المساعد الشخصي الرقمي

مشاهدة النسخة كاملة : استشاره وشكرآ لكم

كراش العنزي
2019- 5- 6, 12:19 AM
السلآم عليكم ورحمة الله وبركاته
الاخوة الزملاء
عندي استفسار بخصوص الجامعه من لديه الخبره الكافيه
الان انا باقي لي 10مواد واتخرج ولاكان للاسف الترم ذا اللي هو7 راسب ب3مواد وصراحه صدمه والمعدل2:35التراكمي والفصلي 1.80
للعلم بالجامعه من سنه2014
تم تااجيل سنه بسبب ضغوط العمل والحياه والعيال ومشاكل الحياه
هل تنصحوني اكمل او اطلع وللعلم عندي 2انذار
صراحه تعبت وابي شخص يرشدني ويعطيني التوجيه الصحيح لان ملاحظ من كل المنتدى قلوبهم على بعض وشكرآ:Cry111:
كراش العنزي
2019- 5- 6, 12:21 AM
وهل المعدل التراكمي فوق2عشان كذا ماجاني انذار 3 وهل يعني التراكمي يحسب لي بالمسيره الجامعيه والفصلي ذا راح خلاص مايخرب علي اتمنى الكل فهمني لاني اكتب لكم وانا بالعمل
Wei Wei
2019- 5- 6, 01:09 AM
استمر ، ترى فيه ناس من سنة 2011، توها تتخرج والوضع عادي :agolakser:

استمر استمر وترى بالنسبه للانذار اذا تعدين فوق 2 ورجعت ونزلت تحت 2 تبداء من جديد انذار اول
shaiya
2019- 5- 6, 04:10 AM
انا اشوف لا يطري عليك تطلع من الجامعه
الامور هينه بالتوكل ع الله

شوف ما راح اقول اجتهد وذاكر وسو وافعل
عارفين الظروف واحكامها

انا شوري عليك اذا ماتلقى وقت لحل الواجبات والمناقشات والمحاضرات
تشوف لك احد من اللي حولك توكله عليها
و الشي الثاني اشتر ملخصات المواد
واقراها قبل الاختبارات كانك تقرا مقال او قصه
اول ماتطفش نزل الكتاب
ترى ما اقول ذاكر
الطريقه ذي بتخليك ملم بالماده من حيث هي وش تتكلم عنه او وش الفايده منها
طبعاً بتخلص الماده وتحس انك مافهمت او حفظت شي
بس بعدها ركز في اسئله الاعوام السابقه
وبتتفاجاء انك تعرف بعض الامور
مع كل سوال ارجع لمكان الاجابه في الملخص
علشان تعرف ليش استبعدت الخيارات الثانيه
ترى الكلام هذا كله قبل الاختبار بيوم
اذا جاء يوم الاختبار ارجع ع اسئله الاعوام السابقه
وصدقني بتدعي لي
باذن الله ماتنزل درجتك عن B
وفالك التخرج



Sent from my iPhone using ملتقى فيصل (http://r.tapatalk.com/byo?rid=92985)
كراش العنزي
2019- 5- 6, 04:30 AM
الله يسعدكم وربي عطوتني دافع وعزيمه انشهد من قال كل المنتدى قلوبهم على بعض
خالد فضل
2019- 5- 6, 04:35 AM
انا من عام 2014 وحذفت ثلاث اترام بسبب ضروف مادية وعمليه وفي اول ترم اخذت انذار وابشرك توي اتخرج وبمعدل مقبول والله لك الحمد وعقبالك وعقبال الجميع بالتخرج .. وانا ما اذاكر الا قبل الاختبار بيوم وفقط التبويبات والحمدلله على كل حال ..

الزبدة اتكل على الله وابذل الجهد اللي عليك وباذن الله راح تتخرج لا توقف ابدد... دام مازال عندك فرصة تكمل كمل
.. تمنياتي لك بالتوفيق
SKILLZ
2019- 5- 6, 04:40 AM
شيل فكرة الانسحاب من راسك كمل يكون معك بكالوريوس ادارة اعمال معدل مقبول احسن من يكون معك دبلوم ولا ثانوي لو طلعت من الجامعة انسى تكمل جامعة لان الانتساب قفلوه وانت في الترم السابع مابقي لك شي انا مثلك في المستوى السابع ودفعة 2014 خلها ع الله اهم شي نتخرج
ems2016
2019- 5- 6, 05:19 AM
انا من عام 2013 وكان معدلي 2 وسحبت سنه ونص كرهت الجامعه بس رجعت لان شفت العالم جنبي بالدوام تاخذ ترقيات لانه جامعي ويفضل عليك بمقارنة الترقيه ورجعت والحمد لله تخرجت الترم ذا بتقدير جيد جدا


Sent from my iPhone using ملتقى فيصل (http://r.tapatalk.com/byo?rid=92985)
alrayan1
2019- 5- 6, 05:49 AM
اقول كمل وانا عندك اكبر مثال توي متخرج هالترم ظ9سنوات وانا ادرس وانا دفعه2011، اخذت مرتين انذار ورفعت المعدل والحمدالله تخرجت
ممدوح الشايع
2019- 5- 6, 05:51 AM
كمل كمل كمل .. بيجي يوم وتخلص .. خذهااا مزمزااا .. شد شوي تعدي .. تدري وش القهر كل مادة تقريباً ٥٠٠ ريال واذا رسبت كانك مطيرها بالهواء فلذااا شد شوي تعدي ... بالتوفيق [emoji1317] كراش


من جهازي iPhone بواسطة تطبيق ملتقى فيصل (http://r.tapatalk.com/byo?rid=92985)
كراش العنزي
2019- 5- 8, 02:52 AM
الله يسعدكم الله يسعدكم وربي وربي عطوتوني امل حيييل الله يسعدكم