هالصبح
يالله صباح خير..يعني اذا انتي طربانه ماله داعي تسمعين البنات
وتاخذين ذنوبهم حرام هذا اولا
ثانيا: من باب الذوق ماتزعجين الناس:)


المشهـــد الرابع...
دخلت المبنى والا صديقتي تهفني طاااااااايره:hahahahahah:
ووتقول اسفه المحاضره بلحق عليها ال.....نص ساعه انتظرها ماجت
واذا دخلت ماتدخل احد بعدها:017:... قلت انتبهي من الدرج بس لاتتكسرين :cheese:
السؤال اللي يطرح نفسه
الى متى استاذاتنا مايحترمون مواعيد المحاضرات؟؟
المفروض الطالبه والاستاذه كلهم يحترمون الوقت
يعني تتاخر 5 دقايق معقول بس نص سااااااعه قوووويه
وحنا اذا تاخرنا 10 دقايق ماندخل (عند بعض الاستاذات)



المشهد الخــــامس...
اضطريت اجلس لحالي ماعندي محاضره :011:
وليتني ماجلست...وربي اشوف ع هالصبح مناظر قرف وحده جالسه
والثانيه منسدحه وحاطها راسها بحضن صديقتها وتلعب بشعرها وربي شايفتها
بعيوني اللي بفهمه ليه هالمنظر وربي احس كأنا في بيت مو بكليه
يعني هل هي نعسانه وبتكمل نومتها بالكليه؟؟؟؟
الواحد لازم يحترم المكان اللي هو فيه ماانتي بالبيت عشان تتسدحين براحتك


المشهد الســـادس...
بما اني فاضيه يكون دور الفطور علي لازم اشتري للشله:m07:
عشان افكهم من زحمه المقصف وقبل لا تخلص الفطاير
رحت للمقصف...
وانا ادعي :s12: يارب فيه احد يبيع<<كل يومها تدعي
المهم انتظر انتظر انتظر....الخ ماحولك احد
وماتسمع البنات الا ياللي هنا...لو سمحتوا...ياهوووووووه
يافلااااااااانه...طع طع طع <<يدقون ع الشباك:hahahahahah:
ولا حولنا احد..:Cry111:
وانا انتظر والا بدوا البنات يطلعون من المحاضره وتجي الزحمه واضيع فيها:011:
ويالله يجي الفرج وتجي وحده وترأف بحال الضعوف وتبيع لنا صدق الجوع كافر:bawling:
كان ودي اشتري دجاج بس ماطلعت الا بصباحوو:011:
بس تبون الصراحه وش اللي استفدت من مقصفنا/
1/تعلمت الصبر:119: والله جد اول الايام كنت انتظر 5 دقايق وانا طفشانه:011:
اخر الترم انتظر نص ساعه وانا مبتسمه:smile1:
2/اغلب البنات اللي اعرفهم اسلم عليهم عند المقصف واخذ اخبارهم
لان الكل ينتظر:D
جد الى متى مسخره المقصف ملينا وربي ملينا صابتني عقده:m1asmilies-com:
يعني بنات وراهم محاضرات بيفطرون ويلحقون ع محاضراتهم
هذا غير الاكل الله يديمها نعمه...
وش اقول وش اخلي عن المقصف جد يبيله موضوع لحاله:Cry111:



الشهد السابع..
اووووووف تذكرت عندي مراجعه للقسم رحت يوم دخلت والا الصوت عالي وصراخ
استاذه تتكلم ع الطالبه.. جد ماادري وش الموضوع والا السبب
بس باب الذوق الاستاذه تحترم اللي قدامها وماترفع صوتها لو كانت طالبه
تحترم الموجودين
الصراخ...عمره ماكان اسلوب حوار



المشهـــد الثامن...
داخل القاعه والاستاذه تشرح تلقى فيه بنات قالبينها مجلس وسوالف
يسببون ازعاج لغيرهم..يعني اذا انتي حاضره للتوقيع بس
غيرك حاضر عشان يستفيد من المحاضره احترميهم او لاتحضرين
وفيه جزء لا يطقطقون بجوالاتهم ياتقرأ روايه والا بلوتوث بس ع الاقل مافيه
صوت يعني ماهي مزعجه غيرها:119:

وغيره وغيره من المشاهد اللي تضايقنا في الكليه
واللي نتمنى ماتتكرر..
واللي حابه تضيف اي مشهد شافته وضايقها تضيفه
والمايك لكم..........:)

[امواج الخليج]

وعليكم السلام ورحمة الله وبركاته

كلامك درر ماشاء الله
براافو والماايك مااخذه بعدك ماقصرتي والله ..
شـكــ وبارك الله فيك ـــرا لك ... لك مني أجمل تحية .
موفقه بإذن الله ...

