رفع شكوى على مادة حقوق الإنسان

[ابو رفيف999]

حسبنا الله ونعم الوكيل

لازم نرفع شكوى نبغا طريقه في رفع الشكوى

[Qis]

رفع تظلم للمتضرر فايدة نجاح ، الغير متضرر زيادة درجات شوي تفكير بالغير

[الفيحاني]

الله يوفقكم

[حائلي100]

حسبي الله عليه شغل خباثه ليه كذا الاجوبه متشابه جداااا

[أم جاسم..]

فيه اسئله مدري وش تبي :(
شكله مايبينا نجيب شي عدل فيها حووووسه

[هند الضيف]

حسبي الله عليه .. المفروض كاتب بدال تمنياتنا بالتوفيق .. اتحداكم تنجحووون !!

حتى التواريخ ماجابهم .. حافظتهم صم والله حرام ؟!!

[لجين..]

اللي صور الاسئله ينزلها لخبطه مررره اخس اختبار

[dpdn]

الحمدلله وكفى

[هلا الشمري]

من القهر امشي واتحسب عليه حسبي الله ونعم الوكيل فيه

[دربيل]

الله لا يسامحه تكفووون نبي نرفع تظلم

[نادر وصف]

رتويت للكلام اللي فوق كله

[ســــلآف]

الله يعينكم ... اذا الاسئله من خارج المنهج يحق لك رفع شكوى
اما اذا بس صعبه ومتشابهه .. الشكوى ما راح تنفعكم

[ابو ريف العنزي]

الله يوفق الجميع

من جهازي SM-G610F بواسطة تطبيق ملتقى فيصل (http://r.tapatalk.com/byo?rid=92985)

[حمزه عريشي]

حسبي الله ونعم الوكيل

[سعدال سعد]

والله الاختبار صعب والاختيارت تضيع

[لين العتيبي]

ليش ماتنفع نجرب مو خسرانين المهم نشتكي عليه،نبي نتخرج حسبي الله عليه بس كيف طريقة الشكوى أحد يعلمنا كيف؟!

[أصيـــل]

تكفووووووووون تظلم الله لا يسامحه

[faisalfmfm]

اي والله نبي نرفع شوفو بس طريقه


Sent from my iPad using ملتقى فيصل (http://r.tapatalk.com/byo?rid=92985)

[أبو سومي]

الله يوفقكم

كانت صعبة عليك ؟؟؟

[الممرض ماجد]

ح سسسسسسبي الله ونعم الوكيل ��

[شعب عاصفة الحزم]

الله لا يسامحه مافرحنا بااسئله سهله اخر مستوى الله ينكد عليه

[reem nasser1408]

حسبي الله ونعم الوكيل بس ،، اخر ترم مررره موب وقت الملعنه فيه 💔💔💔💔😔

[...بس أحبني...]

الله ينكد عليه مثل مانكد علينا .. هذي الاسئلــة والله اغلب الاجوبه فيها مراوغه بشكل نذل .. ضروري الكل يرفع شكوى عليه
وبلاش الانانيه من البعض .. حب لأخيك ماتحب لنفسك .. وياليييييييييييييييييت احد ينزل الاسئلــة مع الاجوبة الله لا يوفقه ويكسر فرحته مثل ماكسر فرحتنا بالتخرج والمعدل

[سالم الرمالي]

السلام عليكم ورحمة الله وبركاته

الله يمسيكم بالخير الجميع
وأن شاء الله تعالى تعدون الماده وبسلامه وبدرجات عاليه
وتطلع النتايج عكس ماانتم متوقعين

ولاكن ياشباب الشكوى والاعتراض ماهي على طول نقدم
مثل مايقولون معهم معهم عليهم عليهم

أول حاجه الاسأله من خارج المنهج ولا لا هذي أول حجه يحجونكم فيها

تأكدو فيل كل شين

والظاهر ان الدكتور هو حسام الصالح ممتاز الترم الماضي الاسأله سطحيه ومتناول الجميع

[لانا اجتماع]

غريب استلعانه لان باساله الاعوام الماضيه يمكن يغير الاساله بصفحه بس والباقي تقريبا نفسه او الخيارات واضحه
اما هالاختبار الاساله والخيارات متشابهه!! حسبي الله ونعم الوكيل

الله ينجحنا ويوفقنا جميعا ويعطي كل واحد على حسب نيته قولو آمين

[zzmm]

الله لايسامحه كلكم على ايقونه التظلم. استاذنا الفريدان ماراح يقصر معنا ابد الله لايرده هالسوادني

[Saad A.]

