السبت القادم التسجيل في جامعة الملك فيصل عبر موقع الجامعة

[ابواياد]

أعلنت عمادة القبول والتسجيل في جامعة الملك فيصل عن فتح باب القبول الإلكتروني للطلاب والطالبات للالتحاق بالجامعة، وذلك اعتباراً من السبت، وحتى نهاية دوام الأربعاء "2 شعبان" في تمام الساعة الثالثة ظهراً.

وأوضحت الجامعة في بيان صحفي أمس أن جميع إجراءات القبول من خلال بوابة القبول الإلكتروني عبر موقع الجامعة : www.kfu.edu.sa (http://www.kfu.edu.sa/)
، موضحة أن تسليم أصول الوثائق للطلاب وللطالبات المقبولين سيكون عن طريق مكاتب البريد الممتاز (مجاناً)، وستتحمل الجامعة رسوم تكاليف البريد الممتاز.

[نهر الوفاء~]

شكرا ع نقل الخبر
جزاك الله خير

[موفقه من ربي]

مشكوورين

واتمنى يتوفر الرابط لان اللعام فاتني بهالسبه

[شهد العجمي]

يالله وربي ما اعرف شي بالتسجيل انا متخرجه وتوني اليوم طالعه من اختبار التحصيلي بس وشولون السبت التسجيل ولسى ماطلعت نتايج التحصيلي ولا يعتمدون على نسبه المدرسه بس؟؟

[ذيب البراري]

بارك الله فيك اخي العزيز
ونتمى التوفيق للجميع

[تيا]

السلام عليكم انا توني متخرجة من الثانوي وابي اسجل بكلية الآداب والتسجيل راح يفتح يوم السبت وانا ابي اعرف الشروط للقبول لان الموقع صراحة مو واضح بس ابي اسأل انا اختبرت قدرات وجبت 78 بس التحصيلي لسه بعد بكرة انا حابه اعرف كيف اسجل وانا نتيجة اختبار القدرات والتحصيلي راح تأخر على ماتطلع لان الاختبار الاربعاء والتسجيل يبدا السبت 00واذا عندك فكرة عن اهمية اختبار القدرات اللي بشهر سته اللي فات وهل ياخذون نسبته 00 اسفه على الأطالة

[XBroOokEnDreAmX]

يعطييييك العافييه ع الموضوع ...~

الله يوفق الجميييييع:049:

[تجيبك الأيام]

يعطيك العافيه على الموضوع

بس ودي اعرف كليه الخفجي تابعه لجامعه الملك فيصل؟؟

[إبتسامة خجل]

مشكوورين

واتمنى يتوفر الرابط لان اللعام فاتني بهالسبه

رابط التسجيل يكون على موقع جامعة فيصل وان شاء الله راح يكون بشكل واضح

موفقة

[إبتسامة خجل]

يالله وربي ما اعرف شي بالتسجيل انا متخرجه وتوني اليوم طالعه من اختبار التحصيلي بس وشولون السبت التسجيل ولسى ماطلعت نتايج التحصيلي ولا يعتمدون على نسبه المدرسه بس؟؟


اتوقع انتو تسجلون وبعدها يرسلون النتائج للجامعة

انتضروا الى السبت وشوفوا التسجيل اذا طلبوا منكم التحصيلي ولا لا

لأن لما كنا نسجل كان في التسجيل مربع لدرجة القدرات ومربع ثاني للتحصيلي

موفقين

[إبتسامة خجل]

السلام عليكم انا توني متخرجة من الثانوي وابي اسجل بكلية الآداب والتسجيل راح يفتح يوم السبت وانا ابي اعرف الشروط للقبول لان الموقع صراحة مو واضح بس ابي اسأل انا اختبرت قدرات وجبت 78 بس التحصيلي لسه بعد بكرة انا حابه اعرف كيف اسجل وانا نتيجة اختبار القدرات والتحصيلي راح تأخر على ماتطلع لان الاختبار الاربعاء والتسجيل يبدا السبت 00واذا عندك فكرة عن اهمية اختبار القدرات اللي بشهر سته اللي فات وهل ياخذون نسبته 00 اسفه على الأطالة



وعليكم السلام والرحمة

مبروك التخرج خية وان شاء الله تبشرين بقبولك في التخصص الي تبغينة

كلية الأداب عادة ماتشترط شروط لتسجيل فيها انتي سجلي ولا عليك

بس ضروري تعرفين انا الجامعة تخصصاتها تربية خاصة ورياض اطفال وتقبل النسب العالية

اما الأداب علم اجتماع - تاريخ - جغرافيا -دراسات - عربي

على العموم نسبتك في القدرات حلوه

بخصوص سؤال القدرات جاوبت على البنت الي قبلك

الله يوفقك

[علي احمد بن محم]

كيف يبدء التسجيل يوم السبت والنتائج ما طلعت الى الان واختبار القدرات غدا

[عذبــ الروح ــة]

شكرآ ع الخبر

ربي يع ــــآفيك

[ѕаяа♥]

يعطيك العافيه

[القلب النابض]

اخواني لا تقلقون الجامعه ما تطلب الا النسبه
والنسبه اليوم نزلت بموقع الوزاره وهذه المهمه عشان التسجيل
بالتوفيق للكل

[القلب النابض]

ومن خلال الرابط
تقدرون تعرفون النسبه
كل ما عليكم تدخلون رقم السجل المدني والنتيجه تطلع لكم

http://86.51.174.18/EMSResults/
بالتوفيق

[hanood]

طيب ونسبة القدرات والتحصيلي؟

كيييف؟؟


..

يعني مثلا جامعة فيصل بتلغي نظام قيآس ؟؟!!


أرجو الافاده




..

[ابواياد]

يعطيك العافية يا القلب النابض على الرد على الأستفسارات
كان ودي ارد بس ما عندي اجابة مجرد ناقل للخبر

[ملاك2012]

مشكور وربي يعطيك الف عآفيه ..

[القلب النابض]

طيب ونسبة القدرات والتحصيلي؟

كيييف؟؟


..

يعني مثلا جامعة فيصل بتلغي نظام قيآس ؟؟!!


أرجو الافاده




..
لا الجامعه نزلت نتيجه القدرات للاولاد وللينات
النتيجه اللي لسا ما نزلت
التحصيلي
وقياس ترسل جميع النتائج لكل الجامعات المعتمده لبرنامجها من ضمن شروطها فلا تقلقوا
:119:

[n0_0r]

أنا اختبرت يوم الثلاثاء 24 / 7
يعني راح يطلعونه
قبل التسجيل
لانه انا ما اختبرت قدرات من قبل

[شهد العجمي]

أنا اختبرت يوم الثلاثاء 24 / 7
يعني راح يطلعونه
قبل التسجيل
لانه انا ما اختبرت قدرات من قبل
حبيبتي بكره التسجيل سجلي وماعليك النتايج راح توصل للجامعه الكترونياً
وراح تتم المفاضله على النسب بدون تحديد ..
بالتوفيق لنا جميعاً

[فراشه]

حد يجاااوبني
متى يبدأ التقديم الســـــــــــــاعه كم؟؟؟؟؟؟؟


الله يوفق اللي يجاوبني

[I-UO]

طيب انا على حسب نسبة التحصيلي والقدرات راح اسجل
مثلاً اذا كانت جميله راح اسجل طب
واذا ما كانت جميله راح اسجل علوم طبيه تطبيقيه
شلون اسجل بدون ما اعرفها ؟؟

وممكن لينك التسجيل لو سمحتو
وشكراااا

[عنـفوآن بـشآيـر]

طيب انا على حسب نسبة التحصيلي والقدرات راح اسجل
مثلاً اذا كانت جميله راح اسجل طب
واذا ما كانت جميله راح اسجل علوم طبيه تطبيقيه
شلون اسجل بدون ما اعرفها ؟؟

وممكن لينك التسجيل لو سمحتو
وشكراااا

قصدك اذا كانت عاليه :119:

ع العموم هو فيه عدة رغبات وهم 6 ..

يعني تقدرين تسجلين بـ 2 وزياده فـ انتي سجلي بـ الاولويه اللي تبين / وهم راح يقبلون على حسب ترتيبك مثل ماهو مذكور بـ الاقتباس :

- اختيار ست رغبات لكليات الجامعة

(يرجى ترتيب الرغبات حسب الأهمية تصاعدياً حيث سيقوم النظام بالنظر إلى الرغبات حسب اختيارك لهذه الرغبات).

[I-UO]

شكرا على الرد جميله
بس ينفع اسجل طب وعلوم تطبيقيه
يعني انا اسجل مره وحدا
ولا اسجل من جديد
يعني اسجل مره وحده واختار طب علوم تطبيقيه ينفع ؟
ولا اسجل مره طب
ومره علوم تطبيقيه ؟؟

ومتى يبدا التسجيل من اي ساعه ؟؟

[عنـفوآن بـشآيـر]

شكرا على الرد جميله
بس ينفع اسجل طب وعلوم تطبيقيه
يعني انا اسجل مره وحدا
ولا اسجل من جديد
يعني اسجل مره وحده واختار طب علوم تطبيقيه ينفع ؟
ولا اسجل مره طب
ومره علوم تطبيقيه ؟؟

ومتى يبدا التسجيل من اي ساعه ؟؟

شوفي اختي بـ التسجيل راح يجيك تقريباً بـ هالشكل الرغبات :

1-
2-
3-
4-
5-
6-

انتي تبين كلية الطب اول شي ! اذاً حطيها بـ رقم 1 / و2- كلية علوم تطبيقيه ..

يعني كلهم بـ نفس الوقت بيصيرون

..والخ قدامك تعبين البيانات لـ رقم 6 ع الكليات اللي تفضلينهم بـ الترتيب ..

ان شاء الله وضحت الصوره ،!


بـ النسبه للـ ساعه كم؟ المفروض انه من بداية اليوم 12 يفتح بس الله اعلم متى بيفتحونه .

موفقه ،

[I-UO]

مرررره شكرا
تدرين اني احبك
احم احم طيب اذا بدا التسجيل ممكن تقولين لي
شكرا

[الفصول الأربعه]

السلام عليكم
كيف تسجلون واختبار التحصيلي ماطلع

[I-UO]

بنات رجعت بسؤال
ايش افضل وقت في التسجيل
وحدا قالت لي مو اول يوم
لان اول يوم يكون للنسب 100% و 99%
استنى ثاني يوم افضل
صح كلامها ؟؟

[الفصول الأربعه]

ياصبايا بخصوص التحصيلي كيف ؟؟؟

[إبتسامة خجل]

السلام عليكم
كيف تسجلون واختبار التحصيلي ماطلع


اذا بدء التسجيل سجلوا وبعدها هم يرسلون للجامعة نسبكم

موفقين

[إبتسامة خجل]

بنات رجعت بسؤال
ايش افضل وقت في التسجيل
وحدا قالت لي مو اول يوم
لان اول يوم يكون للنسب 100% و 99%
استنى ثاني يوم افضل
صح كلامها ؟؟


التسجيل الكتروني يعني بس يفتح التسجيل على موقع الجامعة انتي سجلي

من يفتح التسجيل الى اخر يوم محدد يكون الكل النسب بدون استثناء

المهم انك تسجلين قبل نهاية التسجيل

والمفاضلة في القبول للنسب الأعلى وليس لمن سجل اول

موفقين

[الفصول الأربعه]

اذا بدء التسجيل سجلوا وبعدها هم يرسلون للجامعة نسبكم


موفقين



الله يعطيك العافيه

[I-UO]

الساعه كم يفتح التسجيل
لان جدا فيني نوم
وراي ملفي استلمه اليوم
اسجل بعد ما اخذ ملفي ولا عادي الحين ؟؟
يعني يحتاج معلومات من ملفي ؟

