بشأن وثيقة التخرج

[ابو حنونه]

السلام عليكم ورحمة الله ..


مساء الخير على الجميع .. وكيف حالكم جميعا ,,


بحكم اني انقطعت عن الملتقى من بعد اعلان النتائج لظروف عائليه وصحيه .. احببت ان ابارك لجميع الخريجين واتمنى لهم التوفيق بعد تخرجهم ..

واسال الله التوفيق والتيسير لمن بقي لهم مواد ..


حقيقة كان بودي اسوي موضوع كامل تهنئة وشكر ووووو لكن للأسف جائتني ظروف قويه وابتعدت جدا ..
عموما انا حبيت استفسر ولا تظحكون علي عن الوثيقه انا لحد الآن ما استلمتها ..
وتو فتحت الملتقى والخدمات الطلابيه وتخربطت شوي الحقيقه طيب الآن ايش اول شي اسويه انا راحت بسوي اخلاء طرف بس قلت استفسر اول واتأكد من طريقة اخلاء الطرف وهل اقدر الان استلم عن طريق البريد او لازم احضر شخصيا للجامعه ..


وشكرا لكم جميعا ..

[reaching higher]

وعليكم السلام ورحمة الله ..

ماتشوف شر اخوي ابوحنونة ...


من اللي قريته سابقا ان عندك فرصة حول 6 اشهر عشان يرسلون لك الوثيقة...
فبدون اي تأخير ادخل على ايقونة اخلاء طرف عبارة عن ضغطة زر فقط ... وبعدها على طول ادخل على ايقونة ايقونة اراميكس عبي البيانات في الحقول المطلوبة (بيانات طريقة التسلم من اراميكس) بعدها بيطلع لك رقم الشحنة او البوليصة احفظها عندك عشان تتابع مسار الشحنة في موقع اراميكس على النت .. التوصيل اذكر وصلتني الشحنة خلال 5 ايام تقريبا .. وبالتوفيق

(لاتنسى تطبع التوصيات واحفظها عندك) بكذا تكون خالصت الجامعة

[ابو حنونه]

الله يجزاك خير اختي reaching higher شرح كافي ووافي الله يسعدك ماقصرتي وشكرا على الرد ..

والله الحقيقه فرحت اني لقيت رد من الطلاب السابقين توقعت الكل عزل ومشى:119:

[ابو حنونه]

لكن تتوقعين اختي اني لو رحت بنفسي واستلمتها مايكون افضل ..
اشوف بعض الاخوان والاخوات يشتكون انهم ماستلموا شهادة الثانويه ز

[ظل الحقيقة]

هلا ابوحنونة
ماتشوف شر ان شاء الله
انا طلبتها وجتني بيومين كاملة كل الاوراق
اذا حاب تروح بنفسك لا تنسى هويتك واطبع اخلاء الطرف

[ابو حنونه]

مايجيك الشر ظل الحقيقه .. يعطيك العافيه وشكرا لك ..

يا الله والله اني رجعت احن للملتقى ..

ليش ما يكون فيه قسم للخريجين تخصص انجليزي على الاقل ..
يكون فيه مواظيع مفيده ودورات ومسابقات والله الى الآن ماني مصدق اني تخرجت خلاص وماعاد اقدر اشارك ..:sm1:

[بسمة الناصر]

السلام عليكم ورحمة اللة وبركاته
من قال يابوحنونه انا لدينا متواجدين
لكن بعدنا ماستوعبنا انا تخرجنا
بالنسبة لحضورك الجامعه إذا عندك استعداد تنتظر أكثر من ساعتين اخوي صار معه كذا
الارامكس اريح
انا مع اقتراح قسم خاص للخريجين
واللي يقدر يفيد المستويات اللي بعدنا ضروري يتواجد
ودمتم بود

[اكاديميك]