[نواف العنزي]

عليكم السلام ورحمة الله وبركاته
فعلن معاناة غير طبيعيه إشووفها بكليات حفرالباطن سواء من مباني أو دكاترة أو تلميذات للأسف
شيء غير لائق
أيام ماكنت أدرس بالجامعة هههه اللي يشوفني متخرج صارلي عشرين سنة وأنا متخرج الفصل الأول
من هدي السنة ولله الحمد والمنه
إذا تأخر الدكتور ربع ساعه لك الحق تطلعين بس مو الحالك خوذي السله كلها على لأن ماله حق يسجلكم غياب
وإذا على الفطور الصباح مري محلنا وخوذي منه فطائر بلا زحمة بلا خرابيط وإذا ماتقدرين تجين نوصلك هههه
وصراحه بالنسبة للمشهد الخامس فله ورومنسيه هههههههه والله لوني منك أسطرهم
والله قاعد التخيل المنظر ههههههههههه شيء صراحه
ولا بعد التخيل أنا اسوي اللي خوويي بسيب الكلية هههههههههه
مشاهد ماقول إلا الله يعينك ويعين كل واحده زي مشاهدك تلاحض

[Dantil]

عليكم السلام ورحمة الله وبركاته
فعلن معاناة غير طبيعيه إشووفها بكليات حفرالباطن سواء من مباني أو دكاترة أو تلميذات



وش تحس فيه ؟
قآل اشوفها قآل !

[نواف العنزي]

انتي اللي وش تحسين فيه داخله عرض
فعلن إشوف أشياء وأوراق بالكلية انتي ماستفتيها روحي ذاكري أحسلك
لا تسقطين وتدعين علي بعدين

[Dantil]

انتي اللي وش تحسين فيه داخله عرض
فعلن إشوف أشياء وأوراق بالكلية انتي ماستفتيها روحي ذاكري أحسلك
لا تسقطين وتدعين علي بعدين

دآخله عرض ؟
المنتدى ماهو ملك لك .. ادخل عرض ادخل طول .. بكيفي ..
بالعكس انا المفروض اكتب واناقش .. بما ان المنتدى خاص بكليات البنات ياشخص ..
+
اذاكر مااذاكر بعد ماهو شغلك ..
+
على هذا الاملاء مستحيل تكون مخلص ابتدائي حتى *!

[ضيونه الساير]

اي والله جد لا والأدهى من ذا كله واللي عجزت استوعبه وحتى الواحد يستحي يقوله
اللي يتأخرن مابعد 12 ونص وتنقع عمرها الى 2 بحجة محاضرات متأخره أقسم بالله لامتأخره ولاشي
قاعده مع معجبتها هاتك يا.... وغيره وغيره صدق بلاوي تستحين تشوفينها!!
بس ان دل دل على تربية اهلها لها..على اسلوب حياتها وكل بنت تمثل بيت اهلها ...
وذا كوم وانتقامية البنات كوم...سمعت كلمه من بنت تمشي بجنبي تسولف مع خويتها وياليتني ماسمعتها
تتهدد لوحده متهاوشه معها وتقول والله لأفتـ..... شنو ذا ياربي ؟؟ شنو؟؟
معقوله !!
معقوله!!
تاصل للهدرجه؟؟
طقيها اقول ارحم
اسرقي كتبها هم ارحم
بس انه ذا ؟؟....
خير وين عايشه !!
ولد شوارع ماجاء تفكيره كذا
عاد بنت! بنت!
والله من الجنس الثالث مو بنت !!

مااقول غير ربي يرفع عنا ولايبلانا..

مشكوره خيتو على هيك موضوع

[سكر نبات1]

الله يعين على الكليه ياحظ رابع وثالث مابافي لهم شي اما حنا الله يعين 3سنين بالكليه اما على الموقف الخامس انا من اشوف مثل المواقف ماتشوفبن الا غبرتي ماحب اجلس بمكان محضور
والله صديقاتي مسمياتني الخوافه عشان كذا احط حرتي بمحا:s11:ضراتي

[Galaxy-sa]

اي والله جد لا والأدهى من ذا كله واللي عجزت استوعبه وحتى الواحد يستحي يقوله
اللي يتأخرن مابعد 12 ونص وتنقع عمرها الى 2 بحجة محاضرات متأخره أقسم بالله لامتأخره ولاشي
قاعده مع معجبتها هاتك يا.... وغيره وغيره صدق بلاوي تستحين تشوفينها!!
بس ان دل دل على تربية اهلها لها..على اسلوب حياتها وكل بنت تمثل بيت اهلها ...
وذا كوم وانتقامية البنات كوم...سمعت كلمه من بنت تمشي بجنبي تسولف مع خويتها وياليتني ماسمعتها
تتهدد لوحده متهاوشه معها وتقول والله لأفتـ..... شنو ذا ياربي ؟؟ شنو؟؟
معقوله !!
معقوله!!
تاصل للهدرجه؟؟
طقيها اقول ارحم
اسرقي كتبها هم ارحم
بس انه ذا ؟؟....
خير وين عايشه !!
ولد شوارع ماجاء تفكيره كذا
عاد بنت! بنت!
والله من الجنس الثالث مو بنت !!

