بخصوص التوصيات للنقاش

[عبدالمجيد1122]

السلام عليكم ورحمة الله وبركاتة
وكل عام وانتم بخير وفالكم النجاح والتوفيق الدائم
الموضوع مطروح للفائدة والاستفادة
بخصوص التوصيات لقسم علم الاجتماع مارأيك فالمواد الرئيسية الاربعة التي ستأخذ عليها توصيه ولماذا؟

[الحظ العنيد]

عليكم السلام
بالنسبه لي طبعت ٥ مواد من مواد التخصص واللي جبت فيها ١٠٠ و ٩٨

[عبدالمجيد1122]

عليكم السلام
بالنسبه لي طبعت 5 مواد من مواد التخصص واللي جبت فيها 100 و 98

وش هي المواد وليه
وهل طبعتها بالعربي او الانجليزي

[أحـلام العتيبي]

ماني فاهمه سالفة التوصيه
وش معنى تطبعون المواد اللي ماخذين فيها إمتياز !؟

[الحظ العنيد]

وش هي المواد وليه
وهل طبعتها بالعربي او الانجليزي

حفظتها بصيغتين عربي وانقلش بي دي اف وارسلتها ع الايميل حقي اطبعها اي وقت
المواد القياده وتنمية المجتمعات المحليه الثقافه والعولمه رعاية الفئات الخاصه العمل التطوعي والمجتمع السعودي
لانها كلها جبت فيها 100 و 98
اهم شي في التوصيات تكون من مواد التخصص والدرجه مرتفعه فيها ماينفع تكون من المواد العامه

[عبدالمجيد1122]

حفظتها بصيغتين عربي وانقلش بي دي اف وارسلتها ع الايميل حقي اطبعها اي وقت
المواد القياده وتنمية المجتمعات المحليه الثقافه والعولمه رعاية الفئات الخاصه العمل التطوعي والمجتمع السعودي
لانها كلها جبت فيها 100 و 98
اهم شي في التوصيات تكون من مواد التخصص والدرجه مرتفعه فيها ماينفع تكون من المواد العامه

كيف اعرف المواد الخاصه بتخصص علم الاجتماع وليس العامة واسف اشغلتك معي بس للفائدة لي ولغيري ولك الاجر بإذن الله

[N2WAL]

التوصيه أسويها بعد النتائج ولا عادي الحين !

[&أم فرح&]

لو مثلا سويت اخلاء طرف واستلمت الوثيقه ماعاد اقدر اخذ توصيات؟؟

بالنسبه للتوصيات هل لها فتره صلاحيه والا كيف لو بعد سنه سنتين مثلا بكمل ماستر تنفع ؟؟


وطريقه حفظها في الجهاز كيف ؟؟
اللي فهمت من شرح الجارح انو كل طباعه تحسب مره حتى لو اخفقت الطباعه

[الحظ العنيد]

كيف اعرف المواد الخاصه بتخصص علم الاجتماع وليس العامة واسف اشغلتك معي بس للفائدة لي ولغيري ولك الاجر بإذن الله

مافي ازعاج بالعكس انا كنت بقروب تلجرام ونزلوا صوره لمواد التخصص بس تقدر تشوف جدول المواد في بوابة التعليم عن بعد مواد التخصص مكتوب عندها كلمة جمع

[الحظ العنيد]

لو مثلا سويت اخلاء طرف واستلمت الوثيقه ماعاد اقدر اخذ توصيات؟؟

بالنسبه للتوصيات هل لها فتره صلاحيه والا كيف لو بعد سنه سنتين مثلا بكمل ماستر تنفع ؟؟


وطريقه حفظها في الجهاز كيف ؟؟
اللي فهمت من شرح الجارح انو كل طباعه تحسب مره حتى لو اخفقت الطباعه

تقدرين تاخذينها حتى لو بعد اخلاء طرف واستلام الوثيقه لك لين تقفل الخدمات ع الخريج تقريبا ست شهور وتتقفل
شرح الجارح قديم الجامعه الترم اللي فات غيرت الطريقه وصار تقدرين تسوين حفظ لكل ماده بصيغتين عربي وانقلش حفظ بي دي اف واحفظيها عندك واطبعيها اي وقت

[الحظ العنيد]

بس هو كل طباعه مره عربي ومره انقلش

[ام الرضا انا]

كيف اعرف المواد الخاصه بتخصص علم الاجتماع وليس العامة

[سلطان حمود ال]

وش الموضوع يالربع اول مره اسمع عنه
وش الطريقه بالظبط

[الحظ العنيد]

