انطباعكم عن اختبار ادب الاطفال1440/4/5

[وليام يام]

يارب يكون انطباع جيد
أراكم هنا لاحقاً
وفقكم الله:33_asmilies-com:

[ss_alshumrani]

احس الاسئله كانت واضحه مو معقدة وبسيطه والله يسعده
بس احد عنده قناة تليجرام خاصه بهالماده ؟

[jst]

اسهل اختبار صراحة الحمدلله..

[نسيبة بنت كعب]

الاختبار جميل

[Diving]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!

[ابو زلايخ]

صراحه الاختبار يهل بس انا ما ذاكرات ان شاء الله أعدي فيها

[alzaeem1980]

ياشباب الاختبار جاء فيه من أسئلة المعتقل ؟
تكفون انا راسب فيها ع كل حال لكن عشان اعرف وش اذاكر بعدين

[Absolvo]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!

انا اعتمدت على لغتي بهالاختبار
تقريبا الحلول سهله
One peace فقط نقل المحتوى على شكل كويزات
وساعدتنا شوي
بس الدكتور اعتمد على فهمك للمادة

[Xianrok]

المنهج كبير وليه سحب على قصة بنوكيو دامها ماخذه محاضرتين

[Talal 007]

اهم شي تعدي على خير يارب فيها شوي صعوبة

[Absolvo]

ياشباب الاختبار جاء فيه من أسئلة المعتقل ؟
تكفون انا راسب فيها ع كل حال لكن عشان اعرف وش اذاكر بعدين

تفائل بالخير يا رجل

[MUHAMMD]

الاختبار نوعا ما مقبول
انا صراحة ماذاكرت وحليت يمكن ٣٥ سوال متاكد منها ، والحمد لله مادة وعدت

مأخذي على الدكتور اهماله للقصص ماحط عليها ولا سوال

وين راحت ذات الفروه الحمراء وابو راس خشب وراعية النوم

[Xianrok]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!

اقل شي الرجال سوا شي لنا
انت شنو سويت ؟:41jg:

الله يوفقك ون بيس ما قصرت بدونك انا مانجحت

[MUHAMMD]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!
الا مانجحنا بعد الله الا ون بيس :106:

لكن يقولون جزاء المعروف سبعة كفوف

[Absolvo]

سؤال التاريخ انا حطيت 1830 ?? صح والا خطا

[noon.s]

الشناوي وكذا !!؟

الله يستررر من المسرحيه
ايش فيهم متغيرين علينااا :(

[skon aljro7]

انا ماجبني الاختبار صراحة
ماجاب شي لا من القصائد ولا الروايات

[salam1]

الله يستر


Sent from my iPhone using ملتقى فيصل (http://r.tapatalk.com/byo?rid=92985)

[ابو زلايخ]

وش رايكم نرفع تظلم طيب ؟

[ابو زلايخ]

المشكله اني اخر ترم وخايف اني أحملها نرفع تظلم تكفون ؟

[skon aljro7]

وماجزاء الاحسان الا الاحسان

ون بيس

يعطيك ربي لحتى يرضيك
بحول الله وثم جهدك الجهيد
ملزمتك وكويزاتك ذاكرنا الماده والله يوفقنا

[manali2_]

المشكله اني اخر ترم وخايف اني أحملها نرفع تظلم تكفون ؟

ايه نرررف طيب انا حليت بس ياخي وووييين القصائد والباقييي ايش هاذ وركزو ع المحاصره التاسعه اخر شي سؤالين بس

[Awi1991]

شكرا لكل من بذل مجهود خاصةً (ون بيس):o

لكن حسافة مذاكرة القصص ماجاب منهم ولا سؤال .. :mad:

[Hayam_4]

الله يوفقنا .. :(

[gohstn]

انصدمت من الاختبار مع ان كتابة الأسئلة واضحة كنت متفائل ان بكون سهل وابد مارتحت للإختبار
مانوع في كمية الأسئلة بين المحاضرات وماجاب شيء من القصص ابدا والمحاضرة ٩ ما اعتقد جاب شيء منها
جاب سؤال واحد واظن اجابته بتاريخ 1830s

[manali2_]

المشكله اني اخر ترم وخايف اني أحملها نرفع تظلم تكفون ؟

ايه نرفع

[وليام يام]

الف الحمد لله والشكر
رغم ان حن اول دفعه يدرسها الشناوي بهالمادة ولكن الاختبار واضح وجميل الى حد كبير
الحمد لله عدت على خير

[gohstn]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!

ياخوي مالك حق ابد انك تتكلم عن الشخص الي تعب وضيع وقته وجهده وساعدنا كثير
بمجهوده الجبار الي يشكر عليه ومساعداته فادتنا في اكثر من مقرر وهذا مجهود شخصي ومو ملزم ان يسويه لنا

هالملتقى للفايدة ماله داعي اسلوبك اذا ماعندك شي تفيدنا فيه الرجاء منك احترام الجميع

[وليام يام]

الشناوى غششنا في واحد من الاسئله حط فراغ كبير عشان نختار الخيار الكبير
هههههههههه

[راكان 1435]

الاختبار فيه سهولة في بعض الأسئلة ، و لكن اكثرها حاط تشابه تلخبط !!!
العلماء لازم نحفظ كل اسمه و كل كلمة من مؤلفه!!!
بس الحمد لله نوعاً ما حليت
اشكر الله ثم الاخ ون بيس
اولاً
ترجم المنهج كامل
ثانياً
حط الكوزات اللي ساعدتني انا شخصياً
الله يسعدك و يوفقك و يسمح امرك وين ما وجهت ، و ينوي لك مرادك و يدخلك الجنه ووالديك يارب
و بالنسبه للي ما اعجبته الحوزات الله لايهينه محد غصبه يذاكرها
عنده المنهج يذاكره و بلاش انتقاد

[Batool.al]

يسعدك ربي يا ون بيس ما قصرت صراحه
مجهود يشكر عليه
ولا عليك من المتحلطمين ✋��
ان شاء الله درجة طيبه اسال الله القبول��
اساله ذاكرتهم وتفرمتت وقت الاختبار
بس الدكتور مو غامض بالاجوبه حاط اشيا ماله علاقه ببعض عشان تميز الاجابه

[ابو زلايخ]

ياناس خربانه خربانه خلونا نرفع تظلم ؟.

[شيخة الحسن]

الاختباااار نكبه ترررك المهم والمتوقع وركز على اشياااء محد متوقع تجي القصص والتحليل حقها والاشياء هذي وين راحت والتعب اللي تعبناه عليهاااا

[الكاسر2005]

يعطيك العافيه ون بيس ماقصرت جهد تشكر عليه في دفعه قليلة العدد وقليل المشاركات فيهاوالتفاعل الاختبار نوعا ما يعتمدعلى الفهم وعلى المذاكره الظاهريه الغير متعمقه اللي تعمق لخبط ����

[ابو زلايخ]

وش قلتو يالربع .. خلونا نرفع تظلم ، عشان ينجح الكل

[شيخة الحسن]

الشناوى غششنا في واحد من الاسئله حط فراغ كبير عشان نختار الخيار الكبير
هههههههههه

بالظبط هههههههههه الصراحه حليتها على اساس الفراغ

[Xianrok]

انا ماجبني الاختبار صراحة
ماجاب شي لا من القصائد ولا الروايات

نفس الشي أحسه ساحب على اشياء كثيره

[Alanoodsa]

ربي سهل علينا ونعدي هذي الماده

[ايمن الشمري]

يعطيه العافية ون بيس ماقصر .. مجهود يذكر فيشكر .. الله يوفقك


بالنسبه للتظلم .. نتظلم على ايش !؟ كل الاسئلة من داخل المنهج وواضحه .. قول حنا اللي ماذاكرنا واصلا مانعرف نذاكر الا من اسئلة اختبارات سابقة وهالماده مالها اسئله قديمه مع الشناوي وتوهقنا ههههههه



رسالة للقادمون وقد اكون منهم .. هالماده طويله حيل يبيلها مذاكرة لاتقل عن 3-4 ايام

[shoshoOo]

ماشي الحال الحمدلله بس ماهو شامل يعني معقوله القصص ماجاب عليها ولاسوال تعبت فيها والتاسعه ماجاب الا سوالين بس
ون بيس الله يسعدك ويرزقك الجنه من اوسع ابوابها ويرحم والديك


Sent from my iPhone using ملتقى فيصل (http://r.tapatalk.com/byo?rid=92985)

[وليام يام]

وش قلتو يالربع .. خلونا نرفع تظلم ، عشان ينجح الكل

ابو زلايخ الله يرضى عليك انت والجميع
انا ما اوافقك الراي لعدة اسباب
أولاً الشناوي مايستاهل والله انه شقردي مع الجميع
ثانياً اختباره من المنهج ماخرج منه
ثالثاً خياراته كانت واضحه وساعدنا كثير
رابعاً صعوبة المادة تكمن في ان حنا اول دفعه يدرسها الشناوي


وتراني ما اقول كذا عشاني حليت زين لا تراني ملخبط واجد ولكن هذا التظلم ماراح يجيب نتيجه

[علي المستنيري]

القافيه في The Cow
abab
والا تختلف


Sent from my iPhone using ملتقى فيصل (http://r.tapatalk.com/byo?rid=92985)

[علي المستنيري]

بتصدعبنا القوافي في الادب الامريكي الاسبوع القادم


Sent from my iPhone using ملتقى فيصل (http://r.tapatalk.com/byo?rid=92985)

[جيانا احمد]

لو تكتبوا لنا الأسئلة اللي تفتكروها متخوفه جدا من المادة عند الترم الجاي وفالكم النجاح يارب

[ابو زلايخ]

انا اقصد نرفع تظلم عشان م احد يحملها هذا قصدي

[one pice]

اولا الحمممدلله على الخلاص الاختبار جدا جدا جدا راايق

واهم شي ضمناها ..

وزادت فرحتي لما شفت الي ما يتسمى ماعرف يحل

مثلهم كمثل الحمار يحمل اسفارا < ليش داخل انجليزي وانت ماتعرف لا تفهم ولا تقرأ !!

طمني عليك بالله اذا طلعت النتائج ..

[mmm 2012]

ما نكبنا الا ون بيس هو وكويزاته حاط لي كتاب كويزات
ما في تواريخ اجل !!


السلام عليكم ... أخي العزيز ون بيس مليون شكرًا قليلة في حقك .. جزاك الله الف خير ...
و أطالب باسم جميع الزملاء و الزميلات باعتذار عاجل من الأخ Diving ...لون بيس ...

[أبو شذى]

وون بيس ذا بست وان شكراااااا جزاك الله خير

مجهود ماننساه

[one pice]

السلام عليكم ... أخي العزيز ون بيس مليون شكرًا قليلة في حقك .. جزاك الله الف خير ...
و أطالب باسم جميع الزملاء و الزميلات باعتذار عاجل من الأخ Diving ...لون بيس ...


وعليكم السلام ورحمة الله ..
شدعوه حبيبي قسم بالله اني يوم شفت رده استانست
انتقام الله اعظم :biggrin:

كثر خيركم جمييييعا والموضوع مو حق تعليق حتى ..
والله انه اتفه من انني اكبر له قدر

توكلوا على الله وروقوا للمادة الجايه بالتووفيق :icon19:

[Noouf Al-Ajmii]

الحمدلله على كل حال
الاختبار مجملا ما كان معقد وبعض اجوبته كانت واضحة بس ما في احد بيجيب ممتاز الا اللي مذاكر من الى ومفصفص المادة
انا عن نفسي ركزت على اشياااء كثير ما جات بالاختبار ومن ضمنها القصص والاشعار والاستعارات ووووو
بس الصدق ينقال والله انه مسهل اشياء واجد


كل الشكر والتقدير للعزيز والاحسن واحد ( ون بيييس )
شكرا من القلب ما يوفيك الشكر والله ...

[راكان 1435]

فيه اشياء مهمه وسهله وامثله ماركز عليها!!!
هاري بوتر و اليس في بلاد العجائب و بينوكيو...الخ
جاب من بين السطور الله يهديه
الدفعه الجايه احفظوا كلللل مؤلف و مؤلفه ضروري كل كلمه لانه دقيق

[Diving]

وعليكم السلام ورحمة الله ..
شدعوه حبيبي قسم بالله اني يوم شفت رده استانست
انتقام الله اعظم :biggrin:

كثر خيركم جمييييعا والموضوع مو حق تعليق حتى ..
والله انه اتفه من انني اكبر له قدر

توكلوا على الله وروقوا للمادة الجايه بالتووفيق :icon19:

رجاءا المادة الثانيه لا تمسكها
الحمدلله اني حليت صح وبجيب ممتاز
اعتمدت على المحتوى وعرفت من اين تؤكل الكتف
انا اراهن انكم كلكم راسبين بسبب كويزات ون بيس

[Xianrok]

اولا الحمممدلله على الخلاص الاختبار جدا جدا جدا راايق

واهم شي ضمناها ..

وزادت فرحتي لما شفت الي ما يتسمى ماعرف يحل

مثلهم كمثل الحمار يحمل اسفارا < ليش داخل انجليزي وانت ماتعرف لا تفهم ولا تقرأ !!

طمني عليك بالله اذا طلعت النتائج ..

لووووووووووووول طيرت جبهته

[Xianrok]

رجاءا المادة الثانيه لا تمسكها
الحمدلله اني حليت صح وبجيب ممتاز
اعتمدت على المحتوى وعرفت من اين تؤكل الكتف
انا اراهن انكم كلكم راسبين بسبب كويزات ون بيس

عندي ارسب مع ون بيس ولا أنجح معك :biggrin:

[Noouf Al-Ajmii]

عيب والله عيب ترى مافي احد جبرك تذاكر من المحتوى اللي مترجمه او كويزاته
وما احد حلف عليك تذاكر منها
يا ناس هل جزاء المعروف غير الشكر
الاخ يتعب ويترجم ويلخص في الاخير تقوله كذا

لكن وش نقول الاخلاق نعمة

[mony sweet]

ون بيس جزاك الله خير والله ماقصرت بعد الله كويزاتك فادتني كثيييير ماعليك من الى يحيط من جهدك

......... تعوى والقافلة تسير، قل ما شئت بمسبتى، فسكوتى عن اللئيم هو الجواب، لست عديم الرد، لكن ما من أسد يجيب على ......

[سميه عبدالله]

اختبار يصدع بالراس صراحه ياحسافه المذاكره
ع العموم يعيك العافيه ون بيس ماقصرت

[راكان 1435]

رجاءا المادة الثانيه لا تمسكها
الحمدلله اني حليت صح وبجيب ممتاز
اعتمدت على المحتوى وعرفت من اين تؤكل الكتف
انا اراهن انكم كلكم راسبين بسبب كويزات ون بيس

بلعكس ، كوزاته جايبه كل المحتوى .. يعني شااااامل للمحاضرات ، جعلها في موازين حسناته

[وليام يام]

اتمنى يكون الجو ودي وحبي في هذا الملتقى المبارك
هذا يسب!!!! وهذا يرد!!!! وهذا يدافع عن هذا !!!! ووووووين الاخوه وين الزماله؟؟؟؟؟!!!
الله يهديكم روقوا وعينوا خير وتجملوا باقي كم ماده ونتخرج

[skon aljro7]

اذا اكرمت الكريم ملكته
واذا اكرمت اللئيم تمردا

[Ghaith]

انا عن نفسي الحمدلله رب العالمين
شفت ان الاختبار من اسهل الاختبارات الي مرت علي هذا السسمتر لدرجة
انه حاط خيارات مالها علاقه اصلا بالموضوع
يعني هذا يعتبر تسهيل وعلى قول وليام الشناوي غششنا لما حط فراغ طويل هههههههههه

والفضل هذا يرجع لله اولا ثم للمك ون بيس اللي انا اصلا ما ذاكرت الا من المحتوى اللي ترجمه والكويزات العامه اللي شامله
لكل المحتوى .. ويعلم الله اني ما ابتديتها الا ليلة الاختبار كان المحتوى والكويزات مغطيه كل حاجه

شكرا بقدر السماء ون بيس ربي يجزاك الجنه .. وياليت تترفع عن الردود اللي انت ان شاء الله اكبر منها
عملك اللي تسويه كبير عند الله سبحانه
ويقول الرسول عليه الصلاة والسلام (والله في عون العبد ما كان العبد في عون أخيه)

[راكان 1435]

محد جاب الاسئلة؟

[-PEARL-]

-



بالنسبه لي الاختبار مش ولا بد !

منقهره انه قال ركزوا ع 9 ومهممممه ! بالاخير تعريفين بس ؟

والتواريخ محذوفه وجابها :5aga:


القصص سحب عليها ؟ القصايد والاوزان ووو الخ ؟! برضو ... وينها ؟


ليته خلانا ع عمانا ونذاكر اللي نذاكر ،، ولا قالنا شي :icon120:


الله يسامحه والله ماهان علي اقوله شي واتكلم فيه :cheese:



عندي بعد السبت مسرحيه الله يستر :icon120:



ون بيس ،، شكرا ع كويزاتك كثر منهاا :mh001:

[عوض سعيد القحطا]

ابغا رقم الدكتور ضروري

[me...]

السلام عليكم
الله يسعد صباحكم
اناهنا نقلت بعض الاجابات اللي اعرفهم بس اللي عنده اضافات علشان الاترام الجايه والتوفيق للجميع:106::106:

[تاك تاك]

https://vb.ckfu.org/1061684781-post221.html

أشك أن عندي الحاسة السادسة :bawling:

《 خلوني أصدمكم .. الاختبار مكرر :cheese: بس للاسف مااطلعت عالاسئلة السابقة أبد :139:

بالبداية ألفت محتوى جديد و من الصدمة شيكت على اسم المقرر كم مرة :lllolll:

ماجاب شي من اللي ذاكرته .. ضيعنا وقتنا بالقصص و بالمحاضرة ال٩ وقال مافيه تواريخ و انصدم أول سؤال تاريخ !

ليته ساكت صراحة قل خيراً أو أصمت

كان بإمكانه يخفف علينا المحتوى بما أنه مركز عالأوائل :hhheeeart4:

ويقول مااطلعت عالأسئلة و جايبها نفسها ! :hhheeeart4:

في النهاية أسلوبنا بالمذاكرة هو الخاطئ و ليس الدكتور .. أساساً بعد مفاجأته بمقرر الشعر ما أأمن له :sm4:

بس الحمد لله إن شاء الله معديتها .. و مثل ماقالوا الاخوة لولا الله ثم ون بيس مانجحنا .. رحم الله والديك أنا من تعليقاتك بالمذاكرات الجماعية أنجح :(204): فما بالك المحتوى و الكويزات .. و الله يشفي اللي مايتسمى :5aga:

موفقين جميعاً لكل خير :106:

[تاك تاك]

الشناوى غششنا في واحد من الاسئله حط فراغ كبير عشان نختار الخيار الكبير
هههههههههه

لاحظت أن بعض الأسئلة اجابة لما قبلها .. و بعض الخيارات نحويا غلط تصحيحها هو الاجابة الصح !! و على هالأساس حليت :(269):

الحمد لله :106:

[one pice]

السلام عليكم
الله يسعد صباحكم
اناهنا نقلت بعض الاجابات اللي اعرفهم بس اللي عنده اضافات علشان الاترام الجايه والتوفيق للجميع:106::106:

اللله يجزاك خير , وفرتي علي الوقت

ماقصرتي بيض الله وجهك

متأكده انها صحيحة ولا بس تتذكرينها .؟

[one pice]

لأخر لحظة ركزت على المحاضرات الخمس الاولى

وكتبتها في المذاكرة على السريع

بقدرة الله قلت بأهمل كل شي وبمسك الاوائل

نكبنا الحبيب الله يرزقه

[راكان 1435]

السلام عليكم
الله يسعد صباحكم
اناهنا نقلت بعض الاجابات اللي اعرفهم بس اللي عنده اضافات علشان الاترام الجايه والتوفيق للجميع:106::106:

Hughes رائد ثورة harlem
بس وش السؤال اللي اجابته 7-12 .¿

[بسمة الناصر]

مساء الخير
وش المشكلة بالضبط مع نموذج الشناوي اشوف اغلب الانطباعات مش ولابد وانا اقول انتو محظوظين انه تغير لكم الدكتور اجل وش تقول دفعتنا عن بسام ابو زيد والمباحث الإضافية من جد هلكنا من الأطفال والامريكي كل شوي طالع شي جديد والاختبار لكل المادتين اللي ذاكر المحتوى مضبوط أكيد بيجاوب مدري وش سالفة دكاترة هالترم والله احس مستوى سابع أكثر من عاني هالترم الله يعوض الجميع خير اما الأمريكي يكفي أن الدكتور أكثر من روعة الشقيرات الشقيرات الواحد يستمتع من جد في اي مادة يدرسها شرط تذاكر وتتابع معه بالتوفيق
اخونا ون بيس ماقصرت انت والبقية رايتكم بيضا تعاونكم مع دفعتكم مجهود يذكر فيشكر الله يكتب اجر الجميع

[بسمة الناصر]

تصحيح الملاحق الاضافيه

[mooee]

فيه سوال لكتاب الي درس ل100عام مكرر بالاجابات بس فيه احابه طويله ايش اخترتو

[راكان 1435]

فيه سوال لكتاب الي درس ل100عام مكرر بالاجابات بس فيه احابه طويله ايش اخترتو

الصحيحة new primer :Cry111:

[مبارك عبدالرحمن]

اولا الحمممدلله على الخلاص الاختبار جدا جدا جدا راايق

واهم شي ضمناها ..

وزادت فرحتي لما شفت الي ما يتسمى ماعرف يحل

مثلهم كمثل الحمار يحمل اسفارا < ليش داخل انجليزي وانت ماتعرف لا تفهم ولا تقرأ !!

طمني عليك بالله اذا طلعت النتائج ..

:d5::d5::d5::d5::d5::004::004::icon19::004::004::d 5::d5::d5::d5::d5:
اولا :الف مبرووووك التخرج وعقبال المراتب العليا لك يارب
و الف الف الف شكر لك ماقصرت مع زملائك في نفس الدفعة وايضا للدفعات السابقة وخيرك سابق
شكرا على جهدك شكرا على تعبك شكرا لك على إهتمامك شكرا لك على صبرك والله يجيزيك الجنه
والله يوفقك ويحفظك ويكون النجاح حليفك دائم وابدا .