مااقول غير ربي يرفع عنا ولايبلانا..

مشكوره خيتو على هيك موضوع

اعوذ بالله ..

الله يكفينا شر هالنوعيات ..

ويستر علينا وعلى بنات المسلمين ..

والله يعينكن ..

[همــــس]

ههههههههههههههههههههه ..

يا بنت النااااااس .. هدي حالك لنا سنين على هالوضع .. لكن بالنهايـــه ما رايح يصير شي غير هالمشاهد اليوميــه ..


P.s :

هدو الوضع يا نواااف وياا دانتيــــل << هههههههههههه

[:,:ميــــــــهـاف:,:]

الكليه معاناه وقرف توكم تدرون يلا مبقالي الا سنه ونفتك من الهم
وعلى كثر مانتكلم مافيه فايده

[lklk]

كح‘ـل

المششكلـه هالمششآ‘هـد تتكرر بكـل سنـه ورآح تتكرر آكثثر واكثثر اذا بقت ادآرتنا علىا هالحآل !!!
يعني جآمعه ومآفتحتوهآ لنآ ولآ رآح تنقلونآ كل سنه نسمع انو المبنى الجديد بيفتح ولا شفنآ شي !! ورىآ ماتسنعون كليتككم ورىا ماتتسنعون كلكم من دكآتره من آسآتذه من دكتورات لااستاذات اصلا احسهم يشوفنا ولا شيء لآحظتو هالششيء !!!!!!!

ولا زحممة السيارات الي سببت لي رعب كذا مرره سيآرتنآ تنطق ذا المسكينه وش ذنبهآ خخخ =[

والمشهد الثاني عـآد مآقد تعرضت لـه ولله الحممد = ]

والمشهد الثالث واههههه يالمشهد الثالث ,, لعنبو دارهن علبآلهن كشخـه ولآ وش بالظبط ؟!
لآ والمشكله السماعه بـ آذنهآ والصوت اعلىا شيء ومع ذالك تغني معآه هي !!
ودددي ادبغهن لمىآ وشسمـه <~ دآبلآت تسسسبدي !!
والأششكآل ذي ويييييييييين والذوق ويييييـن مآقول غيير آييه يآحزم الضآمي =[

آمآ المششهد الرآبع ,, من ججد دآيم آقول لصديقآتي ورآه بس إحنىآ الي نتلززم بالموآعيد طيب وهـم ؟؟
وربي من دخلت ماقد شفت استاذه جت بموعدهآ ؟! لآزم ننطق نص سآعه علىا ماتتكرم علينآ حضرتهآ !!!
آذآ بتتأخرييين لاتقعدين تهآوشين الي يجون ورآك وومآتدخلينهم تحمليهم آجججل !


المشهد الخآمس =[ =[ ( فيس يصيح مدري فيس منقرف مدري وش اعبر عن هالمنظر صرآحتن )
آكرههم صآحبآت المنآظر ذولي واحسهم مخيسآت ومقرفآت من جججد يعني !!!!!
وشفت رد الي تقول اهلها موب مربينها او شيء زي كذا
لا ياماما والله اهلها مالهم دخخخل الى متىا بيقعدون يطامرون وراها ؟!!
انتي بالكليه الحيين وتعرفين وش الصح وش الغلط ( كلن عقله برآسه ويعرف خلاصه )
ماقول غيير الله يهديهن بس =[ ينرحم حآلهـنْ =[


المششهد السادس ,, معآنآه مستمرره ومآتوقع بيتطورون دآم هالاشكآل المقززه تبيع فيه !!
الوحده ترد عليك من طرف خشمها علىا وشو ياحظظظي !! وش انتي صايره !!
لا واذا طقيتي الدريششه قآمت تخزك بطررف عينها يعني ازعجتينا لا وتسفهك بعديين !!!!!
مانيب قاعده اشحذك من حلال ابوك !!!!!!!!!
انتي المستفيده ترىىا فلوسنآ بتبلعينها على بلع مقصفكم االي يجييب الهم وومطيريين الأسعآر الشوكلت بـ 4 والغازيات بـ 2 والفطآير والـ والـ وعلى كذاا متحملينكم ؟؟؟؟؟؟؟؟؟؟؟

مآقدر آككمل المشهدين الي بآقي لان آحس بكسسر اللاب توب من الحرره الي فيني خخخخ
بس الحممد الله عطلنآ ومـآ‘صدقنا على الله تجي هالايآم الحلووه بنآخذ فتررة نقآهه = ]