معليش كانت واضحه للي مذاكر كويس ، مشكلة بعض الطلاب مايفتح الملزمه الا قبل الاختبار بساعتين ويجي يتحيسب على الدكتور بعد الاختبار !!؟

[alasere]

حسبي الله ونعم الوكيل والله إني ضامن الاحصاء اكثر حقوق الإنسان

[الماس صافي]

عطونا صيغه نرفعها
حسبي الله وكفى

[الحمدلله 1988]

عطونا صيغه للتظلم

[احلى شوكولاته]

اللهم من أشقى امتي فشق عليه 😠

[عادل الذبياني]

حسبي الله عليه

عطوووووونا صيغة التظلم

[اميرهه]

حسبي الله ونعم الوكيل ، يعني ابي اقهم. ليه. تصعيب الامور. يعني قسم بالله الواحد يغصص وهو يقرا الاسئله

[Meshal99]

الصراحه من بعد هالاختبار انا اشوف ان هالدكتور من اشد الدكاتره وماعنده حقوق إتجاه الانسان او تساهل او رحمه
وبما ان الماده تتكلم عن الحقوق انا اشوف نرفع تضلم وشكوى عليه لاننا تضررنا منه هههههههههههههه
الصراحه الماده ذي كنت حاملها والله يستر لا احملها مره ثانيه لكن ان شاء الله نعديها لو بدرجة النجاح
ولو عديتها راح يكون شعوري مثل شعور الانتصار على العدو والفوز بالمهمه ماصارت ماده طقاق هههههههههه

[ابو مازن20050]

اللي يبي الاسئله نزلوهاا بالتلقرام

[ابو مازن20050]

موجوده عندي لكن ما اعرف انزلهاا

[فهد العضيله]

الله لا يوفقه وانا لي ثلاث ايام اراجع ابي معدل زين فيها. وهالحين بس ليتني انجح

[سنين الالم]

والله اكتب وامسح الله يجعلها في وجهه من كتبت اسمه في ورقة الاجوبه وبطني راجني وما ارتحت


اللي يسال يقول الاسئلة من المنهج ولا لا ايه من المنهج ولكن الاجوبه متشابهه واضن والله العالم فيه سؤالين لهم اجابتين مع بعض نشوف الاسئلة ونكتبها

[Meshal99]

ماصار اختبار \ا حسيت انه فيلم تومي كروز المهمه المستحيلة
الصراحه من بعد هالاختبار انا اشوف ان هالدكتور من اشد الدكاتره وماعنده حقوق إتجاه الانسان والفرد والجماعة
وبما ان الماده تتكلم عن الحقوق انا اشوف نرفع تضلم وشكوى عليه لاننا تضررنا منه ولازم نتعوض بالدرجات
الصراحه الماده ذي كنت حاملها والله يستر لا احملها مره ثانيه لكن ان شاء الله نعديها لو بدرجة النجاح
ولو عديتها راح يكون شعوري مثل شعور الانتصار على العدو واتمام المهمه بنجاح ماصارت ماده طقاق هههههههههه

[علم اجتماع 1144]

معالي الدكتور/ عبدالله الفريدان المحترم

السـﻻم عليكم ورحمة الله وبركاته .. وبعد:

بخصوص اختبار مادة حقوق الانسان للدكتور الناجي محمد حامد آدم
يوجد فيه أكثر من سؤال كانت اجابتهم من خارج المحتوى مع العلم ان هناك ما يقارب سبع اسئلة كانت متداخلة بشكل يشتت الطالب ومعظم الاسئلة كانت تميل للصعوبة في الاختيار ويصعب الاختيار منها لتقاربها من نفس المعنى وبنفس الموضوع والتعقيد في صيغتها والجميع متذمر سواء طلاب او طالبات
وهذا إن دل فيدل علىٰ الرغبه بتشتيت التركيز ونحن في غنىٰ عن هالأمر ..

نأمل من الله ثم منكم النظر في وضعنا كطلاب تعليم عن بعد ، وخريجي هذا العام
وكلنا أمل بالله ثم بكم بأن تقف مع أبنائك الطلاب وتساعدهم وتساندهم علىٰ تخطي الظلم الذي وقع علينا من قبل دكتور المادة ، علماً ، انني خريج هذهـ السنه بإذن الله وهذا مؤثر على مسيرة أختباراتي ، وتقبلوا تقديري وإحترامي ..


Sent from my iPhone using ملتقى فيصل (http://r.tapatalk.com/byo?rid=92985)

[ابووتركي]

مالنا حجه عليه الاسئلة كلها من المنهج لكن اعتمدنا على الاختبارات السابقه كونها مكرره والماده يبيلها تركيز وتشابه في المصطلحات وفوق هذا أسألته من العناوين الصغيره واختياراته متقاربه
ما أقول إلا الله يسامحه كان بالإمكان أفضل مما كان

[دنقل]

الله يباله وحسبي الله علية حسب ياخذ حقنا منة

[ali05ali]

الله يبيض وجهك ياللي كتب الصيغة حقة الشكوى

واللي قاعد يتفلسف ويقول مشكلتنا ومشكلتنا مسوي فيها ان تخصصك علم اجتماع يعنني فاهم ياليت تقول خير او اصمت محد طلب رأيك وتعلمنا في مشكلتنا

[Meshal99]

ماصار اختبار ذا حسيت انه فيلم تومي كروز المهمه المستحيلة
الصراحه من بعد هالاختبار انا اشوف ان هالدكتور من اشد الدكاتره وماعنده حقوق إتجاه الانسان والفرد والجماعة
وبما ان الماده تتكلم عن الحقوق انا اشوف نرفع تضلم وشكوى عليه لاننا تضررنا منه ولازم نتعوض بالدرجات
الصراحه الماده ذي كنت حاملها والله يستر لا احملها مره ثانيه لكن ان شاء الله نعديها لو بدرجة النجاح
ولو عديتها راح يكون شعوري مثل شعور الانتصار على العدو واتمام المهمه بنجاح ماصارت ماده طقاق هههههههههه

[Aydoosh]

معالي الدكتور/ عبدالله الفريدان المحترم

السـﻻم عليكم ورحمة الله وبركاته .. وبعد:

بخصوص اختبار مادة حقوق الانسان للدكتور الناجي محمد حامد آدم
يوجد فيه أكثر من سؤال كانت اجابتهم من خارج المحتوى مع العلم ان هناك ما يقارب سبع اسئلة كانت متداخلة بشكل يشتت الطالب مع العلم ان الاسئلة كانت تميل للصعوبة في الاختيار ويصعب الاختيار منها لتقاربها من نفس المعنى وبنفس الموضوع والتعقيد في صيغتها والجميع متذمر سواء طلاب او طالبات
وهذا إن دل فيدل علىٰ الرغبه بتشتيت التركيز ونحن في غنىٰ عن هالأمر ..

نأمل من الله ثم منكم النظر في وضعنا كطلاب تعليم عن بعد ، وخريجي هذا العام
وكلنا أمل بالله ثم بكم بأن تقف مع أبنائك الطلاب وتساعدهم وتساندهم علىٰ تخطي الظلم الذي وقع علينا من قبل دكتور المادة ، علماً ، انني خريج هذهـ السنه بإذن الله وهذا مؤثر على مسيرة أختباراتي ، وتقبلوا تقديري وإحترامي ..

[ساراااا]

الله لا يوفقه لا دنيا ولا اخرة اقسم بالله اني ماكله اكل الملزمة بس باقي رقم الصفحة احفظها واخرتها مثل الزفت الله لا يوفقه عمري بحياتي من دخلت الجامعه مامرت على اسئله مثلها اقسم بالله قمت اصيح من القهر امتياز واخرتها هاللي مايتسمي ينقصني حسبي الله ونعم الوكيل بموت قهررررررر الله يقهرة في عمره

[شوفتك حلم]

حسبي الله عليه الله لايوفقه قسم طلعت من اختبار ابكي معدلي بينزل من سبه ماده

[ابوسعود707]

واحد اسمه ناجي وش تبي ترجي منه

[ابو رفيف999]

معالي المدير
سلام عليكم ورحمة الله و بركاته و بعد :
فنحن أبناءك واخوانك من طلاب الانتساب ولقد تعرضنا لظلم لايرضيك ولانك المسؤل الاول في هذا الصرح الكبير الشامخ

ففي يوم اللاثنين الموافق 19|8|1438 اختبرت مادة حقوق الانسان لدكتور
تفاجأنا بأنه وضع أسأله بشكل بعيد جدا عن طريقته وما تم شرحه وما تم تركيزه في جميع المحاضرات
وبشكل وطريقه مشابها كأن لسان حاله يقول لن ىينجح احد


نرجو منكم حفظكم الله النظر باعتراضنا هذابنظرة الأب و الأخ الحنون نظرة صادقة حازمة لكي لا يتكرر لغيرنا ما حدث


شكرا لكم يا معالي المدير
هذي رسالتي 👆🏻

[ابوناصر1]

