لجميع البنات بالجامعه افيدونا بخبرتكم [الأرشيف] - ملتقى طلاب وطالبات جامعة الملك فيصل,جامعة الدمام

نوره ~

2010- 6- 21, 07:47 PM

مسساء الخير ..’

فيني افيدتس لو شوي
أبقولتس أي مآده تعتمد على الدكتور أو الدكتوره
يعني مهمآ كآنت صعبه
لان في بعض المواد صعبه وكتااابها وش كبره
ويجيتس الدكتور يحدد موآضيع سهله أو يحدد لكم مثلا عشرة مواضيع ومن هالكلام
يعني يسهل لكم المآده ’’
وبعضهم مآدتهم سهله بسس يجي الدكتور أو الدكتوره أو الدكتوره يصعبو الاسئله أو يعقدونهآ

بسس لا بغيتي تسجلين موادتس بأي قسسم تأكدي من اللي يدرس أول شي
ولاتهمك المآده أو صعوبتهآ ..’
وادخلي اي قسسم لتس ميول فيه لان اذا دخلتي قسم ماتحبينه مستحيل تنجزين
أنآ قسسم تآريخ أول سنه كانت موآدي اصعب شي واغلبها تخصص
بس كل ماترتفعين سنه تقل موادتس وتصير اسهل ..’

وهذا انا بثالث والحمدلله احس يمكن أقل موآد واسهل شي صح انها موسهله مرره بس اسهل من
السنه الاولى بمليووون مره ..’

والله يوفقتس ويوفقكم يآآبنآت ..’

*جوريه*

2010- 6- 21, 07:47 PM

اهاا
طيب مشكوره يا لوست ،،،،ع المعلومات،،،، و الله يوفقك،،،،

نوره مشكوره،،،

مريم123

2010- 6- 21, 07:47 PM

انا نفسيتي انقلبت فوق تحت تحطمممممت ليه جامعه فااااااااشله
والله حراااااام
تخصصات مكتفيييين فيها ليه مخلينها تاريخ وجغرافيا ودراسات وعربي
يعني تحطيييييييم تحسفت اني كملت دراسه

ثلجه فوشية

2010- 6- 21, 07:55 PM

مشكوره ياقلبي ع الموضوع اللي بيفيدنا

جم ماده بتكون مع التخصص؟؟

شلون طريقه الدراسهـ؟
الحين جم رغبه نسجل؟

انا ودي بالانجليزي لأن اهوالقسم الوحيد اللي فيه فايده

فياليت اللي متخصصه انجليزي تكلمنا عنهـ
بكون شاكره لكم

celina

2010- 6- 21, 07:58 PM

شوفي حبيبتي بالأول بقولك شغله
الشي اللي تحبينه ادخليه وصديقيي بتمشين فيه يكفي انه برغبتك

ولاتسمعين كلام ولايأثر فيك احد لانو
كل بنت تختلف قدراتها وظروفها

انا مثلا دخلت قسم ~ جغرافيا ~
حدتني عدم وجود تخصصات صراحه مادخلته عن حب لأن ولا تخصص من تخصصاتهم عاجبني

وكان رغبتي الأولى والحمدلله راضيه وماشيه فيه

وانا من وجهة نظري انه اسهل قسم
مقارنه بالاقسام الثانيه لأننا ندرس مواد عامه
من كل الاقسام وطلعت عيوننا

لذلك بإختصار أول شي أختاري قسم تحبينه وتميلين له ~ ثاني شي شدي حيلك
وبتفلحين

لان كل قسم بالعالم لازم تتعبين عشان توصلين

/

اما استفسارك الثاني تقريبا كل الاقسام موادنا بالسمستر الواحد 9 يعني
مسموح تاخذين مكسيموم 9 مواد بالسمستر الواحد

علما بأنو المواد التخصصيه تقريبا 5
بس الله يقلع المواد العامه مسويه زحمه عالفاضي وتقريبا 4 مواد
‏~‏ انقلش . تاريخ . دراسات . عربي ~

ويمديك تحذفين وتضيفين بس في حد للساعات مايقل ولايزيد عنه

موفقه حبيبتي
وارجع اقولك لاتخلين احد يأثر فيك

مجنونتها

2010- 6- 21, 09:30 PM

مشكورين حبياااتــي على ردوكم وبنااات اللي من الاقسامم الثانيه ابي اسمع رايكم وخبرتكم وخصوصاا

بنات الانجلش انا ماشيه فيه بس المشـكله مااحبه بس هو احسن مافي الكليه اتمنى من بنات الانجلش يفيدوننا بخبرتهم ويعلموننا بكل شي عن هالقسم ..

حكايا الورد

2010- 6- 21, 09:46 PM

قسمي أنجلش .،
صحيــح متعب بس مع المذاكره والأراده كل شي يصير سهل .،
المواد اللغويه قرامر ،، مقال وفهم ،، صوتيات ومحادثه ،، ترجمة الخ ( سهلين وحلييــوين في حالة كـآن عندك لغة > لأن مافــي شي ينحفظ فيهم الا شوية فالأعتماد الأكثر على لغتك ) ..
المواد الأدبيه نثر ،، شعر ،، مسرح ،، تاريخ الأدب .....الخ ..
ايضاً أذا كانت عندك لغة قوية مابتعمدي على الحفظ بس > أصلاً مايمدي تحفظي كل شي أنا صرت أعتمد أكثر على الفهم وألف بعدها على كيفي هع :119:
أنــآ من دخلت القسم للحين مره وحده بس أخذت تفاريغ من مدرسات خصوصيات وماعجبني لما كنت في سنة اولى .. بس الحين أكتب مع المُحاضر أول باول وبعدين أضيف كلام من عندي أو من النت وأذاكره والحمد لله بعدها أطلع بمعدل كويس :)
أخيرررررراً لاشك فيه ان القسم صعب صعب :cheese: .. بس الي يبي الشي يقدر يحــصلــه ..،
>>>> كلامي إيجــآبي لاني دخلت القسم برغبتي الأولـــــــى :cheese:
وبالنسبه للمـــواد ..
تقريباً في كل سمستر 10 مواد ماعدا سنه رابعه " اتوقع " 11 مادة ..
وتــــرى سمعت من كذا وحده أن يمكن السنه الجــآيه يحولون القسم الى لغة .. والتركيز بيكون ع اللغة أكثر من الأدب >> ياحظكم أذا صحيح :cheese:
والمواد اختياريه تقدري تـآخذي المواد الي تريحك > أنـــآ أخذ بس 7 من 10 :119:
بالتـــــوفيق .،

مجنونتها

2010- 6- 21, 09:50 PM

مشكوره حبيبتي بس علمني موادكم كثيره والا قليله وبالنسبه للمواد اجباريه او اختياره .. ابي اعرف !!

حكايا الورد

2010- 6- 21, 09:55 PM

>>> عدلت على ردي :)

حلمي كبير

2010- 6- 21, 09:59 PM

طبعا انتوا عارفين ان النظام راح يتغير والمواد برضوا راح تتغير طبعا انا اتكلم عن قسمي

يعني بعض المواد الأدبية اتوقع بيلغونها أو مادري شنهو بالضبط بيسسون

فـ علشان كذا انا ما اقدر افيدكم بهالنقطة

بس كل اللي اقدر اقوله ان قسم الأنجليزي ممتع جدا جدا

واذا كنتي ناوية تدخلين انقلش لازم تشدين حيلك وتحسنيين لغتك

بالعكس انا مو شايفته صعب ..

صحيح ضغط ولازم تكونين متابعة أول بأول .. ويبيله شدة حيل بس ابدا مو صعب

وان شالله باقي البنات يفيدوكم

الراحة بالجنة

2010- 6- 21, 10:01 PM

انا انجليزي ..
صحيح انه متعب ويزهق بعض الأحيان إلا اني أحس انه أحسن من تاريخ وجغرافيا >>>>>>> معليش يعني
لأنو اهو القسم والدراسات بعد الي بتطلعين منه بفايدة بإذن الله .....
انتي استخيري قبل كل شيء وربي بيحطك في الي يسر بالك ان شاء الله ...
بس اذا كان في اقسام ثانية جديدة شوفيها لأنو سمعت ان يمكن يكون في تربية خاصة فإذا كين صحيح انصحك حالا تسجلين فيه
وبالتوفيق ياربي لكم جميعاً ...

ThE lEgEnD

2010- 6- 21, 10:04 PM

مااقدر اقولك شي انا انجليزي بس كل ابو الدكاتره يقولون ان طريقهالتدريس بتختلف
بيصيرون يركزون ع اللغه للي عند البنات ويحطون الادب ع جنب>>يعني بتدرسون ادب
بس مو زينا مكثف الله يستر
الصراحه مو عارفه كيف النظام ولا ايش الطبخه الانجليزي من وجهه نظري وناسه اذا انتي شطوره حتمشي فيه بازن الله وتوكلي
وكل وحده تدخل انجليش تقوللي @__@

امل المستقبل

2010- 6- 21, 10:08 PM

احسن واسهل قسم الدرسات الأسلامية هذا رأيي
واااضح في الشرح في التخطيط في الدروس بدون تعقيد كفاية ان الدكاترة معنااا ومو مقصرين الله يجزاهم خير

luly

2010- 6- 21, 10:15 PM

انا دخلت انجليزي مع انوه كان اخر رغبه لي وكنت علمي>>>ياحياااتي يا انا انكرفت في الثنوي وكمان في الكليه

بس منجد حبيت القسم
ولويرجعوون لي الخياار ما ادخل الا هووو
بالنسبه لطاااقم التدرس مرررررررره عسووووولين الا كم وحداااااات
صحيح انوه صعب بس ممتع
بس احمدوااا بركم سمعنا انهم بيحذفوووون لكم اصعب ماااديه كاننت عندنا هالسنه
طبعاااا عدد المووواد احنا وبدووون منااازع مووووووادنا اكثر من كل الاقسااام
عشر مواااد من اول لين ثالث وراابع 11 مااده
ويكفينا شهااادة صلاااااح انو كوووووووووولنا ح نبئا مووزيعااات

بس ترااا كل هذا بيتغير يعني لاتمشووون على كلااامنا

وقوووووووووووووود لك للجميع

soso...

2010- 6- 21, 10:42 PM

طيب قسسم الانجليزي ضروري تكون لغتك 100 % ؟؟؟
انا عندي لغة الحمداللهَ بسس مو ذيك اللغه القويه تنصحوني ولالا

اخت فجر

2010- 6- 21, 11:12 PM

انا من قسم الانجليزي واحب اقولكم صحيح ان القسم حلو وله مستقبل لكن لا تدخلينه الا ومعاك لغه صح ولازم تستعدين لمذاكرات والواجبات وووو
صراحه القسم متعب بشكل انا كنت افكر احول اي قسم ثاني....
القسم يبغاله وحده بس تذاكر وانا مو من هالنوع وتعبت من كثر حمل المواد لكن الله يسهل لكم

ILMMSFM

2010- 6- 21, 11:20 PM

انا قسم انجليزي سنه ثانيه
القسم صعب بس ممتع فوق ما تتصورين...
المواد كل سنه تصعب عن اللي قبلها
و ضروووووووووري ضروري جدا جدا انك تكونين مركزة مع الدكتورة 100% كل المحاضرات و طول ما انتي عندك القدرة انك تحظرين المحاضرات تكونين موجودة لان النجاح يعتمد على فهمك انتي,,و على كتابتك مع الدكتورة....يعني سالفة اسحبي على المحاضره و ارجعي البيت هذي انسيها و شيليها من بالك تماما...

بالنسبه للدكتورات..كلهم حليوات و يهبلون..ناس راقيه و تعامل جميل..الا عدد قليل ينعد على اصابع اليد..و حتى هذول.. الطالبه تقدر تمشي امورها معاهم اذا كانت سياسية و تتعامل معاهم بلسان معسول و ابتسامه

المواد كثيره و ممكن تي ايام يجيك فيها احباط وتحسين نفسك مو ملحقه مع الهوموركات و البريزينتشنز بس ارجع اقول انها ممتعه بالرغم من صعوبتها و كثييير تصقل شخصية الطالبه

انا عن نفسي صارلي سنتين ادرس هالقسم و احس نفسي تغيرت كثيييير

اذا حابه القسم..و ناوية تشدين حيلك هال4 سنوات الجايه شدة شددددة ادخليه من دون اي تردد لان جدا مطلوب في ميدان العمل.
و على حسب كلام الدكتورات ان المواد بتتغير و السستم كله بيتغير على سنتكم فانشاء الله يكونون متعاونات معاكم نظرا للتغيرات اللي هم بيمرون فيها

لو انا...وما عندي لغه..و اعرف اني راح اشد حيلي بدخل القسم واحاول بكل قوة اتيحت لي اني احسن من نفسي لان اذا بأكتسب لغه راح تغير كل حياتي حتى في طريقة تربيتي لاطفالي المستقبليين

استخيري ربك و ان شاء الله يختار لك الخيره الطيبه
الله يوفقك
اطيب تمنياتي

ثلجه فوشية

2010- 6- 21, 11:22 PM

مشكورين حبايبي

مااقدر ادخلهـ لانه في ماده مو مسجله معاي

قررت ان شاء الله عربي

ياليت اللي متخصص عربي يقول لي
المواد طريقه الدراسهـ وكل شي؟

بنات باجر ان شاء الله الساعه جم بيفتح التسجيل الصبح؟

sOo

2010- 6- 22, 12:41 AM

انا قسم عربي واحسه ممتع جداً
ولا تعبت فيه ابد ،،، مع اني العب واجد ومو وجه مذاكره احس الدكاتره متعاونين
والطالبات بعد ،،، وماعندنا حفظ للألفيه :cheese: هذا اهم شي
انا مستغربه مااحد تكلم عن العربي للحين ،، وينكم يابنات :t1:

أحلى دلوووعه..

2010- 6- 22, 12:54 AM

انا تخصص للغه عربيه..
اللغه العربيه يبغاله حفظ وفهم بنفس الوقت ..
بصراحه في بعض المواد مره صعبه..
والله يسهل للجميع...

ثلجه فوشية

2010- 6- 22, 01:40 AM

مشكورين حبايبي:)

الباجي وينكم اللي متخصص لغه عربي يدخل ويقولي بليــــــــــــز

شكشوكة

2010- 6- 22, 02:11 AM

طيب انا عندي الأسئلة .. الأولى موجهة لـ بنات ( الانجليزي ) :

س / مين فيكم جازفت ودخلت القسم وهي ميح في الأنجليزي ومستواها مو عالي مرة ؟ :000:

س / هل كل المواد اللي تدرسونها أدب انجليزي ؟ وايش الاكثر ؟ المواد العامة ولا الأدب ؟

س / تحسون انكم اثريتوا مخزون اللغة من بعد ما تخصصتوا ب هالقسم ؟

س / ايش مستقبل ه>ا القسم ؟ وهل هو مرغوب اكثر من غيره ؟ ايش مجالات العمل فيه ؟

الأسئلة الثانية موجهة لـ بنات ( الجغرافيا ) :

س / هل قسم الجغرافيا فيها شيء من المتعة ولا ممل ؟

س / كيف مستوى السهولة والصعوبة فيه ؟

س / اعطوني ب شكل عام الاشياء اللي تعتبر اساس هالقسم .. يعين الاشياء المدروسة ب شكل عام ؟

س / كيف تعامل اعضاء هيئة التدريس معاكم ؟

ولو عندكم معلومات زود سواء انجليزي او جغرافيا .. أفيدوني :Cry111:

لاتغرك ضحكتي

2010- 6- 22, 04:44 AM

:mh19::mh19:طيب انا عندي الأسئلة .. الأولى موجهة لـ بنات ( الانجليزي ) :

س / مين فيكم جازفت ودخلت القسم وهي ميح في الأنجليزي ومستواها مو عالي مرة ؟ :000:

س / هل كل المواد اللي تدرسونها أدب انجليزي ؟ وايش الاكثر ؟ المواد العامة ولا الأدب ؟

س / تحسون انكم اثريتوا مخزون اللغة من بعد ما تخصصتوا ب هالقسم ؟

س / ايش مستقبل ه>ا القسم ؟ وهل هو مرغوب اكثر من غيره ؟ ايش مجالات العمل فيه ؟

لـــــي بـآآآآآآآآآآآآآآآآك وبقــــووووووووة

بس بعد الاختبار :cheese:

ادعوووووولي اليوم آآآآآآآآخر يوم :mh001:

ثلجه فوشية

2010- 6- 22, 04:47 AM

موفقه حبيبتي

يالله بنات العربي

قولو لنا عن القسم

صمتكـ ذبحني ـ

2010- 6- 22, 07:52 AM

طيب انا عندي الأسئلة .. الأولى موجهة لـ بنات ( الانجليزي ) :

انآ كنت سآبقا من طالبات الانقلش بس حولت
أسمحيلي اقط وجهي و أجآآآآوب :cheese:
صرآآآحه هو يبي له شدة حيل و تركيز وتشتغلين ع نفسك
اول بآول وتخلي همتك فوووق
لانو زي ماقالت وحدا من البنات رااااح يجيك احبآط وماتحسين نفسك ملحقه
بس تعوذي من ابليس و كملي خخخ
لا تسوين مثلي لوووووول
بس صرااااحه ممتع وكتيررررر مفيد خاصه اللغه عندك كل مالها راااح
تتطور وتتحسن كمان البنات كتيييير متعاونآآآآآآآت والاساتذه والله عسسسسل وناس راقيه جد جد مو مع احترآآآآمي الدراسآآآت اتعب وانا اقووول مااااش اخلاق
الا من رحم ربي <<- مدررري ليه صراحه :000:

س / مين فيكم جازفت ودخلت القسم وهي ميح في الأنجليزي ومستواها مو عالي مرة ؟ :000:

انآ يعني مو ميح شطآرتي بالورق خخخ واللغه مو مآآرا لك عليها

س / هل كل المواد اللي تدرسونها أدب انجليزي ؟ وايش الاكثر ؟ المواد العامة ولا الأدب ؟

الموآد الادبيه اللي هي شعر + نثر + درآآمآآ
والباقي صوتيات و ترجمه و مهآرات , مقآل , قرآمر , مآدتين عآمه دين وعربي

س / تحسون انكم اثريتوا مخزون اللغة من بعد ما تخصصتوا ب هالقسم ؟

صرآآآآحه ايه وبقوووه بعد مع اني ما طولت خخخ بس والله استفدت
وقسم ممتع صراحه:love080:

س / ايش مستقبل ه>ا القسم ؟ وهل هو مرغوب اكثر من غيره ؟ ايش مجالات العمل فيه ؟

لوووول مدررري بس اكييييد كل الوظائف تتطلب يكون معك
لغه و يساعدك كثير بحيآتك ,,

حبيت افييييييد حد بتجربتي لان هالقسم جد حبيته
بس انحشت من الكررررف خخخ وحبيت كمان اوفيه حقه
لانه جد حسن لغتي ولا ابي انسى
تعآملهم الحلووو <<- بعد قسمي قدررت
قيمتهم صح ,,,:s11:

صمتكـ ذبحني ـ

2010- 6- 22, 08:04 AM

صحيح وبغيت اقوووول ترآآآ كل الاقسآآآم نفس بعض مآفي هذا سهل و هذا صعب
الانقلش ممكن بس عشان اللغه والا العربي نفس الدراسات والدراسات نفس التاريخ
صحيح في تفاوت بس مو عظيم ,,,, كلها يبي لها شدة حيل ولا تنسين ان
السالفه تعتمد ع الدكتور هو اللي يسهل او يصعب الماده بشرحه بتحديده بأسألته ,,,,
وادخلي قسم انتي راضيه فيه عشان ترتاحين وازاا ما حصل ودخلتي قسم ما تبينه
شدي حيلك وحاولي تحبينه لا تضيعين وقتك بالهم والغم << ررح تتعبين نفسك
واعصابك ع الفاضي وماا رااااح تستفيدين شي ...
انتي الخسرانه بالنهايه ..

بالتووووفيق للجميع وان شاء تدخلون الاقسام اللي تبونها يآآرب ,,,:love080:
و ادعووولي بالتوووفيق :praying:

سويت [ أيودي ]

2010- 6- 22, 09:26 AM

يعني يا بنات اقدر اتخصص و انا ماخلصت كل المواد ؟؟؟
عندي نحو تطبيقي الاول والثاني و نفس الشي الانكليزي و الحاسب ..

ثلجه فوشية

2010- 6- 22, 09:52 AM

والله ماادري

تعبني غيابك

2010- 6- 22, 10:12 AM

بنااااااااااااات محتاره بين عربي ودارسااات

امانه افيدوني

مجنونتها

2010- 6- 22, 10:17 AM

بنـــأأأتــ التـــاريــخ والدراســات وينــكم ماسمعنا نصايــحـكم ؟؟

عسولة الشرقية

2010- 6- 22, 10:33 AM

انا طالبه لغه انجليزيه

بالنسبه لاسئلتكم

المواد 10 بس تقدرين اتقللينها الى 5 او 6

بس طبعا كل ما قللتي كل ما طالت المده الي تدرسين فيها

هل يتطلب يكون عندك لغه؟

اذا تقدرين اتطقطين عمرك في اللغه فانتي مؤهله انك تدخلين

بتنصدمين صحيح بدرجاتك (لان لغتك حلوة مره) لكن ترم ولا ترم بيتحسن الموضوع لسببين

اولا ان لغتك بتتطور وبسرعه ثانيا لانه انتي ماخذه درجات مش حالك بالبدايه بتصير عندك رغبه

انك اتكافحين اكثر خصوصا مع اللغه الي بتكتسبينها والبنات حولك ياخذون درجات وانتي لا

صدقيني بتشتغلين على عمرك

اوكي نقطه ثانيه سالتوا عنها الي هي عدد المواد الادبيه

بالنسبه لنا (احتمال تتغير لكم)

اول سنه 3 مواد ادبيه

ثاني سنه 4 مواد ادبيه

سنه ثالث اتوقع 6 الزبده انها كل سنه اتزيد اشوي

المواد الثانيه قرمر وصوتيات تاخذينهم اول سنتين حبوبات هالمادتين

عندك مقال وفهم هذي ماده وطبعا تاخذين ترجمه

المواد العامه مادتين حضاره وعربي

وعلى فكره ترا المواد جدا جدا جدا ممتعه

القرمر الي هو القواعد بيجيك نفس القاعدات كوبي بيست اللهم لكمن سؤال من التمارين

الصوتيات اصلا بيعطونك ملزمه تحفظينها وتجين تختبرين

المقال والفهم عباره عن مادتين في ماده اشلون يعني؟

المقال بالبدايه بيعلمونك اشلون اتكونين جمله وبعد ما تتدربين

بتتعلمين اشلون اتكونين جمل وبعدها اشلون تشبكينهم مع بعض على شكل بارجراف (قطعه صغيره من 4 جمل)

وعلى نهايه سنه ثانيه بيعلمونك اشلون تكتبين 3 او 4 بارجرافات ورا بعض

بس ماراح اتطبقينها بالامتحان هذي بس اساسيات بسنه ثالث بيدربونك اكثر و باتطبقين كل شي

بالنسبه للفهم هذي قطعه وعليها اسئله زي الي تجي بالثانوي

الترجمه بيجيك نفس الي تدرسينه من الكتاب

جمل واترجمينهم وبتجيك جمل خارجيه او بعض الاحيان بارجراف بس يكون بمستوى الطالبه

المواد الادبيه بالاول باتضيعين فيها

لكن مع الوقت بتعرفين اشلون تفهمينها واتحلينها وفوق كذا تستمتعين فيها

خاصه انه اغلبها عن الحب ومغامرات الحب واشياء زي هيك

اذكر السمستر الاول كانت قصايد الشعر كلها عن الحب

كل قصيده تشوفين شاعر او شاعره يقولك مأساته او مغازله خخخخخ

يعني انا ما حسيت بهالنعمه الا قبل كمن يوم كانت قاعده جنبي وحده من دراسات مدري عربي

وياحياتي ماسكه كتاب وش كبره وكله خطوط وشخابيط بالرصاص وتخطط وتحط دواير من قلب

وانا اسال صديقتي ""نريسيا"" ايش اسم حبيبها نسيته؟

خخخخخخ<-------------- روقان

بس مو معناته ان القسم سهل

لا القسم يبيلك تكونين شاده حيلك من اول محاضره لك في التخصص

الى اخر محاضره لك قبل لا تتخرجين من الكليه

لانه زي ما شفتوا كل ماده تعتمد على الي قبلها

المقال مثلا يعلمونك اشلون تكتبين جمله وبعدها جمل وبعدها بارجراف وبعدها مقال كامل

كل هذولي تتعلمينهم على مر سنين مو بسنه وحده او ترم واحد

لازم تكونين منتبهه 24 ساعه

كل ماده تعتمد على الي درستيه قبل + ان المواد الثانيه تعتمد عليها

يعني المسرح والشعر والنثر اشلون تحلينهم ؟

تحلينهم بمقال متكااااااااامل

طيب المقال المتكامل اشلون عرفتيه؟

من الدروس الي لازم تكونين منتبهه فيها

فبس هذا الشي الصعب الي فيه

الانتباه وانك تكونين مفتحه 24 ساعه

وصحيح ان الدكاتره والطالبات عسل بس انتي لازم تشتغلين وتعتمدين على نفسك

علشان تقدرين اتسلكين لعمرك بالاختبار

ادري طولت بس حبيت افيدكم بالي عندي

واي وحده عندها استفسار اانا حاضره

ThE lEgEnD

2010- 6- 22, 10:51 AM

الله عسووولهـ انتي تهبلين >>قعدت اقرا كلامك سطر سطر ماشاء الله كفيتي ووفيتي
الله يحفظكــ

@__@

عسولة الشرقية

2010- 6- 22, 10:57 AM

يسلمووووو ليجيند

اخجلتي تواضعي

كتكوته لزوزه

2010- 6- 22, 11:06 AM

كل شئ بالدوونيا صعب

بس الي بتكافح وتبذل كل جهدها في كسسر خشووم المغرورين والحقودين

راح تووصل للقمه وبششرف

انا دراسات خيتوو

مابقوولك مو صعب الا بس اللي تحس بلذة العلم ماراح تحس ببالصعووبه كلها

راح تتمتعين وانتي تدسيينه خاصتا انه دين ورووعه

وبالنسبه للمواد ايه ياقلبي عااتي تاخذين الي يرريحك

وموفقيين ياااااارب

سويت [ أيودي ]

2010- 6- 22, 11:18 AM

;1146492']يعني يا بنات اقدر اتخصص و انا ماخلصت كل المواد ؟؟؟
عندي نحو تطبيقي الاول والثاني و نفس الشي الانكليزي و الحاسب ..

بنات بليز محد رد علي ..
هذي المواد انا ما اخذتها ..
يعني اقدر اخذها و اتخصص بنفس الوقت ؟؟
بليز والله اني مرررررره محتااااره الله يوفقكم بنات ؟؟

*جوريه*

2010- 6- 22, 11:20 AM

طيب يا عسولة الشرقية،،،
حتى بنات الانجليزي دايم اشوف عندهم كتب مره كبيره و ثقيله،،،و بصراحة تخوفني مره لما اشوفها
حتى لما اشوفها عند وحده ودي اسألها حق ايش،،،و اي ماده،،،،

*جوريه*

2010- 6- 22, 11:26 AM

اهلين سويت ايودي،،،

شوفي ماتقدرين تتخصصين لا بالعربي و لا بالانجليزي،،،
لأنك حامله مواد متعلقه بالهتخصصات،،،

أستبرق

2010- 6- 22, 12:32 PM

انا عربي سنهـ ثانيهـ الحمداللهـ ماشيهـ
كـــــل قسمـ فيهـ صعوبهـ
وقسم عربي يتراواح ما بين السهوله والصعوبه وهالصعوبه تقدري تتغلبي عليها بالمذاكره
القسم الصراحه حلو بذات اذا كنتي تمشي فيه وعندك ميول
وبنسبه الى المواد لما اطلعت على الخطه الجديده شفت خففوا عليكم في مواد واجد تخيلوا كنا ندرس 23 ساعهـ واحين بتدرسوا 18 ساعه على ما اعتقد
يعني فرق هذا الشي بحد ذاته بساعدكم تمشوا في القسم وتبدعوا كمان لان خففوا ضغط المواد
فالي حابه القسم تدخله وتتوكل على الله
موفقين جميعا

رنومه..

2010- 6- 22, 01:31 PM

والله عسووله فدييتك بنت قسمنآ كفيتي ووفيتيي ..يوم جيت بقول شي مآآلقييت ..الله يعطيك العآآفيه يآآرب...

امم احب أقول شي من تجربتي الشخصيه ..أنآ ولآ مره بحيآتي فكرة أدخل انجلش كنت احسه اعقد مآده بالحيآآه ليين 3 ثآنوي وأنآ علمي مآكنت أفكر أدخله بس اني حطيته رغبه ثآلثه يوم جيت اسجل وربي يسر لي انو ادخله ..امممم الزبده أنو أنآ مآآكنت مره بالأنجليزي ألآ أفهم بس مو كل شي وأي شي ..تعطيني منهج مثل الثآنوي أووكي بمشي بس شي خآآرج المنهج تفحيييط...
والحمدالله من السمستر الثآني من سنه أولى وأنآ ملآحظه التغير ألي قآعد يصير لي صرت أفهم أكثر قراءتي تحسنت كتآبتي كل شي صآر للأفضل ..يعني مآيحتآج عشآن تدخلين تكونين توب بالانجلش بس الافضل انو تآخذين دوره او شي زي هييك عشآآن ميضيق صدرك من البدآآيه...

امممم وبالنسبه للموآآد الأدبيه أنآ إلى يوومك هذآآ متعقده من الشعر اكرهه بشكل كل محآضره أحضرهآ من ورآ خشمي وكم مره ارجع البيت فيني الصيحه واحسني ابي اطلع من القسم وكم مره هددت نفسي <<حلووه<<انو بطلع من القسم..بس والله احب المسرح والنثر مره حلوااات ومسليااات وبعد عندك الصوتياات والترجمه وبآقي الموآد العآآمه مره حلوآآت يونسوون....<<<كل هذآ ومآآلقيت شي أقوله..:hahahahahah:

ومن جد أنآ شفت معآنآت الاقسآم الثآنيه وهم يدرسوون كل وحده تدوور بكتآب كبر رآآسي..

