بالله اللي عنده معلومة لا يبخل

[ياسر الشهري]

السلام عليكم

حبايبي ابي منكم استفسار ومساعدة نسبتي 70.14 منازل دور ثاني هل بيكون للنسبة دور في تخصص تربية خاصة وكم النسبة لها التخصص وفي أمل انقبل .
الشئ الثاني انتم تعرفون ان تقديم في 5/9 وبعض الجامعات مثل الملك عبد العزيز والباحة ينتهي التقديم في 30/ 8 وانا خايف يفوتني التسجيل في هالجامعات واجي اقدم على الملك فيصل تربية خاصة وما انقبل .
الشي الثالث لو قدمت الآن على جامعات ثانية وانقبلت وبعدها قدمن على فيصل هل لها تأثير على القبول يعني لو قدمت على فيصل بيطلع عندهم اني مقدم على جامعات أخرى ويرفضون طلبي علشان هالسبب .
وسلامتكم .

[Aziza algarny]

بالنسبه للنسبه مقبوله بإذن الله

أما التقديم جامعة فيصل تحتفظ بشهادة الأصل بينما عبدالعزيز فقط تطابقها وترجعها لك _بس مدري
من ناحية التقديمين بنفس الوقت

[عاشقة التفاؤل]

كلام الاخت كهله ضاله
صحيح

[ياسر الشهري]

تكفووووووووووووون بالنسبة للتقديمات عادي اقدم على أي جامعة حتى لو 3 او 4 جامعات

[Aziza algarny]

بس ترى هذي الجامعه أرخص شي وتقدر تختبر في أي مدينه _عكس عبدالعزيز

[ياسر الشهري]

والله لو اني بنت كان وصلت 100 الردود

[Aziza algarny]

إذا تبغى أسأل لك بكره من العماده

وبرد عليك هنا




‏>‏> معليش أحس غثيتك من كثر ما أكتب

[ياسر الشهري]

كهله قولي آمين اسأل الله ان يوفقك ويرزقك إللي على بالك تكفين لا تنسين

[white paper]

ريح بالك مقبول بأذن الله
والجامعات الثانية مافيها هالتخصص
خلك معانا الله محييك

[ǺĽ ẕeeห]

ياااااااااخيوو وراك ؟؟

هدي اعصاااااااابك وروق ربي يسلمك ""

نسبتك ان شاااااااااااء الله انهااا تأهلك لدخول التخصص الي تبيه ""

جامعتنااا تشترط وجود شهاده الثانويه الأصليه

الجامعات الثانيه تطاابقها بالي عندها وترجعها لك يالغلا

خلاص شوف "

انت قدم في الجامعه الي تبيها ( عبد العزيز ) لا ينتهي السجيل دام بيرجعون شهادتك لك "

ولا فتح التسجيل هنااا بالجامعه قدم فيها اذا قبلوك بالثنتين اختار الي يريحك

واذا قبلوك بوحده منهم تكون ضربت عصفورين بحجر ""

وان شاء الله تنقبل هناااا لأن في هالجامعه اشياء حلوه وسهله "

تختبر بالمكان الي تبيه " ورسومها حلوه مو غاليه "

اعضاء & مراقبين & دكاتره كلهم متعاوين

مشرفين / مشرفات متعاونين جدآآ في اقساامهم بشكل حلووو ""

انا توني اشوف كلامك والله ولا كان رديت عليك من اول "

وهناا مافي فرق بين البنات والعيال كلهم واحد وكلنا اخوان "

الي يشوف سؤالك ويكون عنده رد لك ومتأكد منه ماراح يبخل عليك فيه "

ومااقصروو الباقين الي ردوو عليك ""

اذا بغيت اي شي ثاني اسئل لا يردك احد كلنا تحت امرك "

[Aziza algarny]

معليش اخوي دقيت ع العماده بس مايردون






بس مثل ماقالت الاخت قطوه قدم في عبدالعزيز اولا وبعدين تعال عندنا




عصفورين بحجر واحد

[allsahar]

السلام عليكم ورحمة الله وبركاته ...

اخي الكريم...

بالنسبة لتقديم زي ما قلت اربع جامعات
اقولك انه ما راح يتم قبولك الا في جامعة واحده فقط حتى لو قدمت لعشر جامعات
لانه في قاعدة بيانات موحده لجميع الجامعات في المملكة
هذي المعلومه متاكد منه 100%
موفق بإذن الله ... لك مني أجمل تحية .

[ياسر الشهري]

ربي يسعدكم ويوفقكم وربي احرجتوني من هاللطف والطيب عساني ما انحرم منكم