تسجيل الدخول

مشاهدة النسخة كاملة : تكفوون لاتردوني ناخيتكـم

Eva ~
2010- 7- 23, 05:45 PM
السلام عليكم والرحمه ..

اخواني انا صررلي سنة من تخرجت يعني تخرجت العام بنسبة 95 ونص ..

سجلت بجامعة فيصل مثل الكل وانقبلت بالكلية الصحية بحفر الباطن
الي صار ان بعدين ضروفي ماسمحت لي اتغرب واروح لهناك وانا من الشرقية ..

المهم سحبت ملفي وعطوني تعهد ان مايحقلي اسجل بأي جامعة تبع جامعة فيصل !!
وبقيت سنة بالبيت على امل اني اعيد القياس والتحصيلي واسجل بمكان زين ومو تابع لجامعة فيصل الي عقدتني :Cry111:

المهم السنة قياسي وتحصيلي الصراحة مايبشر والعام كان احسن
والسالفة كلها حظوووظ

المهم
ابي اسأل هل صحيح مايحقلي اسجل بأي مكان تبع جامعة فيصل
وشنو الاماكن الي مش تابعة لها
سمعت حتى الحرس صار تبع جامعة الملك فيصل ؟
والعسكري بالرياض تبع الجامعة والا ؟ ياليت تعطووني رابط التسجيل بالعسكري لاني سمعت ان مش تبع الجامعة

وشي اخيررر
لو ابي ادرس بفلوس بجامعة الملك فيصل قسم علوم طبية يحقلي ؟
وبالدمام او الاحساء لاني من الاحساء !!!!!!!

ادري كثرت حكي بس والله ضايعة ومابي السنين تروح علي واذا جد مافي مجال نسجل بفلوس وامرنا لله

تكفوون ردو علي رد شااااااااافي ويبرد القلب

مشكوورين مقدماً
نواري+شهد
2010- 7- 23, 05:56 PM
كان خاطري اساعدش
بس ان شاء الله بتحصلين من عنده جواب لاسئلتش
@Ahmed@
2010- 7- 23, 06:04 PM
اولاً اختي سؤالك متأخر جداً جداً ولو كان قبل ايام

كان قلتلك ان عندك فرصه في جامعة الملك فيصل بالاحساء لان الجامعة انفصلت واصبحت كلية الحفر تابعه لجامعة الدمام مش جامعة الملك فيصل

وما فيه شي اسمه بفلوس غير الجامعات الاهلية مثل جامعة الامير محمد بن فهد او الكليات الصحية المتوسطة

الله يوفقك ... تحياتي لك
Eva ~
2010- 7- 23, 07:43 PM
^

اخوي ليه فاتني توها طالعه نتايج القياس والتحصيلي
والتسجيل بجامعة فيصل اكيد مفتوح للحين ؟!!!!

وانا قصدي بفلوس يعني الي تدرس موازي على حسابها بجامعة فيصل بالدمام فيه كذا
علوم طبية وطب يدرسون موازي وبعدين يتحولو حكومة ؟ مدري انلغى هالشي ؟


بعدين ماقلت لي بخصوص الحرس تبع الجامعة والا ؟

والعسكري من وين اقدر اسجل فيه بعد تبع فيصل ؟

ياليت تفيدني اخووي
@Ahmed@
2010- 7- 23, 08:41 PM
موضوع التسجيل تم الرد عليه في الموضوع الي فتحتيه

اما الحرس او العسكري مثل ما تقولين ما له علاقة في جامعة الملك فيصل

والموزي ما عندي فكره كاامله عنه بس هالشي يرجع لادارة كلية الطب التابعه لجامعة الدمام

لانه ما اعلنوا عن مثل هالشي الى الان ... لو تراجعينهم يكون احسن

على العموم تابعي منتدى اخر اخبار القبول والتسجيل في الجامعات

واذا فيه تسجيل في اي من الكليات والجامعات مستمر الى الان راح تشوفينه هناك



بالتوفيق .....
ملكه باخلاقي
2010- 7- 23, 11:32 PM
شوفي موضوعك الثاني رديت عليه ان شاء الله تستفيدين
ابواياد
2010- 7- 25, 06:24 AM
اعتذر! سوف اغلق الموضوع:
عنوان الموضوع يجب أن يدل عليه أو يلمح له ، و يحق للمشرف حذف او اغلاق الموضوع الذي بعنوان مبهم لا يدل على شئ مثل عاجل,هام جدا,المساعدة بلييز....الخ .