حبيبآتي لو نتكللم من هنـآآآآآآآآآآآآآآلبكرىىىىىىآ مستحيل بتتطور هالجآمعه وبعض الفئآت من الطآلبآت مع احترامي الشديد يعني = ] عآد آلله يعيين بآقي 3 سنوآت وآهههه بس = [


لبىى روحك علىآ طرررحك الألييم =$ :love080:

[άţ3Ьήê♥Ĝļάķ]

تسلـم’ـين يالغلـا ماقصرتـي
كفيـت’ــي ووفيـ’ــتيُ
ان شاء اللـه ماتتـكررً
هالمـأسـي خصوصـآَ مأسـأه المقصف
ولا المـشـ’ـآهـد الرومنصـ’ــيه هع هع شبعنآآ منهم
وابـــــــــــــــــــــــــــــي اضـــــــيـــــــــــــــــف نقـــــــــــــطــــــــــــه
<<هع هع نــــــقآآط مو نقطه ,,, المهم
اللـي هـيً فـتـ’ـره الاختـبـآآرأت
انـشويـنآآ صـــــــح من الشمـــسً ولا من زين الكليـه
يطردونآآ برآ المبـاني
مدري وين نقعد بصراحه انا احتااار اقعد بالكافتيريا ولا بالساااحه الكبييييييره
اللي كلهاا مكيفاات مدري احترت صرآحـــــه
عمـى بعيييون العدوو ماتشوفون الجوو وشلوون يصلخ مقعدينا بالشمس
ومبنى الرياضيااات فاتحينه لـنـ’ـآآ نفس الحـكآآيـه
الـى متى وانتو يالحفــــــر كذآ
ابي طلب واااااااااااااااااااااااااااااااااحـــــــــــد
الـبراحه الفاااضيه اللي وش كـبـرهآآ تـسرح فيـ’ـهآ الغنم من كبرهآآ
اللي ورا مبى الأستاذاات
ابيكم بس تغطووونـهــا من فوووق وتحطون مكيفااات سنعه
مو مكيفاات ابو طقه انشوييناا من الشمس ماينفع واقي ولا ابوووه ..
ابفهم ميزانية الكليه وين ترووح بصراحه ماشفناا شي
لا مكيفاات سنعه ولا قاعاات تفتح النفس
و ولامقصف يبــ’ـــــرد التســبـد
انا صرااااحـه لو اكـتـب معـلقآآت بها الكلــــيــــ’ـــــــه ماتكفـــــي ...
والبــآآقــــــي لكم ..

مـــــ’ـــــــودتـي لـكـ,ـم×

[نواف العنزي]

هههههههههههههههههههههه
ياحليلكم يالبناااات الله يعينكم على مشاكلكم

[ski]

بالظبط مثل ماقلتي

الله يعين


المشهد الخــــامس...
اضطريت اجلس لحالي ماعندي محاضره :011:
وليتني ماجلست...وربي اشوف ع هالصبح مناظر قرف وحده جالسه
والثانيه منسدحه وحاطها راسها بحضن صديقتها وتلعب بشعرها وربي شايفتها
بعيوني اللي بفهمه ليه هالمنظر وربي احس كأنا في بيت مو بكليه
يعني هل هي نعسانه وبتكمل نومتها بالكليه؟؟؟؟
الواحد لازم يحترم المكان اللي هو فيه ماانتي بالبيت عشان تتسدحين براحتك

الله يستر عليهم ولا يبلانا

[ملآمح فرح]

كحل آلع ــين ..
شووكرن بآلحييل ..
كتبتي فآبدعتي ..
نقلتي آلمشآهد فآحسنتي آلنقل !!
بجد نفس كل شي يتكرر علينآآ كل يوووم ..

نبدأ بآلمشآهد وفضفضتي ..
المشهد الاول...
آلزحمه ..
ومآ آدرآكـ مآ آلزح ــممه ..< من جد شي يقههر وكل ابو شش’ـي
عآآد آنآ وآخووي نعآآلج آلخطآ بخطآ بس شسوي ورآآه ششغ’ـل نقووم نعكس آلطريق هع ..
{{ومن آتقى شرهآ يآبختهوو .. هع



المشهـــد الثاني..
آلسلآآم وآلي مآيردوو ..
آكيييد زي مآ بووهـ نآآس ذووق وتعرف آلصآآح في نقيض لهآلنآآس ..
بس آلحمدلله كل مآ دشيت آطيحح بنآآس ترد آلسلآآآآآآم {مآآزآآل في نآآآآآآس ..


المشهد الثالث...
آلآغآآني ..
من جد نآآآس بس سقيميين عقووول ..
برآآحتك كلن بيح ـــآآسب لحآآلووهـ ..
بس في شي يدل ع رقيك ..{ مع آنوو تركهآآ آكبر رقي بنظرري
بتسمعين حطي سمآعآتك بآذوونكـ ولآ تسوووي قلللق ..





