اتمنى من طالبات كلية الآداب الدخول

[خايفة أدرس]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
حتى ولو اطلت عليكم اعذروني بس اقروا للنهايه
أول حاجه : تمنياتي بأن النتائج تطلع قريبان شاء الله وان ربي يوفق الجميع
ثاني حاجه: كنت ابقى ردي يكون في موضوع (الدخول بالبصمه) بس للأسف الموضوع اغلق
عن جد كان في ردود من الطالبات كانت تقهر شوي
حبيباتي :
هناك أسلوب أنتقاد جميل وراقي يوصل فكرتك أو انتقادك
بصورة أفضل من الطريقه اللي كانت كثير من الطالبات أنتقدوا فيها
هنا حنا في منتدى كلية الآداب بالدمام الكل يدخل ويشوف
حنا في موقع عام يعني صورة كليتنا حنا طالباتها اللي نمثلها
انا ما اتكلم كذا ان عاجبني الوضع بالكليه بس الحمد لله راضيه
ومافي شي كامل الكمال لوجه الله سبحانه وتعالي
لابد ان في كل حاجه نقصان والله انتم لو تعانون مثل البنات اللي مانقبلوا بالكليه اللي
يتمنون انهم ينقبلون كان حمدتم الله
والله اني جلست 3 سنوات بالبيت تو انقبل هالسنه حمدت ربي وشكرته
صحيح في بعض الامور الواحد يتنرفز منها بس الحمد لله ع كل حال
عن جد في اشياء الواحد يشوفها يتنرفز تصرف البنات داخل الكليه وما كأنهم
داخل مكان تعليم مستوى الطالبات اهمالهم طول السنه ويبقون بالامتحانات
ينجحون قبل ان نتقد اشياء صغيره
نطمح ان حنا نرقي نفسنا سواء في الدراسه والمستوى
او في التعامل
فاتمنى هالموضوع من بعده نكون هنا داخل هذا المنتدى طالبات راقيات
في الانتقاد حتى لو ان وصل انتقادنا لاحد يكون انتقاد بناء
هادف باسلوب يبين انه هناك طالبات جامعيات
تطمح للتطور بشكل افضل
وطبعا الحين الكليه صارت جامعه فلازم بيكون في عثرات في البدايه لابد ذلك
وان شاء الله
كل هالانتقادات ما بنلاقيها السنة الجايه
موفقين حبيباتي:praying:

[الدره المصونه]

(خايفه ادرس )كلامك عين العقل ..وينم عن شخصيه رزينه وعقلانيه ..!!

أنا زيك في الموضوع تبع البصمة انصدمت من ردود البنات وفضلت اني مارد

بس دام الحوار انفتح وصار عقلاني.!!

فيه كلام بخاطري ودي أقوله ..^_^

ياااحبيباتي تعودوا تشفون الايجابيات وأتركوا السلبيات لانه مافيه شي في الدنيا مافيه سلبيات

حتى انتي زي مافيك ايجابيات وأشياء حلوه فيك أشياء موحلوه ..

تخيلي الي حولك بس يشوفون أشيائك إلي موحلوه فيك تتوقعين بيحبونك اكييييد لا

الي ابي اوصله ان الحياه حلوه وخلينا نشوف الشي الي حلو فيها ونغض الطرف عن الشي الي مو حلو

فيها عشان نكون ناس ايجابين فيها

النقطه الثانيه الي ابي اقولها ياليت نرتقي بردودنا لأنه ملاحظه جزء من الردود فيها (سب ولعن )

ابد مو أسلوب طالبه جامعيه .!!

وش بيقلون عنا الجامعات الثانيه لما يدخلون يشفون المنتدى تبعنا ...ويشفون نقاشتنا ..؟!!

اقلها بياخذون فكره موب حلوه عن طالبات كليه الاداب (لانه للاسف الشر يعم والخير يخص ) يرضيك

تكون هالنظره عن بنات كليتنا .!!

