اقبلوني في الخفجي استفسار عن سكن الطالبات بالخفجي [الأرشيف] - ملتقى طلاب وطالبات جامعة الملك فيصل,جامعة الدمام

فراشه..ورديه

2010- 7- 25, 07:01 AM

السلام عليكم

انا زي الباقي والكثير الي جاهم قبول بالخفجي...شكل الكل شاحتينهم بره الدمام

...
الكثير رايح وبعضهم مو رايح بس انا ابي اقدم اوراقي اخاف فيصل ماتقبلني وبحاول انقل السنه الي بعدها

ولكن استفساري عن سكن الطالبات بالخفجي

من عندها فكره عن السكن الي بالايجار لان الي اعرفه ماعندهم سكن بالجامعه

والي درست السنه الماضيه بالخفجي واشتركت بالسكن الخارجي كيف وضعه لاكان عندكم فكره

وكمان عندي استفسار ثاني عن التخصصات لانها لمن كانت تابعه لفيصل كان فيها تخصصات حلوه مدري لمن صارت تابعه لجامعة الدمام شالوا التخصصات شي غريب

معاشر الوحدة

2010- 7- 25, 10:52 AM

يآلبــى الخفجــي ومن سكــنهآ ...
آآآه يا الديــرهـ
بالتوفيق للكل

Shadow2

2010- 7- 25, 02:07 PM

ايه والله ياجماعة ياليت تفيدونا غن طبيعة السكن بالخفجي .. هل فيه سكن هناك للطابات تبع الكلية
أو لازم الواحد يستأجر ؟؟ ووشو أحسن مكان للأجار ؟؟؟؟؟

ياليت اللي يعرف لايبخل علينا الله يخليكم الله يجزاكم خير

أختي فراشة وردية ياليت اذا جاتك معلومات عن طبيعة السكن هناك ياليت تبلغينا بليييييييييييييز

في الانتظاااااااااااااار !!!!!!!!!!!!!!!11

قلم مواطن

2010- 7- 25, 02:55 PM

للاسف انا من اهل الخفجي وما عندنا سكن للطالبات الله يعينك تستاجرن استراحه ههههههههههههه
او فندق ههههههههههههههههه
والتخصصات احتمال اظافو هالسنه احياء واول انجليزي ولغه عربيه ورياضيات
هذا اللى اعرفه بس !!!!!

لحن الورود

2010- 7- 25, 04:44 PM

يعني مافي سكن للطالبات

وشو نسوي الحين

عذاب الشوق

2010- 7- 25, 04:51 PM

ياربي كيف مافي سكن

R :)

2010- 7- 25, 09:54 PM

ودو ملفاتكم وبتتغير الرغبه ان شاءالله

كم نسبكم !

انا 74 وعلى طول قبلوني بـ الاداب لاني ماحطيت الا هي رغبه اولى وماحطيت شي غيره

لحن الورود

2010- 7- 25, 10:27 PM

وين نودي ملفاتنا؟

قصدش جامعة الاداب اللي هنا في الدمام

72 او 73 هادي الموزونة

قلم مواطن

2010- 7- 25, 11:16 PM

يعني الله يعينكم على جامعاتكم الحفله
الحين بالدمام وش يوديكن للخفجي 300 كيلو
وما فيه سكن وعذاب الله يعينكم بس
لازم احد يقربلكم تسكنون عنده ولا بتبهدلون !!!

فراشه..ورديه

2010- 7- 26, 07:39 AM

يعني كيف مافي سكن

وكيف تودي ملفاتنا ونغير مافهمت

سمعت عن سكن الخلف لكن مدري صحيح اولا لان الي هنا من الخفجي يقولون مافيه وهذا رقمهم 6647711
6646611

نبي احد يدق يتاكد من هذا الرقم لكان هذا الرقم بالخفجي او صفوى مدري يتبع اي منطقه ولكن جبته من الاعلان وهذا الاعلان له 8 شهور مدري مازال موجود او لا

6ma6a

2010- 7- 26, 12:49 PM

بناات اللي تسمع عن سكن ولا حاجه تخبرناا ..
بليــــز ..
الله يعطيكم العافيــه ..