التوصيات يااخواني للي بيكمل ماستر وحتى لو مابتكملون اطبعوها لانها من حقكم ولان الخدمات راح تتقفل على الخريجين بعد فتره وتضطرون تروحون للاحساء تاخذونها وممكن الدكاتره يروحون
اطبعوها وخلوها في الدولاب مو خسرانين شي
ولازم تكون من مواد التخصص لانه طبيعي الماستر امتداد للتخصص
تقدير ممتاز له ٥ توصيات
جيدا جدا اربع توصيات
جيد ٣ توصيات وسلامتكم

[عبدالمجيد1122]

التوصيات يااخواني للي بيكمل ماستر وحتى لو مابتكملون اطبعوها لانها من حقكم ولان الخدمات راح تتقفل على الخريجين بعد فتره وتضطرون تروحون للاحساء تاخذونها وممكن الدكاتره يروحون
اطبعوها وخلوها في الدولاب مو خسرانين شي
ولازم تكون من مواد التخصص لانه طبيعي الماستر امتداد للتخصص
تقدير ممتاز له 5 توصيات
جيدا جدا اربع توصيات
جيد 3 توصيات وسلامتكم

شرحك وافي الله يجزاك خير ويكثر من امثالك بس ان قدرت تتكرم وتنزل الجدول حق مواد التخصص فخير وبركه وان ماقدرت الف شكر لك على كل حال .

[الحظ العنيد]

شرحك وافي الله يجزاك خير ويكثر من امثالك بس ان قدرت تتكرم وتنزل الجدول حق مواد التخصص فخير وبركه وان ماقدرت الف شكر لك على كل حال .

ابشر بنزله واليوم نزلته بموضوع لوحده تسأل عن مواد التخصص الجدول فيه مادتين بالاحمر مادرسناها

[الحظ العنيد]

شوف الجدول وقارن بينه وبين السجل الاكاديمي واختار المواد اللي درجاتك فيها كويسه

[عبدالمجيد1122]

ابشر بنزله واليوم نزلته بموضوع لوحده تسأل عن مواد التخصص الجدول فيه مادتين بالاحمر مادرسناها

جعلك تبشر بمايسرك فالدنيا والآخره الف شكر يالغالي

[الحظ العنيد]

جعلك تبشر بمايسرك فالدنيا والآخره الف شكر يالغالي

امين وياك

[فزقلبى]

عندى استفسار لاهنتم

انا خريج هذا الدفعة
ودخلت التوصيات الاكترونية ويقول الشروط لاينطبق علي ؟؟

مع انى معدلي عالي ولم يبق انى حملت مادة

[ابوريم 815]

السلام عليكم
كيف اطبع توصيات ونتايج هالترم مابعد طلعت لان اغلب الي ابي توصيه عليه مواده في هالترم
اقدر اطلب توصيه بعد طلووع النتايج او لاا افيدوني بارك الله فيكم

[غربة الروووح]

من وين ادخل للتوصيات افيدونا جزاكم الله خير

[غربة الروووح]

لقيتها لكن كمان يقولي لاتنطبق عليك شروط التوصيات وش السالفه

[الحظ العنيد]

لقيتها لكن كمان يقولي لاتنطبق عليك شروط التوصيات وش السالفه

لسى خلي السجل يتحدث وعادي حتى لو بعد الوثيقه

[غربة الروووح]

طيب اخوي بخصوص اراميكس واخلاء الطرف ووووو متى ابدأ اشتغل عليها الحين ولا بعد ظهور النتايج

[قصيمي بجدة]

كل هالامور بعد النتائج بس سؤالي ايش نختار افضل المواد للتوصيات

[عبدالمجيد1122]

كل هالامور بعد النتائج بس سؤالي ايش نختار افضل المواد للتوصيات

حسب اللي فهمت من الاخوان شف المواد اللي جبت فيها نتايج مرتفعه وتكون من مواد التخصص اللي هي فالجدول في التعليقات شف مواد التخصص واختر مادة جبت فيها درجه مرتفعه

[قصيمي بجدة]

الله يجزاك خير بس اقصد اذا المواد الي فيها امتياز عددها طيب وش اختار بينها اقصد وش المواد الاكثر اهمية للماستر الي تكون مطلوبة من الجامعات الداخليه والخارجيه

[فيصل الجويعد]

وش السالفه يالربع

انا باقي ثلاث مواد وتخرج وش توصياته لايكون دراسه زياده الله يستر احد يشرح لي وش السالفه حقت التوصيات