نصايحكم لنا يا دفعة العز

[حمود البرقاوي]

السلام عليكم :

اولآ شكرآ لكم يا دفعة العز والله ثم والله لكم منا دعاء بالغيب .. جعلتوا من اسم دفعتكم ينكتب بذهب برغم ان صابتكم عين ماصلت على النبي في اختبار ادارة مالية 2 من اخفاء بعض اعضاء الدفعه معلومة بان الاختبار مكرر لنموذج سابق .. ولكن سنبقى محظوظين في ان نكون خلفكم فاستفدنا منكم كثيرآ بالمستويات السابقة سواءآ في الملخصات والكويزات .. استمروا كما عرفناكم يادفعة الذهب وكما تعودنا منكم كل نهاية مستوى تكتبون لنا نصائح لمستوى الرابع من حيث المواد والدكاتره وهذا لكم تحياتي وتقديري


اخوكم / حمود البرقاوي من دفعة العزم مستوى ثالث

[.Bnotah]

اداره ماليه السهلاوي لايلف ولايدور بس لازم تذاكر زين النقاط المهمه الي يقول عليه والمحاضرات المباشره
اساسيات البحث العلمي وإدارة التسويق اثنينهم مغاربه يلفون ويدورون ويجيبون من بين الأسطر فذاكرو بتركيز ومن بدري
التحليل الاحصائي الدكتور ماقصر واعطانا النجاح على طبق من ذهب واسئلته حلوه والماده مو كثيره أستاذها محمد زايد
ادارة الموارد البشريه الجعفري بالنسبة لي كان الاختبار لابأس به بس مو سهل يبي له تركيز ومذاكرته من قبل لانه تعداد كثير
أتمنى لكم التوفيق ❤️


Sent from my iPhone using ملتقى فيصل (http://r.tapatalk.com/byo?rid=92985)

[.Bnotah]

الأساليب الكميه في الادارة صراحه نسيت اني درستها ماده غثيثه ومدري وش تبي مااذكر الاختبار بالضبط


Sent from my iPhone using ملتقى فيصل (http://r.tapatalk.com/byo?rid=92985)

[من زمن اخر]

نصيحتي شدوا حيلكم

صح ان ادارة مالية 2 صار فيها جحفلة لكن اللي مذاكر صح بيجاوب
اما التحليل الاحصائي ابد اموره طيبة بس تركيز ووضعك في السليم


اما اساسيات البحث والتسويق ( انت بطريق وانا بطريق اللي يوديني البعيد ) ههههههههه هجولة صراحة

[ألفا]

التحليل الاحصائي مع محمد زايد ممتاااز

[ألفا]

ماليه ٢ مع السهلاوي ممتاااز بس لازم تركز من اول الترم

[ألفا]

ادارة التسويق بعد ممتاز

[LaElaf]

وعليكم السلام والاكرام
وعفواً ابداً تعبكم راحة :d
اول شيء المستوى هذا مافيه راحة, اختباراته ورى بعض وما بينها الا يوم واحد لذلك نصيحة تجهزو من بدري. ولا تتوقعون ان يوم واحد يكفي وبعدها تجون تشتكون وترفعون تظلم.
المالية 2 ان شاء الله ما حصل فيها الا كل خير.. السهلاوي ما يخفى عليكم وراح يعطيكم الاسئلة النظرية ف احفظوها والعملي اعتمدوا تبويب ام جهاد في كل مسئلة وطريقة حلها لان الملخص ما فيه مسائل تبين لك طريقة السؤال وهذا اللي لخبط الاغلبية
الموارد البشرية, دسمة فالحفظ وتعدادها كثير ويلخبط شوي لان المصطلحات متشابهة لكن مادة ممتعة وتحتاج اقلها يومين الى ثلاث ايام تفرغ قبل الاختبار
الاساليب الكمية اعتمدو على العملي من تبويب ام جهاد لان ملفي ما يغير اسلوبه ابدا, راح يجيب نفس المعدلات ونفس طريقة الاسئلة اللهم باختلاف الارقام و اغلبها تقدرون تعتمدون فيه على الالة
انا اخذت ادارة عمليات من المستوى الخامس لانها تشبة الاساليب ف تكون مذاكرتها وحدة وصراحة انصح جدا في هذي الحركة لان المادتين بينهم يوم وشالت عني 4 محاضرات متاشبهة مع الاساليب واختبارها كان جميل جدا.
نجي للتسويق, المادة حلوة وخفيفة بس ايضا تعدادها كثير لكن اذا فهمتها بتمشي بسهولة خاصة ان دكتورها يحب يشقلب الاسئلة ويغير صياغتها لكن بعد المذاكرة كان اختبارها اكثر من رائع وخرجنا مبسوطين والحمد لله.
وبس
الله يوفقكم وييسر لكم ويفرحنا ويفرحكم بالتخرج والمعدلات الحلوة

[شوباك]

الله يجزاكم خير

[zabzdy]

التحليل الاحصاي لازم تذاكرو مزبوط.
واداره التسويق كان دسم
والله يوفقنا وياكم

[حمود البرقاوي]

الله يبيض وجيهكم جميعآ

[shooy fahad]