عسووله تصدقيين حتى أنآآ دآآيم انسى حبيب نيريسآ وكل شوي أسأل "الرآحه بالجنه" شسم حبيب نيريسآ!!!..

السنة التعجيزية

2010- 6- 22, 01:47 PM

الله يجزاكم خير يابنات افدتونا صراحه خاصه بنات الانجليزي

بس ما قلتوا لنا .. من طلع حبيب نيريسا ؟؟ :hahahahahah:<< سلكوا سلكوا ترى كله من تأثير الكلية هع

تـوتي فروتي

2010- 6- 22, 01:58 PM

بنات اي احسن تاريخ والا جغرافيا؟؟

GHADAH

2010- 6- 22, 01:58 PM

*جوريه*

2010- 6- 22, 02:10 PM

محيرتهم

2010- 6- 22, 02:42 PM

بنات اي احسن تاريخ والا جغرافيا؟؟

شوفي حبيبتي
أنا من وجة نظري أشووف الجغرافبا لأن يجمع كل شي يعني مواد التخصص ومواد أقتصاد وفيه أحصاء وحساب شوي
بس مرره حلو يعني ماتزهقين مو كله موضوع واحد بس يبيله مذاكره زيه زي باقي الأقسام والمواد
بس لازم تكونين تحبينه عشان تنجحين فيه
وبالنهايه هذا قرارك
والتووفييق..

رنومه..

2010- 6- 22, 02:59 PM

بنات اي احسن تاريخ والا جغرافيا؟؟

حتى أنآ أقترح عليك جغرآفيآ مع اني مآجربت أي وآحد فيهم ..بس أذكر من درآستي أول أنو جغرآفيآ أحسن أحس الجغرآفيآ فيه شوي فهم يعني إذا هنق رآسك ومآقدرتي تحفظين تقدرين تفهمين ..

اممم التآآريخ أنآ صرآحه مآهضمه خويتي فييه مره متعبهآآ ...اسم الموآد بس يخووف..

<<<واسمعي بعد كلآم بنآت جغرآفيآ وتآريخ شيقوولوون..
وربي يوفقك حبيبتي..:119:

بنآآت عآد طمنونآآ عليكم إذآ اخترتو القسم:119:

GHADAH

2010- 6- 22, 03:05 PM

غاده شكرا ع نصايحك،،،
بس انا عندي وجهة نظر،،و الأغلب اتوقع انه يأيدها،،
اللي هي "اذا حبيت الشي ببدع فيييييه"...

و أكثر بنات الانجليزي يقولون ان الخطه بتتغير،،،، بيخففون مواد الادب و بيركزون لنا ع اللغة أكثر،،،

حبيبي جورية احترم رغبتك وحماسك بالدراسة بس المثل يقول اسأل مجرب ولاتسال طبيب وانا قلت هالشيء من واقع تجربتي وكل بناات الانجلش يقولون نفس كلامي . فية فرق بين احب وبين اعرف . عرفتي يعني مثلا وانا صغييرة :كنت اقول ابي اصير دكتورة وهذا كان حلمي بالطفولة بس يوم كبرت وفهمت عرفت ان الطب تخصص جدا صعب مطلوب لغة + رياضيات+ كيمياء + فيزياء+ احياء + قوة قلب + مثااابرة لذلك تراجعت عن حلمي لانة مايتوافق مع قدرااتي عرفتي . وبالنهاية انا حبيت انصح لاني مجربة هالشيء وانا اتكلم عن واااقع تجربة مو مجرد كلام من دون ماتكون عندي خلفية عن هالشيء : صعب جدا الواحد يتكلم عن شيء مايعرفة او حتى جربة .
وبالنهااااية حبيبتي تقبلي كلامي بكل اريحية لان الاختلاف بالرأي لايفسد للود قضية واتمنى تدخلين التخصص اللي تحبينة وتبدعين فية
موفقة حبيبتي

*جوريه*

2010- 6- 22, 03:16 PM

مرحباااااا غاده،،،

مشكوووره مره ثانيه،، ع النصايح،،،
و أكيييييد أحترم رأيك،،، و أتقبله،،،
و بالذات انه من واقع تجربة شخصية،،، و صدقتي بالمثل<<<جدي الله يذكره بالخير ينصحنا فيه دايم،،،

و ان شاء الله ادخل التخصص اللي ابيه،،،

و الله يوفقك يارب في تخصصك،،

لاتغرك ضحكتي

2010- 6- 22, 04:06 PM

مممم :c8:
>> فيس حده متفشل جيت متأخره :c8:

اول شي انا قسم انقلش سنه ثانيه ..
بس ما شاء الله البنات اللي دخلوا كفوا ووفوا..
بس عندي كم كلمه ابي اقولها ..

اول شي ثقي تماما انو مافي شي اسمه (سهل)
ومافي شي اسمه (يخوف او صعب) .. :no2:

أئيد كل البنات اللي ردوا قبلي
ان مستوى الصعوبه تحدده عدة عوامل ..
وهالعوامل بعد هي اللي المفروض تحطينها قدام عيونك قبل لاتختارين التخصص:
اولها اهليتك لهذا التخصص .. بمعنى قدرتك ومهاراتك فيه ..
وثانيها .. حبك وميولك واستعدادك لمواجهة اي صعوبات .. :g8:

نجي الحين نتكلم عن الاشياء اللي المفروض تسوينها لما تتخصصين
بغض النظر عن التخصص اللي راح تختارينه .. :119:

- وسعي مداركك واطلعي على كل شي يختص بتخصصك ..
لاتعتمدين عالكتب الدراسية لانها بتخليك (محدودة الافق) ومعلوماتك سطحية ..
- الاهتمام ثم الاهتمام ثم الاهتمام ..
لا تظنين ان في احد يقدر يساعدك اذا ما ساعدتي نفسك بنفسك ..
وعلى قول المثل " ما يحك جلدك مثل ظفرك " :cheese:
- حاولي تبنين علاقه جيدة مع اساتذتك ..
ما اقولك نافقيهم وتمصلحي معاهم .. لا
اللي اقصده انك تحترمينهم وتبدين اهتمامك
وتحاولين تثبتين وجودك من خلال المشاركة وطرح الاسئله ..
- حاولي تذاكرين اول باول ..
ماراح اقولك كل محاضرة بمحاضرتها ..
انا عني بصراحه ما اسويها :s11:
بس عالاقل وخاصة اذا كانت المادة دسمه وتعتمد عالحفظ
انك تذاكرين كل فصل بعد ماتنتهون من دراسته ..
انا توي اكتشف غبائي اني ما اتبعت هالطريقه في مادة تاريخ الادب :000:
بس ان شاء الله راح اتبعها السنه الجاية :g20:

نجي للنصايح للي تبي تتخصص انقلش :119:
وحيا الله كل وحده ناوية تدخل هالقسم نتشرف فيكم :mh001:
واي مساعده حاضرين ومن عيوننا :love080:

- نمي لغتك من الحين في الاجازة ..
اذا انك اورّيدي اساسياتك اوووكي متأسسه صح ما انصحك بالدورات :no2:
ما احس انها راح تثري لغتك.. كل اللي راح تسويه انها تعلمك الاساسيات
تنمية اللغه مجهود شخصي .. ولاتعتبرينه مهمه لازم تنجزينها .. لا
السالفه كل مافيها انك لازم تغيرين بعض العادات ..
قولي شلوووووون ؟؟
انا اقول لك شلون :064:
مثلا اذا انك متعوده تتفرجين على افلام فاتن حمامه ورشدي اباظه :cheese:
غيري هالعاده الى مشاهدة الافلام الاجنبية :g8:
طبعا مو تسنترين قدام الشاشه تقرين الترجمه :no2: لا
استمعي ثم استمعي ثم استمعي لكلامهم
هذي اول خطوة لتعلم اللغه بشكل صحيح ..
غيرها عندك الراديو .. اتركي عنك ام ابي سي وبانوراما اف ام :cheese:
روحي حوسي عند الاذاعات الانجليزية ..
اسمعي رطنتهم :cheese: بمعنى كلامهم :cheese: ووووه بس يازينه :c8::love080:

الحين انتي سمعتي الكلام المضبوط وخزنتيه بمخك الجميل ..
الحين وش تسوين ؟؟؟؟؟
اقري ثم اقري ثم اقري ..
بدل روايات بنات الرياض وقلبي المكسور مدري المحطم مدري المشقق :cheese:
امسكي لك قصص اطفال انجليزية :g8:
لاتقولين ذي تستهبل ترى ما استهبل :no2:
كمبتدئه لازم انك تبدين بقصص الاطفال لا تشطحين على
روايات ديكنز وبعدين تقولين يااا للهول لا استطيع :103:
وبقولك تجربتي وللحين اسويها :064:
اي شي قدامي مكتوب بالانقلش اقراه
توقعي اي شي .. علبة عصير .. شيبس .. معجون .. كلوركس :t1:
ايييي شـــــــــــــي

بعد ما سمعتي وقريتي يا محفوظة السلامة وش تسوين ؟؟؟
تكلمي .. :s12: ايه تكلمي وش فيك ليه قلت انا شي غلط ؟؟؟
تعودي انك تتكلمين انقلش ولا تخافين من احد انه يظحك عليك او يعلق عليك
ماااعليك منهم والله من الحره والقهررررررررر
عادي لو اخطأتي الانسان ما يتعلم الا من اغلاطه ..
ونصيحه حلوة :119: ..
فكري بالانقلش :g8: الافكار اللي تدور براسك وانتي تكلمين نفسك خليها انقلش ..

بعدها ياوخيتي اكتبي :150:
لحظه لحظه وقفي ..لا تكتبين قصيدة :sdfgdsf::cheese:
اقصد اكتبي جمل .. اكتبي يومياتك .. اكتبي مشاعرك ..
فرحانه .. جوعانه .. بردانه .. متضايقه >> الله يبعد الضيقه عن الجميع :praying:

وبكذا انتي محد قدك :g20:
تسمعين .. تقرين .. تتكلمين .. تفكرين وتكتبين كلوووووو انقلش بانقلش :mh001:

وبتبدا الدراسه السنه الجاية ومع اول محاضرة ودك تقولين للاستاذه ..
يوووووه يا انتي قولي شي عدل هذا كله انا اعرفه :g11:

اتمنى ان هذرتي ما ازعجتكم :c8:
بس وربي اني ابي لكم الخير واتمنى انكم تحكمون عقلكم اولا ..
ثم قلبكم في اختيار التخصص :119:
وبالتوفييييييييق يارب واجازة سعيدة ان شاء الله :g8:

كيلو بترا

2010- 6- 22, 04:12 PM

واوووو اختي كلامج مره حلووو وعسسسسل وانا احب اتكلم انجلللش بس موكثيررر وبجد بحاول اطور وانمي

نفسي بهالصيفيه وش كنت بقولج فيه اختبار قبول والا لا ؟

ومشكوره على كلامج لاتغرك ضحكتي

السنة التعجيزية

2010- 6- 22, 04:13 PM

لاتغرك ضحكتي (http://www.ckfu.org/vb/17607.html)

الله يجزاك الجنه

لاتغرك ضحكتي

2010- 6- 22, 04:23 PM

واوووو اختي كلامج مره حلووو وعسسسسل وانا احب اتكلم انجلللش بس موكثيررر وبجد بحاول اطور وانمي

نفسي بهالصيفيه وش كنت بقولج فيه اختبار قبول والا لا ؟

ومشكوره على كلامج لاتغرك ضحكتي

تسلمين قلبو العسل انتي :love080:

اختبار قبول .. نوووووو مافيه .. :119:
شي حلو انو عندك رغبة في تنمية لغتك ... برافووووو عليك :g8:
وياليت تشتغلين على نفسك من الحين عشان نشوفك معانا السنه الجاية :119:

بالتووووووووووووووفيق :praying:

Gladiolus

2010- 6- 22, 04:29 PM

بنااات حمستوني

عالانجلش

لاني كانت مابيه لان مره صعب وسالت كذا بنت قالولي صحيح ممتع بس صعععععب

سالت بمجميع المراحل خخخخ

بس سؤالي الحين

من كم المعدل الي يدخلني لهالقسم؟؟؟؟؟؟؟

*جوريه*

2010- 6- 22, 04:43 PM

جلاديولاس
لكل الاقسام المعدل واحد،،،
انه ما يقل عن 2 و بس،،،

Gladiolus

2010- 6- 22, 04:44 PM

بس كيف

د. ازدهار قالت لي من جيد جدا وفوووق

؟؟؟؟؟؟؟؟؟؟

*جوريه*

2010- 6- 22, 04:49 PM

لا حوووووول ماعليك منها ما حطو في الشروط كل قسم له نسبه
النسبه موحده،،،اتركيها منك بس،،،اوووووووووف منهم يلعبون بالواحد لعب،،،

مجنونتها

2010- 6- 22, 04:52 PM

بنات اذا الانجلش جيد جدا اجل رحت مللللللح بسس الدكاتره كلامهم كثيررر

اهم شي المعدل فوق 2 ودام مافيه اختبار قبول وربي اني متفائله خير بهالقسم والله

يكتب اللي فيه الخيييير

Gladiolus

2010- 6- 22, 04:56 PM

ان شاء الله كلامكم صحيح ياااارب

بنت شمر ~

2010- 6- 22, 07:00 PM

يسعد لي مساْكم صبايآ ~

كيفكم وش سويتوا بالاختبارات

موفقين يارب ~

يلا الحمدلله عني انا " تارريخ " خلصت اليووم وعقبال اقسام الباقيه : )

اي شي تامرون عليه تفضلوا ~

انا ان شاءالله اقدر اخدمكم بقسمي فقط << ^_*

~

موفقين جميعآ ..

H O P E ~ !

2010- 6- 22, 07:26 PM

هم قالوا إنهم راااح يفاضلون

مثلا وحده معدلها 4 سجلت إنجليزي

وثانيه معدلها 2

مين يختارون بيختارون إلي معدلها 4

كذا قالت لنا دكتوره علياااء

وبعد حسب درجاتك في الماده =)

good luck :)

تعبني غيابك

2010- 6- 22, 07:34 PM

فكونا من الانجليزي الله يعطيكم العاافيه كااارهته من ريدنق ورايتنق

امممممم ممكن تتكلمو عن دراسات او عربي<<فيس مستحححححي مررره

Gladiolus

2010- 6- 22, 07:42 PM

لاااا

يامكتبات او انجليزي وبسسس >> بتصفقها :cheese:

والعربي محد يدخله الا الي يحبها بصدق

لانه مره مره صعب اصعب من الانجليزي والبنات يصيحون منه :000: >> هذا الي شفته

اذا تحبينه جد وحابه هالتخصص توكلي ع الله

sOo

2010- 6- 22, 11:50 PM

اقول ماعليكم من كلام جلاديولاس ادخلوا عربي تراه وناااااااااسه
بصراحه ماعمري شفت وحده في العربي مو مرتاحه

