مهم الله يوفقك ياللي تفيدني وتنور لي طريقي اتمنى مشاركة الكل قبل الانتهاء من المواد [emoji17] بخصوص الإحصاء والتحليل

[الكفاح]

السلام عليكم

ابي رأيكم يااخوان وأخوات

انا بضيف الترم هذا التحليل الاحصائي وبضيف معها الإحصاء في الادارة

ولكن !!!!!!


الاختبارات بنفس الْيَوْمَ يعني التحليل فتره أولى والاحصاء بالإدارة فترة ثانية

وش رأيكم تعتقدون يمديني اذاكرها وومافي لخبطة وتشتيت لي بما انها صعبة وعلمية وش رأيكم انا ودي اخلصه هالترم المادتين

ابي رأيكم لأني مشتت


Sent from my iPhone using ملتقى فيصل (http://r.tapatalk.com/byo?rid=92985)

[الكفاح]

وين مشاركاتكم يااخوان وأخوات !!!،


Sent from my iPhone using ملتقى فيصل (http://r.tapatalk.com/byo?rid=92985)

[هــاشــم]

انا رسبت في الاحصاء ومضطر اسجلهم في ترم واحد وبنفس اليوم ركز فيها وشد حيلك اعتبرها مادة وحده لان التحليل مرتبط بالاحصاء على كلام احد الاخوه شجعني والله يقول المواد سهله تحتاج تركيز وفعلا اختبار الاحصاء كان سهل لكن مافتحت المنهج للاسف ورسبت فيه عموما ام شهد والجميع ما يقصرون بالدعم والمساعده توكل على الله بس وفالك ال a+

[LaElaf]

ما اعتقد فيها مشكلة خاصة ان اول ٤ محاضرات من التحليل مطابقة للاحصاء وهي اكثرها فالنظري.. اما الدكاترة ف نماذجهم واحده ما تخالف على مدى السنة فقط تختلف الارقام.. اعرف الطريقة و تضمن الحل..
الاحصاء جميع المسائل يمكن حلها بالالة الحاسبة بطرق مختصرة وفيه تبويبات وفيديوهات تشرحها..
والتحليل الدكتور يرفق القوانين لذلك عليك تعرف طريقة حل كل مسئلة وتعرف قانونها وبرضو فيها تبويبات وفيديوهات لشرحها.. تابعها وراح تكون درجتك ممتازة.
فالنهاية كل انسان وقدرته، فيه اشخاص يبدعون فالعملي وفيه اشخاص يكون ثقيل عليهم وانت اعلم بنفسك وقدرتك..

[ms,reem]

انا من رأيي تفصل بينهم لان الاحصاء يبيله تركيز وقوانينه كثيره واكيد التحليل الاحصائي له قوانين مختلفه واكثر ف بيكون فيه تشتت وخربطة
المادتين فيها تشابه واختلاف في نفس الوقت وعلى حسب مالاحظت من تعليقات الطلبة والطالبات فيه تذمر كثير على مادة التحليل وذلك لصعوبتها يعني يبيلها جهد اكثر
هذا من وجهت نظري انا حملت الاحصاء مره ولا افكر أبدا اجمع بينهم وطبعآ كل شخص حسب امكانياته
اتمنى التوفيق للكل

[اكاديمي عن بعد]

يعتمد على الهدف من تسجيلها معا..
اذا باقي عليك مواد قليلة وحاب تخلص وتتخرج ما يمنع من اضافتهما معا..
اما اذا مان باقي لك 4 اترام ولا انت حامل اي ماده الافضل تفصل بينهما وكل ماده في ترم. . لان المواد العملية تتطلب مجهود اكثر بالمذاكرة

[الكفاح]

جزاكم الله خير كفيتو ووفيتو وقررت أني اضيفهما معاً


Sent from my iPhone using ملتقى فيصل (http://r.tapatalk.com/byo?rid=92985)

[m_ajmi]

السلام عليكم

ابي رأيكم يااخوان وأخوات

انا بضيف الترم هذا التحليل الاحصائي وبضيف معها الإحصاء في الادارة

ولكن !!!!!!


