معلومات عن معهد المانع الصحي

[بـــو أحــمــد]

معلومات عن معهد المانع الصحي


* التسجيل في معهد المانع الصحي للطلاب والطالبات السعوديين وغير السعوديين لحاملي الشهادة الثانوية ( القسم الطبيعي )

* التخصصات :
فني تمريض
فني صيدلة
فني مختبرات

* مدة الدراسة :
ثلاث سنوات
الاولى تحضيرية والثانية والثالثة تخصص
يمنح شهادة الدبلوم تتيح له استكمال الدراسة لمرحلة البكالوريوس
الطلاب والطالبات مشمولين بدعم صندوق تنمية الموارد البشرية
يتم استيعاب جميع الخريجين للعمل بمستشفى المانع

* للأستفسار عن التسجيل :
معهد المانع للتدريب الصحي / الخبر الشمالية / مقابل مستشفى المانع - شارع الملك سعود
تلفون 8649066 /8890846
تحويلة 112 - 110

[روح ذكرى]

الف شكر ع المعلومات

[alizaeem]

تسلم على الموضوع
تقدر تعطيني بعض المعلومات الي يحتاجونه المهعد
مثل النسبه والأوراق المهمه

[طالبة تمريض]

تسلم
في تسجل للفصل الدراسي الثاني,,

[ww9]

مشكور على موضوع

بس ابغي أعرف متي سبدأ تسجيل في معهد المانع الصحي لثانوي لعام 1429-1420:praying:

[HANAN AHMED]

في تسجيل الحين بالمعهد ولا لا:mh19:
ياليت البنات الي يدرسوا بالمعهد يعطونا معلومات اكثر

[ملاك الروح 2009]

مشور أخوي
هل الدراس بالفلوس أو مجاناً

[ذرف العيون]

رسومالدراسة بس 12 الف ريال
والباقي على الموارد البشريه وهو نظام كليه
التسجيل مازال مستمر
يسكروا باب التسجيل لفتره وبعدين يفتحوه من جديد
وهكذا

[ملاك الروح 2009]

وين التسجيل
وماهي الشروط

[ذرف العيون]

الشروط الايكون مضى على شهادة التخرج 3 سنوات
النسبه من 70 او 75 وطالع
الاتكوني دعمتي من قبل من الموارد البشريه
رسوم الدراسه 12 الف ريال
فيه امتحان انجليزي لتحديد المستوى فقط
وكذلك مقابله شخصيه
وروحي سجلي بكره اليوم اخر يوم تسجيل واتوقع
انهم راح يفتحوا باب التسجيل من جديد لخريجات الثانويه
وسجلي
موفقه بإذن الله عزوجل
دعاكم لي:praying:

[ذرف العيون]

اختي في نفس المعهد بالخبر
قريب من مستشفى المانع بالخبر
اسألي اذا رحتي الخبر وين مستشفى المانع
وراح يدلوك
والرقم عندك في الصفحه الاولى

[ملاك الروح 2009]

بس بنات
أما بنات وأولاد
أخوي يبي يسجل

[ذرف العيون]

في معلومه جديده ان الي بيي يدرس
في المعهد يدفع مقدم 6000 الاف ريال
و6000 الاف الباقي استقطعو من الراتب اذايبي يتوظف في المستشفى
واذا مايبي يتوظف في المستشفى يدفع 6000 الاف ريال وياخذ شهادته
والنسبه يقبلوا من 75 بالمئه
خلاص انشالله اختي بحاول بستفسر الك بكره من الي تبيه
الاولاد والبنات يسجلوا من المبنى التسجيل وبتأكد لك بكره
الله يوفق اخوك وكل مؤمن ومؤمنه ياالله

[ذرف العيون]

اختي اتصلت ليهم وقالوا التسجيل لخريجات
وخريجي الثانويه لهذي السنه
يبدء التسجيل في شهر 7
والتخصصات بالنسبه لللأولاد التخدير
وعلى مااعتقد الصيدله

[ملاك الروح 2009]

مشكوررررررررررررررر
بارك الله فيك

[cheekseroses]

تيب ممكن سؤال الحين من شروطهم انو البنت تكون كااشفه ؟؟ ياليت تردوا علي لاني ابي اسجل فيه

[ذرف العيون]

طبعا حبيبتي لازم كشف الوجه
وهذا اذا كنت تبين تشتغلي بالمانع
بعد الدراسه لازم تكشفي وحهك في المستشفى
واذا ماتبي تشتغلي عندهم
في مستشفى المانع تدفعي ليهم 6000 الاف ريال
وتقدري تشتغلي بمستشفى ثاني لك الحريه في تغطية وجهك

[dark forest]

مرحبااا


اني رحت اختبرت تحديد مستوى .. بشكل عام الوضع مره نايس هناك والمكان مرتب

ويعني الوضع عجبني بس خايفه لحد الحين ما كلمونا علشان نكمل بقية اوراقنا

ربنا يستر :119:

حتى اللاب كوتات خلونا نجربها عشان ياخذوا مقاساتنا بس هم يقولوا ياخذو الاختبار بعين الاعتبار

واختبارهم مو سهل يعني يمشي الحال بس في اشياء واجد مو سهله

طبعا في مشروع جديد انها راح تكون معترف فيها فيعني لو اعترفوا فيها راح تكون اتس اوكيي

بس احد عنده معلومه متى راح تطلع نتايج القبول ..؟

[ذرف العيون]

طيب اختي ممكن تفيدينا
كيف طريقة الأسئله
واذا تذكري بعض منها افيدينا
طيب كيف المقابله الشخصيه هل هي بالعربي او بالأنجليزي
عطينا معلومات اكثر

[ملاك الروح 2009]

هل يعتمدون على اختبار تحديد مستوى الانجليزي
أأو إش
انا رحت وقدمت أوراقي عطاني موعد أختبار تحديد مستوى
بس أخذو أوراقي هل هم قبلوني

[فتاة الهند]

سؤال الحين المعهد معترف فيه ولا لأ


وهل اذا خلصنا دراسه نتوظف بالمستشفى ولا ؟؟؟





وووو دراستهم صعبة ولا ؟؟؟


:119:

[ملاك الروح 2009]

هل يعتمدون على اختبار تحديد مستوى الانجليزي
أأو إش
انا رحت وقدمت أوراقي عطاني موعد أختبار تحديد مستوى
بس أخذو أوراقي هل هم قبلوني

[ذرف العيون]

تقريبا يعتبر قبول مبدئي
وهم مايعتمدوا على الامتحان اعتماد كلي
ولكن هناك عندهم نسبه معينه
يجب ان لاتقل درجة الامتحان عن هذي النسبه
وبعدها يحددوا هل تحتاجين الى السنه التمهيديه
ولالأ انشاء الله تجاوزين الامتحان
بس انت ذاكري الأنجليزي والامتحان اختياري
الله كريم

[ذرف العيون]

تتوظفي عندهم بعد التخرج من معهد المانع الصحي
والمعهد معترف فيه واذا حابه كمان تشتغلي مكان ثاني غير مستشفى المانع تقدري بس تدفعي المتبقي
سمعت انوالدراسه جدا حلوه

[ملاك الروح 2009]

يعني االاختبار حق السنة التمهيدية
حتى لو رسبت في الامتحان يقبلوني
بس ادرس سنة تحضيرية

[ذرف العيون]

لوجبتي لاقدر الله درجه جدا واطيه
مستحيل يقبلوك
لكن لو حليت كويس في الامتحان
ياخذوك يتقيمهم لدرجتك في الامتحان
يشوفوك هل تحتاج للسنه التمهيديه ولا لأ
بس صدقيني اتوقع توقع كبير
الي يعبي استمارة القبول عندهم معناه قبول
لأن هم راح ياخذوا عدد معين للدراسه بالمعهد فقط
ويقفلوا باب التسجيل

[خائفة]

فيه تسجيل للفصل الدراسي الثاني والله لا ؟

هل يقبلون خريجات الجامعات والله لا؟

[ملاك الروح 2009]

