الدفعه الجاية يوم السبت القادم 25 - 8 .. ( وآنآ وشلون ابصبرر !! )

[ولـد عـرعـر]

سلام
مثل ماهو واضح ب العنوان
توني مسكر من الكلية
بعد عنآآء طوويل ينقعوني ع الخط ..


انا : السلام عليكم
هو : وعليكم السلام
اانا : اخوي انا درجاااتي كذا وكذا الخخخ .. هههههههه .. وماقبللوني ؟
هو :اخوي في دفعه يوم السبت القادم .. ثانية .. وفي ناس انسحبت وناس بتسحب ع المقابلة ..

يعني ماكتفينا وعندنا نقص








--


وبسسسس .. ب التوفيق للكل مالنا الا الصبر :love080:

[إحتمإل دجينإ]

الله يبششرك يالذيب بالخير

يابعدي الله يوفقنا ويووفقك يارب

الوعد إن شاء الله بالكليه

[HaMoOoD]

أوف مطولين .. ع العموم انا قدمت ملفي وان طلع قبول بسحب الملف .. بالتوفيق ..

[روعة فكر..]

اخوي لاهنت اهنيك اولا على الحوار وصلني بكل يسر هههههه عندك رقم لهم وهل الي دقيت عليهم هم الكليه الجامعيه تكفى بشرنا وحط لنا اي رقم ممكن نكلمهم فيه ....

[مـ LoVe ــلك]

عطنا رقمهم الله لا يهينك مع رقم التحويلة

[ولـد عـرعـر]

تلقا الرقم هنا

http://jic.edu.sa/ContactUs.aspx

مافي تحويلة
على طول طوووط طووط يردون .. خخخخ
واذا كلمتهم رد لنا خبر

[قصيمي وأفتخر]

مســآكـمـ جورري ..
يا شباب ابوي راح وقابل عميد القبول والتسجيل
يقول هذي دفعه اولى باقي غيرها خمس دفعات
اما الي انقبلو بالدفعه الاولى نسبهم المركبه من 82 وفوق
..
انا نسبتي المركبه 79.5وقال 90% انقبل عندهم
..
خلو املكم بالله قوي
..
وما راح تاخذ شي ربي مو كاتبه لك




تحيآإتي ..

[b.a.r]

يعطيكـ العافية والله يجزاكـ الخير بس التاريخ فيه خطا لان يوم السبت يوافق 26 -8 والجمعة يوافق 25-8

[b.a.r]

بس الله يعين اذا كان نسبة مركبة لانى سمعت مافيها نسبة مركبة واذا على النسبة المركبة بطلع 69.64 لان الثانوي عندي 84.38والقدرات 61والتحصيلي 64 يارب انكـ اسهلها علينا وتيسرها ياكريم

[ahmadmobireek]

كيف طريقة حساب النسبة المركبة

[hashim]

مســآكـمـ جورري ..
يا شباب ابوي راح وقابل عميد القبول والتسجيل
يقول هذي دفعه اولى باقي غيرها خمس دفعات
اما الي انقبلو بالدفعه الاولى نسبهم المركبه من 82 وفوق
..
انا نسبتي المركبه 79.5وقال 90% انقبل عندهم
..
خلو املكم بالله قوي
..
وما راح تاخذ شي ربي مو كاتبه لك




تحيآإتي ..

خيو أنا صاحبي مركبته 82.95% ولا قبلوه
تاكد من كلامكـ رجاءاً
درجاته
ثانوية 98
قدرات 79
تحصيلي 74

مركبتي أنا 85 وقبلوني
وعندي استفسار لا هنت
متى الدفعة الثانية والثالثة والرابعة..؟:praying:

[الخيال2]

طيب اخوي قصيمي ,, ياليت تطمنا , متى الدفعات الثانيه ,, الله يوفقك

وعن النسبه المركبه ,, قصدك الثانوي؟؟. ولاقصدك الموزونه يعني القدرات والتحصيلي والشهادهـ .؟

[ولـد عـرعـر]

طيب
كيف احسب المعدل التراكمي ؟؟؟؟؟؟ اقصدالموزونة ؟؟

[بالعلم نرتقي]

اذا على كلامكم الله يستر ... انا نسبتي المركبة في الثانوي 88 والتحصيلي 71 , والقدرات 74

كيف ما قبلوني في الدفعةالأولى ؟؟؟؟؟؟؟؟؟؟؟؟؟:000:

[إحتمإل دجينإ]

<< جت جت ماااجت قدرٍ إلله ومااااشاااء فعل.!

[قصيمي وأفتخر]

خيو أنا صاحبي مركبته 82.95% ولا قبلوه
تاكد من كلامكـ رجاءاً

معليش حصل خطأ مني و بعد التأكد من الوالد
النسبة المركبة التي تم إعتمادها لهذه الدفعة 83 % و ما فوق
درجاته
ثانوية 98
قدرات 79
تحصيلي 74

مركبتي أنا 85 وقبلوني
وعندي استفسار لا هنت
متى الدفعة الثانية والثالثة والرابعة..؟:praying:

الدفعات تتوالى على فترات يومية و كل أسبوع لم يتم التحديد بالضبط .