المشهـــد الرابع...
آلموآآعيد ..
عمروو مآآ رآآح يدركوون قيمة آلآلتزآآم بآلموآآعيد ..
آنآ دقيقه بشكل ..
بس حسيت آنوو ذآ آلشي مو بنآفعني ..
مرررهـ آنلطعت سآعه آلآ شويآآتـ قسسسم < آخر شي تجي آلدكتوورهـ تبي شي
من ذيك آلقآعه آلي ندرس فيهآآ آحيآآ نظري <<مدري وش يسمونهآآ>>يمكن غرفة المصآآدر آذكرهآ كذآ ع آيآآم آلثآنوي وش تطورت وصآرت مدرري
آلمووهيم وقت مآ دخلت تآخذ آلشي سألنآهآ عن المحآضره قآلت بكل بروود : آصلوو مآفيش
{ مشغووله وزي كذآآآ
يآحررري :011:
فآدركت نعمة آلتآخر عن آلموآآعيد وعملت بهآآ < آشطح يآلفووصحى خخ ..


المشهد الخــــامس...
آلحركتآآآت آلسقيمه ..<<رومآنصص’ـيه خخ ..
آآآهـ بس متى بيعقلووون مدرري ..
بلكن تكوون آحيآنآ حركتآآتـ عآديه جدن ..
بس مآآآآرآ مو وقتهآآآآآ وآلنوآآيآ تخ ـتلف ..
بس برضوو فيه آشيآآآ مآلهآآ دآعي ..
لآ تتوقعيين تعيشش’ين بمكآآن مآفييه آشكآآل شآذهـ آو ع آلآقل غريبه ..
آعرفي كل مكآآن في آلزين وآلشيين وكلن يمثِل نفسووهـ ..
بس آشووف آنوو شريحه كبيره كويسـه .. < الله يكثرررهم

{ آللهم آصلحهم يآ آرحم آلرآحميين ..




المشهد الســـادس...
آلمقصف..
لآ تعلييييق .. <وآلحل آلآمثل جوعي نفسك عشآآن تتغدين خخ ..


آكتفييي بعد بهآلقدر لآنوو نفسي ضآآآآ‘ع ..
آلف مية مررره شوكرن ..
وبضيف آي مشهد يطري على بآلي ..
تقبلي طلتي ..

[نواف العنزي]

سؤال محيرني طيب البنات اللي متسدحات بالاسياب أو من الجنس الآخر
ماتخاف ان الكلام يوصل اهلها وخاصة الجنس الآخر
ولا كيف

أعذروني أنا أخش من جوالي سواء بالدوام أو البيت في بعض الحروف أكلها لأني جوعلن هع
حركات يبي يعلمكم انه توظف قولوا مأشاءالله ومبروك
أبوك يالواسطة متخرج قبل ثلاث شهور وبعدها يتوظف ههههههههه صدق مايحسد المال إلا أهله هع

[كحل العين]

وااااااااااو وش هالردود الروووووووعه
تسلمووووون جمعيا...ماانحرم من طلتكم يااااارب

الله يصبرنا ع هيـــك مشــــاهد بس..
وربـــــي كله يهـــووووووووووون الا مناظر القرف والشذوذ...
وربي شئ مقزز...
مااقول الا اللهـــم لاتؤاخذنـــا بما فعــــل السفهـــاء منـــا
واللــــــه يصلحهم..ويهديهــــم يــــــــــارب
متى تعدي السنـــــه الجايه بس واتخررررررج.......

[كحل العين]

رد ع سؤال الاخ نواف العنزي...
اعتقد من وجهه نظري وحده ماخافت من ربها ماهي خايفه من اهلها
وبعدين من اللي بتروح تقول لاهلها...شوفوا بنتكم وش تسوي بالكليه
اولا: البنت بتحقد عليها وتحطها براسها...
ثانيا: ماتضمن الاهل يصدقونها والا لا
المفروض الاهل ينتبهون لبناتهم نقول الحركات اللي يسونها بالكليه الاهل
مايدرون عنها..لكن المصيبه كيف اب والا اخ يرضى ان بنته تقص شعرها
بووووووي؟؟؟؟؟؟؟؟؟؟
ودي اتكلم اكثر عن دور الاهل...بس برووووح اذاكر احسن لي

[دمعة حائرة]

!!!!!!!!!!!!
بس ممكن مكبره الموضوع شوي .. صح

لان كل الكلياااات بالمملكه فيهااا كل الي ذكرتيه ويمكن اقوى من كذااا
شكرا

[ħađốǾốL]

اي والله انك صــآآدقـه ..