انا ماقلت هالاشياء الي من حبي لكم وأنكم تظهرون بأفضل صوره

شكرا (خايفه ادرس ) على اتاحت المجال لي *_^

[القصواء]

كلام سليم اختي خايفة ادرس

وفعلا طالبات الكليه يمثلونها بتعاملهم وردوهم التي تنم عن شخصياتهم في الواقع

للاسف طالباتنا دائما متذمرات ويندبون حظهم والاهم من كذا (سلبيات ) ينتقدون بدون مايفكرون بالتغيير او اصلاح اي شي

اتمنى فعلا اننا نرتقي يأقوالنا وأفعالنا لاننا نمثل مجتمعنا

وشكرا لطرحك الرائع :)

[j7jooo7]

سلاااام .......
هلابك...... خايفه ادرس...
شوفي الصراحه كلامك عين العقل بس\ والصراحه حنا ماقلنا هالكلام الا من الي طفشنا
سنه كامله من الغثاء والنكد
انا الي يقهرني الكليات الباقيه شوفي كيف منتظمين بكلامهم
واحنا نعطي كلمه نشطح

واذا سكتنا ما ستفدنا شي نبي نطلع الي فينا صح والا لا؟؟

[بنت غير]

خايفة أدرس..

سلمت أناملك ..

على ماقدمتيه من نصيحة..

وعلى ما ذكرتيه من تجربة ..

فعلاً كانت ردود أغلب البنات مؤسفة ..

أتمنى منهن أتباع نصيحتكِ ..

والسعي نحو الرقي في أنتقادهن ..

لا عدمناك..

[سـمـو الذات]

شـكــ وبارك الله فيك ـــرا لك ... لك مني أجمل تحية .

[Gladiolus]

جزاك الله خير اختي خايفه ادرس

من جد كانت بعض ردود البنات مرره قويه

امممم

ماعندي كلام اقوله

البنات كفوا ووفوا

وانا معكم بكل الي قلتوه

جلاديولاس مرت من هنااا

[celina]

بصراحه بعض البنات مو صاحييين وابدا مافي لا ذوق وادب
< اسمحو لي على هالكلمه

بس مرات اعصب من ردود البنات

ياختي مو عاجبك الوضع ياتتكلمين بذوق بدل السب والتجريح
ولا اسكتي



انتم تتوقعون المسؤولين او دكاترتنا اللي تحشون فيهم مايشوفون المواضيع وردودكم
< ولا مفكرين المنتدى بالمريخ محد يشوفه الا احنا

يا بنت الناس لو انك شايفه ظلم ولا شي غلط
روحي للمسؤولين ولا وزير التعليم بكبره وقولي له

مو مجرد كلام هنا لا يقدم ولا يأخر
بل على العكس نكون في موقف غبي واللي بيشوفنا ماراح يصدقنا من الاسلوب
الغبي اللي بعض البنات تستخدمه " الألفاظ ، الدعاوي ، السب .. ألخ


عيييييييييييييييييييييييب يا بنات والله عيييييييييييييييب


انا مثلكم وربي انقهر من وضعنا
بس مو لدرجة اجلس بكل ردودي اسب والعن فيهم

وين احنا فيه



اللي متأذيه من الوضع تروح للمسؤولين وتشرح لنا وضعنا
تكون سووت وفعلت خير

مو بس كلام هناااااا

ومانحرك ساكن


اتمنى يابنات الله يخليكم عادي تكلمو لا تمدحون الكليه ولا تحطون شي مو فيها
بس ياخي لاتسبون ولا تلعنون ولا تدعووووون

تكلمو بأسلوب الناس تتقبله


يعني لاجت وحده مثلا تبي يفتحون كافتيريا
وقالت الله يلعنهم حسبي الله عليهم حتى كافتريا مافتحوا

تتوقعون لادخل احد من المسؤولين وقرا هالكلام بسوي شي

بالعكس



المهم ماابي اطول

بس اتمنى تمسكون اعصابكم شووووي وتذكرون الله وتحسنون شوي من الفاظكم ..


شكرا لصاحبة الموضوع
لانك فتحتي باب نتمنى ماينقفل

[تعبني غيابك]

خاآآآآيفه دارررس

مشكوره على المووضوع وانا مع كلام البنات في اللي قالووووه ومن جد الكلام هنا لا قدم ولا اخررررر

[ملاكـ الرgح]

خايفه ادرس الله يعطيك العافيه كفيتي ووفيتي celina و الدرة المصونه كلامكم عين العقل

[جريفه]

من جد موضوع راقي والارقئ منه اسلوبك وردود الطالبات تعكس شخصيه كل طالبه واتوووقع من وجهه نظري مافي اي شي يعيب ذاالكليه ماااااااااااااااقصروا ابدا ......

[وردة محبوبي]

أحياناً تصير اشياء تنرفزنآ تقهرنآ تغيضنآ وتكرهنآ بالكلية ونرجع نحبها من جديد وهذا شيء طبيعي جداً
قولوا لي طالبة مسيرتها الدراسية مافيها منغصات حتى العلماء والباحثين والمفكرين صادفتهم
مواقف عرقلت مسيرتهم هم اشتكوا . .؟ هم وقفوا عن العطاء ..؟ واكبر مثآل رسول الله محمد صلى الله عليه وآله وسلم هذا اكبر قدوة لنآ ..
لآزم نصبر لآزم نقابل الاساءة بالاحسان لاتقولوا مثاليات و ...الخ
اشكوا لرب العالمين الحآل مو لازم نسب عشان نعبر عن شعورنا مو لازم نتحسب على خلق الله
عشان نبرد خاطرنا بدل الدعاوي والسب نستبدل هالشيء بدعاءنا للجميع بالهداية
مثلي مثل البنات استغربت السب والدعاوووي كل كلمة والثانية وراها توقيع سب ودعاوي
اصلا هالاسلوب ينفرر مو لازم تكتبيه مو كل شيء بالعقل الباطن ينكتب او ينقال


والله يوفقنا جميعنا يارب

[عسولة الشرقية]

الله يجزاك خير على النقد البناء

[هويآن]

خايفه أدرس

بطله و الله موضوعك خطير وينهم عنك المشرفات

المفروض يتثبت


أنا معك قلبا و قالبا


أصلن لو كل بنت تفكر بأن كلامها بالملتقى يعكس تريبه

أهلها ما كان تطور الموضوع لها الدرجه


أنا ما شفت كل الردود بموضوع البصمه



بس أنتي خشي على موضوع النتايج وشوفي ألحين


أستهزاء بدكاتره و أساتذه فاضلين و تقليل من قدرهم بشكل مخجل


يعني البنت الكسلانه رجاء تعترف و بطلوا ترموا بلاكم ع الدكاتره

و مهما كان مهما كاااااان الظلم

ما أجي أنا و أتكلم بها السفاهه عن الدكتور أو الإستاذ


حتى لو فرضنا جدلا أنوو ظالم في رب حسيب فوق


هو اللي يآخذ بحقكـ ,, ولو شتمتيه ما راح يحل هذا شي

بالعكس يقلل من شأنك فققططططط

عشان كذا يا ليت يا بنات


نكون راقين باللي نكتبه لأنه يعكس


شخصياتنا و المجتمع اللي إحنا فيه

[خايفة أدرس]

تسلموووون حبيباتي ع ردودكم الرائعه
وتايدي في هالشي

j7joo7
اختي ماقلناشيء نطلع اللي فينا باسلوب يدل ع انه حنا طالبات جامعيات راقيات في التعامل والنقد البناء

[Love you alone]

كلامك صحيح بس ياقلبي الكليه طفش الي مايطفش واللة لو كانو هم اخلاق غصب عن الكل يحترمهم بس......

[ليان الدلوعه]

شـكــ وبارك الله فيك ـــرا لك ... لك مني أجمل تحية . صج كلامك بس البنات من الامن حنا في صرح تعليم موسجن ومسجونات ممنوع الاكل من غير تفتش الشنط تقول جمارك اكيد بيتكلمون بالمنتدي ويففضون مافي قلوبهم وانا منهم واذاحبت تشتكين رواحي فلان وفلانه تهازيك علي ايش ابوي بره عادتان نعطي البطاقه ونروح نجيب بطاقه اللي جاي ياخدني قالوا لادقي عليه خلي يجبه هنا مع الشبك اوكي دقيت الجوال مغلق قلتلهم قالت وانتي شنودرك انه جاء قلت دق قبل شوي قلت ماراح تطلعين واش انقوال علي هالحال واكثر من كذا شنو نقول ونخلي هذا نقطه في بحر

[خايفة أدرس]

حبيبتي ليان تسلمين ع مرورك
طولي بالك تدرين الامن كل هذا عشان البنات
والله بداية الترم الاول كانت البوابات مفتوحه ع طول الدوام
وكان الكل يطلع ويرجع ع كيفيه ع انه نظام جامي
بس لما شافوا تسيب البنات البنت تدخل من البوابه شوي الا هي طالعه
وين تروح يعني وربي من اللي شافوه من البنات
لازم يسون كذا وهذا حرص عليكم قبل كل شي والمصلحتكم
اتمنى تتفهمون هالشي

[كليتنا هم:(]

السلام عليكم ورحمة الله وبركاته

اولا\اشكرك على طرح الموضوع
ثانيا\مااعترض على كل اللي انتقدو البعض القليل
ثالثا\اللي جرب انظلم بهالكليه طلع منه لا ارادي
رابعا\ لو وين وصل صووت الطالبات مافيه امل بكلية الدمام التعدييل
خامسا\ كل من يكتب بهالمنتدى يعبر عن شخصية العضو ه وليس الكل
سادسا\ تكلمنا كثير وكتبنا بالجرايد مافهمو ولاسمعو شي ولا غيرو
يعني بهاللي يصير بتغير شي بالمنتدى
سابعا\ لابد من ابداء رأي الطالب والطالبة بكل حريه بس صحيح بشكل معتدل
ثامنا\كلنا نخطء لاننا بشر
تاسعا\الله يسعدكم كلكم
عاشرا\اتمنى لكم التوفيق والنجاح

[ليان الدلوعه]

مشكوره علي مرورك اختي خايفه ادرس بس صراحه ارجع لبيت ونفسيتي ولاشي انزين نجيب فطاير وعصير من بري ياخذونه يعني مافي كافتري وبين المحاضره عشر دقايق وين يمديك تروحين وترجعين بعشردقايق كذا مره ياخذون فطور الله لاعيده من ايام بس شنو نقول

[خايفة أدرس]

كليتنا هم

اسعدني مرورك
صحيح كل عضو يمثل شخصيته
بس هنا حنا نمثل كليتنا
وانا اشوف اغلب اعضوات اسلوبهم نفس ماذكرت
واحترم وجهة نظرك
لك احترامي

[موون]

أنا صار لي فترة ما أدخل المنتدى لكن موضوعك حسسني انه الدنيا لسا بخير وانه جيلنا فيه أمل منه,,
طبعا كل اللي ردوا وبدون استثناء لهم أرقى تحية مني وخصوصا صاحبة الموضوع فعلا فرحت بردودكم لأنها تعكس نضوج الطالب الجامعي..
مشكلتنا انه لما الشخص مايعجبه شئ ينقد لكن بطريقة مسيئة ومايعرف فن النقد...النقد فن ويدرس باللغة العربية والإنجليزية وفيه كتب كثيرة عنه...له أصول مو زي ما البعض الله يهديه فاهم انه عشان أنقد أشتم وأقلل من قيمة الشئ!!
البنات ردودهم كافيه....تعبنا واحنا نقول الشهادة ماااااااااالها فايدة اذا مافي نضوج ولا ثقافة...وما أقصد ثقافة
كتب ...حتى التعامل له ثقافة...تعاملك مع صاحبتك يختلف مع أختك مع أستاذتك مع الغريب,,

مشكووووووووووووووووووووووووووووووورة على هالموضوع,,