نسبتي 80 وماانقبلت ليه

[الله حسيبي]

السلام عليكم ورحمة الله وبركاته

ولا يهمكم غيرت العنوان بس المضمون واحد يرحم والديكم اللي يقدر يساعدني لايبخل


انا تخرجت السنه من الثانويه قسم ادبي ونسبتي الحمد لله حلوه



وكل شي تمام



بس القهر القهر اللي بموت منه



ماقبلوني للحين ليه تكفون ساعدوني ايش اسوي انا متاكده ان تقديمي كان كامل ومافيه غلط



وبياناتي كامله بس للحين ماقبلوني بموووووووووووت قولولي ايش اسوي




والله حرام شفت كثير نسبهم انزل مني قبلوهم وانا لا ليه ليه



اللي يعرف شي يساعدني يقول لي اذا فيه غلط انا سويته بالتسجيل قولو لي



ياربي ياربي ليه ماانقبلت للحين



يارب تصبرني وتوفقني يارب يكون لي امل بالدفعه الجديده يارب



معدلي التراكمي 90


امتحان القدرات79


امتحان التحصيلي 75


النسبه الموزونه 80




مو حرام للحين ماقبلوني ولا في اي رغبه


والله راضيه يرموني بقريح بس يطلع اسمي



الله عنده خبر او يعرف سبب يخليني ماانقبل يفيدني ويريح بالي




حسبي الله ونعم الوكيل

[شهد العجمي]

صحيح حبيبتي انا كمان حسبت نسبتج طلعت 80.7
فيه خطا من عندهم لازم تراجعين الجامعه والمفروض رحتي اليوم
اتصلي وروحي وراح يجي قبولج عشان ترسلين اوراقج مع الدفعه الثانيه والله يوفقج

[خواطر مكسوره]

وانا مثلك ماقبلوني
ولمن اتصلت عليهم مافهمت منهم شي
للحين ماني عارفه وش اسوي
ماقول الا الله يعينا عليهم

[شهد العجمي]

8573960 تحويلة رقم 19

بنات اذا تصلتوا وما نفعوكم روحوا حرام تروح عليكم سنه بخطأ منهم .. لازم تروحون ..

[rabe7]

اتصلي على الجامعة واسأليهم

[ro2a g]

حسبي الله ونعم الوكيل !!

[R :)]

خلي ولي امرك يروح

هم يحطون اعتبار للرجال لأن الحريم بيقولون ماندري ومادري ايش

ضروري تتحركين حبيبتي

[Shadow2]

اختي روحي راااجعيهم ضرووووري
هذا خطأ من عندهم
قريت بموضوع ثاني وحده نفس مشكلتك راحت راجعتهم تقول بعد خمس دقايق جاتني رسالة القبول
روووحي لاتخلين
والله يوووفقك ويوفق الكل ..

[امل الوهبي]

انا نسبتى اقل منك ونقبلت لييييييييش انتى حاولى با الدفعه الثالثه

[أميرة الزهور]

اني نسبتي 80
ومتخرجه اللعام

[أميرة الزهور]

يكتب لي لقد تم تحديث طلبك سابقا14000530

[Dlo3th]

شوفي حبيبتي

انا بعد كانت نسبتي اوك

وناس كثير انزل مني وانقبلوا وانا مانقبلت

وبعد ثلاث سنين اللي اهي هاي السنه

انقبلت اخير بفضل من ربي
والحمدالله على كل حال..

[عشقه الورد]

والله انا نسبتي الموزونه 82ومانقبلت ملدري وش اسوي لان بابا راحلهم بالدفعه الاولى وماقالوله شي بس نشطو اسمي يعني لازم اراجعهم تكفون قولولي

[شهد العجمي]

عاشقة الورد المفروض مقبوله حبيبتي لازم تراجعينهم يعدلون الخطا اللي في السستم
بنات لا تجلسوا كذا روحوا من بكره الصبح مايصير بنات اقل منكم منقبلين والحين يرتبون اوراقهم ويرسلونها
اللي 77 انقبلوا وانتي في الثمانينات حرام والله لاحبيبتي لازم تروحين ..