جلاديو اموت واعرف وش معنى اسمك هههههههههههههههههههه

عسولة الشرقية

2010- 6- 22, 11:54 PM

يابنااااااات ترى انا كنت قسم انجلش المسألة مو مساله حب لا هاذي لغة جديدة عليك 2 _ راح تدرسين ادب يعني اذا ماكانت لغتك ممتازة وتعرفين كثيير كلمااااات وعندك قدرة على التعبير والتاليييف لاتدخليين اذا ماعندك لغة لان صدقووني الادب الانجليزي ماله اي شيء محدد تحفظينة كلة من تعبيرك الخااااااص غييير مادة المقااال مالها موضوع معين بيجيبون لك موضوع من كيفهم وعبيييري عنة مايقل عن 15 سطر غير مادة الترجمة بعد بيجيك الامتحاااان خاارجي ولاله كتااب محدد . هاذي نصيحه مجرب الحب والميوول مالة دخل لازم تكون عندك لغة وخبرة ايش تستفيدين اذا قلتي تحبينة وانتي ماعندك اي خلفية عن اللغة ولاتعرفين تعبرين وتكتبين مقال ولا تقدرين تشرحين روااية كاملة من مفهومك .
هاذي بعض النصاايح من وحدة مجربة وبالتوفيق جميعاااااا .

امممممممم كنت قسم انجليزي يعني يا انك تخرجتي يا انك حولتي

فاذا انتي متخرجه الف الف مبروك :mh001:

اما اذا طلعتي فهذا يعني انه طريقتك بالتعامل مع الدراسه والكليه فيها خلل:mh19:

او انه صارتلك ظروف منشان هيك

انتي تقولين كل بنات القسم يقولون نفس كلامك

ياليت لو ترجعين بالصفحات الي ورا وتقرين كلام بنات القسم

اغلب البنات قايلين ان الدراسه ممتعه على الضغط الي فيها

والي ما عندها لغه لغتها مع القسم بتتطور

وهذا شي بنات كثير ملاحظينه

النقطه المهمه هي انك لازم اتابعين مع الدكاتره اول باول

وبالبدايه لازم تحفظين عن طريق الكتابه (اذا لغتك ميح) يعني تقعدين تكتبين الجمل وهيك

وصدقوني بنات بتمشون

هو صحيح مهم انه تكون عندك خلفيه باللغه

يعني مثلا what is your name? تعرفين معناها

لكن مو شرط تكونين قويه بالانجليزي لان القسم بيطورك ويعلمك

وماده المقال صحيح تكتبين مالا يقل عن 15 سطر لكن هذا بسنه ثالث

سنه اولى بيعلمونك اشلون تكتبين جمله

وسنه ثانيه اشلون تكتبين عده جمل وهكذا

يعني الدكاتره بيكونون معك اول باول

فيه نقطه قلتيها ان حب الانجليزي مو شرط للنجاح بالقسم

هذي النقطه صحيحه يعني اذا تحبين الماده ولا اشتغلتي وكرفتي بالمواد ماراح تفلحين

لان الكرف شرط اساسي بالنجاح لاي قسم كان

فلازم تكتبين مع الدكاتره اول باول وتحفظين واتراجعين

لكن حب القسم يعتبر شرط اساسي للابداااااع فيه وطبعا كل ما ابدعتي كل مارتفع معدلك

انا دخلت انجليزي وكانت الرغبه الثالثه مو الاولى (لاني علمي)

والحمد لله سلكت فيه لاني اتابع مع الدكاتره

والان على نهايه سنه ثانيه انا اعشق القسم

لسبب بسيط وهو اني صرت اعرف اشلون ادرس المواد (يعني مو ضايعه زي سنه اولى)

ـــــــــــــــــــــــــــــــ

في النهايه غاده هذي وجهه نظرك وانا احترمها

لكن لاحظي انك تتكلمين مع تحضيري

وبنات التحضيري ما سالوا عن الانجليزي الا وفئه منهم ميته تبي تدخله

فحلو انك لما تقولين وجهه نظرك اتركزين على السلبي والايجابي مو السلبي

يعني انتي تكلمتي عن الي ما عندهم لغه ماراح يمشون

بس ما قلتي ان القسم بيساعدهم على تطوير لغتهم وان بيعلمهم حبه حبه اشلون يترجمون

واشلون يكتبون مقال وهيك شغلات

هو صحيح ان 60 % الشغل على الطالبه

بس ال 40% الي من القسم مره مفيده يعني هم بيعطونك الاساسيات

وبعدين الطالبه المفروض تروح وتتدرب هي على اشياء من نفسها وبلحالها

يعني يا بنات لما يعلمونكم اشلون تكتبون جمل روحوا واكتبوا جمل بالبيت مو شرط تكون بالمنهج

وبيعلمونكم اشلون تستخدمون القاموس

فحلو انكم كل يوم اتطلعون 3 كلمات وتحفظونها

محد راح يجيكم ويقولون اقروا ولا اكتبوا ولا احفظوا هذا الشي لازم انتوا اتسونه بنفسكم

يعني بالعربي لازم تكرفين علشان تنجحين

بليز الكلام لك ولغيرك وسواء من قسم الانجليزي ولا من الاقسام الثانيه

اذا عطيتوا تجربتكم عطوا القسم حقه ممكن تجربتكم تكون حلوة وممكن لا

وبكل الحالتين عطوا المعلومات وافيه

في النهايه ارجع اكرر واقول الكرف شرط اساسي بالنجاح

متى ماكرفتي ربي ماراح يضيع تعبك ان شاء الله

وسوري غاده اذا اعتبرتي كلامي هجوم على مشاركتك

كل الموضوع اني ما حبيت بنت من تحضيري كان من الممكن انها تدخل القسم وتبدع فيه

بس انها ترددت يوم شافت مشاركتك

حبيت اوضح جميع النقاط

وبعدين فيه فكره لبنات التحضيري مو عاجبتني انه اذا دخلتي القسم باتضيعين ولا تدرين وش اتسوين

بنات الدكاتره بيكونون معكم اول باول وبيعلمونكم كل شي هو صحيح انكم باتضيعون حبتين اشويات

بس صدقوني متى ما ركزتوا عدل بتمشون

وبالاخير اقول كل وحده تستخير قبل لا تدخل اي قسم

وموفقين:love080:

عسولة الشرقية

2010- 6- 22, 11:56 PM

طيب يا عسولة الشرقية،،،
حتى بنات الانجليزي دايم اشوف عندهم كتب مره كبيره و ثقيله،،،و بصراحة تخوفني مره لما اشوفها
حتى لما اشوفها عند وحده ودي اسألها حق ايش،،،و اي ماده،،،،

ما ندرسه كله يا قمر

يعني مثلا كتاب الشعر لسنه ثانيه فوق ال 3 الاف صفحه

ما ندرس منه الا ميه صفحه تقريبا

:119:

عسولة الشرقية

2010- 6- 22, 11:57 PM

الله يجزاكم خير يابنات افدتونا صراحه خاصه بنات الانجليزي

بس ما قلتوا لنا .. من طلع حبيب نيريسا ؟؟ :hahahahahah:<< سلكوا سلكوا ترى كله من تأثير الكلية هع

نسيت للمره المليون اسمه

بس ان ماخاب ظني

اسمه قراتيـــانو :g2:

*جوريه*

2010- 6- 23, 12:00 AM

ما ندرسه كله يا قمر

يعني مثلا كتاب الشعر لسنه ثانيه فوق ال 3 الاف صفحه

ما ندرس منه الا ميه صفحه تقريبا

:119:

اهاااااا،،،تسلميييييين
و الله طمنتيني،،،

بس تدرين اني اتكلم عن القسم و كني انقبلت فيييه،،
ترى النتايج ما بعد تطلع،،مدري وش عندي واثقه؟؟!!خخخخخ