والله خايفه مايقبلوني
لاني مو كويسه في الانجليزي

[ذرف العيون]

ملاك الروح حاولي تاخذي دوره
انجليزي قبل الامتحان
هذا افضل لك
وبكره انشاالله تفيدك في الدراسه

اختي خائفه حاولي تتصلي فيهم وتسأليهم
واذا سنحت لي الفرصه بتصل ليهم

[ذرف العيون]

اختي ملاك الروح هذا رابط لقواعد الانجليزي اتمنيى يفيدك



www.syriaclub.net

[محراب الزمن]

طيب واللي يعافيكم

ممكن خريجات البكالوريوس يقدمون للدراسة في معهد المانع؟


اتمنى تجاوبوني بسرعة

[ذرف العيون]

اتوقع يقبلوك اهم

[ذرف العيون]

اتوقع يقبلوك اهم شي مايمضيعلى شهادتك اربع سنوات
الافضل تتصل ليهم لاينتهي موعد التسجيل
موفق انشاء الله

[رحله حب]

:أنا سمعت انهم نصابين :017:
بببببس والله انا محتاره مو عارفه مين اصدق ويقولون مو معترف فيها
غير كذا لما كلمتهم قالوا لازم تتوظفين عندنا واذا مو عاجبك ترجعي الفلوس طب ليه لازم عندهم
انا مو مرتاححححححه ووعاجبني انه فيه عندهم صيدله غير كذا يخصمون من الراتب يعني مره حلو

ققققققولوا لي شسوي واذا عندكم اخبار موثوقه لاتبخلوا علي
ببببببببببببللللليز:Cry111:

[محراب الزمن]

تكفون اخواني

عطوني رقم هاتف معهد المانع ضروري

[محراب الزمن]

عندي سؤال ثاني


يوجد سكن خاص للطالبات في المعهد؟

[goky]

مرحبا...
ممكن تفيدوني لو سمحتوا:
هل التسجيل خلص ولا لسى؟!
واذا خلص في تسجيل غيرة بعد كم اسبوع ولاشهر يعني قبل ما تبدأ السنة الجديد؟!
ووين افضل كلية سعد والله معهد المانع لان الحالة مثل بعض اثنينهم تشتغلي بنفس المستشفى التابع للكلية!!
ارجوا الرد باسرع وقت اذا ممكن لاني حابة اسجل فيها:Cry111:

[nedaa]

:c8:هل شهادتها قويه او لا؟انا خايفه اني اقدم بعدين ماتكون شهادتها قويه

[goky]

مرحبا..
مو لهدرجة ما احد يقدر يرد ع اسألتي؟!!
طيب ما بيئس وبوضع بعد الاسئلة اللي تدور في بالي لان سجلت في المعهد وعندي كم سؤال
الدبلوم كل سنة 12 الف؟! ومدة الدراسة 3 سنوات يعني المجموع بيصر 38؟!
وهل عادي انو ندفع جزء من المبلغ وبعدين ياخدون الباقي من الراتب؟!
انتظر احد يرد عليي...:Cry111:
وكيف اختبارهم الانجليزي؟1

[بهجة الحياة]

كيف الحال
اختي Goky الدراسة عندهم لمدة 3سنوات اذا كان دبلوم سنة اولى انجليزي مكثف
سنة ثانيةو ثالثة تخصص التوضيف مباشر
الموارد البشرية راح تدفع عنك سنتين مبلغ 36.000
ولما تتوظفي عندهم راح يتم خصم الباقي من الراتب مبلغ 500 ريال


بس اذا كان باكرليوس5سنوات الدراسة سنة اولى انجليزي مكثف
وسنة ثانية وثالثة ورابعة وخامسة تدرسي التخصص
ونفس الشي الموارد البشرية راح تدفع عنك مبلغ 36.000
لمدة سنتين الباقي تدفعية على اقساط لما تتوظفي عندهم وذلك بسحب مبلغ 500 ريال من كل شهر

يعني لو نحسب المعادلة يطلع خلال السنة الوحدة بعد التوظيف راح يتم خصم 6000 من مجموع 500 لكل شهر لين مايتسدد
المبلغ اللي عليك والدراسة اساسا ب 72.000 ريال يعني المطلوب اللي تدفعية 36.000 النصف الثاني
وبعدين تقدري تاخذي الشهادة وتشتغلي عندهم او في مكان ثاني
هذا اللي ادري عنة
وشروط القبول
شهادة الثانوية العامة بنسبة لاتقل عن 75 للقسم العلمي
شهادة حسن السيرة السلوك
صورة من دفتر العائلة او بطاقة الاحوال
رسوم التسجيل 100 ريال
بس على اختبار الانجليزي ماعندي عنة اي فكرة واذا كان في اختبار اللي جرب او عندة اي معلومات
لايبخل علينا
سجلت في سعد وانقبلت بس ماافكر اروح وسجلت في المانع اتوقع ان شروطهم واجد ارحم
والشي الوحيد المشترك ان لما تبغي تطلعي تدفعي اللي
صرفوة عليك
بالتوفيق للجميع ان شاء الله المكان والدراسة تكون مناسبة يارب:000:

[علي احمد بن محم]

طالب ثانوي أدبي

هل يوجد فصل تأهيلي عندهم ؟؟

متى موعد التسجيل من كم الساعه طبعا للبنين ؟

اذا كان المعهد غير معترف به على كلام الأخوان والأخوات لماذا الموارد تدعم المعهد فهذ الكلام غير صحيح

وعلى فكره معتمد من الهيئة السعودية للتخصصات الصحية

ولكن يأخواني وأخواتي هناك بعض التخصصات المعتمدة للبنين والبنات

وسأتي بها أن شاء الله

تقبلو أحترامي

[علي احمد بن محم]

التخصصات المعتمدة من الهيئة السعودية للتخصصات الصحية لمعهد المانع هي

التخصصات للبنين

دبلوم الصحة و السلامة المهنية
دبلوم الاجهزة الطبية
دبلوم العلاج الطبيعي
دبلوم التمريض

التخصصات للبنات

برنامج دبلوم الصيدلة
برنامج دبلوم التمريض
برنامج دبلوم المختبرات
برنامج دبلوم التخدير

تقبلة مروري

[راسمة الكلمه]

طيب ممكن اعرف متى يبدا التسجيل بكلية سعد
وكم الرسوم


ومايرضون انك تكوني محجبه مثل المانع

[ذرف العيون]

حبيبتي راسمة الكلمه
سؤالك يكون هذا في القسم الخاص
بكلية سعد
هناك عندهم خبره ويفيدونك
موفقه

[غزل الحب]

التخصصات المعتمدة من الهيئة السعودية للتخصصات الصحية لمعهد المانع هي

التخصصات للبنين

دبلوم الصحة و السلامة المهنية
دبلوم الاجهزة الطبية
دبلوم العلاج الطبيعي
دبلوم التمريض

التخصصات للبنات

برنامج دبلوم الصيدلة
برنامج دبلوم التمريض
برنامج دبلوم المختبرات
برنامج دبلوم التخدير

تقبلة مروري

يعني حتى لو كملت بكالوريوس
ما ياخذون فيه ياخذون بس دبلوم
أتمنى تردون علي بسرعة

[علي احمد بن محم]

يعني حتى لو كملت بكالوريوس
ما ياخذون فيه ياخذون بس دبلوم
أتمنى تردون علي بسرعة


مرحبا غزل الحب
سؤالك غير مفهوم
اذا كنت تقصد أن الدبلوم هو المعترف والبكالريوس غير معترف فيه أو ما يأخذونه أتوقع الأجابة لا

واذا قصدك الدبلوم هم الي يتوظفون والبكالريوس صعب توظيفهم فاقول لالالالالالالالا

لان أصحاب البكالريوس هم لديهم الأفضلية في التوظيف قبل الدبلوم

لان الكثير منهم من يأخذ الدبلوم يبحث عن المزيد وتكملة الدراسة للبكالريوس وهذا يختلف مسمى الوظيفي داخل المستشفيات