وانــآآ لــي بــآآك بـعـد مـآآاطـلـع مـن امـتـحـآآنــي ومـعـآآي كـلام كـبـر رآآســي:mh45:

[كحل العين]

!!!!!!!!!!!!
بس ممكن مكبره الموضوع شوي .. صح

لان كل الكلياااات بالمملكه فيهااا كل الي ذكرتيه ويمكن اقوى من كذااا
شكرا
انا معك كل المشاهد موجوده في الكليات الا مشهدين.....
الزحمـــــــــــه...والمقصــــــــــــــف...المقصـ ــف المقصــــف
مااصـــــدق انه فيـــه كليــــه فيهـــا نفس مقصفنـــــا
مقصفنــــــا غيـــــــــــــــــــــــــر................ :Cry111:
شاكره مروووووووووووورك

[كحل العين]

اي والله انك صــآآدقـه ..

وانــآآ لــي بــآآك بـعـد مـآآاطـلـع مـن امـتـحـآآنــي ومـعـآآي كـلام كـبـر رآآســي:mh45:
في انتظـــــــــــار البـــــــــاك :119:
ربــــــــي يوفقـــــــــــــكـ...

[lklk]

!!!!!!!!!!!!
بس ممكن مكبره الموضوع شوي .. صح

لان كل الكلياااات بالمملكه فيهااا كل الي ذكرتيه ويمكن اقوى من كذااا
شكرا



لآلآ ي‘حبوبه موب كل الكليآت مثلنآ بعدين آحنآ مالنآ دخخل بالكليآت الباقيه آحنآ نبغى كليتنآ تتطور !!
وبعدددين الجآمعآت البآٌقييه مقآصفهم زي مقصفنآ المخيس ذ1 جآمعآتهم من دآخل زي عشتنآ آقصد كليتنآ المصونه؟!
ومآتوقع آن فيه آقوىآ من كليتنآآ ,, الجآمعآت الباقيه اقل شيء موفرين لهم كآفتريآ مكآتب مظلآت كرآسي بالساحات مثل العالم والنآس مهب مثل ذا الخنبقه !! ولا كليه بوسط حآره وزحممه خييييير ان شاءالله ؟!!!!!


آعتذر عن توآجدي مره ثآنيه =$ بس والله من الحرره الي فيني =]

[miss_jojo]

مرحبـآآآ ,,,

آنا بآعلق على شي و آآآحد بس !!
اللحين ياحكل كل من قص شعرآآتو بووي معناااتهاا شذووذ ؟؟ :mh19::mh19:
ياما في بنآآآت شعرآتهم بوي آشششرف من باقي البنآآت :d5:

مع آحتراااامي للكل

** آسمحيلي نظرتك غلط في غلط !!
بقولك شي وآآآحد !!
لآ تحكمين ع الشكل


يآآما تحت السوآهي دوآآهي والله يستر عليهم :119:


وبعدين في نآس عادي عندهم البوي و مو ناس منغلقه يعني لآتقيسين على حساب نفسك


:p
وآتمنى ماتضايقك كلآمي :love080:


......... حبيت آوضح لك لاآكثر :bgs12: :rolleyes:

[كحل العين]

مرحبـآآآ ,,,

آنا بآعلق على شي و آآآحد بس !!
اللحين ياحكل كل من قص شعرآآتو بووي معناااتهاا شذووذ ؟؟ :mh19::mh19:
ياما في بنآآآت شعرآتهم بوي آشششرف من باقي البنآآت :d5:

مع آحتراااامي للكل

** آسمحيلي نظرتك غلط في غلط !!
بقولك شي وآآآحد !!
لآ تحكمين ع الشكل


يآآما تحت السوآهي دوآآهي والله يستر عليهم :119:


وبعدين في نآس عادي عندهم البوي و مو ناس منغلقه يعني لآتقيسين على حساب نفسك


:p
وآتمنى ماتضايقك كلآمي :love080:


......... حبيت آوضح لك لاآكثر :bgs12: :rolleyes:

عن ابن عباس -رضي الله عنهما- قال: قال رسول الله -صلى الله عليه وسلم-: لعن الله المتشبهين من الرجال بالنساء والمتشبهات من النساء بالرجال رواه البخاري .

يعني اللي قاصه بووووي متشبهه بالرجال وحتى لو ماكان عندها حركات شذوووذ مع البنات اسمها مسترجله
وانا ماخصيت اللي قاصين بوي بس
فيه غيرهم اشكالهم ماتعطي ع الشذوذ
وهم شاذين ع قولتك تحت السواهي دواهي



وبعدين في نآس عادي عندهم البوي و مو ناس منغلقه يعني لآتقيسين على حساب نفسك
يعني الناس اللي تمشي ع الدين ناس منغلقه...جد لاتعليييييييييييق:hhheeeart4:

[نواف العنزي]

كحل العين

أما اللي يمشي على الذين يصبح منعلق كذا بزغل عليك ياذبه

[كحل العين]

ياليـــت ترجع تقرأ ردي مره ثانيــــه...
انا اعلــق ع كلام اللي قبلي....
ابفهم كيف فيه ناااااس عندها البوي عااااادي وفيه ناس اللي هي المنغلقه البوي مو عادي عندها
والحكم الشرعي في البوي وااااااااحد وهو التحريم..
والحكم الشرعي يمشي ع النـــــاس كلها.......
ودي اوضح اقصد بقصه البوي اللي قاصه شعرها فوووووق اذنها كله زيه زي الولد

[نواف العنزي]

صراحه. فهمتك غلط وفعلن كلامك عين العقل قص العشر لحد الأذن تشبه بالرجال

[miss_jojo]

والله شوفي اذا جينا ع الدين فهذآآ موضوع ثآآآآني يً كحل , آوكي

يعني حنا مانشوف الدين الا من هالمنطلق !!
اللي حنآآ نبغآآآه !!