لاحول ولا قوة الا بالله

[النقل]

الله لايوفقه ولا يسامحه ولا يبيحه 😭😭😭😭

[KFU1234]

الايقونه متغفله

[ام شعاع]

صدق سببته بينزل معدلي وش يضروه اذا سهل علينا
والله تقولون لغز نحل موماده والله تعبت عليهاا هالماده الوحيده يمكن لو ماذكر كان حليت عدل

[لومي 1]

المعدل ماله دخل ماينزل ولا يرتفع كثير في المستوى الاخير حتى لو فيه رسوب لاسمح الله مايأثر كثير ع المعدل ينزل درجه او درجتين ونفس الشي يرتفع درحع او درجتين اذا كان كلها ممتاز بعد

[ابو وائل]

كيف نرفع تظلم على هذا الدكتور والله اول مره اطلع اخر واحر من مركز الاختبار لازم نشوف حل له ما باقي الا كم ساعه ونتخرج بدال ما نفرح ناوي ينكد علينا

[ઈઉ M L A M 7 ઈઉ]

الايقونه متغفله


مفتوحه

روح للخدمات الطلابية
ثم - خدمات شؤون الإختبار
ثم - تلقي ملاحظات الطلبة حول الإختبار

و تختار المقرر وتكتب الملاحظة

[دولار الهيلا]

حسبه الله

[abokayan]

على الجميع رفع تضلم وباذن الله فالكم الدرجة الزينة

[ابوتركي4141]

الله يعينكم يارب انا اخذتها المستوى السابع والحمدلله عديت
لكن سوالي اقدر ارفع تظلم معكم والمادة مو عندي
بس زياده عدد

[حمزه عريشي]

انا معكم محنا خسرانين شي

[هنو هنو]

حسبي الله ونعم الوكيل فيه انا خريجه مابي احمل الماده وأخذ مستوى

[لغة النصر]

التظلم المفروض على الي حطه دكتور للماده

[ميسي 10]

الله يلعن امه اللي حالته

[الجاسوس]

تم رفع الشكوى في ايقونة الشكاوى

[ألين 3]

السلام عليكم يا اخوان ربي يوفقكم ان شاء الله لاكن اشووف ان الدكتور قال اغلب الاختبار في محاضره الرابعه المباشره وراجعو كلام اخوي ابو قمراء هو الي منزله حبيت أوضح لكم وشكرن

[حمودي الوهيبي]

والله اشوف أسئلة مافيها صعوبه مره اقسم بالله اني ماراجعت الا ربع ساعه تقريبا الحمدالله ضمنت النجاح بعد ماتاكدت من الاجوبه المحلوله

[مي الرياض]

#متضرري_حقوق_الانسان

ارفعو الهاشتاق ، نبيهم ينصفونا

[norah2005]

تم رفع الشكوى عن طريق ايقونة تلقي ملاحظات الطلبة حول الاختبار .

[هند الضيف]

ارجو منكم دعم هذا الهاشتاق #متضرري_حقوق_الانسان ليصل الى المسؤولين في الجامعه .. الدكتور الناجي نسي او تناسا قول رَسُولِ اللَّهِ - صلى الله عليه وسلم « اللَّهُمَّ مَنْ وَلِىَ مِنْ أَمْرِ أُمَّتِى شَيْئًا فَشَقَّ عَلَيْهِمْ فَاشْقُقْ عَلَيْهِ وَمَنْ وَلِىَ مِنْ أَمْرِ أُمَّتِى شَيْئًا فَرَفَقَ بِهِمْ فَارْفُقْ بِهِ ».

[دافورهـ22]

ما اعتقد رح يغير شي في الموضوع

نفس مادة الاحصاء الاجتماعي الكل رفع شكوى وتظلم ولا تغير اي شي حطوا الحق علينا

وان الاسئلة صحيحه 100%

لا تتعبوا انفسكم

والاهم ما اعتقد انها تستاهل التظلم


:mh12:

[ام الرضا انا]

تم رفع تضلم
حبي الله عليه الله لايبلغه رمضان

[Hayakzm]

تم الرفع الله يسخر لنا وينصصصصصرنا

[ابوتميم الفيصل]

على الجميع رفع تظلم على المادة وماحنا خسرانين شيء ان فادة ماضرت

[ألعطوف]

تم رفع الشكوى

[ريم 2]

راح ارفع لي ول اختي بعد واذا تبون بعد اخوي بقسم ادارة اعمال ارفع له هههههه <امزح
تم الرفع 2

[أوراق مبعثره]

الله يسامحه..