على سبيل المثال / لو كنت عندك دبلوم صيدلة
فالمسمى الوظيفي / مساعد صيدلي

ولو عندك بكالريوس
فالمسمى صيدلي

وطبعا الرواتب تختلف في المسميات

وأي سؤال أنا موجود للجميع

تحياتي لك

[غزل الحب]

قصدي لو كملت بكالوريوس في نفس المعهد
ما تاخذ فيه الهيئه السعوديه يعني ما تعتمده
لأن أنت كاتب دبلوم


ويسلمووو خيو

[علي احمد بن محم]

مرحبا بك غزل الحب

للأسف والله معاهدنا الأهلية ما عندهم بكالريوس فقط دبلوم

واذا أنتي حابة تكلمين ممكن تسجيلي في كلية الرياض معتمدة ويعادلون الدبلوم ويمنحوك البكالريوس

أي سؤال نحن في خدمتكم

تحياتي

[goky]

مرحبا.
مشكورة اختي بهجة الحياة ماقصرتي اختي انا بعد قبلوني سعد وما بروح وسجلت في معهد المانع بس انا رحت سجلت عندهم وسألت المسؤولة عن التسجيل قالت ان الاول كانوا ياخدوا من الراتب لما تتوظفي 500 ريال اما الان لا لازم تدفعي المبلغ كامل ويسمكوكِ لين ما تدفعي المبلغ المتبقي عليكِ ومايوظفوكِ الا اذا دفعتي المبلغ المتبقي اللي عليكِ واذا ما عليكِ شئ ع طوول تتوظفي عندهم اذا تبغي...:mh19: هذا اللي فهمتة منها.. ويمكن كلامي او كلامك الصح..:119:

[غزل الحب]

مرحبا بك غزل الحب

للأسف والله معاهدنا الأهلية ما عندهم بكالريوس فقط دبلوم

واذا أنتي حابة تكلمين ممكن تسجيلي في كلية الرياض معتمدة ويعادلون الدبلوم ويمنحوك البكالريوس

أي سؤال نحن في خدمتكم

تحياتي

يسلمو خيو ما قصرت

سمعت إن التسجيل في معهد المانع خلص
في إمكانيه أنهم يفتحوا مره ثانيه

[nedaa]

هل التسجيل في معهد المانع انتهى:Cry111:
انا لما كلمت المستشفى قال لي تاريخ 8 ينتهي ولما قلت له 8 بالميلادي والا بالهجري قال اعتقد بالميلادي ..معقوله بالميلادي يعني التقديم يوم الجمعه:o3:

:000:الله يستر

واذا خلص في تقديم النصف الثاني؟

[راسمة الكلمه]

ياليت اعرف اذا في تسجيل للحين والا لا
لاني ادق ومااحد معطيني وجه

[massa]

مشكورين على المعلومات

عندي استفسار عن المعهد

اني طالبة في القسم الادبي يقبلووني في المعهد او لازم علمي؟:Cry111:


وكم نسبة القبول لقسم الادبي

[ذرف العيون]

هل التسجيل في معهد المانع انتهى:Cry111:
انا لما كلمت المستشفى قال لي تاريخ 8 ينتهي ولما قلت له 8 بالميلادي والا بالهجري قال اعتقد بالميلادي ..معقوله بالميلادي يعني التقديم يوم الجمعه:o3:

:000:الله يستر

واذا خلص في تقديم النصف الثاني؟

المعهد يتعامل بالميلادي
عاودي الاتصال بهم لوتطلب الأمر اذهبي شخصيا حتى لايفوتك

[ذرف العيون]

مشكورين على المعلومات

عندي استفسار عن المعهد

اني طالبة في القسم الادبي يقبلووني في المعهد او لازم علمي؟:Cry111:


وكم نسبة القبول لقسم الادبي

والله اختي ماتوقع يقبلوا ادبي
على العموم هم يقبلوا العلمي اولاد وبنات
من نسبه 75%

كان الدفعات الماضيه يقبلوا الادبي بقسم السكرتاريه
لكن الحين قفلوا هذا القسم
بس اقول لك لاتقطعي الرجاء
واتصلي اليهم

[WeD]

سلام

ممكن اعرف المعهد عندها بكلوريس ولا بس دبلوم

يعطيكم العافيه

[ذرف العيون]

الثنين حبيبتي
بس الدبلوم مدعوم من الموارد البشريه
اما البكالوريوس على حسابك
موفقه

[حربية بالشرقية]

سلام عليكم

ممكن أعرفــ الأن يوجد تسجل ولا لا

والتسجيل أروح عندهم


وكمان المبلغ

والله يعطيكم العافية...:119:

[آل ناصر]

السلام
لو سمحتم أحد يجاوبني ضروري يقبلوا شيعة ولا بس من جماعتهم مثل الجامعات
وين أفضل صيدله ولا مختبرات؟؟
تكفون ردوا علي محتاجه ضروووووري:Cry111:

[goky]

مرحبا..
اختي (ال ناصر) كل مكان يقبلون شيعه وسنه مافي مكان يقبل سنه بس او شيعة بس ولا توجد عنصرية ابداً
كلنا مسلمين
اي نعم يقبلون شيعة
اما وين الافضل مختبرات ولا صيدلة
اذا انتي شاطرة في الكيمياء وتحبينه دخلي صيدلة واذا لا ادخلي مختبرات اسهل...:119:
اختي حربية الشرقية التسجيل اتوقع خلص لانو التسجيل لحد 15 واحنا اليوم 19 اوغست والتسجيل لازم تروحين لهم ماكو تسجيل بالنت ..
اما المبلغ للدبلوم 36 الف و 36 اخرى تعطى من الموارد البشرية كمكافأة شهرية خلال فترة الدراسة 1500 كل شهر..

[alnada]

لو سمحتوا يا اخوات هل يقبلون تحويل من جامعه اخري للبكالريوس الصيدله وهل عندهم تقديم ثاني وهل عندهم سن معينه معليش اذ طولت عليكم في الاسئله :c8:

[آل ناصر]

إلا يوجد عنصريه اني معدلي مرتفع قالوا مانقبل الشيعه بالجامعات الحكوميه

[آل ناصر]

أختي لو سمحتي أني اطمح في صيدله أكثر بس الكل يقول لي صعب كثير مابتقدري ومعدلي بالكيمياء مرتفع وأحبه بس متردده وين أدخل صيدله ولأمختبرات اللي عنه أي معلومه لا يبخل علينا وجزاكم الله خير

[آل ناصر]

بنات لو سمحتم اللي عنده خبره عن تخصص صيدله يفيدنا باللي يقدر عليه وهل دراسة البكالريوس مباشرة بعد الدبلوم أو لا يوجد فاصل؟ كثرت عليكم بالأسئله يعطيكم الله العافيه:mh19:

[ذرف العيون]

اخوي ال ناصر ضع سؤالك في موضوع لوحده
حتى تلاقي رد من الي عنده خبره

[آل ناصر]

أختي ملاك الروح في تسجيل الآن لخريجين ثانويه ولا لا وفي تسجيل الفصل الثاني؟؟؟؟؟؟؟

[آل ناصر]

واللي عنده خبره بتخصص صيدله هل هو صعب ولا لا أرجو الرد؟

[آل ناصر]

أختي ملاك الروح ليش ماتجاوبيني أنا محتاجه جوابك ضرررررروري لأن باسجل؟؟؟

[ذرف العيون]

اخوي ال ناصر
اكتب سؤالك في موضوع جديد
حتى تحصل على المساعده وتلاقي جواب من الي عنده خبره

[شووق]

اختي لازم ندفع 6000الاف مقدما

[ذرف العيون]

ايه نعم لازم تدفعي 6000 الاف مقدم
ولكن اسمع البنات يقولوا عادي يكون بالتقسيط

[moy]

