استفسار عام فاتني اختبار الإدارة العامة بسبب التأخير نصف ساعة [الأرشيف] - ملتقى طلاب وطالبات جامعة الملك فيصل,جامعة الدمام

ABBAS ALFARAJ

2017- 5- 23, 07:04 PM

السلام عليكم
فاتني اختبار الإدارة العامة بسبب التأخير نصف ساعة. دالك بسبب حادث مروري في الخط السريع عمل زحمة ويش الحل لانا الداري مارضة ادخل الاحتبار

Lbaih

2017- 5- 23, 07:10 PM

والله حظك طرحك ب اداري مب اسنافي

انا تاخرت على الاختبار يعني دخلت اربع ونص القاعه وراي بنات بساحه يدرسون مادخلوا. يعني مدري متى بيدخلون

لذلك تواصل مع دكتور صالح الراشد متاكده انه بيوقف معاك

بدون أسم4

2017- 5- 23, 07:24 PM

نص ساعه المفروض يدخلك مو يحرمك من الاختبار.

كان شرحت له الي صارلك والله قهر , راسل دكتور صالح الراشد وقوله وش صار معك , ان شاء الله يساعدك .

اتوفع لازم تشكتي قبل مايمر 3 ايام على الاختبار بس مو متأكده .

مستقبلي انا

2017- 5- 23, 10:07 PM

والله حظك طرحك ب اداري مب اسنافي

انا تاخرت على الاختبار يعني دخلت اربع ونص القاعه وراي بنات بساحه يدرسون مادخلوا. يعني مدري متى بيدخلون

لذلك تواصل مع دكتور صالح الراشد متاكده انه بيوقف معاك

:agolakser::agolakser::agolakser: مستحيل يقفلون الباب قبل 4:30 :41jg: وحده قبل كم يوم جايه من ساعه 2 وفي ساحه وما دخلت على الوقت وكانت ناسيه البطاقة وحرموها الامتحان لدرجة اغمى عليها :bawling:

يمكن حضك حلو مااااااااااااااااااااااااشاء الله

الأندلسي

2017- 5- 23, 10:29 PM

المفترض اخوي بوقتها ما تخلي احد الا تمر عليه علشان يدخلك سواء مراقب او دكتور
الا اذا كان تأخيرك أكثر من هالوقت لان اشوف بعض الطلاب يدخلون 4 ونص
حتى في واحد مميز دايم يتأخر من اول ترم ووضعه ماشي
بكره اذا ربي يسرلك حاول تمر الدكتور سامي ابا حسين افضل
وراسل الشئون الاكاديمية
ولا تتاخر بمطالبة اجراء الاختبار مع اصحاب الاعذار

الله يوفقك وييسر أمرك

kawthers

2017- 5- 23, 11:01 PM

انا استغرب ليه كل مكان غير؟
كنت في السنة الماضية اختبر في كلية الدراسات التطبيقية
وكان الزامي ندخل القاعه من الساعه 3 ونص و يقفلوا الباب الساعه 4 الا عشر
بس بعدين يفتحونه الساعه اربع و ربع.. و المتأخر مسموح له الدخول ل الساعه خمس إلا خمس

اما السنة هذه!
في كلية الآداب بالريان
يبدأ الإختبار الساعه 3:55 دقيقه
و الدخول مسموح فقط لأربع ونص !!
وهالشي متأكدة منه لأن حتى الطالبات الموجودات في القاعه اللي تبي تطلع الساعه 4 ونص عادي تطلع
المفروض نطلع الساعه خمس عشان نعطي فرصه للمتأخرين
لو طلعنا قبل مستحيل المتأخر يقدر يدخل ..