[قصيمي وأفتخر]

جواب لجميع الإخوة الأعزاء : -

طريقة حساب النسبة المركبة كالتالي
نتيجة الثانوية ضرب 25 %
+
نتيجة القدرات ضرب 35 %
+
نتيجة التحصيلي ضرب 40 %

المجموع = 0 %

هذه هي الطريقة التي تم إعتمادها في الدفعة السابقة
او الطريقة الأخرى مع تعديل بسيط يعني أحسب بالطريقتين

نتيجة الثانوية ضرب 30 % + نتيجة القدرات ضرب 30 % + نتيجة التحصيلي ضرب 40 %

المجموع = 0 %

الله يكتب لنا و لكم ما فيه كل خير

[ال سالم]

ياخوااان ويش فيكم قمتوا تخبطو !!
ومن وين جبتوا النسبة الموزونة ..
الكلية مو موضحة الطريقة ولا حاطة نسب معينة للثانوية ولا للتحصلي او القدرات ..

اهم شي ان الشروط موجودة فيك .. ومن جيد فما فوق وخلاص ..
مو نسبة معينة الي حاطينها

[مستلج]

^
^
^
^
اتفق مع الاخ ال سالم
فعلا من وين جايبين النسب هذي احنا ما شفناها بشروط القبول

[شرقاوي الهوى]

http://www.m5zn.com/uploads/2010/7/7/photo/0707101807478r5eexpbzrihxi.jpg



الصورة منقولة من أحد المشرفين في هذا المنتدى ..

والصورة توضح كيفية حساب النسبة الموزونه في الصناعية ..

30% لـ الثانوية .. 35% لـ القدرات .. 35% لـ التحصيلي ..

[hashim]

سبقتني خيوا توي كنت بجيب الصورة

[هههههههههههههع]

ياشباب حساب النسبة الموزونة كالتالي
الثانوية ×0.30 القدرات ×0.35 التحصيلي ×0.35

وبعدين دفعات الكلية يمكن ان توصل الى اللي نسبتهم 71 موزونه؟؟

[على البال]

على كذا انا 70,35
شلون يارجال ..؟! فيه امل ..؟

[ولـد عـرعـر]

آشوآ
انا طلعت 21 , 73


..

الحمدالله .. انشاءالله مقبلوين .

[ال سالم]

الصورة هاذي من كم سنة جايبنها ياخوي ؟؟

لايكون من عام 1422هـ ؟؟ !!

[ال سالم]

الانظمة تتغير .. وكل سنة يغيرون في شروط القبول ..

ولو ان هاذي المعلومة صحيحة لكان وضحوها في الشروط ..

بس مافيه اي حاجة من هالقبيل ..

ولاحد يلعب على عقول الناس ..

[هههههههههههههع]

والله ماادري ....ان شاء الله يقبلونا

[HaMoOoD]

انا موزونه 71 ..~! رجع القلق مرة ثآنيه .. شكلي بكمل بجآمعتي أحسن خخخخخخ ..
الله يكون بالعـــــون ويوفقنآ جميعاً ..

[b.a.r]

يارب انكـ تيسرها لنا انا واعوذ باالله من كلمت انا اذا على النسبة الموزونة بطلع 69 الثانوي 84.38 القياس 61 التحصيلي 64 الله يكون في العون ياشباب الى عنده اخبار جديده يعلمنا موفقين بأذن الله

[ook2005]

ياشباب لا تخافون الكلية تقبل الى اخر يوم بصفتي انا طالب كلية سابق لان في ناس ماتجي وياخذون اللي نسبهم انزل بس الشغلة يبيلها صبر اما بالنسبة الموزونة اللي حاطها اخي الكريم اول مرة اسمع عنها تاكد من معلوماتك ياخوي ومن وين جايب المعادلة لان على ايامنا مافي نسب موزونة
وبالتوفيق للجميع

[ولـد عـرعـر]

^^^

الله يسمع منك ياااااااااااارب

[hashim]

الدفعات تتوالى على فترات يومية و كل أسبوع لم يتم التحديد بالضبط .