لو سمحتي

أنا بسجل في المعهد

هل يوجد سكن للطالبات

[zohoor]

يعطيكم العافيه بس حبيت اسال

هل الشهاده لازم يكون ماعدا عليها ثلاث سنوات واذا عد اكثر من ثلاث ماليهم تسجيل اتمنى الرد

[محراب الزمن]

موفقين انشالله

[عازفة الكمان]

طيب ابغى اسال اذا عندهم بكالوريوس
وكم المبلغ

[ذرف العيون]

مو مشكله اذا مضى عليها حتى لو كان اربع سنوات
بالنسبه لأختي عازفة الكمان عندهم بكلوريوس وانشاء
راح يكون مدعوم من الموارد البشريه
ماتدفعي شي لهم للتخصصين فقط التمريض والصيدله

[Rose20]

ماتدفعي شي لهم للتخصصين فقط التمريض والصيدله

أختي تقصدين الي يتخصصون تمريض والصيدله يدفعون ولا ما يدفعون ؟؟
وهل هو شرط الدفع مقدم ؟

[ذرف العيون]

اقصد البكالوريوس اختي
بالنسبه للدبلوم اختي ايضا ماتدفعي ليهم
بس تدفعي 6000 ريال لثلاث السنوات فقط

[دبدوبة صفوى]

ااااخ ياقهر والله تحطيييييييييييييييييم يعني انا مايقبلوني نسبتي 72.86 يعني اخر امل عندي راح بعد؟ وش هالحالة وش هالحظ وربي قهرررررررر باصيح تحطمت بالقوة والله
وش اسوي قولوا لي

اني اذكر مرة رحت اقدم ب كلية سعد كانوا يبون من 80 فما فوق قلتلها انا نسبتي في السبعين قالت كم وقلت لها قالت لو اقل بنسبة نسبتين كان قبلناك بس كذا لا
يعني في احتمال يقبلوني بعد بالمانع او لا؟
حرام وربي تعبت وزهقت من الجلسة بالبيت
ردوا علي

[ريحانهـ]

اممممممم

خيتو يعني مثلا بدخل بكالوريوس صيدله

راح تكون الرسوم بس 6000 بدآيــة الدرآســـه فقط

وبعدها رآح تدعمني الموارد البشريهـ !!

وإيش قصة الموارد البشريهـ تدعمك كيف في الدرآسه والا اذا توضفتي ؟؟ :t1:

وبس :119:

مشكورين

وعسآـآكــــــم ع القووووهـ يآآرب

[غلاك ملكني]

اي بس تدفعي 6000 ريال في البدايه
وبعدين تدعمك الموارد البشريه في الدراسه والوظيفه مضمونة في المانع
وبعدين الموارد تاخذ من راتبك اذا توظفتي كل شهر تاخذ منك 500 ريال

[ريحانهـ]

مشكورهـ اختي غلاك ملكني ع الرد

ماقصرتي والله

الله يوفقك يآآرب


:119:

[امل الروح]

تحياتي لكم
انا سمعت انو في اختلاط في الدراسه هل صحيح هذا

[ريحانهـ]

لووووووووووووووووووووو سمحتووووو ابي اسأل << كثرت اسألهـ :t1:


كل سمستر ادفع 6000 ولا حق الدراسة كلهآ ؟


:c8:

[♥╠ טּـقآء !]

^
^
ماادري كأنوا قريت 6000 أول ماتدرسي
و6000 ماادري متى
يعني المجموع 12 الف
واختلاط قالوا لئه

:lllolll:
بالمناسبه المستندات المطلوبه ؟ صور وماعرف أيش .. ؟؟
ولازم نروح بالشهادة الأصليه ! مايمشي الحال بالموثقه :c8: ؟
امممممم شي ثاني كأني قريت اللي يقبلوهم بس 100 طالبه :Cry111:
طيب على حسب النسب ولا أيش
علماً بأن نسبتي فوق التسعين :Cry111:

[ملكه الليلك]

السلام عليكم ورحمه الله وبركاته
سؤال
لوسمحتوا جميع
ياليت نشوف جواب جديد !
التسجيل في المانع بالمعهد كني سمعت انه يبدا بشهر 12 وينتهي شهر 1 يعني شهر 2 مايفتحوه مره ثانيه؟؟
:Cry111:

[ورودالشوق]

السلام عليكم ورحمة الله وبركاته شكرا على الموضوع ويسلموا
بس اني عندي استفسار هل لازال التسجيل مستمر والا اتوقف وشكرا

[راسمة الكلمه]

التسجيل مفتوووح الحين الى الاسبووع الجااي
دقووا عليهم وتاكدوا وحتى لو خلص اقعدووا فووق روسهم حتى يقبلوونكم

[ريحانهـ]

بنآآت وين رآح يكوووون الاختبآر..؟

[moy]

سمعت انو بيكون في الكليه نفسها

:g4:

[*& قلب ملاك &*]

عندي سؤال ؟؟؟

هل اذا كنت ابي بكالوريوس بضطر ادفع من حسابي الخاص ؟؟؟

وشكرا :g2:

[لـيـ‘‘ـتگ معے]

تحياتي لكم
انا سمعت انو في اختلاط في الدراسه هل صحيح هذا

كانوووا مختلطيـن بس ألحين فصلوهــم .. :mh001:

[*& قلب ملاك &*]

يريت احد يرد على سؤالي ... :150:

[♥╠ טּـقآء !]

صبايا ياليت تردوا مرا شي مهم
لو بدأت ع أني دبلوم
وبعد مااضمن تحويلي للموارد .. يعني قبل ماابدأ تخصص بغيت أغير بكالريوس
ممكن ولا لا ؟
ضروري تردوا هالأيام .. جزاكم الله خير

[مبتدئه طبيه]

شوفـــي لوو كتبتي من اللحين انج دبلوم وع طوول من تخلصي السنه التحضيريه تروحي تغيري ممكــــن ويكون من البـــدايه

لا أنــــي كنت صيدله وحولت تخدير << رغبة

بس رحت من البدايه من سمعت انه ممكن احول بس البنات اتأخروا وما حولوهم

[♥╠ טּـقآء !]

ايوه .. يعني كنتي بكالريوس وغيرتي دبلوم ؟!

وشكراً حبيبتي

بس خلاص أني بقدم بكالريوس .. ودعواتكم لينا

[شعلة الإسلام]

السلام عليكم

يصير النقل من معهد ثاني بمنطقة أخرى الى معهد المانع تمريض العام القادم؟؟؟؟؟؟؟؟؟؟؟؟

ارجو سرعة الرد

[ftimah]

يسلمووو على معلومات
بس ودي اسال عن أسعار التخصاصات ؟:mh19:
وتقسيط؟
والعمل؟
تحياتي

[شعلة الإسلام]

طيب بسأل إذا ممكن :

هل يحق ان تكمل دراستها الطالبة بعد دراسة سنة كاملة بمعهد صحي حكومي بمنطقة أخرى غير الشرقية؟


ولكم جزيل الشكر والعرفان0

[طريق الجنون]

ممكن احد يقولي الحين بعد الدراسه اجباري الوظيفه ولا عادي تقدمين بأي مستشفى ثاني

[أحبــك]

:119:الله يعطيك الف الف عافيه

[Huda ALsada]

السلام عليكم..
بس بغيت اسأل شويتين عن المعهد..
1- هم طالبين شهاده الرام ؟؟
(وإذا طالبين كم يبغوا فيها ؟)
2-انا الحين متخرجه من ثانوي وبغيت ادرس بكالوريوس كم ادفع عن كل سنه؟
3- متى يبدأ التسجيل لهذا العام؟

ومشكورين

[فوشي18]

مرحبااااااااااااا

لازم تكون النسبه من 70

ماحد قبلوه في 60؟؟؟؟؟؟؟؟؟؟؟

ياليت تفيدونا

[فوشي18]

طيب

شنو طبيعة المقابله والاختبااااااااار

[outlaws]

مشكور اخوي ابو احمد على الموضوع

[دكتورهـ مرجوجه]

:no2:التسجيل بدا ولا لا

[الخاتون]

متى ينتهي التسجيل؟؟
بليزززززززززززززززززززززززز ردوا
:Cry111::Cry111::Cry111::Cry111::Cry111:

[ذرف العيون]

الخاتون ضعي سؤالك في موضوع جديد

[نـورهـ]

اتوقع انتهى التسجيل000

لانه السبت الجاي 17 شعبان اختبار الاتجليزي للي سجلو 0000



اتصلي ع المعهد وتاكدي000

[مجد30]

السلام عليكم
ياليت نخبرونا عن اختبار الانجليزي كيف الاسئلة
للبنات اللي دخلو الاختبار في المعهد


تحياتي
مجد

[البرستيج]

عزيزتي مجد .. بالنسبه لي كان الأمتحان جداً سهل ...

