ايش يعني نظم معلومات ادارية ؟؟

[turkialshammry]

لما نقول تقنية معلومات وتتابع المحاضرات تعرف انه يتكلم عن الكمبيوتر والحاسب بشكل عام - ثقافه اسلاميه يعني يتكلم عن دين طيب نظم معلومات ادارية اوجعن راسي هو يتكلم (عن الحاسب الالى والا برنامج والا وش سالفته )؟؟؟:Cry111:

[وضحى بنت سعد]

الي فهمته انه يتكلم عن استخدام الحاسب و تقنية المعلومات في الاداره الماليه وكيف ساهمت في التطور والتقدم لدى المؤسسات هذا المحاضرات الاولى ،،،

و الله تعالى اعلم




Sent from my iPhone using ملتقى فيصل (http://r.tapatalk.com/byo?rid=92985)

[sarah21]

هو المنهج يعرفك عن البيانات والمعلومات والتغذيه وبعدها يتكلم كيف يستفيد من المعلومات بالوظائف الادارية وكيف استفادو من تقنية المعلومات فى الادارة ويفصل لك بعدها استخدام هذى البرامج فى الادارة مثل اكسس ..زبدة الكلام علاقة ربط من معلومات بالحاسب او برامج مع الوظائف الادارية

[مجنون جده]

أقـِْ♡̷̴̬̩̃̊ـِْۈۋۈل والله. لي يومين. واحس اني ضايع بهذي الماده

يارب تعدي على خير اذاكر احل الكوز. احس اني اول مره

اشوف هذا السوال.

[صالح أبو عايض]

التعريف موجود في المحاضره ٣
بس اولا ناخذ معنى نظم المعلومات : مجموعه من الافراد والتجهيزات وقواعد البيانات حيث يمكن ان يعمل النظام بشكل يدوي او آلي بالاعتماد على الحاسب الالي من اجل جمع البيانات وتخزينها ومعالجتها

نظم المعلومات الادرايه : ( هي دراسة نظم المعلومات بالتركيز على استخدامها في العمل والادارة ) وتختص بنواحي السلوك والتقنيه التي تحيط عملية التطوير والاستخدام والاثار الناتجه عن استخدام لنظم المعلومات التي يستخدمها المدراء والعاملين في المؤسسه

تعريف اخر :- وهو معني بتحليل وتصميم الأنظمة وتصميم قواعد البيانات وتصميم المدخلات والمخرجات


لما نقول تقنية معلومات وتتابع المحاضرات تعرف انه يتكلم عن الكمبيوتر ( طيب اختصار نظم المعلومات الاداريه نفس كلامك ) عن الكمبيوتر والانظمه وووووو داخل نطاق الاداره وداخل نطاق المؤسسه او المنظمه او الشركه وغيرها وكيف الاستثمار في نظم المعلومات من ناحية تطوير العمل او البرامج المتسخدمه او طرق البيع وغيرها ... اخذنا في تقنية المعلومات نظم المعلومات هنا رادت كلمة اداريه يعني نظم المعلومات داخل الاداره لكن ناخذ بعد نظم المعلومات داخل المؤسسه واثرها ودورها وكيف انها تساعد المدراء في اتخاذ القرارات

والمسأله اطوول من كذا لان كل محاضره تتكلم عن شي سوا العلاقه او الاستراتيجيه او ثورة المعلومات والاثر وغيرها

[صالح أبو عايض]

المشكله انها مادة دسمه وغثيثه والي يغث اكثر الله يهديه دكتور الماده لكن الله يعين عليها لو جت على وش نظم المعلومات الادرايه بسيطه :) المشكله في الامور المتشابهه وكثرتها وفي طريقة شرحه ويجي في الاختبار يحط اسئله على اساس انه شرررررح وتعب نفسه ويجيب لك مابين السطور في اغلب اسئلته لكن نقول الله يعديها على خير هالماده

[hamoditv]

والله ثلاث مرات عدة استماع المحاظرة الثانيه والثالثه ومافهمت شي

قلت خلني احفظ وحفظت بالموت دخلت على الكويزات ابي اتأكد من حفظي اسئله اشوفها واحوس في الملخص ما احصل اجابتها
السؤال هو عباره عن شرحه واجابته بعد مش موجوده بالملخص

حد فيكم عنده طريقة يفهمني يمكن انا ضايع او مفهي

[على الله الفرج]

هل كل المحاضرات مطلوبه او في شي محذوف. !؟؟؟


Sent from my iPhone using ملتقى فيصل (http://r.tapatalk.com/byo?rid=92985)

[bander al korea]

اللي لاحظته في بعض اسئلته امثله وهي ليست موجودة في الشرح ولا في الملخصات:eek:

[منى سبيعي]

والله ثلاث مرات عدة استماع المحاضرة الثانيه والثالثه ومافهمت شي

قلت خلني احفظ وحفظت بالموت دخلت على الكويزات ابي اتأكد من حفظي اسئله اشوفها واحوس في الملخص ما احصل اجابتها
السؤال هو عباره عن شرحه واجابته بعد مش موجوده بالملخص

حد فيكم عنده طريقة يفهمني يمكن انا ضايع او مفهي

بالمحاضرات المباشرة قال انه بعض الاسئله مايكون جوابها نفسه بالضبط اللي بالمحتوى
افضل طريقة للمذاكرة افتح الملزمه ذاكر المحاضره الاولى بعدين افتح التبويب بعدين اخر شي بالمراجعه الكويزات
والله يسهل وييسر للجميع .

[منى سبيعي]

هل كل المحاضرات مطلوبه او في شي محذوف. !؟؟؟


sent from my iphone using ملتقى فيصل (http://r.tapatalk.com/byo?rid=92985)

ما فيه شي محذوف .

[turkialshammry]

ماقصرتو بس الواضح ان الدكتور هو اللي مصعبها بسبب شرحه انا اتابعه ماافهم شي اقرا الشرايح افهم ��

[مجنون جده]

يارب عدي هذي الماده على خير

كل شي متشابهه

واللي مذاكر. وفاهم

اقل شي. يعطينا نقطه نستند عليها

[Abkariz]

اللي اشوفه أنها شبيهه جدا بمقرر تقنية المعلومات مع إختلاف بسيط وتركيز على الامور الادارية وكيف استفادت الادارة من ثورة المعلومات والتكنولوجيا في هذا المجال

[ibrahem911]

هالمادة كنت مستهين فيها وعلى انها بتكون مثل تقنية المعلومات مثل مانقرأ في المنتدى ، وصلت المحاضرة الرابعة ووقفت عجزت اكمل من راسي ولاهي يم التقنية بشيء [emoji30]


Sent from my iPhone using ملتقى فيصل (http://r.tapatalk.com/byo?rid=92985)