[إبتسامة خجل]

الفصول الأربعة

ويعافيك يارب

وفالك القبول

[إبتسامة خجل]

الساعه كم يفتح التسجيل
لان جدا فيني نوم
وراي ملفي استلمه اليوم
اسجل بعد ما اخذ ملفي ولا عادي الحين ؟؟
يعني يحتاج معلومات من ملفي ؟


والله ماأعرف

ياقلبو نامي ورتاحي

لأن القبول راح يكون الأولوية والمفاضلة على النسب

وليس على من يسجل اولا

يعني تقدرين تسجلين حتى بكرا بس المهم تسجلين قبل انتهاء الفترة المحددة

موفقة

وفالك القبول

[I-UO]

شكرا
وتعرفين اني احبك
^-^
تصبحون على خير

[Ms.NoNa]

لما أنقبل وأسلم أوراقي
أقدر بعدها بفترة أسحب ملفي لولا؟؟!
اللي عنده فكرة يفيدنا ؟؟!

[القلب النابض]

تقدرين تسحبين ملفك بس ما تقدرين ترجعين السنه اللي بعدها وتسجلين
لانك لما تسحبينه توقعين على عدم المطالبه بالمقعد
يعني فكري مليا قبل سحب الملف

[magic brain]

السلام عليكم ورحمة الله وبركاته

بليز حد يحط لنا رابط للتسجيل لانوا موا عارفه من وين اسجل :)

موفقين

[إبتسامة خجل]

وعليكم السلام والرحمة

http://www.kfu.edu.sa/ar/Deans/AdmissionRecordsDeanship/admission1431/Pages/main.aspx

تقديم طلب قبول جديد

موفقين

[Ms.NoNa]

ياجماعة أنا أختي ساحبة ملفها من سنة من الجامعة بالجبيل
والحين الموقع مو راضي يسجلها من جديد
يقول لها السجل المدني موجود
شلون الحين شالدبرة شلون تسجل ؟؟!
بليز اللي عنده فكرة عن الموضوع يرد ؟؟!

والله يوفقكم :)

[القلب النابض]

عزيزتي
اختك مختبره والا لا
؟
بس بمجرد دخولها طلعت ؟

[اسماء التميمي]

السـلام يـآقمـآعه .. :000:

متى تطلع جـآمعة فيصل نتـآئج القبول !! بتآريخ كم ؟؟

والتنشيط هل هو بتـآريخ ووقت معين ولآ بأي وقت !:sdfgdsf::bawling:

[إبتسامة خجل]

بالنسبة للتنشيط يكون بعد ماتعلن الجامعة نتائج القبول

التنشيط يكون للي مالفهم الحظ في الدفعة الأولى من القبول

موفقة

[إبتسامة خجل]

اعلان نتائج القبول راح تكون على الشكل التالي

يوم الأحد 6 / 8 اعلان نتائج القبول " الطلاب فقط "

لكليات الطب , الصيدلة الأكلينيكية , كلية الهندسة , كلية علوم الحاسب وتقنية المعلومات

الأحد 13 / 8 اعلان نتائج القبول " لطالبات فقط "

لكليات الطب , الصيدلة الأكلينيكية , كلية علوم الحاسب وتقنية المعلومات

الأحد 20 / 8 اعلان نتائج القبول " لطلاب وطالبات " لباقي الكليات

موفقين

وفالكم القبول

[اسماء التميمي]

بالنسبة للتنشيط يكون بعد ماتعلن الجامعة نتائج القبول

التنشيط يكون للي مالفهم الحظ في الدفعة الأولى من القبول

موفقة



يب ع‘ـآرفه .. مثلآ ..

لآسمح الله مـآ انقبلت .. هل التنشيط له وقت معين !!

لآنو على حد علمي انه اذآ مـآ نشطت الدفعه الاولى ومـآ اقدر انشط للدفعـآت اللي بعدهاا ..