يعطويكِ موضوعين تكتبي عنهم وأسئله وعليها ثلاث خيارات ..

وقطعتين عليها أسئله ...

[فاطمة الزهراء]

سلام عليكم
كيف الحال
بغيت استفسر
بنت خالتي خريجه جامعه لكنها مرت على شهادة البكالريوس اكثر من خمس سنين
ونفسها تسجل تمريض بشهادة الجامعه
يصلح ولا كيف
واذا كان لا دلوني على معهد يقبل شهادة الجامعه مو شهادة ثانوي
وشكرا

[البرستيج]

أختي فاطمة الزهرا..
بصراحه أكو بنات معنا مسجلين بشاهدتهم الجامعيه ..

[oscar2009]

لوسمحتو انا دارسه دبلوم و هذي سنتي الثانيه بعد الدبلوم هل يقبلوني
و الدفع كم ندفع كل سنه ياريت احد يجاوب

[oscar2009]

هل يوجد تسجيل للفصل الثاني و اذا كان في
متى يبدأ التسجيل للفصل الثاني
لوسمحتو احد يرد علي بسرعه

[البرستيج]

* للأستفسار عن التسجيل :
معهد المانع للتدريب الصحي / الخبر الشمالية / مقابل مستشفى المانع - شارع الملك سعود
تلفون 8649066 /8890846
تحويلة 112 - 110


هل يوجد تسجيل للفصل الثاني

نعم يوجد تسجيل ..
و اذا كان في
متى يبدأ التسجيل للفصل الثاني
لوسمحتو احد يرد علي بسرعه

في الحقيقه لا أعلم متى بالضبط..


لوسمحتو انا دارسه دبلوم و هذي سنتي الثانيه بعد الدبلوم هل يقبلوني
و الدفع كم ندفع كل سنه ياريت احد يجاوب


أتوقع نعم يقبلوك لأن أكو بنات مخلصين بكلريوس ومسجلين بالمعهد..
أما بالنسبه للدفع يختلف حسب أن كنتِ تريدين دبلوم أو بكلريوس.

بالنسبه للسنه التحضيريه قيمة كل سمستر 12 الف ريال سعودي إي السنه كامله بـ 24 الف ريال سعودي..

تمنياتي لك بالتوفيق..

[على أمل]

السلام انا عضوة جديده لاني حابه اسجل بامعهد بس بسأل هل القبول مضمون ومتى بيكون التسجيل في الفصل الثاني الله يعافيكم
؟؟وهل يوجد سكن لأني من سكان الأحساء افيدوني ؟

[على أمل]

ويين لوسمحتو جاوبوني متى بيكون التسجيل للفصل الثاني ؟؟

واذا دقييت عليهم مايردوووون ؟؟

[فاطمة الزهراء]

مشكوورة خيتوو البرستيج
خيتوو على امل
الافضل اذا ماحد رد عليج لا تتقاعسين وتنتظرين لان احتمال يروح عليج بسبب الانتظار
انا افضل اذا كان ودك بالمعهد انك تروحين المكان نفسه ولا تعتمدين على الاتصالات
تحياتي

[على أمل]

مشكورة فاطمة الزهرا

بس ياريت احد يفيدني الان انه وين نقدم الاوراق ؟ هل يوجد قسم خاص للبنات لتقديم الاوراق اذا انه موجود هل لازم انا اروح ولا أخلي اخوي يقدم اوراقي.


many thanks...:Cry111:

[بنت الفيلسوف]

مرحبا
زي ماذكر الاخ الخارجين عن القانون
لازال التسجيل مستمر والله اعلم
وتقديم الاورق في مبنى التسجيل والقبول
في الخبر شارع سويكت تقاطع يا 17 او 18
تقدموا الاوراق ويحدووا امتحان القبول بشرط اجيبوا في الامتحان 80%
عشان يرفع اسمكم الى الموارد وتدعمكم في التخصص بوجود الاتفاقية بين المانع والموارد
اذا اقل من 80% كذا تحتاجوا الى سنة تحضيرية على حسابكم
والستمسر بـ 12 الف
رقم التلفون حق التسجيل
8469066
تحويلة 103

رقم الكلية مايندرا في احد لو لالا
8937158
تحويلة 115

واي سؤال حنا حاضرين
واسفين على التأخير :119:

[على أمل]

ربي يوفقكم ويعطيكم الف عافيه

مشكووووره اختي بنت الفيلسوف ساعدتين جد وادعولي انقبل ..

[بنت الفيلسوف]

لاشكر على واجب اختي
ماسوينا الي نقدر علية
والله يوفقك وتنقبلي والله يكتب الي فية الخير

[على أمل]

طييب بسأل اللي يدرسون اللحين فيه وقعتوا عقد بالوظيفه عندهم وانتو الحين تدرسون على الموارد البشريه ولاتدفعون فلوس وهل يعطوكوم مكافآت ؟؟؟

وشنو مدى صحة الخبر انه ماراح يوظفون دبلوم سنه 2010؟؟؟

[بنت الفيلسوف]

على امل
احنا دراستنا معروفة منهم ان منتهية بتدريب وتوظيف
ومااذكر ويش كان في الورقة الي وقعنا عليها بداية التسجيل
احنا الحين ننتظر الدعم من الموارد على التخصص
اذا مادعمونا يانطلع او ندفع كل سمستر 12 الف
وان شاء الله مدعومين
المكافأة في التخصص ومادري يعطونا والا لالا
مدى صحة الخبر والله ياختي علمي علمش
الي الله كاتبة بيصير وكل شخص بيحصل على رزقة

[اوراق متناثره]

مساء الخير بنااات

في تسجيل تبع الموارد للحين ولا لاااا؟؟؟ :Cry111:

[بنت الفيلسوف]

اوراق متناثرة
يقولوا التسجيل انتهى والله اعلم
كلمي شوفي دعم الموارد لازم اجيبوا في امتحان القبول 80%
يدعموكم في التخصص وادا اقل تحتاجوا سنة تحضيري على حسابكم
موفقة .

[فوشي18]

هلا

بسالكم
لازم ادرس سنه كامله تحضيري

يعني سمستر لا لان بنت قالت لي لازم سنه

طيب ادا درست سمستر وعديت الاختبار ليش بعد ادرس سمستر ثاني ؟؟:o3:




سوال ثاني :mh19:

شنو اللبس المخصص للسنه التحضيريه ؟

[بنت الفيلسوف]

مرحبا فوشي 18
من طول الغيبات جاب الغنايم
مادري اتوقع اذا كانت على حسابك تقدري تدرسي نص سنة
اللبس المخصص يابنتي مافي شي مخصص عادي مفتوح المجال
لان بيكون علييش لاب كوت لونة بيجي :cheese:
يعني كل شي يناسب البيجي :hahahahahah:
موفقة .

[فوشي18]

مرحبا فوشي 18
من طول الغيبات جاب الغنايم
مادري اتوقع اذا كانت على حسابك تقدري تدرسي نص سنة
اللبس المخصص يابنتي مافي شي مخصص عادي مفتوح المجال
لان بيكون علييش لاب كوت لونة بيجي :cheese:
يعني كل شي يناسب البيجي :hahahahahah:
موفقة .