فراشه..ورديه

2010- 7- 26, 01:58 PM

انشاءلله يارب ينشطونا تلقائي ونتقرب لديرتنا اكثر من جد صعب والسكن خلوه اخر شي لنه ممكن ينشطونا وغيرون المنطقه لازم نصبر شوي وناجل حجز السكن ليما نشوف وين يودونا بالنهايه ويثبتونا

لـــوريـــا

2010- 7- 26, 02:21 PM

السلام عليكم ورحمة الله وبركاته ...

يا أهلآ ومرحبأ ,,, بمن حل علينا ضيفآ,,,

حياكم الله في ديرتكم الثانيه... الخفجي... تحت امركم...

لو تبون نبني لكم سكن نبني... ( بس ماعندي ميزانيه,,,) هه هه هه

التخصصات إذا كنتي أدبي/ عربي,,, دين,,, والظاهر انجليزي....

وعلمي/ إحياء... ورياضيات... والظاهر انجليزي...

شوفوا ياعسولات,,, أبي أسأل و أجتهد... عن السكن

وارد لكم خبر إن شاء الله خير....

إذا مافيه... حياكــــــــــــم في بيتنا.........:119:

تذكروا... ( الدعاء,,, فهو عظيم... وصلاة الليل فإن سهام الليل لاتخطئ):love080:*

... أستغفر الله العظيم لذنبي ولجميع المؤمنين والمؤمنات...

لـــوريـــا

2010- 7- 26, 07:32 PM

السلام عليكم ورحمة الله وبركاته ...

اخيواتي سألت لكم............. وبحثت ............ واتصلت............

والنتيجه............. انوا فيه سكن اسمه الخـــــط.........

بس ماني عارفه وين مكانه...... سألت أخوي الله يحفظه(قال: مابعرفش)

آسفـــه... وسامحوني....... كان ودي اساعدكم......

لكن الحمد لله على كل حال....

بالتوفيق...

لا حول ولاقوة إلا بالله العلي العظيم واتوب إليه

لحن الورود

2010- 7- 27, 12:03 AM

سكن الخط

سمعت انة سكن فية واسع وفية غرف نوم حلوه والمطبخ و آسع وصاله بعد واسعة

والشقق:

الشقق الخاصة : 4000 ريال

الشقق المشتركة: 3500 ريال و تكون من غرفتين وكل غرفة فيها بنتين .. مومتأكدة انه يشمل المواصلات

. و المشوار من القطيف للخفجي 30 ريال.

الرقم . ابو علي : 055815404

فراشه..ورديه

2010- 7- 27, 12:11 AM

كلمت الخط وقالي 3500 الترم شامل الماصلات الداخليه وقالي تعالي نكتب العقد لكن مانقدر نسوي عقد لان اهلي لحين مترددين انهم يودوني لسه ماوافقوا وكمان لسه باقي الترشيحات والمفاضله يمكن يحطونا بمنطقه ثانيه غير الخفجي لازم نصبر بنات ليما اخر دفعه وبعدها نشوف وين نحجز سكن

فراشه..ورديه

2010- 7- 27, 12:13 AM

تسلمين يا لوريا ويسلم ذوقك ماقصرتي يالغلا كلك ذوووق واهل الخفجي

لحن الورود

2010- 7- 27, 01:35 AM

فراشة وردية

انا بعد ودوني الخفجي

خخخخخ

همس النسيم

2010- 7- 27, 06:02 AM

هذا رابط موضوع السكن حق مكتب الخلف
ان شاء الله تستفيدون منه وتأكدوامنه قبل كل شي

http://www.ckfu.org/vb/t65543.html
دعواتكم

فراشه..ورديه

2010- 7- 27, 09:10 AM

سكن الخلف كلمتهم وقالوا يطلوا خلص القوا مشروع السكن بالخفجي

شيلوري

2010- 7- 27, 03:13 PM

؛

و عليكم آلسًلآم وآلرحمة ..
آي وآلله صآدقة يآآختيْ آلكل رموهم في آلخفجيْ ..!
الَأمر صعب شوي بس لآزم نجآزف مآفي غير هآلحل !
هذي وحدة من آلزميلآت عطتني هذآ آلرقم حق سكن ..

فيِه سكَنْ أسمه الخط - قرب سوق الخميِسْ < حسب وصفهَا
الرقَمْ : أبو علي - 055815404
تقول فيه قطآفة - حسآوية - من رآس تنورَة
السكَن ورتنِي إياه بالصُوٍر واسَع
غرَفْ النوٍم حلوَة و المطبَخ وآسع و الصآلة كمَان

أعطتنِي فكرَة عن الشقق:
الشقَة الخاصَة = 4000 ريآل
الشقة المشتركة = 3500 ريآل ، وتكون فيها غرفتيِنْ وكل غرفة فيها بنتيِنْ
و مو شآمل مع المواصلات ، و المشوار من القطِيف للخفجِي 30 ريآل ..

دعوآتكم ..

تعبيتي نفسانه

2010- 7- 31, 09:11 PM

يؤيؤ حتى انا قبلوني الخفجي هع ...
بس هقوتي مو رايحه :mh08:

بعيــــده مرهـ ... :011:

واذا على التنشيط مااتوقع لانو خلاص مره وحده ..
هذا خبري :cheese:

الله يكون بعووونكم ان شاءالله
وتقبلني جامعة الرياض تهئ:bawling:<--دعواتكن صبايا

ملامح توت

2010- 8- 2, 05:28 AM

ياربي ماأنقلبتَ الا في الخفجي .,~

بنات سكن الخلف َ, مين فيكم إحجزت فيه .؟ ,

ابي استفسر ابي الارقام الله يخليكم ^^

بحور19

2010- 8- 2, 10:57 AM

هلا بنات
قلت سابقن عن السكن ان في سكن واجد لاتخافوا بنات
في ابوعلي سليس وفي الخط وفي فنادق في ال شهاب
في الهنيدي اتوقع

اني قلت ان سكنت مع ابوعلي سليس ورتحت وااجد مع بنات
الله يستر عن الباقي خلو احد يسال عن السكن كدا

ابوعلي سليس هدا رقمه
0506981180

نمله كاشخه

2010- 8- 2, 03:15 PM

ZOOEN

2010- 8- 5, 10:40 PM

هلـأ يااااااااابنات اخباركم
حتى اني طلع لي في الخفجي ووابي اعرف بناتات من قبل ماروح ع الـأقل نصيرفي
نفسس سكن :(
مابي اصير لوحدي ع الـأقل بنات من نفس ديرتي اخاف اروح واني ماعرف حد
اذا حد خلـأص بيروح يقول مع اي مكتب بليييز اذا ممكن يعني :(
وياربـــــــــــ يوفق الجمييييييييييع

ذلتـ عيوني ـهم

2010- 8- 6, 01:36 AM

وانا بعد مثلكم طلع ليي بالخفجي

ام ندو

2011- 8- 6, 02:50 AM

هل يوجد سكن للطالبات بالخفجي

ام ندو

2011- 8- 6, 02:52 AM

انا ام لطالبه تم قبولها في الخفجي وهي كتبت الرغبه الاولى الدمام وبصراحه ما اعرف كيف انقلها لجامعه الدمام

too0oofe

2011- 8- 6, 04:17 AM

بالتوووفيق

تبــآ لـ آلحنيــن

2011- 8- 7, 07:07 AM

انا ام لطالبه تم قبولها في الخفجي وهي كتبت الرغبه الاولى الدمام وبصراحه ما اعرف كيف انقلها لجامعه الدمام

.,.
كلية الخفجي تابعة لجامعة الدمام
بنتك ما تقدر تنقل للدمام الا لين تدرس سنة بالخفجي وتجيب معدل فوق 2.5
عمومآ فيه كذا سكن بالخفجي
زوري هالقسم وبتحصلين اللي يفيدك إن شاء الله
ولا تخافين الديرة أمآن ولله الحمد
http://www.ckfu.org/vb/f65
بالتوفيق
.,.