ما اكدبكـ بس يمكن انت معلوماتكـ غلط

أنا امس اجتمعت مع اخوياي

وحسبنا نسبهم المركبة
طلعت كالتالي
83.65
83.10<<نفس خويي اللي قلت لكـ عنه قبل بس طلع عنده نص نسبة زياده
78.46
74.47
واأنا
84.84

كلهم تقني و قدراتهم 80 وتحت
الا انا 88

ما ظنتي يهتموا للمركبة هم
مع العلم انهم كلهم احسن مني نسبتهم ودرجاتهم في الثانوية
ويعني ادا ما يبوا انجلزي و رياضيات ولا نسبة مدرسة ولامركبة اجل وش يبون..؟

عندي سؤال حد طلع له قبول يوم الاتنين او الثلاثا او الاربعا او اليوم..؟

[ولـد عـرعـر]

ياناس متى الدفعة الجاية اذا مااطلعت اليوم والله لاانتحر

[ولـد عـرعـر]

السلام عليكم ورحمة الله وبركاته يانااااااااس هذا رقم الموضف المسؤول عن الدفعات واسماء المقبولين 0540619052

[رايموند]

السلام عليكم ورحمة الله وبركاته يانااااااااس هذا رقم الموضف المسؤول عن الدفعات واسماء المقبولين 0540619052

وعليكمـ السلآمـ
أخوي أنت متآكد من رقمـ الموظف عآدي اتصل عليه الان مآفيه أزعآج << أسآل نفسكـ لول

[رايموند]

ولد عرعر طيب أنت من وين جبت الرقمـ وهل أتصلت عليهـ

واذآ اتصلت شنو قلت له واهو شنو قآل لك << لول محـقق بليز جآوب

[D.code]

سلام
مثل ماهو واضح ب العنوان
توني مسكر من الكلية
بعد عنآآء طوويل ينقعوني ع الخط ..


انا : السلام عليكم
هو : وعليكم السلام
اانا : اخوي انا درجاااتي كذا وكذا الخخخ .. هههههههه .. وماقبللوني ؟
هو :اخوي في دفعه يوم السبت القادم .. ثانية .. وفي ناس انسحبت وناس بتسحب ع المقابلة ..

يعني ماكتفينا وعندنا نقص









--


وبسسسس .. ب التوفيق للكل مالنا الا الصبر :love080:


الله يجعلك من أهل الجنة

بس اخوي تقدر تفيدنا بأرقامهم

[D.code]

يا اخواااااااااااااااااااااااااني الأعزااء اعلن ومن هذا المنبر العظيم

بأني كلمتهمـ وقااالوووووووووو لي ان النسبة الموزونة وصلت 84 % وانه خلال هالأسبووع راح تنزل دفعااات جديدهـ بنسب موزووونه اقل

والأسبوووووووووع الماضي كانت كلها اجراء قبول ومقابلاااااات يعني الي بيسحب ع المقابلهـ ولا الي ما سلم اوراااااااااقهـ ان شاء اللهـ راح تاخذووون محله

والنسب ع كلام الموظفـ، كالتالي :-

25 % ثااااانوية

35 % قدراااااتـ

40 % تحصيلي ـ،

تكفوووووووووووووووووون بلا وسوسهـ الرجال داخل يطمنكـ وانت تقفلوونهاأ بوجيهكمـ،

والي مو متأكد يتصل على هذا الرقم وتراااه محطووووط بموقع الكلية >>> للي يسأل من وين جايب الرقم

وفي واحد من الأخوان حط رابط الموقع

033402000 تحوييييييييله 0 <<<< عشان ما يلطعووونكـ ويسحبوون عليكـ ـ

وكلووو امركم لله والي كاتب لهـ الله رزق بيااخذه وخلوو عنكم سوالف خويي ماخذ نسبه كذا وانقبل والثاني اعلى منه ولا انقبل

اذا ما برااسك صبررر ياخي اسكت ولا تحرق اعصااابـ الثانيينـ

واعذرووونااا ع الأطالة

[مضيع]

الله يطمنك ننتظر حنا الى العصر و الله كريم

و على فكره من قبل ساعه كلية ينبع الجامعية قبلوني بس انتظر الجبيل انا

[HaMoOoD]

^^^^^ تقوله صآدق يعني اليوم فيه قبول بينبع الصنآعيه = اكيد فيه قبول بالجبيل الصناعيه
يآخي كم أنا غبي ليش مآ سجلت بينبع الصنآعيه آآآآخ بس يالقهررر ..

[D.code]

^^^^^ تقوله صآدق يعني اليوم فيه قبول بينبع الصنآعيه = اكيد فيه قبول بالجبيل الصناعيه
يآخي كم أنا غبي ليش مآ سجلت بينبع الصنآعيه آآآآخ بس يالقهررر ..



انا نفس حالتكـ وان شاء الله مكتووب لناا بالكلية الصناعية للجبيل

توكل ع الله ـ، وكل شئ ان شاء اللهـ يسيرر

[SHEHAB]

ويش صار على الدفعه الثانيه ؟؟ لو كلام بس ؟

[HaMoOoD]

^^^ أن شاء الله بعد العصر يبين كل شي ..

[سهل 188]

يآخي كم أنا غبي ليش مآ سجلت بينبع الصنآعيه آآآآخ بس يالقهررر ..

ان اخ يالقهر ليش ماسجلت بالجبيل الجامعية
خويي نفس نسبتي المركبة ماغير الفرق بالفواصل وقبلوه
بس يالله قدر الله ..