البعد اشوفه بأغلب الاوقات زين

[مـحـمـد الـشمري]

صباح الخير

معانقه بسيطه ماتجمل عقب الغيبه ( الله يبارك بالجامعه ووقت الدراسه اللي يجمعنا ونكتب )

مافيه بعيوني كلام ولاسلام
انا كذا ما أحب قرب العالمين

لاتلحقن شرهه ولا يلحق ملام
البعد دايم بأغلب الاوقات زين

اترك مسافه كافيه عن الانام
وعن الوجيه اللي تضر المسلمين

اخترت بعدي عن مشاريه الغرام
وريحت قلبي من معاناة السنين

شريت راحة خاطري في كل عام
يوم ان بعض الناس بلشوا بالحنين

مابين بيت ومسجد وبر ودوام
مبعد بوجهي عن وجيه العابرين

مالي صلاح بقربهم ولا اهتمام
وعندي اكتفاء بداخلي للمخلصين

يامدورتني كان بالقلب احتدام
مالي هوى قربك وبكره راحلين

لاتزعلين الحق مايزعل كرام
وحنا كرام ابناء كرام وطيبين

مانقتفي من يقتفينا بالكلام
وحتى اذا شانوا علينا مانشين

قلوبنا بيضاء مثل لون الغمام
ووجيهنا وحده ولانملك اثنين

ابنصحك لله من قبل الختام
خلي اليسار يسار وامشي لليمين

ماحد بعايش دوم لله الدوام
والمسلمين تخاف رب المسلمين

لاتلحقيني شرهتك والا الملام
البعد اشوفه بأغلب الاوقات زين

محمد الشمري

ولكل من يمر من هنا تحية تقدير

[2COOL]

شريت راحة خاطري في كل عام
يوم ان بعض الناس بلشوا بالحنين

عودة قوية
قصيدة جميلة جدا :(204):
صح بوحك أخوي محمد
لك :icon1: مع تقديري + تقييم
وفي انتظار جديدك
التقييم مو اليوم عشان مخلص الرصيد

[سعد الروقي1]

صح لسانك ،ودي اني سبقتك بهالابيات��

[-(ملاك)]

قلوبنا بيضاء مثل لون الغمام
ووجيهنا وحده ولانملك اثنين..

تسلم اناملك ..روعه

[مـحـمـد الـشمري]

2cool
سعد الروقي
ملاك

لو لم يكن لي من خلف هذه المتواضعه سواكم
لـ اكتفيت
انتم اجمل من احرفها وشاعرها
شكرا لكم بحجم السماء
واعذروا تقصيري في الرد والتأخير
وعكه صحيه مؤلمه اتمنى ان تعدي على خير
دعواتكم

[سعد الروقي1]

2cool
سعد الروقي
ملاك

لو لم يكن لي من خلف هذه المتواضعه سواكم
لـ اكتفيت
انتم اجمل من احرفها وشاعرها
شكرا لكم بحجم السماء
واعذروا تقصيري في الرد والتأخير
وعكه صحيه مؤلمه اتمنى ان تعدي على خير
دعواتكم
———————-
ماتشوف شر يالشمري واتمنى لك الصحه والعافيه