الاختبارات بنفس الْيَوْمَ يعني التحليل فتره أولى والاحصاء بالإدارة فترة ثانية

وش رأيكم تعتقدون يمديني اذاكرها وومافي لخبطة وتشتيت لي بما انها صعبة وعلمية وش رأيكم انا ودي اخلصه هالترم المادتين

ابي رأيكم لأني مشتت


Sent from my iPhone using ملتقى فيصل (http://r.tapatalk.com/byo?rid=92985)



وعليكم السلام ورحمة الله وبركاته عوداً حميداً والحمد لله ع السلامه [emoji254]❤️
آنا من رآيي اذا خريج ضيف الثنتين مع بعض آما اذا منت خريج فمن رايي انك تنزل وحده منها وآي ماده من المستويات الآخرى تكون سهله زي آخلاقيات الاعمال مثلاً وهاذي وتمخمخ على كل وحده لحالها هذا من وجهة نظري والله يكتب لك الخيره بالتوفيق


Sent from my iPhone using ملتقى فيصل (http://r.tapatalk.com/byo?rid=92985)

[صالح أبو عايض]

الاحصاء والتحليل الاحصائي مشابه لبعض وبعض الدروس نفس بعض لكن تختلف في الاسئله والمطلوب في الاسئله

لكن ما انصحك في انها تكون في نفس اليوم ممكن تلخبط في بعض القوانين للتشابه بينهم او بيكون عليك ضغط كبير مره الاحصاء بياخذ وقت منك وجهد في الاختبار وتطلع منه تدخل على التحليل مايصير بصراحه من وجهة نظري اصلا ما انصح اي شخص يأخذ مادتين في نفس اليوم حتى لو فيها تشابه لكن الاختبار بيكون فيه جهد كبير وتركيز

[صالح أبو عايض]

جزاكم الله خير كفيتو ووفيتو وقررت أني اضيفهما معاً


sent from my iphone using ملتقى فيصل (http://r.tapatalk.com/byo?rid=92985)

اذا باقي لك ساعات انصحك عدم اخذهم مع بعض اما اذا مضطر لأجل التخرج بيكون باقي لك فقط ماده ممكن تاخذهم لكن بتكون مغامره كبيره وجهد كبير عليك انصحك تستخير ربك بركعتين ولا تستعجل معك لين بداية شهر محرم

[هــاشــم]

الاحصاء والتحليل الاحصائي مشابه لبعض وبعض الدروس نفس بعض لكن تختلف في الاسئله والمطلوب في الاسئله

لكن ما انصحك في انها تكون في نفس اليوم ممكن تلخبط في بعض القوانين للتشابه بينهم او بيكون عليك ضغط كبير مره الاحصاء بياخذ وقت منك وجهد في الاختبار وتطلع منه تدخل على التحليل مايصير بصراحه من وجهة نظري اصلا ما انصح اي شخص يأخذ مادتين في نفس اليوم حتى لو فيها تشابه لكن الاختبار بيكون فيه جهد كبير وتركيز



طيب فيه مجال ناخذ الاحصاء مستوى ٦ والتحليل مستوى ٨ ؟

[صالح أبو عايض]

طيب فيه مجال ناخذ الاحصاء مستوى ٦ والتحليل مستوى ٨ ؟

على حسب المتبقي لك وحسب ماتخطط لجدولك واكيد في مجال لكن مثل انه ياخذ نفس اليوم تحليل احصائي واحصاء بصراحه متعبه مره اصلا ياخي الواحد حتى لو مادتين سهله ونظريه مايصلح ياخذ نفس اليوم ليه يضغط نفسه في مادتين نفس اليوم الجدول موجود والمواد كثيره يرتب على راحته الا المضطر ومتخرج ممكن والله يعينه

[faiisal12]

انا رسبت في الاحصاء ومضطر اسجلهم في ترم واحد وبنفس اليوم ركز فيها وشد حيلك اعتبرها مادة وحده لان التحليل مرتبط بالاحصاء على كلام احد الاخوه شجعني والله يقول المواد سهله تحتاج تركيز وفعلا اختبار الاحصاء كان سهل لكن مافتحت المنهج للاسف ورسبت فيه عموما ام شهد والجميع ما يقصرون بالدعم والمساعده توكل على الله بس وفالك ال a+


اناا نفس وضعكك ومحتااار وخايف اني اخذهم كلهم واتوهق:mh12:

بس الاقرب اني اسحب ع التحليل وش لي بوجع الراس ..

[هــاشــم]

لاهنت يا بو عايض





اناا نفس وضعكك ومحتااار وخايف اني اخذهم كلهم واتوهق:mh12:



بس الاقرب اني اسحب ع التحليل وش لي بوجع الراس ..





البلا في الساعات وانا اخوك .. ضروري نعيد التشكيله [emoji23]
الله يختار الخير ويوفقنا جميعا

[des_FaHoD]

اهم شي لا تجي تدعي على الدكاترة زي العادة

[توفيقك ي الله]

مانصحك نهائيا تاخذ مادتين متشابهات بيكون جهد عليك مضاعف وخاصه انهم اخر يوم وبتكون مرهق من الاختبارات قبل ويمكن لاقدر الله تخفق فيهم الثنتين فالافضل تاخذ وحده والترم الجاي الماده الاخرى وحط ببالك انهم كل ماده 3 ساعات ترفع المعدل وتنزله فالثنتين سواء مغامره كبيره

وجهه نظري


تمنياتي لك بالتوفيق