هلا بالغاليه

اي غنايم ههههههه

يعنو عادي بنطلون جينز ودي الشغلات

طيب
الحين يوم نختبر كان في رجال !!
وقت الدراسه كمان موجودين !!:t1:

[الامير.]

مشكوووور على الموضوووع


تحياتي:d5:

[كبريآء]

هل انتهى التسجيل بالمعهد
او مفتوح إلى الآن.؟

[دافئة المشاعر]

بنات بغيت اسأل متى نداوم في المعهد؟؟؟؟؟؟؟؟؟؟

ماتأجلت الدراسة ؟؟؟؟؟؟؟

[بنت الفيلسوف]

التسجيل قبل يومين نزل اعلان التسجيل تبع برنامج ماهر
للصيدلة والتمريض
اما الدوام نفس الشي ماتأجل 14 بس المدارس تأجلت الدراسة عندهم

[على أمل]

وين نزل الاعلان وكيف يعني برنامجج ماهر هو نفس الموارد ؟؟

[ام حور]

بسالك بنت الفيلسوف اشلون تنتظري دعم مو كلموك وقالولكم مو مدعوم الدبلوم
انا كلموني وقالولي حولناك من دبلوم مختبرات الى بكلريوس مختبرات

[بنت الفيلسوف]

ام حور
دبلوم فني تخدير مافي بكالوريوس
فقالوا لنا مافي دعم اليكم يالدبلوم مايقولوا نحولكم عادي لو لالا
اني سئلتهم عادي نحول بكالوريوس قالت اليي تعالي شوفي مبنى التسجيل
بس بروح لهم اول يوم دراسة وبشوف كل شي وشنو يصير وياهم
وادا مادعمونا ومافي امل رح نشوف حل بأذن الله .

[روز ^_^]

السلام عليكم

في تسجيل الترم الثاني

اللي يدرس هناك او بيبدأ دراسه يوم السبت ياريت يسأل لنا

والله يوفقكم

[البرستيج]

أختي روز هو بالعاده فيه تسجيل للسمستر الثاني ..
حاضرين لكم أحنا ..
مع بداية الدوام أن شاءالله أجيب لك الخبر ..

[روز ^_^]

أهلا اختي البرستيج

مشكورهـ وماقصرتي والله يوفقك

والتسجيل السينستر الثاني تبع الموارد ولا كيف

انا ابي نفس الطريقه اني ماادفع الفلوس

ابي مثل ماسمعت انه ادرس ولمن اتوظف عندهم ياخذون من راتبي الى تسديد

المبلغ

ياريت تسألين اذا التسجيل السيمتسر الثاني كذا

مع الف شكر

[اوراق متناثره]

في تسجيل للحين ولا خلاص :Cry111:

[البرستيج]

أنتهى التسجيل ..لهذا السمستر ..

[أثيـــر]

ها بشرو فتح التسجيل للترم الثاني؟

[البرستيج]

إلى الأن لم يتم فتح للتسجيل إلى السمستر الثاني

[احمد بوجعفر]

مشكورين ويعطيكم العافية

[البرستيج]

الله يعافيك بوجعفر..

[فديتنيـ]

ممكن عدة اسئلة الله يعطيكم العافية :
1-هل هناك اختبار للدعم من قبل من صندوق الموارد البشرية ؟؟
2-هل التوضيف مضمون في مستشفيات المانع ؟؟ (يعني هل يوجد معاهدة يوقع عليهاا الطالب؟؟)
وهل نقدر نتوضف في مكان ثاني غير مستشفيات المانع ؟؟ :mh19:

الله يعطيكم العافية على تعاونكم مع الاستقسارات للطلاب والطالبات الجدد

[بنت الفيلسوف]

فديتنيـ


1-هل هناك اختبار للدعم من قبل من صندوق الموارد البشرية ؟؟
مو اختبار , شروط اذا استوفيت الشروط كان بها

2-هل التوضيف مضمون في مستشفيات المانع ؟؟ (يعني هل يوجد معاهدة يوقع عليهاا الطالب؟؟)
في عقود لازم الطالب يوقع عليها اما على سالفة مضمون على حسب العقد الا رح توقعة

وهل نقدر نتوضف في مكان ثاني غير مستشفيات المانع ؟؟
تتوظف بمكان ثاني اذا كان على حسابك الدراسة
او انك مو موقع على عقد منتهي بالتوظيف يعني بس التدريب
بس مافي شي اكيد اخد الاخبار منهم

[قمروووون]

مرحبا

سؤال

في تقديم السمستر الجاي؟؟

يعطيكم الف عافيه

[البرستيج]

مرحبا

سؤال

في تقديم السمستر الجاي؟؟

يعطيكم الف عافيه

نعم يوجد تسجيل خلال هذا الشهر إن شاءالله

تابعي المبوبه وجريدة اليوم..

[غدير غدير]

السلام عليكم

أنا شفت بالجريدة انو فتح التسجيل للسمستر الثاني ويبدأ من 9 _ 1_ 2010
وينتهي 23_ 1 _ 2010

ونفس الشروط المذكورة قبل

لكن حبيت أسأل للي قال ان رسوم الدراسة بـ 12 الف ريال للسمستر الواحد ولا لكل الدراسة ؟؟

اتمنى الرد بأسرع وقت

[شرقاوية موووت]

هلا قلبووو

الرسوم للدبلوم بالسنة 24 الف ((( 12 الف كل سمستر ))

البكالريوس 60 الف بالسنة (((30 الف كل سمستر)))

[البرستيج]

12 الف ريال هذه للسنه التحضيريه فقط بإكملها كل سمستر 6 الأف ريال

هذا في حين لو أنك أحتجتي السنه التحضيريه ..

[غدير غدير]

مشكووووووورين كثير


يعني يتحدد إذا احتجت للسنة بعد اختبار القبول ؟؟
طيب كم المفروض اجيب بإختبار القبول عشان مااحتاجها او تدعمني الموارد بالسنة التحضيرية ؟؟


والسنتين الي بقو على حسابهم هم ؟؟

[شرقاوية موووت]

مشكووووووورين كثير




العفوو قلبووو



يعني يتحدد إذا احتجت للسنة بعد اختبار القبول ؟؟


ايوة بعد الاختبار الي تختبريه عندهم


طيب كم المفروض اجيب بإختبار القبول عشان مااحتاجها او تدعمني الموارد بالسنة التحضيرية ؟؟



والله ماعندي علم انا بس تختلف كانت بالسنة الي انا فيها كان تقريبا يبون فوق 50%


والسنتين الي بقو على حسابهم هم ؟؟

مافهمت والله ايش تقصدين ... اي سنتين !!



:cheese:

[ليالي القمر]

هلاآآآ

انا عندي سؤال ضروري تجاوبوني عليه وهوا اذا شخص كانت نسبته كذا بالثانويه 65% فهل في امل المعهد يقبله او لأ علما بأنه حاصل ع شهادة دبلوم حاسب من معهد آخر ومختبر منقبل اختبار القدرات بس حصل ع 53 قدرات و 43 تحصيلي ...؟ , ووش هوا الزي الرسمي المسموح فيه يعني هل لو لبست بنطلون وقميص عادي يقبلونه لو لأ ...؟


وشكرا مقدما

[فج ـر]

هلاآآآ

انا عندي سؤال ضروري تجاوبوني عليه وهوا اذا شخص كانت نسبته كذا بالثانويه 65% فهل في امل المعهد يقبله او لأ علما بأنه حاصل ع شهادة دبلوم حاسب من معهد آخر ومختبر منقبل اختبار القدرات بس حصل ع 53 قدرات و 43 تحصيلي ...؟ , ووش هوا الزي الرسمي المسموح فيه يعني هل لو لبست بنطلون وقميص عادي يقبلونه لو لأ ...؟


وشكرا مقدما



:t1:

علمي ولا ادبي !

