تسجيل الدخول

مشاهدة النسخة كاملة : استفسار عام ساعدوووني بكره اختباري ولا اقدر احظر للاختبار

ام اديب١
2018- 12- 10, 12:45 AM
زي ما قلت لكم تكفووون اعطوني طريقه اذا انتم عندكم خبره انا تعبانه ولا اقدر اذاكر او اختبر هل فيه مجال اجل الاختبار او يحسب علي في عدم حظوري رسوب :Cry111:
shoug shoug
2018- 12- 10, 12:59 AM
انا قبل ماحضرة الاختبار وجبت اجازه مرضيه من المستوصف وعرضتها من ضمن ايقونت بعد الاختبار وبعدها نزلو الماده لي الترم الي بعده من غير رسوم


Sent from my iPhone using ملتقى فيصل (http://r.tapatalk.com/byo?rid=92985)
aLshreef110
2018- 12- 10, 01:03 AM
[السلام عليكم

حصلت عندي قبل تعبت قبل الامتحان
رحت المستشفى وجبت لهم عذر ان وقت الامتحان كنت في المستشفى

رفعت العذر على الموقع و تم قبوله ،، طبعا ما حسب لي رسوب لكن تم إضافتها في الفصل اللي بعده
ام اديب١
2018- 12- 10, 01:32 AM
طيب معليش وين ارسال العذر وانا اختباري بكره العصر
niblach
2018- 12- 10, 02:06 AM
شوفي وانا اخوك ..انتي مابتروحين بكره للاختبار وبتنزل النتايج وبتكون الماده درجتها f
لكن بعد النتايج بكم يوم يفتحون ايقونه التغيب بعذر عن الاختبارات..تلقين المادة موجودة اكتبي وش كان عذرك وارفقي ورقه مستوصف او مستشفى وفتره كذا يجيك تم قبول عذرك

لكن انتي ملزمه تاخذينها الترم الجاي هي تنزل لك اوتوماتيك بدون ماتسجلينها ولاتدفعين رسوم عليها فقط...

ارتاحي انا اخوك والله يشافيك ويمدك بالعافية الموضوع ابسط مما تتصورين

نا الترم الي فات مادتين ونزلوها لي الترم هذا

وكتبت لهم اني كنت مسافر برا السعودية لظرف طاريء .. وارفقت صورة لجواز السفر فيها ختم الدخول والخروج فقط ولاكان فيه ورقه تبين مسافر ليش ..يعني لو كنت مسافر تمشيه مافرقت وتم قبوله .....

ارتاحي اهم شي اذا فك رابط التغيب بعذر سوي العذر ولازم لازم لازم ترفقي ورقه تثبت ... حتى لو اخوك موقعها لك :119:
ام اديب١
2018- 12- 10, 02:17 AM
الله يسعدك ريحتني وربي الله يعطيك العافيه ويكثر من امثالك فعلآ شرحك لي واضحه وماقصرت الله يجزاك خيييير
niblach
2018- 12- 10, 07:02 AM
ويجزاك خير ماسويت شي انا اخوك....انا كنت بوضعك قبل كم ترم وحسيت بالحاله الي انتي فيها ....وازيدك منالشعر بيت ماتاثر ع المعدل لاعدتيها كانك تاخذينها اول مره .....ارقدي وآمني وعليك بالفكس هههههههه