[عاشقة التفاؤل]

حتى انا نسبتي 68 ولا انقبلت
والي اقل مني انقبل وصلوا لا 66 ولا قبلوني ليييييييييييييه
من بكره بكلامهم والله يعين

شهد العجمعي مشكوره على رقم خيتو
بس هل هذا رقم عماده القبول والتسجيل

[شهد العجمي]

حبيبتي هذا الرقم الوحيد اللي ممكن يردوا عليه والكل يتصل عليه
وفيه بعد هارقم جربيه 8577000

وبنات ترى لما تدقي ما بينفعوك مثل لما تروحي وافضل ابوك او اخوك يروح لان قسم الرجال يخدمون اكثر من الحريم واجد يصرفون البنات مع الزحمه بس الرجال شوي يستحون على دمهم
بنات انتوا شوفو هذي نسب الدفعه الثانيه واي رغبه مثل او اقل من نسبكم وانتوا اخترتوها المفروض انكم مقبولين يعني لا تجلسون كذا لازم تروحون وافضل بكره الصبح عشان تنقبلون ويمديكم ترسلون اوراقكم مع بنات الدفعه الثانيه تسليم الاوراق الى يوم الثلاثاء قبل الساعه 9 بالليل واذا انقبلتوا ابشرو من ناحية الاوراق بتخلصونها بساعه عالاكثير طباعه وتعبية بينات وترتبون اوراق من ملفكم وترسلونها للبريد بنفس اليوم البريد ما يسكر الا الساعه 8 بالليل يعني تخلصو العصر وترسلوها بعد المغرب
وهذي النسب اللي وقفوا عندها
http://ud.edu.sa/nesbam.jpg (http://ud.edu.sa/pers2.htm)

وبالتووووووووووووفيق فالكم القبول

[عشقه الورد]

شهد مششششكوره ياحبيبتي على الرد بس انتي انقبلتي باي كليه اسمحيلي انا فضوليه

[شمعة الامل]

اختي روحي راااجعيهم ضرووووري
هذا خطأ من عندهم
قريت بموضوع ثاني وحده نفس مشكلتك راحت راجعتهم تقول بعد خمس دقايق جاتني رسالة القبول
روووحي لاتخلين
والله يوووفقك ويوفق الكل ..


وين يروحو يراجعوهم

[عاشقة التفاؤل]

شهد
مشكوره على المساعده

[عاشقة التفاؤل]

وين يروحو يراجعوهم

يراجعون جامعه الدمام نفسها حبيبتي

[شمعة الامل]

بنات قولو لي وين يروحو يراجعوهم

[عاشقة التفاؤل]

قلت لك يراجعونهم بجامعه الدمام

[عاشقة التفاؤل]

بنات انا ابوي ما يجي من الدوام إلا الثلاثاء
وكذا بتروح علي
يعني ما ينفع اخلي اخوي يروح
:Cry111:

[شمعة الامل]

قلت لك يراجعونهم بجامعه الدمام



شكرا

[عاشقة التفاؤل]

العفو

[رشـّـة عطـّـر]

روحي انتي الجامعه ..
لانهم يخصصون غرف لكل قسم ويناقشون ليش ماانقبلتي
وإذا نسبتك أعلى من الى وقفو عندهم يرجعون وينظرون في طلبك وفي ساعات يجي قبولك
وإذا في خلل يقولونه لك =)


بالتوفيق عزيزتي
لاتوقفين لازم تتحركين
لاتضيع عليك سنه حرام عليهم كذا

موفقه يالغلا

[بهلووله]

انا بكرا بروح ان شاءالله
بس علموني انا اللي ادخل والا اخلى ولي امري يدخل
ووين بالضبط
علمووني الله يجزاكم خير
وبطبع نسبتي القدرات والتحصيلي من موقع القياس وباخذ معي شهادتي الثانويه

[الله حسيبي]

بنااااااااات مقهوره جد جد مقهوره توني راجعه من الجامعه

مافادوني ابدا قالو لي حنا ملنا شغل في بنات نسبهم اكثر ماانقبلو


مانقدر نفيدك هذا حكي بالله عليكم


ياربي قلت الحيله ايش اسوي حسبي الله

[هويآن]

لو راح رجال بيخلص لك أمورك


روحي و تناقشي

كيف ما لهم شغل حلوه ذي

أجل من اللي له شغل

هذا حقك يا ماما


اللي نسبتها 66 أنقبلتتت

روحي و طالبي فيه

وربي ما يرضى بالظلم

وبياخذ لك حقك


أنتي لازم تروحين الجامعه اللي بالخبر


المقر هناك

مو اللي هنا عندناا بحي الروضه


لا روحي اللي ع الطريق الساحلي



روحي الله يوفقك وين ما رحتي

[خواطر مكسوره]

الله المعين
ليش كم نسبتك ؟

[كلي دلع وزين]

السلام عليكم ورحمة الله وبركاته
سمعيني حبيبتي انا نفس مشكلتك حلو لكن ماقدرت اخلي احدمن اهلي يروح لان احنا مسافرين رحت دقيت على مكتب وكيل كليات البنات المكلم وقلت لهم نسبتي87.131طيب والموظف ماقصر راح وسوالي طلب تعديل ودقو علي مكتب استفسارات القبول
هاذ رقم وكيل الجامعه038578328
ولما راح سوالي طلب دقو علي مكتب استفسارت القبول من هاذالرقم038584274
وقالولي ارسلي شهادتك بالفاكس لان طلع خطا اثناء التقديم وقالي بنسوي الخطا وراحتنقبلين مع الدفعه الجايه