مااتوقع :000: بس مع الواسطه كل شيء جايز :cheese:

وبالنسبة للزي .. عادي الي تبغين مافي شيء محدد بس اهم شيء الاب كوت :love080:

:119:

[ولايه]

هل بكالوريوس المختبرات فيها دعم هالسنه من الموارد لان يوم اسجل قالت لي بنشوف احنا رافعين خطاب

[شرقاوية موووت]

ايوة ياقلبي لاتسجلين فيه الا لما يردوا عليك


:)

[ولايه]

انا سجلت بس مااعرف اهو مدعوم ولا لا ماقالت لي لان كان لتسجيل في شهر 6

[حنـآن]

:000:
حبـآيبي
انا تخرجت من الثـآنويه.. [ علمي ]
ونسبتي 85.34%
طبعاً القدرآت والتحصيلي ما ادري عنهم .. لانو باقي ماطلعت النتـآيج
واممممم .. لو حابه اسسجل اقدر هالحين
يعني التسسجيل مفتووح ولا لا ..؟
واممم .. حبيت اعرف الموآرد البشريه ايش هيـآآ .. وكيف يعني تدفع المبلغ وبعدين انتي ترجعيه لهم
مافهمت .. ؟
وامممم بالضبط كم دبلوم التمريض مع السنه التحضيريه وبدونها
وامممم اذا انا مو كويسه بالأنجليزي عادي يقبلوني ولا لا .. ؟
وامممم التوظيف مضمون ولا كيف

[شرقاوية موووت]

هلا وغلا


ايوة ياقلبي التسجيل مفتوح الى 1-9

ونتائج القيااس تقريبا اكثرهم اليوم تطلع او الايام الجايه

والموارد

يقدم صندوق تنمية الموارد البشرية دعم لتكاليف التدريب + راتب شهري للمتدربة ويمكن التسجيل عن طريق المعاهد مباشرة والمعاهد تقوم بعملية المفاضلة بين المتقدمين ومن ثم ارسال الاسماء للصندوق لإعتمادهم وفيما قائمة باسماء المعاهد ، واذا واجهتكم اي مشاكل مع المعاهد الرجاء الاتصال على الصندوق 012790804 وأسألو عن ادارة التدريب ...

ئمة بالمعاهد الصحية المشاركة في تدريب تخصص دبلوم التمريض (بنات) ومساعدة طبيب اسنان (بنات) ضمن برنامج ماهر (12/12) بصندوق تنمية الموارد البشرية علماً ان البرنامج مجاني وتحصل المتدربة على مكافأة قدرها (1000) ريال شهرياً .

شروط وضوابط الالتحاق بالبرنامج.

أ- أن يكون المتقدم سعودي الجنسية.
ب- أن يكون حاصلا على المؤهل المطلوب للالتحاق في البرنامج.
ج-أن تنطبق عليه شروط القبول لدى الجهة التدريبية المتقدم إليها.
د- أن يكون متفرغاً للتدريب وليس على رأس العمل في أي جهة حكومية أو خاصة.
هـ- لم يسبق دعمه من صندوق تنمية الموارد البشرية.
ز-يقوم الطالب بتعبئة التعهد الخاص بالانسحاب أو تجاوز المدة المقررة للتدريب بالبرنامج.


مساهمة الصندوق في البرنامج.

أ-يتحمل الصندوق كامل تكاليف التدريب.
ب-يحصل المتدرب على مكافأة قدرها (1000) ريال شهرياً في الجهة التدريبية التي تمنح مكافآت لطلابها .
ج-في حال تجاوز المتدرب المدة المقررة للتدريب من الجهة التدريبية فيتحمل الصندوق التكاليف وفق ماهو محدد في الإتفاقية مع الجهة والإقرار الموقع من المتدرب .
د-يسعى الصندوق لتوظيف المتدربين في البرنامج بعد حصولهم على المؤهل المطلوب .

ضوابط منح المكافأة.

أ*- تطبق المكافأة في الجهات التدريبية التي تمنح مكافأة شهرية لطلابها حسب الأنظمة المعمول بها لدى الجهة ووفق ما تنص عليه الاتفاقية الموقعة مع الجهة التدريبية.
ب*- توقف المكافأة عن المتدرب / المتدربة في حالة التأجيل أو الانسحاب أو الاعتذار عن الدراسة .
ت*- يتم صرف المكافآت للمتدرب من خلال حسابات في الجهات التدريبية في حالة توفرها أو في حساب المتدرب الشخصي وفق ضوابط الصرف التي تحددها الإدارة المالية بالصندوق.


الجهات الصحية المشاركة في دبلوم تمريض و مساعدة طبيب أسنان - بنات
للتسجيل في البرامج يمكن مراجعة جهات التدريب مباشرة أو من خلال مواقعها على شبكة الانترنت

الدمام

معهد المواساة للعلوم التطبيقية 8170387

الأكاديمية الدولية للعلوم الصحية 8305617 www.medacademy.info (http://www.medacademy.info/)

السباعي 8184068 www.sebai.edu.sa (http://www.sebai.edu.sa/)

معهد التنمية العربي 8174875 www.adi-sa.com (http://www.adi-sa.com/)

الأكاديمية الدولية للعلوم الصحية 8305617 www.medacademy.info (http://www.medacademy.info/)

معهد المواساة للعلوم التطبيقية 8170387

..................................................

الخبر

معهد المانع للعلوم الصحية 8937160

..................................................




ماتدفعي لهم شيئ
الا اذا لاسمح الله حملتي مواد وزادت سنين دراستك فراح تدفعي الزايد



من شروط التقديم الحصول على نسبة 75 بالشهادة الثانوية علمي وادبي



من شروط دعم الموارد البشرية
تخصص الصيدلة الحصول على نسبة 90 بثانوية العامة
و60 بالقدرات و55 تحصيلي
اما التمريض
الحصول على نسبة80 بثانوية العامة والقدرات60 والتحصيلي55



ينتهي التسجيل في 1\9\1431


التسجيل عن طريق الذهاب للمعهد لا يوجد تسجيل عن طريق
الانترنت عنوان المعهد في الاعلى





ومبلغ دراسه الدبلوم

24 الف بالسنة <<- 12 الترم الاول , 12 الترم الثاني
واذا احتجتي الى سنة تحضيرية

يكون مبلغ السنة التحضيرية
12 الف للسنة <<- 6 الاف الترم الاول , 6 الاف الترم الثاني

..

اما اذا بتدخلي دبلوم لازم اختبار برومترك وتقريبا يختصر لك السنة التحضيرية اذا عديتيه وعلى طول تدخلي التخصص باذن الله ياقلبي..

وايوة حتى لو انتي منتي كويسة بالانجلش كلنا دخلنا كذ1 والحمدلله تدرييجيا مشيناا باللغه والمانع اللغه ممتازة عندهم ...

وعالتوظيف ماله شغل فيك يعني تاخذي شهادتك وتروحي اي مكان تقدمي بعدين اما اذا كانت نسبتك لما تتخرجي حلوة وقوية ان شاء الله ياخذونك المانع لهم ...


اتمنى اكون ماقصرت معك وربي يوووفقك حبيبتي :)

[براءة روح]

اهلين ..