جد نآآآس غريبه !!
وبعدين بالعكس آشوفه شي بحريه الشخص
يعني آن شاء الله آقص بوي وش بتسوي النآس ؟ بتذبحني ؟؟ ولاآآيش ؟؟
صح بتتكلم بس الناس ماخلت آحد بحاااله !!
حتى اللي يمشي حنب الحيطه تتكلم فيه


آآآوما ع المتسرجلاات جد وش هالتفكير معلييش !!
لعملوميتك كليتنا بكبررررررهآآآ مافيها ولابويه حده !
جد ودي آشووف هالبويات اللي آقلقوآآآ آوومنـآآ فيهم !
مدري كيف مفكرين البويه آنو اقص شعري ومشيتي معرجبه شويات
خلاص صرت بويه هلأ !!!!

عالعموم موضوعك مايتكلم عن هالنقطه بس !!!
بس اللي خلاني آرد عليك
نظرتك عالبوووي !


تقلبي مرووري ...~

[يارب عفوك]

والله شوفي اذا جينا ع الدين فهذآآ موضوع ثآآآآني يً كحل , آوكي

يعني حنا مانشوف الدين الا من هالمنطلق !!
اللي حنآآ نبغآآآه !!

جد نآآآس غريبه !!
وبعدين بالعكس آشوفه شي بحريه الشخص
يعني آن شاء الله آقص بوي وش بتسوي النآس ؟ بتذبحني ؟؟ ولاآآيش ؟؟
صح بتتكلم بس الناس ماخلت آحد بحاااله !!
حتى اللي يمشي حنب الحيطه تتكلم فيه


آآآوما ع المتسرجلاات جد وش هالتفكير معلييش !!
لعملوميتك كليتنا بكبررررررهآآآ مافيها ولابويه حده !
جد ودي آشووف هالبويات اللي آقلقوآآآ آوومنـآآ فيهم !
مدري كيف مفكرين البويه آنو اقص شعري ومشيتي معرجبه شويات
خلاص صرت بويه هلأ !!!!

عالعموم موضوعك مايتكلم عن هالنقطه بس !!!
بس اللي خلاني آرد عليك
نظرتك عالبوووي !


تقلبي مرووري ...~ قصة البوي بختصااار حرام...:103:
لا حبيبتي الناس مو مسوية فيكي شي ولا دابحتك<<<بس لاتنسين حاجة ربك فوقك........
العاقل ماحد يتكلم فية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:103:

[يارب عفوك]

كحل العين....اللة يعطيك الاجر على كلمة قلتيها.............
بس حسبي اللة ونعم الوكيل على اي وحدة تلعب على اهلها انها رايحة للكلية هي تكدب عليهم ...وهي اصلا طالعة مع شباب....
امس بنتين الظهر مع شابين نزلن وبسرررعة دخلن بالكلية"""لاتقولن يمكن اخوانهن""" لا اشكالهن وتصرفاتهن مو اخوانهن خايفاااات بمعنى الكلمة وحدة طاحت من خوفها...خايفة من الناس طيب وربك اللي يشوف كل خطوة مشيتيها منتي خايفة منة...النار جهنم مافكرتي فيها....
امك ابوك اللي ينتظرونك عشان يسألونك عن امتحانك ماخفتي عليهم من الفضيحة...لو يدرون عنك وش يصير فيهم..
حسبي اللة عليهن يعني مايدرن ان هالشباب يلعبون عليهن واللة لو اعمارهن 8سنوات فهمن...
قبل اسبوع زوجي يكلم واحد يعرررفة فجأة قالة الرجال رح اللة يستر عليك...؟؟؟؟؟؟ دق الجوال الا بنتين موعداتة ...واقفات يقول اشاكلهن فيهن بلاء عساهن للبلاء وركبت وحدة قدام؟؟؟؟؟؟؟؟؟؟؟وحدة وراء من زود الوقاحة.....طيب هن 2 وهو واحد ماشاء الة كلهن يحبنة وبيتزوجهن؟؟؟؟؟؟؟؟؟؟؟؟؟
الرجال هدا كلش مو من الحفر ولاعندة احد بالحفر<<<يعني مو خواتة

[ملآمح فرح]

آحس آلسآلفه خذت مجرى ثآآآني ..