حياك ابو حنونه والجميع وماتشوف شر
ودنا نشارك بس حسيت اني شايب داخل للروضه يعني شكلك بايخ داخل هنا وانت قد تخرجت .. كآنك واحد شايل ربابه ورايح ديسكو
وحشني خشم شكسبير واذاني برنارد شو وعصاقيل بونيكيو ،،

[ابو حنونه]

[QUOTE=بسمة الناصر;1061642796]السلام عليكم ورحمة اللة وبركاته
من قال يابوحنونه انا لدينا متواجدين
لكن بعدنا ماستوعبنا انا تخرجنا
بالنسبة لحضورك الجامعه إذا عندك استعداد تنتظر أكثر من ساعتين اخوي صار معه كذا
الارامكس اريح
انا مع اقتراح قسم خاص للخريجين
واللي يقدر يفيد المستويات اللي بعدنا ضروري يتواجد
ودمتم بود[/QUOTE

يعطيك العافيه >> and Thanks for the support:119:

[ابو حنونه]

حياك ابو حنونه والجميع وماتشوف شر
ودنا نشارك بس حسيت اني شايب داخل للروضه يعني شكلك بايخ داخل هنا وانت قد تخرجت .. كآنك واحد شايل ربابه ورايح ديسكو
وحشني خشم شكسبير واذاني برنارد شو وعصاقيل بونيكيو ،،


البقا ,,والشر مايجيك ,,
بالعكس اخوي خلنا نشارك وونفيد ونستفيد :119:

[ابو حنونه]

يعطيكم العافيه تو اليوم خلصت طباعة التوصيات واخلاء الطرف على اني بروح استلمها بنفسي لكن هونت ..
بس بالنسبه لارامكس واجهتني مشكله في المدينه ماطلع لي خيار المدينه يظهر خيار الدوله لكن المدينه فاظي ,, بحاول اجرب مره ثانيه بوقت آخر ..

[نجاحي111]

الف مبروك لكل الخريجين وخصوصا ابو حنونة

اسال الله ان تكون لكم نفعا في حياتكم الدينية والدنيوية وعقبال تحقيق كل الامال الكبيرة

وعقبالنا :)

[kfu444]

ماهي طريقة اخذ مرتبة الشرف ؟

[kfu444]

:106:لماهي طريقة اخذ مرتبة الشرف

[%حوور%]

مبروك التخرج يابوحنونة ولجميع الأخوة والأخوات
وماتشوف شر أن شاء الله
الوثيقة عن طريق اراميكس أن شاء الله بالكثير ثلاث ايام وتوصل لك لباب البيت وجميع الاوراق موجودة
والاخ الي يسأل عن مرتبة الشرف على معدلك التراكمي مرتبة الشرف الاولى اذا كان من 4.7الى 5
مرتبة الشرف الثانية من 4٠7الى 4.5
واذا كنت مستلم الوثيقة راح تلاقيها مكتوبة فيها

[ابو حنونه]

الف مبروك لكل الخريجين وخصوصا ابو حنونة

اسال الله ان تكون لكم نفعا في حياتكم الدينية والدنيوية وعقبال تحقيق كل الامال الكبيرة

وعقبالنا :)


الله يبارك فيك ويجزاك خير .. والله يوفقكم وييسر لكم وعقبال تخرجكم بأعلى الدرجات ..

[ابو حنونه]

مبروك التخرج يابوحنونة ولجميع الأخوة والأخوات
وماتشوف شر أن شاء الله
الوثيقة عن طريق اراميكس أن شاء الله بالكثير ثلاث ايام وتوصل لك لباب البيت وجميع الاوراق موجودة
والاخ الي يسأل عن مرتبة الشرف على معدلك التراكمي مرتبة الشرف الاولى اذا كان من 4.7الى 5
مرتبة الشرف الثانية من 4٠7الى 4.5
واذا كنت مستلم الوثيقة راح تلاقيها مكتوبة فيها




الله يبارك فيك ويجزاك خير اخت حور ,,
ابشرك الحمدلله ظبطت معي من ذاك اليوم ووصلتني الوثيقه قبل العيد الحمدلله ...