[الله حسيبي]

تسلمون حبيباتي على تفاعلكم معي الله يوفكم كلكم يارب



قالو لي اراجع عمادة القبول والتسجيل بكلية العماره وين موقعها هذي تكفون ردو بسرعه

[الله حسيبي]

السلام عليكم ورحمة الله وبركاته
سمعيني حبيبتي انا نفس مشكلتك حلو لكن ماقدرت اخلي احدمن اهلي يروح لان احنا مسافرين رحت دقيت على مكتب وكيل كليات البنات المكلم وقلت لهم نسبتي87.131طيب والموظف ماقصر راح وسوالي طلب تعديل ودقو علي مكتب استفسارات القبول
هاذ رقم وكيل الجامعه038578328
ولما راح سوالي طلب دقو علي مكتب استفسارت القبول من هاذالرقم038584274
وقالولي ارسلي شهادتك بالفاكس لان طلع خطا اثناء التقديم وقالي بنسوي الخطا وراحتنقبلين مع الدفعه الجايه


يعني الحين على اي رقم ادق فيهم والقى لي جواب

[الله حسيبي]

أنتي لازم تروحين الجامعه اللي بالخبر


المقر هناك

مو اللي هنا عندناا بحي الروضه


لا روحي اللي ع الطريق الساحلي



روحي الله يوفقك وين ما رحتي


يارب يوفقك ويسعد قلبك

اي جامعة تقصدين

[هويآن]

حبيبتي كليه العماره هاذي

بمقر الجامعه الخبر

الطريق الساحلي

كليه العماره

الدور الأرضي


بيدلكم السكيورتي أكيد

بس لازم رجال

ما يدخلوها حريم

[هويآن]

هي اللي كانت جامعه فيصل زمان

[الله حسيبي]

الله يوفقك حبيبتي ويسعد قلبك

ويوفق كل من ساعدني يارب

انا الحين رايحه لهم ادعولي تكفون انشالله تضبط معي

محتاجه دعواتكم

والله يجعله في ميزان حسناتكم

[هويآن]

أصبببررري

بنزلك كروكي


ألحين

وأخيرا لقيته

[الله حسيبي]

أصبببررري

بنزلك كروكي


ألحين

وأخيرا لقيته

حبيبتي تعبتك معي بس الله مايضيع لك هالتعب

في ميزان حسناتك يارب

[هويآن]

* °•. كأنك رايحه لمعرض الظهران .•°

* °•. شوفـي من عند المزروعيه .•°

* °•. تمسكين الخط البحري .•°

* °•. على طول سيده .•°
* °•. كأنك رايحه معرض الظهران
* °•. راح تجيك الجامعة على الطريق .•°


و الله الكروكي اللي لقيته يلخبط بس هذا الوصف اللي لقيته لك من البنات ناسخته

نسخ من المسن عشان لا أضيعك

مضمون بإذن الله و أرسلت للبرونز ينزلنا كروكي عاد شوفي انتي هذا الوصف

تمام إمشي عليه و فالك التوفيق


ما أبي منك إلا دعوه لاختي بظهر الغيب يرفعو رغبتها للدمام

[nicenor]

رررررررررروحي بسرعة للجامعة

[<من سكان الجبيل]

خلي ولي امرك يروح مكتب القبول مبنى

رقم (700) انا صار لي نفس الحالة وقالو اسمك راح ينزل الدفعة الثالثة

بالتوفيق للجميع

[Reme]

وهاذ رقم استفسارات العماده القبول038584274


والله ليسنعوونك دقي بسررعة

[الله حسيبي]

بناااااااااااااااااااااات ابشركم قبلوني

مو مصدقه قبلوني كلية العلوم والاداب


شكرا لله شكرا لله


الله يوفق كل من ساعدني ووقف معي يارب

[الله حسيبي]

ما أبي منك إلا دعوه لاختي بظهر الغيب يرفعو رغبتها للدمام



ابشرك ياقلبي قبلوني قبلوني

ماراح انسى معروفك معي والله يوفق اختك ويرفعون رغبتها يااااااارب

الله يوفقك دنيا واخره

[شهد العجمي]

مبرووووووووووووووووووووووووووكـ

[عاشقة التفاؤل]

http://www.ro0ose.com/vb/imgcache2/40449.gif

[alialiali]

اللهم صلى على محمد وال محمد

[Roony]

:(175): الموضوع غبار من شهوووور

لا ترفعون المواضيع القديمه خلاص خذ هالموضوع حقه :(177):