بس كل موضوع آكبر من آلي قبله ..

معقوووله مآزآآل فيه بنآآآآت مآ يفهمن ..

يآلله نسألك آلسلآآآآآآآآآآآآآآآآمه ..

<ثقة آهآلينـــآآآآ بآلدنيــآآآ ..

[شـيـم]

كحل ,, طلعتي كل اللي بقلوبنا لوسميت العنوان :فضفضه جامعيه:

طبعن كله كووووووم وسالفة اذا جيتي تراجعينهم بشي كوووم ثاني ,,,

اذكر خويتي راحت تسألهم عن شي وكل وحده ترسلها لثانيه وخويتي نااشبه لهم وبالاخر طفشو منها و قالولها شوفي اللي مسؤله عنك تلقينها بغرفة ميه وعليها <نسيت رقم الغرفه> عاد ياحياتي تعبت وهي دور الغرفه بالاخر لما لقت الغرفه طبعن بالدور3 لقتها غرفة كهرباء !! لييييييييييييييييييييييييييييييييه لهدرجه بيفتكووون منهاااا غرفة كهرباء مره وحده !!!!
<< الحمدلله ربي فكني منهم وعقبااالكم يااارب ,,,

[ظبيه]

بنسبة للاستاذات معاج حق نصهم يتاخرون نص ساعه واذا احنا اتاخرنا خمسة دقايق ما ادخلنا

والمشكله نكوون جاين قبلها ونتسنى حضرتها مامدانا ننزل نشتري ماي نبل رقينا بهلحر الا جايه

ياانسه اخرجي برا محدش يدخل بعدي واغلبيت الا ستاذات كذا ( الا مارحم ربي ) والمشكله يومها كان

عندي شرح قالت اسفه غياب وعطتني صفر من 10 واللي قهرني بلمحاظره الثانيه دخلتهم واهمم متاخرين

اكثر مني نادت كل اللي بلممر ودخلتهم والله شي يقهر

وغير كذا البنات الله يهديهم مايخلون جدار بلكلية مايكتبون عليه تقول خلصن الدفاتر

الظاهر الاهام مايجي الا ع الجدران

اما المشهد الخامس اللهم لاشماته اول مره اشوفه بلكليه بدور اللي انا فيه لازقات ابعض

وتبوسها مع رقبتها وتلعب بشعرها ويجون صديقاتها يكلمونها ترد عليهم البويه يلا عاد

روحو عنا خربتو الجو والمشكله اشكالهم صغار اللي يشوفهم يقول لسى بلمتوسط

والبويه بويه سواء قصة شعرها بوي او لا فيه بنات شعورهم بوي وكلهم انوثه اقصد قصة البوي

حق البنات اللي تغطي ع شحمة الاذن مو اللي كنه شعر صبي

الله يهدينا ويهديهم < هذا كله طبعا بلكلية الادبيه ماادري ع العلمية


واما السيارات براا هم معاج حق خصوصا وقت الا متحانات

نعاني من هشي سواء بدخله او الطلعه لو يحطون مصافط ابرك


تشكرات ع الطرح

[زمن الهجائب]

السلام عليكم ورحمة الله وبركاته حبيت اشارككم في هذا الموضوع
المشهدالاقرف وانتم بكارمة تعرفون البيارات (التصريف حق الموية الوسخة) الله لايوريكم دايما ينفتح الغطاء وتبدا تطلع مويه وسخة ومليان جراثيم والادهى والامر عند المصلى واقسم بالله الشجر متغذي على موية التصريف الموجود عنده منظر ولااروع او المبنى حق الرياضيات كيف الدرج متكسر او الابواب او السماعات اللي دايم يادكتور مانسمع او الشاشات المغبرة ماحد يمسحها واحيانا المايك خربان مانقدر نستفسر او نسال
او الازاعاج في القاعة اللي مفي وحدة من المشرفات تقدر تجي وتقعد وتاخذ حضور وكل ماقلنا اما مشغولات او تجي وتهاوش وتروح ماكانها سوت شي طيب نقول هن عندهن شغل والادرايات وش شغلتهن بعضهن يس جالسات كذا مايسون شي ليش مايراقبن او يمشن بين البنات ويبدون يمسكن البنات النخالفات او تفتيش عن جوالات الكاميرا والفترة الاخيرة صار ماحد يفتش اقسم بالله ان البنات معهن جوالات كاميرا ولا احد قالهن شي المفروض التفتيش يكون من عند الباب يجبون حارسات امن ويفتشن او المحاضرات اللي للساعة2او3 والله العظيم قهر محاضرة للساعه 2 والمشكلة مادة مشتركة او حتى الحملات والمحاضرات اللي يسونها المصلى هل فيه قاعه حفلات اومنصة علشان يسون فيها حملاتهم الدينية وغيرها من العجب :Cry111:وسلامتكم