انطباعكم عن اختبار النحو التطبيقي 1 29 / 3 / 1439

[maajed]

السلام عليكم


الاختبار كان فيه لخبطه واشوفه صعب اللي

فيه احد جاب الأسئلة

[some one 1]

سيء واسئلة بين السطور

[fahd2007]

الله لايعيده من اختبار كان سيء ولخبطنا بعكس الأسئلة ومن بين السطور احس انه حالف ماينجحني في النحو أسئلة الأعوام السابقة سهله وإذ اختبرت يصعبها

[maajed]

المشكله انا خريج والماده هذي واقفه لي هي مبادئ الإحصاء

الله يعين وان شاء الله ننجح ونفتك

[ِAli_M]

اي والله الاختبار سيء جداً جداً جداً ..

لو نرفع تظلم كلنا راح يزيدونا تقريباّ 10 درجات لكل طالب ..

قبل صارت لنا مشكلة مع الانجليزي كتابة !
و اعطوا الطلاب اللي " رفعوا تظلم" 10 درجات لكل طالب ..

صراحة ساعدت انهم يعدون المادة أقل شيء :(

[some one 1]

اي والله الاختبار سيء جداً جداً جداً ..

لو نرفع تظلم كلنا راح يزيدونا تقريباّ 10 درجات لكل طالب ..

قبل صارت لنا مشكلة مع الانجليزي كتابة !
و اعطوا الطلاب اللي " رفعوا تظلم" 10 درجات لكل طالب ..

صراحة ساعدت انهم يعدون المادة أقل شيء :(



حلوووو اجل انا اول واحد يرفع تظلم

[ِAli_M]

حلوووو اجل انا اول واحد يرفع تظلم



بس للحين ما فتخت خانة " التظلمات "

[هادي زينو]

والله يعني المفروض المادة على محتواها البسيط اقل واحد ياخذ a
بس ماهو بسيط الاختبار وتفاجأت ان كثير من اللي بالقاعة تاخرو بالخروج
الكل عانى من الاسئلة الله يعين وكم واحد لازم يرفع تظلم عشان الدرجة ؟

[Awi1991]

الله يسامحه الدكتور على هالاسئلة هذه !!!!

[abunader]

تظلم ان شاء الله

[some one 1]

ترى الدكتور سوى حركة ما لها داعي وهي جاب بعض من الاسئلة القديمة وغير صيغة السؤال يعني اللي كان مذاكر الاسئلة حفظ بدون تركيز راح فيها

[Awi1991]

المشكلة لو تشوفون الاسئلة العام كان جدا سهل وهو قال كل الاسئلة من المحاضرة الاولى والثانية

واخرتها عطانا 1-0

[هادي زينو]

ايش راح تكتبو بالتظلم ؟

[abr72020]

المشكله انا كمان خريج والماده هذي واقفه في نحري

[ِAli_M]

ياليت أحد يكتب صيغة محددة للتظلم بـ كل الاشياء اللي واجهناها بالاختبار أو واجهوها الزملاء و ينزلها هنا بـ صيغة مرتبة
عشان الكل ينسخهاا و ينزلها عن طريق :
( الدخول على موقع الجامعة - الخدمات الطلابية - خدمات شؤون الاختبار - تلقي ملاحظات الطلبة حول الأختبار - اختر المقرر - اختر مركز الاختبار - و الصق اللي نسخته - حفظ )

[abu nader]

السلام عليكم ..
نخلص ان شاء الله من الاختبارات على خير ولازم نرفع تضلم حقيقة الاسئلة مره صعبه.. لازم نتفق على صيغة معينه للعموم


Sent from my iPhone using ملتقى فيصل (http://r.tapatalk.com/byo?rid=92985)

[some one 1]

السلام عليكم ..
نخلص ان شاء الله من الاختبارات على خير ولازم نرفع تضلم حقيقة الاسئلة مره صعبه.. لازم نتفق على صيغة معينه للعموم


sent from my iphone using ملتقى فيصل (http://r.tapatalk.com/byo?rid=92985)



بس أحد يفيدنا متى اخر وقت لرفع التظلم ؟؟؟؟!!!!

