الرياض اليوم ؟؟؟؟؟

[اسيل الشمري]

سؤال سريع بخصوص القمه
وزحمه السير وتسكير المخارج هل تنصحوني اطلع بدري للاختبار صراحه خايفه يووقف الخط ويروح علي الاختبار :Cry111::mh12:

[ابو مرضي]

بكري واقعدي راجعي وبالتوفيق للجميع ..

[إدارة أعمال2]

اطلعي قبل الاختبار بساعتين عشان توصلين قبل الاختبار بساعه اذا الحركه متوسطة

من جهازي SM-N9005 بواسطة تطبيق ملتقى فيصل (http://r.tapatalk.com/byo?rid=92985)

[B.B.A]

والله يا بنت العم يفضل ذلك لو كان دربك مع احد هالطرق:
خريص - الملك خالد - الامام تركي الاول - ابو بكر الصديق (رضي الله عنه)

[B.B.A]

لان الطرق اللي فوق راح تكون مقفله في بعض الاتجاهات
ف يفضل تشوفين طريق بديل

[عبدالله الشّلاحي]

المرور السعودي وضح امس في حسابه أنه ليس كل الطرقات ستغلق

والمتحدث الإعلامي للمرور نفى ماتم تداوله عبر الواتس

هي اماكن محدده وفي وقت مرور الرؤساء فقط

لكن لايمنع ذلك من الذهاب قبل الوقت تجنباً للحرج

[اسيل الشمري]

اجل راح اسمع رأيكم واطلع بدري الله يعطيكم العافيه جميعا وموفقين

[الرجل الابيض]

اذا فاتك الاختبار خوذي ورقه من ترامب وقدميه عذر للجامعه وبيقبلونه انشاءالله

[Oxjen]

احنا فالشفا الامور هاديه لا هم ولا زحمه البديعه ههههه

اللهم لك الحمد

[amothna]

يفضّل الخروج باكرا خصوصا من هو قريب من مكان انعقاد القمة محدثكم يرسل الان من جانب مقر الاختبار حتى لا أصطدم بواقع الطرق وتوتر اللحاق بالاختبار ونسأل الله أن يعوض صبرنا خيرا وأن ييسر ويسهل علينا ماتبقى من اختبارات وأن يفرح الجميع بالنجاح والتخرج بأعلى الدرجات ..

[smhar]

المرور السعودي وضح امس في حسابه أنه ليس كل الطرقات ستغلق

والمتحدث الإعلامي للمرور نفى ماتم تداوله عبر الواتس

هي اماكن محدده وفي وقت مرور الرؤساء فقط

لكن لايمنع ذلك من الذهاب قبل الوقت تجنباً للحرج


المرور لا تأخذ كلامه
يكون الطريق مفتوح وفجأة يغلق في وجهك وبدون أي إشعار مسبق أو عمل تحويلات قبل الاغلاق بمسافة كافية لتفادي الازدحام .وهذا شاهدته في السابق كذا مرة .

[ابو عبودي 2545]

اذا فاتك الاختبار خوذي ورقه من ترامب وقدميه عذر للجامعه وبيقبلونه انشاءالله

ان شاء الله كذا تكتب ياصديقي ولك تحياتي :106:
( التصحيح من منظور ديني)