[القلب النابض]

بعد ما تطلع النتيجه نشطي
علطول
لا تنتظرين حاجه
لسا ما عرفنا
كم راح يبقى
بالتوفيق
اخيتي

[بكااااشه]

فاتني التسجيل آخر موعد في / الساعه  ضهرا
تكفون يمكن يمددون الساعات شوي_بليز ابي رابط التسجيل المباشر دخلت موقع الجامعه لي يومين ماعرفت _ تكفووون بسرعه

‏*‏ بكااااشه *

[إبتسامة خجل]

خية دخلت على الموقع وتسجيل اغلق

بأمكانك التسجيل بجامعة الدمام يوم الأثنين

موفقة

[بكااااشه]

مشكوره حياتي
والحمدالله على كل حال
الله يعوضني بجامعة الدمام
بس اش الفرق بين الجامعتين وآقل النسب اللي تتوقعين يقبلونها كم

[قوووتالحلوةة]

السلام عليكم ورحمة الله وبركاته

انا توني اليوم عرفت عن ان موعد القبول بالجامعه

كان مفتوح بس لما جيت المغرب لقيت التسجيل مقفل

قولوا لي وش اسوي .. انا ابي اقدم على التربيه الخاصه

كيف الحين راح اقدم ؟؟ فيه فرصه ثانيه او لا ؟؟

ياليت تساعدوني وتعلموني وش اسوي

واذا اقدر اروح لمقر الجامعه اقدم منها

وشكرا

[القلب النابض]

وعليكم السلام
لا عزيزتي للاسف التسجيل انتهى
في جامعة الفيصل

واذا تبين تربيه خاصه
عندك التربيه بالجبيل
اللي بالاحساء راح عليك
بالتوفيق

[القلب النابض]

مشكوره حياتي
والحمدالله على كل حال
الله يعوضني بجامعة الدمام
بس اش الفرق بين الجامعتين وآقل النسب اللي تتوقعين يقبلونها كم
ما في فرق
العام كانو جامعه واحده
هالسنه انفصلوا عن بعض
سجلي والنسب تختلف كل سنه
على حسب نسب المتقدمين
بالتوفيق

[بنت عبدالعزيز ا]

مرحبا
انا لسه توي متخرجه ولا اعرف شي عن التسجيل بس ابي اسال اذا ياخذون القدرات لغير السعوديات ولا ندخل بنسبتنا لاني ما اختبرت لاقدرات ولا تحصيلي وما ادري وش السالفه لان خواتي بالجامعه وسجلوا السنه اللي راحت وما اختبرو قدرات او تحصيلي واناعلى هذا الاساس ما اختبرت بس بدي اعرف اذا هاي الجامعه بتاخد القدرات ولا ندخل بنسبتنا وشكرا اتمنى الرد على موضوعي واسفه على الاطاله


وشكرا عالموضوع وموفقيييييييييييييين

[@Ahmed@]

بنت عبدالعزيز

من شروط القبول في اي جامعة سعودية تابعه لوزارة التعليم العالي هو القياس والتحصيلي

على العموم التسجيل في الجامعة انتهى نتمنى لك الافضل

[آميّرهْہَ ≈]

السلام عليكم

انا اللي اعرفه من يوم الاثنين يبداء التسجيل 7/8 http://www.ckfu.org/vb/images/icons/icon11.gif

بس لما فتحت موقع الجامعه يقولون انتهاء فتره التقديـم !


شلون ؟


يعني معقوله فات التسجيل ؟ ولا بيفتحونه مره ثانيه !

[القلب النابض]

السلام عليكم


انا اللي اعرفه من يوم الاثنين يبداء التسجيل 7/8 http://www.ckfu.org/vb/images/icons/icon11.gif

بس لما فتحت موقع الجامعه يقولون انتهاء فتره التقديـم !


شلون ؟



يعني معقوله فات التسجيل ؟ ولا بيفتحونه مره ثانيه !

اميره التسجيل انتهى بجامعه الملك فيصل بالاحساء
باقي جامعه الدمام
يوم الاثنين 7\8
على الموقع التالي
http://www.ud.edu.sa/

[آميّرهْہَ ≈]

اميره التسجيل انتهى بجامعه الملك فيصل بالاحساء
باقي جامعه الدمام
يوم الاثنين 7\8
على الموقع التالي
http://www.ud.edu.sa/

يعطيك الف عافيه على ردك

بس انا ابي اسجل بكليه الاداب والعلوم بالخفجي !

و موقع الجامعه مقفل التسجيل من عنده ؟


يعني انتهى التسجيل بالخفجي ولا لسسسسسسسسسسه :011:

واذا فاتني وش اسوي اروح لـ الكليه ولا وش افيدوني الله يسعدكم

[@Ahmed@]

كلية الخفجي والنعيرية وكلياات حفر الباطن والجبيل

كلها تابعة لجامعة الدمام

الي راح بيدا فيها التسجيل يوم الاثنين القادم 7\8 على نفس موقع الجامعة

[آميّرهْہَ ≈]

الحمدالله ..

الله يطممن قلبك زي ما طمنتني !

مشكور اخوي ماقصرت http://www.ckfu.org/vb/images/icons/icon11.gif

[القلب النابض]

لا لسه ما انتهى بالخفجي
كليه الخفجي تابعه لجامعة الدمام والتسجيل ان شاء الله راح يبدا
يوم الاثنين 7\8
على الموقع التالي
http://www.ud.edu.sa/ (http://www.ud.edu.sa/)
مووفقه

[خفجآويه.]

السلام عليكم

توني فتحت الموقع ومكتوب انتهى وقت التقديم
علمآ بإني من جآمعة الملك فيصل بالخفجي
واسستلمت الشهاده 1 /8 / 1431

لو سمححتوٍ متى ـآ يفتح التسسجيـل؟؟
ابي رد مؤؤؤؤكد

لإهنتـوٍوٍ..

[شرقاوية..??]

مسساء الخير ..عندي كم استفسار ابي احد يجاوبني عليه لاهنتوا..؟
1/انا ابي اسجل طب بجامعة فيصل هل انتهى التسجيل او باقي لانه مااعرف شي بالتسجيل بجامعة فيصل (انا ساكنه بالخبر يعني ابي اقرب شي) ..؟؟
2/ كم النسب المطلوبه بالثانويه بالقدرات وبالتحصيلي اللي تقبلها الجامعه..؟؟
3/ ومتى راح يبدا التسجيل ..؟؟
تكفووون ابي معلووومات دقيقه لانووووووه مو عارفه شي بالتسجيل.
يعطيكم العافيه...وبالتوفيق للجمــــــــــيع

[@Ahmed@]

خفجاوية

ما فهمت شنو قصدك في ( انا من جامعة الملك فيصل بالخفجي )

على العموم التسجيل انتهى في جامعة الملك فيصل بالاحساء

وكلية الخفجي ليست تابعه لجامعة الملك فيصل اصبحت احدى كليات جامعة الدمام

وقت التسجيل في كلية الخفجي وجامعة الدمام في 7/8 يوم الاثنين القادم ان شاء الله

شرقاوية

كما قلت التسجيل في جامعة الملك فيصل بالاحساء قد انتهى

ويوم الاثنين يبدا التسجيل في جامعة الدمام وهي اقرب جامعة من الخبر

ولا توجد نسب محدده سوى نسبة الثانوية في الكليات الصحية والهندسية

يجب ان لا تقل عن 90 %

بالتوفييق...

[شرقاوية..??]

جزاك الله كل خير ...شوووكرا

[خفجآويه.]

خفجاوية

ما فهمت شنو قصدك في ( انا من جامعة الملك فيصل بالخفجي )

على العموم التسجيل انتهى في جامعة الملك فيصل بالاحساء

وكلية الخفجي ليست تابعه لجامعة الملك فيصل اصبحت احدى كليات جامعة الدمام

وقت التسجيل في كلية الخفجي وجامعة الدمام في 7/8 يوم الاثنين القادم ان شاء الله



أخوي..,
أنا قصصدي بسسجل بجآمعة الملك فيصصل اللي بالخفجي
والله ماعندي معلومه انها تابعه للدمآم
تيب أبيٍ الوٍقـت متىى يعني العصصرٍ
لآآهنـت.,

[ارق ورده]

ساعدوني الله يسعدكم انا من العام ابغى صيدله في جامعه الملك فيصل با لاحساء وسارت لخبطه في التقديم وطلع اسمي مو موجود ابد يعني ماكأني قدمت :017:وما اقدر اقدم في الدمام لانه بيتي في الاحساء وعدت اختباري القياس علشان يقبلوني اش اسوي الله يسعدكم والله تعبت:Cry111:مستحيل يفتحون التقديم ولا حتى يخذون ملفي
الله يسعدكم شفولي حل استنى ردودكم يا اعضاء وزوار

[ارق ورده]

الله يسعدكم ردو
والله احس اني بتجنن
ماني مصدقه
مرح يفتحو التقديم مره ثانيه لو يوم

[ارق ورده]

ياناس التقديم في الجامعات كلها ماانتهى ما عدى جامعه الملك فيصل

[القلب النابض]

للاسف عزيزتي
التسجيل بكليه الصيدله انتهى
ومافي فرع منها بالدمام
وانتي رافضه الدمام من الاساس
للاسف اختي مافيه مجال جامعه الملك فيصل انتهى
التقديم فيها
قدمي السنه الجايه

[المزيـــونهـ..]

بـــــالتوفيـــق يــــارب

تقبلـــــــوا مروري

[ارق ورده]

با الله ما احد عنده واسطه انا لي سنه بالبيت استنى التقديم وماعندى احد اعرفه بالاحساء يتوسطلي
غيري والله يدخلون با الواسطه والله حرام لي شهرين وانا اذاكر قياس علشان يقبلوني ليش مستحيل يخذون ملفي

[ارق ورده]

الله يسعدكم ابد مافي حل وانا نسبتي الثانوي عاليه وبمجهودي مو مدارس خاصه
طيب اش التخصصات في الدمام طب وايش كمان والنسب كم يقبلون
والله طموحه وتهدم طموحي كله
بس والله عندي امل ياخذوي ملفي

[يارب تمريض]

بنات كليه التمريض بالدمام الي بالراكه يعطونهم مكافئه نفس العلوم والاداب

[أموولي]

الله يسعدكم ابد مافي حل وانا نسبتي الثانوي عاليه وبمجهودي مو مدارس خاصه
طيب اش التخصصات في الدمام طب وايش كمان والنسب كم يقبلون
والله طموحه وتهدم طموحي كله
بس والله عندي امل ياخذوي ملفي
الله يوفقك ياب
لاتيأسي حبيبتي وخلي املك بالله قوي
والتخصصات الموجوده بالدمام
طب
وعلوم طبيه
وتمريض
وفي كلية مجتمع لكن برسوم
ان شاء الله قدرت افيدك
ولاتياسي
اذا يأستي وانتي بالبدايه راح تتعبي
واصلي بالتوفيق يارب:praying:

[أموولي]

بنات كليه التمريض بالدمام الي بالراكه يعطونهم مكافئه نفس العلوم والاداب
ايوا حبيبتي التخصصات الطبيه يعطونهم كلهم مكافائات
1000 ريال
بالتوفيق يارب

[Ms.NoNa]

عزيزتي
اختك مختبره والا لا
؟
بس بمجرد دخولها طلعت ؟

ايي هي أساسا درست سنة ومامشت بالكلية فانسحبت

طبعا تقديم الاحساء حاليا راح عليها لأن يقول لها السجل المدني موجود ويستلزم سنتين حتى يحذفوه..

طيب الدمام الحين الها تسجل لو لا ؟؟!

ومشكورين سلفًا ...

[@Ahmed@]

ايي هي أساسا درست سنة ومامشت بالكلية فانسحبت

طبعا تقديم الاحساء حاليا راح عليها لأن يقول لها السجل المدني موجود ويستلزم سنتين حتى يحذفوه..

طيب الدمام الحين الها تسجل لو لا ؟؟!

ومشكورين سلفًا ...

اكيد لها

ولكن بشرط انها ما تكون درسة سابقاً في اي من كليات مدينة الدمام الي كانت تابعه لجامعة الملك فيصل

تحياتي لك ...

[Ms.NoNa]

اكيد لها

ولكن بشرط انها ما تكون درسة سابقاً في اي من كليات مدينة الدمام الي كانت تابعه لجامعة الملك فيصل

تحياتي لك ...

هي كانت تدرس بالجبيل يعني مالها ^^

[رؤحي مجنؤنه]

السسسلآم عليـــــــــكم لو سمحتوآ أبي أعرف اللحين لحد الأن مفتوح التسجيل بكليه الخفجي ؟؟؟و متى يفتح التسجيل الثآني؟؟؟؟’ زين اللحين وشلون سجلوآ البنات ونسب التحصيلي ما أرسلوهآ؟؟؟؟ الله يوفق اللي ترد’,’بسسسسسسسرعه

[ياليتك جنبي]

انا سجلت 7/29 وانتظر القبول اذا قبلوني باذن الله وجيت برسل اوراق القبول ارسلها من اي مكان انا فيه يعني عادي يعني انا دحين مو نفس المنطقه اللي انا فيها عادي ارسل اورقي من البريد حق المنطقه اللي انا فيها ابي رد بسرعه لوسمحتوا لاني اذا لزم ارسلها من نفس منطقتي ارجع بليز قولو لي

[إبتسامة خجل]

السسسلآم عليـــــــــكم لو سمحتوآ أبي أعرف اللحين لحد الأن مفتوح التسجيل بكليه الخفجي ؟؟؟و متى يفتح التسجيل الثآني؟؟؟؟’ زين اللحين وشلون سجلوآ البنات ونسب التحصيلي ما أرسلوهآ؟؟؟؟ الله يوفق اللي ترد’,’بسسسسسسسرعه


وعليكم السلام والرحمة

التسجيل مفتوح وينتهي بكرا

مافي تسجيل ثاني :mh19:

انتي سجلي ومركز القياس هو بيرسل النتائج للجامعة

الخفجي تبع جامعة الدمام في التسجيل على هذا الرابط

http://admission.ud.edu.sa/psp/HCMSYS9/EMPLOYEE/HRMS/c/MENUSELCHOICE.SELECTPREF.GBL?PORTALPARAM_PTCNAV=SE LECTPREF_GBL&EOPP.SCNode=HRMS&EOPP.SCPortal=EMPLOYEE&EOPP.SCName=SELPREF&EOPP.SCLabel=Select%20Preference&EOPP.SCPTfname=SELPREF&FolderPath=PORTAL_ROOT_OBJECT.SELPREF.SELECTPREF_G BL&IsFolder=false&cmd=login&errorCode=105&languageCd=ARA
موفقة

[إبتسامة خجل]

انا سجلت 7/29 وانتظر القبول اذا قبلوني باذن الله وجيت برسل اوراق القبول ارسلها من اي مكان انا فيه يعني عادي يعني انا دحين مو نفس المنطقه اللي انا فيها عادي ارسل اورقي من البريد حق المنطقه اللي انا فيها ابي رد بسرعه لوسمحتوا لاني اذا لزم ارسلها من نفس منطقتي ارجع بليز قولو لي


ان شاء الله يتم قبولك

وتقدرين ترسلين من منطقتك

[ليووووس]

ينات تخصص ادبي مافيه بالدمام او الجبيل يعني ماقدر ادرس بالجبيل او الدمام لاني ماقدر اروح للاحساء وانا الحين مقدمه افيدوني