عسولة الشرقية

2010- 6- 23, 12:13 AM

لا تغرك ضحكتي

وربي كلام عسل وصادق وبمحله

وانا الي كنت احسب نفسي كتبت كل شي عن القسم

بس ماشاء الله عليك دامك موجوده اكيد بتلقين شي تقولينه

بس وربي اتعب وانا اقول كلامك صحيح ورائع وبمحله

حتى انا استفدت منه

<------ باروح اقرا الكلام الانجليزي الي على الاكل لاني ماعمري سويتها خخخخخ

وعلى طاري الافلام

بوه طريقه ثانيه

اذكر على ايام الثانوي كانت استاذه الانجليزي اتقرينا قطع

فجأه قالتلي عسوله ايش اتسوين بالبيت ؟؟؟

قلتلها اشلون يعني ؟

قالت قرائتك متحسنه كثيـــــــــــــــــــــر عن الاسابيع الي راحوا

تبون تعرفون ايش سويت ؟؟؟

انزلوا بعد

تعرفون افلام الكرتون اليابانين (الاينيمي)

صراحه هاليابانين عليهم ابداع غير شكل حتى افلام الكرتون عندهم غير

الزبده اني كنت ماخذه فلم كرتون وطبعا الفلم فوق 18

يعني تحمست عليه واجد

المشكله كان بالياباني بس مترجم انجليزي

وانا توني ياحول بالثانوي بس فوق ال 18 واخليه !!!!!! استحاااااااااااااااااااله

اومير انا الي اشغله بالكمبيوتر وكل اشوي احط puse علشان اقرا

بالبدايه كلمه كلمه اقرا

بعد كم اسبوع نص سطر <----لاني بالثانوي لو بالجامعه سطر سطر

وهيك

بس طبعا انتوا خوذوا فلم كرتون مؤدب وحليل واسلامي <----- فلم كرتون ياباني اسلامي مدري وين بتلقونه ذا

وحاولوا تتفرجون عليه بالترجمه بس اهم شي تكون القصه حلوة

فيه طريقه ثانيه اسهل بكثـــــــــــــــير

الي هي اذا عندك افلام امريكيه دي في دي او انك اتحملين افلام من النت

شوفي الفلم الامريكي بس بترجمه امريكيه برضوا

صدقوني هذا بيحسن القراءة والكتابه (السبيلنق) بنفس الوقت ويصير تعلمكم اسرع واسرع

اي وازيدكم من الشعر بيت بعد

علشان تخقون على القسم زياده

ترا اغلب المواد الي ناخذها عليها افلام

يعني اذا مثلا اخذتي قصه بماده النثر روحي الله لا يهينك للنت وحملي الفلم حق القصه

بس يكون الفلم تابع لشركه BBC

لان هذي الشركه تعطيك الفلم زي ماهو مكتوب القصه او قريب حيل حيل

فمن حركات الصياعه الي انسويها بالقسم

انه ما نقرا الروايه ولا المسرحيه

نقرا ملخص عنها بالنت وانطالع الفلم واحنا ناكل بوبكورن <------ خوش مذاكره

موفقين بنات

ولا تغرك ضحكتي شكرا على الكلام الحلو مره ثانيه

عسولة الشرقية

2010- 6- 23, 12:17 AM

اهاااااا،،،تسلميييييين
و الله طمنتيني،،،

بس تدرين اني اتكلم عن القسم و كني انقبلت فيييه،،
ترى النتايج ما بعد تطلع،،مدري وش عندي واثقه؟؟!!خخخخخ

خخخخخخخخخخخخ عاتي عاتي عيشي الجو:cheese:

بس تدرين اسئلتك تفيد بنات غيرك برضوا

Gladiolus

2010- 6- 23, 12:37 AM

وااااااااااااااه ياعسووووله

وربي من ردودك العسل

تدخلين القلب

من جد مررره افدتيييينا

وكنت متردده اختار هالقسم

ودايم لختبروا بنات الانجليزي معاي اطل باوراقهم >> لقافه << بس ابغى اشوف كيف دراستهم
قصدي شريف خخخ

بس انتي حمستيني عليه ربي ويسعدك ويوفقك يعااافيك ويجعله في ميزان حسناتكـ يارب

ثلجه فوشية

2010- 6- 23, 12:38 AM

بنااااااااااااات العربي وينهم

عسولة الشرقية

2010- 6- 23, 12:44 AM

عسولة الشرقية

2010- 6- 23, 06:02 AM

بنات مو كأن محد كتب عن انطباعه بالتاريخ

ثلجه فوشية

2010- 6- 23, 06:14 AM

كلمونا عن قسم العربي

بنت شمر ~

2010- 6- 23, 01:22 PM

السلاآم عليكم ~

اهلااا صبآيآ ~

أنآ من قسم تآريــخ ،

صرآحه مآكآنت رغبتي الآولى ميولي انجليزي آكثر ~

بس يمكن خيره ودخلت هالقسم تاريخ والحين بسنة ثالثه ~

* بتكلم عن قسمي أذا حابين تعرفون عنه :

مواد التاريخ من 8 الى 9 حسب السمستر وتقدرين تختارين المواد حسب قدرتك من 6 ومافوق الموهم تكون فوق 18 ساعه ~

طبعا مع مواد العامه ( جغرافيه + انجليزي + عربي + دين < ماده من مواد قسم الدراسات > )

* يعني مواد التخصص بتكون 5 فقط ~

المواد تبدأ من سنه اولى العصور القديمه بعدين الوسطى الى العصور الحديثه بسنه رابعه ~

التآريخ الحلو فيه تفهمين القصص وانتي باسلوبك تكتبين موب شرط حفظ صم ~

بتلاقين بالبدايه اول سنه شووي متعب بس كل مارحتي سنه تلاحظين اسهل منه السنه اللي قبله ..

واحسن شي انو تكتبين مع الدكاتره او الدكتورات يساعدك بفهم الماده اكثر وحفظها سواء قسم تاريخ او غيره ..

الحلو بالتاريخ واللي يساعدنا كثير بدرجاتنا الاعمال والبحووث يقسمونا مابين البحوث ودرجة اعمال السنه هالشي يساعدك كثير في رفع درجاتك لو قدر الله ماتوفقتي باعمال السنه ~

والحلو بعد يالبحث تبحثين عن كتب سواءا من مكتبات او من النت والشي الموهم بالتاريخ توثقين المعلومات يا من مصادر او مراجع ~ وكثييير يساعدنا في بحووثناااااا ..

والتاريخ ممتع وكثير يخافون منه عشان حفظ تواريخ بس مو شرط نحفظ " حفظ التاريخ للمعلومه فقط لا اكثر " بس راح تستفيدين وتعرفين الحدث التاريخي متى صار ~

ودايم موادنا مايلزمونا بالتواريخ ~

وغالبا موادنا تكون مقاليه وبصراحه الدكاتره والدكتورات يساعدونا دايم بالاشياء المهمه وهي اللي يجبونها بالاختبار ..

* مافيه شي اسمه "صعب بهالحيآة " الاذا انتي اجتهدي وركزتي بالمحاضرات ~

والله مايخيب التعب بآذن الله :)

انا صراحه وحده ماكنت احب التاريخ من ايام الثانوي بس سبحان الله دخلت هالقسم ومع الايام تأقلمت وارتحت فيه والحمدلله ان شاءالله ربي يوفقني واكمل طريقي للنجاح : )

~

واسفه ع الإطاله :$

واذا حابين تعرفون أكثر أسألووني وان شاءالله أفيدكم :)

وموفقيييين حبايبي ~