السلاام عليكمم ـــ نصيحتي لكمم ، وانا كنت هالترم مو فاتحه الا ماده التحليل من اول قبل الاختبارات بكذا اسابيع والاداره الماليه 2 خلصت نص 7 محاضرات بكذا اسابيع ببلش معكم كيف ذاكرت وكيف وكيف دبرت اموري

اول شيء : انا دايما ابتدي بالماده الاخيره اذاكرها بتقولون ليش ، لان الجسم والعقل وكلشيء بيكون منهك وتعبان ف تبي بس مراجعه مو تذاكر باخر يوم مثل التحليل الاحصائي _

ثاني شيء : ابدأ بالماده الصعبه بنسبه لي شفتها اداره ماليه 2 ــ بس لو مو الدكتور ذا ولا ما سهلت اشويات علينا / يعني ما قصر جاب القوانين تحت مدري فوق كل مسأله وكان فقط عليكك تحفظ الرمز وش يعني وتحل ع ذا الاساس _

ثالث شيء : التسووووووووووووويققق هذااا اللي ما فتحته الا بيومه / وكنت بموت وانا اذاكره ، لانه بصراحه حفظظ بمعنى الكلمه ــ والدكتور مااقول ما يكرر الا والله بس جايب سؤال جواب و الجواب سؤال وبشطارتك تحل _

رابع شيء : الموارد البشريهه خلو لكم قبل اختبارها 5 ايام تذاكروها صدق والله انا خليت لها يومين بصراحهه مخي كان خلاص بينفجر ، والدكتور زي ما شفنا بالاختبار ما كرر / انتبهو _

خامس شيء : الماده العسل فعلا هي الكميه يومين من جدول الاختبارات قسمم كفت ووفت بس لازم روقان تاخذ الماده وتركز مراا بايش تغير من اشارة ك سالب موجب وهكذا _

سادس شيء : دكتور المغربي اساسيات البحث لا يقص عليكم تذاكرونه منهجهه فقط لا ذاكرو منهج اللي قبله اسمه الدكتور عيسى لان دكتورناا الله يصلحهه ويهديه جاب من ذا وجاب من ذا _

ونصيحتي لا تخلون مذاكرتكم بوقت الاختبار فقطط ، ما تعلمون وش تجيكم من ظروف من اي شيء يخطر .. ذاكرو من قبل والله بيساعدكم وبيهون عليكم ..

من أختكم : shooy fahad

[معاني انتساب]

يعطيكم العافيه وبيض الله وجيهكم علي هذه النصائح

[pharm6666]

الحمد لله عديت الترم هذا بمعدل ممتاز وذلك بعد مجهود مذاكره

ونصيحتي لكم اخذوا المواد كما هي في الخطه والدكاتره كانوا مباشرين في الاختبارات وارجوا من كل واحد مجتهد الاعتماد ع الملخصات المتوفره في الورش وطباعتها قبل الاختبارات بكم يوم ومشاهدة المحاضرات للفهم المبارشر من الدكتور ومعرفة اسلوب الدكتور والتركيز ع بعض النقاط متابعةً معه

وانصحكم بمذاكرت الملخص وبعد الانتهاء منه مراجعة التبويبات الموجوده في الورش والاسئله السابقه

واخيرا الشكر لله ثم لدكتور الماليه والاساليب الكميه والاحصاء

[ScOrE]

الترم هذا هو الترم الغثيث ^-^ ادارهـ ماليه ٢ دكتورها السهلاوي شرحه مو ذاك الزود ولكن متفاهم ..اختبارهـ جميل ولابد من التركيز ومعرفه استخدامات القوانين تحليل احصائي مادهـ غثيثه لكثرهـ قوانينها ولكن جميله لمن يذاكرها اول باول ودكتورها محمد زايد متمكن من الشرح لو يشرح المادهـ لصنم بوذا تلقى الصنم يجيب a+ :) اساليب كميه ماده علميه.. شخصيا حبيتها جدا..دكتورها ملفى شرحه لابأس تحتاج فهم واجتهاد موارد بشريه مادهـ مشوقه ومجالها جميل جدا ومطلوب لمن يحب يكمل بعد الجامعه ..المادهـ حفظ ومعلوماتها كبيرهـ جدا جدا..تتعب معاها اذا ما تذاكرها من البدايه ادارهـ تسويق معلوماتها كثيرهـ جدا..ممله ..تحتاج حفظ من البدايه اساسيات بحث..دكتورها يجيب من بين السطور..المعلومات اللي تشوفها غير مهمه..راح يجيبها لك بالاختبار..بصراحه مادهـ مدري وش تبي :) وفق الله الجميع

[حـســن]

لاحظ شغله في كل فصل المحاضرات المباشرة هي زبده كل نهاية فصل بالتوفيق للجميع

[أبو لتين]

لو سمحتوا ايش المواد العلميه الي فيها قوانين وتحتاج فهم
من بين مواد مستوى رابع ؟

[Abu.Mohammed]

لو سمحتوا ايش المواد العلميه الي فيها قوانين وتحتاج فهم
من بين مواد مستوى رابع ؟

التحليل الاحصائي
ادارة مالية 2

[salabse]

التحليل الاحصائي
ادارة مالية 2

هل القوانين كانت موجودة بالاختبار؟( ورقة الاسئلة؟).

وشكرا لكم دفعة العز.:d5: