تسجيل الدخول

مشاهدة النسخة كاملة : هل استطيع التسجيل في الجامعه بشهادتي ؟؟

حنيت الشوق
2010- 7- 3, 12:07 AM
الســـلام

انا طالبه من خريجات 1426هـ عندي فرصه اسجل في الجامعات لو خلاص ؟؟

ارجو الافاده ..
king of silence
2010- 7- 3, 12:15 AM
تبين تسجلين انتساب مطور أو انتظام ..؟؟
Galaxy-sa
2010- 7- 3, 03:13 AM
يمديك اختي ان شاء الله ..

شهادة الثانوية مدتها خمس سنوات ..

والله يوفقك ..

وبالنسبه للأنتساب يقبلون لو عشر سنوات ..

والله يوفقك ..
حنيت الشوق
2010- 7- 3, 01:07 PM
طيب اذا يمديني اسجل ابي اخذ البصمه من وين اخذها ؟؟

ومشكورين على الافاده
وســام
2010- 7- 3, 01:10 PM
أي بصمة ..
انتي رايحة الجامعة مو جوازات اختي ..
سجلي عن طريق النت واذا جت الموافقة لك جمعي اوراقك وسددي الرسوم وخلصنا
للاستطلاع والفائدة ادخلي على موقع الجامعة وراح تلقين كل التفاصيل
حنيت الشوق
2010- 7- 3, 03:27 PM
اي مااقدر اسجل في النت الا اذا اختبرت قدرات وتحصيلي ومااقدر اختبر الا اذا طلعت لي بطاقه الذكيه والبطااقه تحتاج لبصمه والا مااقدر اختبر
غلا الورد
2010- 7- 7, 10:00 AM
روحي سجلي بمركز قياس وهم يطلعونلك وين موقعهم عشان يطلعون لك البطاقة وبس

بالتوفيييق

اية صح خوذي معك جوازك او بطاقة الاحوال الشخصية اذا عندك


وترى الانتساب المطوور مايحتاج قدرات ولا تحصيلي

وبالتوفيق مرة ثانية
القلب النابض
2010- 7- 7, 01:07 PM
لحظه لحظه يا جماعه تلخبطت الامور
شوي

الحين عزيزتي اذا تبين انتظام اتوقع ما تقدرين لانها مضت 6 سنوات على شهادتك الثانويه
بس تقدرين تسجلين انتساب
لانه الانتساب ياخذ 8 سنوات على الثانويه
والانتظام يشترط تدخلين لاختبار القدرات واختبار القدرات هو اللي يتطلب البصمه اللي تطلعينها ببطاقه الذكيه واعتقد الان ما يطلعون البطاقه هذه لانه انتهت فتره التسجيل
الحين كلها تقديم والتقديم ايضا انتهى على قياس
والانتساب ما يتطلب دخول اختبار القدرات والتحصيلي
وفقتي