[abu nader]

بس يفتح اعطيكم خبر ان شاء الله


Sent from my iPhone using ملتقى فيصل (http://r.tapatalk.com/byo?rid=92985)

[ِAli_M]

شباب بالله وش وضع التظلم !!!
بالله أحد يعطينا الصيغة و نتدارك الوضع قبل ما نحمل المادة ..

[abu nader]

ابشوف صيغة تظلم واعطيكم هيه ويكون الرفع بنفس الصيغة ان شاءالله


Sent from my iPhone using ملتقى فيصل (http://r.tapatalk.com/byo?rid=92985)

[maajed]

ننتظرك ي بو نادر نبغى الصيغة

[ِAli_M]

بأنتظرك أخوي .. لا تتأخر الله لا يهيينك

[abu nader]

السلام عليكم بالنسبة للتظلم هي مادتين النحو التطبيقي ومادة مبادئ الإداره


Sent from my iPhone using ملتقى فيصل (http://r.tapatalk.com/byo?rid=92985)

[?SILVER]

انا الان لي ست سنوات بجامعه الملك فيصل تعليم عن بعد دخلت عام 1433 في الجامعه ماده النحو رسبت فيها و باقي لي الان أربع مقررات 3 انجليزي و ماده النحو 1و الترم الجاي و اخلص من الجامعه و الله لا يوفقه الدكتور هذا مدري شلون اطلع منها 😠

[maajed]

كان الاختبار صعب وبين السطور لكن اذا رفعنا تظلم يزيد الى ١٠ درجات تقريبا
نبغى الصيغه

[هادي زينو]

معالي مدير جامعة الملك فيصل حفظة الله

السلام عليكم ورحمة الله وبركاته :
نحن طلاب المستوى الثاني كليه اداب
نرفع لكم تظلمنا بشأن ماحدث لنا من ملاحظات على (الدكتور)
د/ عبد الله الحقباني

أستاذ مقرر 《《 النحو التطبيقي 1 》》

وذلك بطريقة الاسئله الصعبة التي ٩٠% اللذي سبب لنا صعوبة في فهم طريقة السؤال وكانت اسئلة الدكتور غير مفهومه والخيارات متشابهه وليست واضحه مع
سهولة الماده التي كنا نبحث عن رفع المعدل فيها ونحن طلاب وطالبات جامعتكم ابنائك وبناتك نرجو انصافنا مماحدث لنا والوقوف بجانبنا ...

☆ وكان الله في عون العبد مادام العبد في عون اخيه ☆

بإمكان معاليكم مراجعة نموذج الاسئله في مادة ( النحو التطبيقي 1 ) والتأكد من ذلك.

ولكم جزيل الشكر والعرفان

ايش رايكم بهالصيغة اللي عنده اضافات يحطها عشان الصيغة لنا كلنا واحد وبالتوفيق

[maajed]

ممتاز ����

[هادي زينو]

معالي مدير جامعة الملك فيصل حفظة الله

السلام عليكم ورحمة الله وبركاته :
نحن طلاب المستوى الثاني كليه اداب
نرفع لكم تظلمنا بشأن ماحدث لنا من ملاحظات على (الدكتور)
د/ عبد الله الحقباني

أستاذ مقرر 《《 النحو التطبيقي 1 》》

وذلك بطريقة الاسئله والاخطاء الاملائية مما صعب فهم السؤال وتكرار بعض الاسئلة بنفس الصيغة والخيارات مع وجود أخطاء فيها مما سبب لنا صعوبة في فهم طريقة السؤال
مع سهولة الماده التي كنا نبحث عن رفع المعدل فيها ونحن طلاب وطالبات جامعتكم ابنائك وبناتك نرجو انصافنا مماحدث لنا والوقوف بجانبنا ...

☆ وكان الله في عون العبد مادام العبد في عون اخيه ☆

بإمكان معاليكم مراجعة نموذج الاسئله في مادة ( النحو التطبيقي 1 ) والتأكد من ذلك.

ولكم جزيل الشكر والعرفان

تنسيق افضل ارفعوا هاذا التظلم اي اضافة انسخو الصيغة وعدلو عليها وبالتوفيق للجميع :d5:

[هادي زينو]

مين راح يرفع تظلم ؟؟ يكتب الله لا يهينكم وكيف طريقة الرفع اذا احد يقدر يفيدنا