طولت في الكلام لكن الله يعينك بكرة حاول لازم تحل الموضوع لاترد بيتك الا وانت مخلص الموضوع افضل لك لا تطول السالفه

بدون أسم4

2017- 5- 23, 11:12 PM

انا استغرب ليه كل مكان غير؟
كنت في السنة الماضية اختبر في كلية الدراسات التطبيقية
وكان الزامي ندخل القاعه من الساعه 3 ونص و يقفلوا الباب الساعه 4 الا عشر
بس بعدين يفتحونه الساعه اربع و ربع.. و المتأخر مسموح له الدخول ل الساعه خمس إلا خمس

اما السنة هذه!
في كلية الآداب بالريان
يبدأ الإختبار الساعه 3:55 دقيقه
و الدخول مسموح فقط لأربع ونص !!
وهالشي متأكدة منه لأن حتى الطالبات الموجودات في القاعه اللي تبي تطلع الساعه 4 ونص عادي تطلع
المفروض نطلع الساعه خمس عشان نعطي فرصه للمتأخرين
لو طلعنا قبل مستحيل المتأخر يقدر يدخل ..

طولت في الكلام لكن الله يعينك بكرة حاول لازم تحل الموضوع لاترد بيتك الا وانت مخلص الموضوع افضل لك لا تطول السالفه

صح لاحظت هالشي بس مستانسة منه , يخلونك على راحتك وكمان مافيه ارقام مقاعد تجلسين وين ماتبين :biggrin:

بدون أسم4

2017- 5- 23, 11:13 PM

الدراسات التطبيقية يخلونك كأنك بمعسكر نظام يمشي على الكل , والمتأخر يتعاقب , وماتطلعين الا على نهاية الوقت , الصراحه مستانسه اني نقلت للريان الحمدالله راحة اكثر بس الله يعين الي متأخرين مو من نصيبهم :(

Lbaih

2017- 5- 23, 11:16 PM

مستقبلي. هي متواجده من ساعه اثنتين مادبرت حالها !؟

كوثر عرفة الحين ليه البنات مايدخلون اكيد. ينطرون ربيعاتهم يعطونهم الاسئله :10111:

بنات في احد من ريان:sm12::biggrin:

ابتساام

2017- 5- 24, 02:21 AM

للأسف البعض مافي اخلاق عندهم وانت الله يهديك كان رحت لحد ثاني ومريت على الكل
انا نسيت بطاقتي مرا وعيت تدخلني مع انو مصورتها بالجوال ارويها أقول والله نستها وعيت وادق لاخوي ومقفل جواله
ولاخليت مراقبه مارحت لها
وبالاخير رحت لوحدة بنت حلال الله يسعدها ودخلتني والله من 3 الين اربعه وشوي وانا احوووس

روراء❀

2017- 5- 24, 02:26 AM

السلام عليكم
فاتني اختبار الإدارة العامة بسبب التأخير نصف ساعة. دالك بسبب حادث مروري في الخط السريع عمل زحمة ويش الحل لانا الداري مارضة ادخل الاحتباراذا عندك افاده من المرور قدمها عذر ان شاء الله يقبلونها وتواصل مع وراسل الشئون الاكاديمية ودكتور الماده

ميم'

2017- 5- 24, 04:20 AM

المفروض ما تحركت من قدامهم الين دخلوك
انا مادري ليش معاملتهم كذا مايقدرون احد

انا انصحك تكلم الباحسين كثثير متعاون مع الطلاب و يارب يفيدك

Bessoo

2017- 5- 24, 07:13 AM

والله لو انا مكانك ماضيع تعبي عشان م سمحو لي اروح وادخل غصب خير؟ نتعب ونسهر ونذاكر وهما بكل برود اعصاب يمنعون ويجيبون اعذار تفقع القلب م يراعون زحمة الطرق وووو لكن الله يعوضك خير وان شاء الله تلاقي حل

مناهل123

2017- 5- 24, 08:14 AM

مستقبلي. هي متواجده من ساعه اثنتين مادبرت حالها !؟

كوثر عرفة الحين ليه البنات مايدخلون اكيد. ينطرون ربيعاتهم يعطونهم الاسئله :10111:

بنات في احد من ريان:sm12::biggrin:

اييه انا من الريييان :lllolll: