تحديد مراكز الاختبارات النهائيه

[سليمان المالكي]

عزيزي الطالب/ عزيزتي الطالبة
تود عمادة التعلم الالكتروني والتعليم عن بعد ابلاغكم انه سوف يتم فتح ايقونة تعديل مراكز الاختبارات النهائية في الفترة من يوم الاثنين 11-7-1440 هـ من الساعة الثانية ظهرا الى يوم الاحد 2-8-1440 هـ الساعة الثانية ظهراً ، علماً بأن امكانية تعديل مركز الاختبارات سوف تكون بناءً على توفر شواغر في المقررات في المركز الذي يتم اختياره .

[akahtani]

السلام عليكم ورحمة الله وبركاته
كيف أعرف معلومات عن مركز الإختبار وعلى أي أساس أختار المركز إذا كان المعلوم هو رقم المركز فقط

[ابو مهند 7777]

نفس الكلام .

فتحت المراكز بس والله ماقدرت اختار مادري الرقم اللي باختاره بأي حي وأي مكان .
تخبيص غير طبيعي

[رمش ديك]

فعلا ليس هناك معلومات تفصيلية بناءا عليها تتخذ قرارك..

مثلا تجد جده 1 جده 2 مركز شمال الرياض رقم 1 شمال الرياض رقم 2 وهكذا ..
طيب عط معلومة هالارقام في أي حي, علشان الواحد.. يحدد المكان اللي يناسبه.

[عادل آلغبين]

جامعة متخلفه

[أحمد أبو فهد]

زود على الهم هم .... الان غرب الرياض 61.62.64.67 ...وين القريب منك ماتدري

[لازم اسجل]

ياهلا ومرحبا
الي يعرف موقع غرب الرياض 61 وين موقعها بالضبط يعلمني لاهنتوا جميعا

[لازم اسجل]

مشكلة الجامعة ماترد على الهواتف ، اكره شي عندي اذا كان موظف ولا يرد على الهاتف ياخي انت في عمل رد . . اعوذ بالله

[احمد العضيله15]

طيب انا ماحددت المركز يعني نفس المركز اللي دايم اختبر فيه

[الطالب سلطان]

للاسف
العام الماضي تغير مقر الاختبار المستاجر الى مقر اخر
ولم يتم التنويه عن ذالك
وللاسف كل الطلاب توجهو الى المقر القديم في اخر لحظه يخبرهم الامن انه انتقل

(( الخلاصه : والشاهد من الموضوع في طلبكم للمال والتنويه عنه تعمل كل تقنيه لديكم! هل اصبح التعليم استثمار وتجاره !))

الجواب وبكل شفافيه نعم
اصبح التعليم فقط تجاره والدليل الجامعات والمدارس التجاريه والاهليه عددها يزداد
والغريب ان الدراسه عن بعد اصبحت الجامعات اغلبها تطرحها ويمنع القديم لكي يعطى فرصه للجديد !
معليش تجاره الله يربحكم لكن الطلاب الي دفعو مبالغ لدراستهم لماذا يهمشون!