اممم حبيت استفسر<<وتحملووني شووي ههههه

انا تخرجت من ثانوي ونسبتي الثاانويه فوق التسعين والتخصص علمي وحبيت استفسر عن التسجيل في المعهد ..
التقديم تبع الموارد البشريه يكون دبلوم والا بكالريوس ؟؟؟
وما هي التخصصات الي تدعمها الموارد البشريه ؟؟
وكيف يكون القبول ؟ الاولويه في نسبه المدرسه ؟ والا التحصيلي والقدرات ؟؟
والمواارد ندفع شي والا هم يتكفلو بكل المصاريف الدراسه ؟؟
وهل ابتدأ تسجيل الموارد البشريه ؟؟ وماهي الاوراق المطلوبه للتسجيل ؟؟
ووسلامتكم :) اتمنى تفيدوني بكلام موثووق

[جيـــفآآرآ]

اهلين ..
هلااا بك

اممم حبيت استفسر<<وتحملووني شووي ههههه
خذي راحتك

انا تخرجت من ثانوي ونسبتي الثاانويه فوق التسعين والتخصص علمي وحبيت استفسر عن التسجيل في المعهد ..
التقديم تبع الموارد البشريه يكون دبلوم والا بكالريوس ؟؟؟
فيه تخصصات دبلوم وفيه بكالريوس وعلى حسب التخصصات اللي تطرحها الموارد
وما هي التخصصات الي تدعمها الموارد البشريه ؟؟
المدعوم السمستر اللي راح الدبلوم تمريض
والبكلوريوس صيدله ومختبرات وتمريض
وكيف يكون القبول ؟ الاولويه في نسبه المدرسه ؟ والا التحصيلي والقدرات ؟؟
نسبه الثانويه فوق 90 والتحصيلي والقدرات فوق 60
والمواارد ندفع شي والا هم يتكفلو بكل المصاريف الدراسه ؟؟
اذاا شملك الدعم كامل اكيد يتكفلون بالمصااريف كامله وعلى حسب نظاام الدعم لان فيه اكثر من نظام
وهل ابتدأ تسجيل الموارد البشريه ؟؟ وماهي الاوراق المطلوبه للتسجيل ؟؟
التسجيل يكون في الكليه وهي اللي ترفع بالاسمااء للموارد المواارد تأخذ كل اللي تنطبق عليهم شروط الدعم
الشهاادات حق الثاانويه العامه اضاافه للقياس والتقويم والتحصيلي
ووسلامتكم :) اتمنى تفيدوني بكلام موثووق

اتمنى اكون افدتك اختي

[براءة روح]

تسلمي ماقصرتي :)
يعني اقدر اروح المعهد هالاسبوع وواسجل؟
بالنسبه الي التحصيلي والقدرات النتايج ماطلعت ..!!ننتظر الي حد ما تطلع ؟

[جيـــفآآرآ]

اتصلي عليهم وهذاا الرقم 038649066
وتأكدي منهم

وافضل انك تروحي لهم وتأكدي
بالنسبه للتحصيلي والقدرات عاادي هم يقدرون يطلعونهااا من عندهم

[براءة روح]

أوكي خيتو .. تسلمي ماقصرتي ..

موفقه ان شااااااااء الله :)

[جيـــفآآرآ]

حياااك الله اختي

موفقه

[حنـآن]

ششرقـآويييه‘
يعطيك ربي الف عافيه
وربي من جد مـآقصرتتتتي
يجزيييك ربي الجننننه قولي أميييين‘ ..
ويوفقك بكل خطـآآآك
وان شـآء الله لو ما انقبلت في الجامعه رآح اسسجل بالمعهد ..
واممم الصيدله يعني مافي امل تقبل اقل من الـ 90
يعني انا 58 .. مافي اممممل ابد .. ؟؟ ولا ايششش

[شرقاوية موووت]

ياحححياتي انتي

يعافيكي ربي يالغلا

ويوووفق الجميييع حبيبتي

لا ياقلبو الصيدله ماتدعمه الموارد الا اذا كانت نسبة الثانوية 90 فما فوق

حنان قلبو

((تخصص الصيدلة الحصول على نسبة 90 بثانوية العامة
و60 بالقدرات و55 تحصيلي))

<= هذا المطلوب يالغلا


وربي يوووفقك :119:

[ولايه]

اذا ممكن سؤال شرقاويه
وشو التخصصات البكالوريوس اللي هالسنة نزلت عليها المواارد؟؟
وهل نزلت على تخصص المختبرات؟
وشكرا

[شرقاوية موووت]

هلا ياعنووون شرقااوية انتي


الموارد تدعم

بكالريوس تمريض
وبكالريوس صيدله

والمختبرات والله معرفشش لانو السنة الي طافت ماكان فيه والبنات الي راحو يسجلوا هالسنة قالوا لهم فيه

اليوم اجيب الخبر االاكيد ان شاااء الله


^-^

[البرستيج]

والمختبرات والله معرفشش لانو السنة الي طافت ماكان فيه والبنات الي راحو يسجلوا هالسنة قالوا لهم فيه

اليوم اجيب الخبر االاكيد ان شاااء الله


لا يوجد دعم لتخصص بكلريوس مختبرات.

[حنـآن]

ياحححياتي انتي

يعافيكي ربي يالغلا

ويوووفق الجميييع حبيبتي

لا ياقلبو الصيدله ماتدعمه الموارد الا اذا كانت نسبة الثانوية 90 فما فوق

حنان قلبو

((تخصص الصيدلة الحصول على نسبة 90 بثانوية العامة
و60 بالقدرات و55 تحصيلي))

<= هذا المطلوب يالغلا


وربي يوووفقك :119:

فديييييتك ربي يوووووفقك يـآغلـآي
معليششش انا كنبت النسسبه 58 .. انا نسسبتي 85
واممم يعني ماتضمني الموآآرد ..
بس التمممريض ..، وطيب ومضمون انو اكون من ضمن الموآآرد ولا في عدد معييين
ولا ايششش .. ؟ لو بدخل تمريييض

[عاشقة صفوى]

تخصص الصيدله يكون مدعووم من الموآرد ؟

بلييييز جاوبوني

[جيـــفآآرآ]

صيدلة بكلوريوس مدعوم من المواارد بس لازم تنطبق عليك الشرووط اللي هي :

نسبتك في الثانويهـ العامهـ 90 % وأعلى

نسبتك في القدرات فوق 60% ونسبتك في التحصيلي فوق 55 %

الا يكون تجاوز على تخرجك من الثانويهـ اكثر من اربع سنوات

هذي هي شرط الموارد

موفقهـ

[جيـــفآآرآ]

فديييييتك ربي يوووووفقك يـآغلـآي
معليششش انا كنبت النسسبه 58 .. انا نسسبتي 85
واممم يعني ماتضمني الموآآرد ..
بس التمممريض ..، وطيب ومضمون انو اكون من ضمن الموآآرد ولا في عدد معييين
ولا ايششش .. ؟ لو بدخل تمريييض


رااح اجاوبك أختي المواارد تأخذ كل اللي تنطبق عليهم الشرووط يعني اذاا الشروط منطبقهـ عليك والكلية موافقهـ على قبولك على الاغلب راح يقبلووك

مع ذلك هذي جههـ حكوميهـ وماا تدرين يمكن تطلع شروط جديده مااتنطبق عليك انشااء اللهـ تندعمين بس لازم تكون عندك خيارات ثانيهـ عشان مااتوهقين بعدين لان ماافيهـ شي مضمون اللحين

موفقهـ

[ولايه]

طيب بسالكم هل للبكالوريوس موارد مكافاءة؟؟

[جيـــفآآرآ]

طيب بسالكم هل للبكالوريوس موارد مكافاءة؟؟


لاا ماافيهـ مكاافأهـ للاسف

[معنى الهدوء]

السلام عليكم


اسعد الله اوقاتكم



ممكن تساعدوني باسئلتي ^^


اني متخرجه السنه ومعدلي 86.06

القدرات 73

والتحصيلي 74


انقبل في الكليه دبلوم تمريض ؟


والموارد تدفع لي واخر سنه ماتدفعها وياخدون من راتبي بعد التوضيف .. هيكــآ ؟؟


طيب دراستهم خلط ولا؟

فيه رسوم عند التسجيل ؟

رحم الله والديكم ^^

[شرقاوية موووت]

وعليكم السلام ورحمة الله وبركاته


هلا وغلا نوورتي يالغلا

نسسسبتك ممتازة ياقلبي

وباذن الله مقبولة بتخصص دبلوم التمريض




من شروط دعم الموارد البشرية


التمريض
الحصول على نسبة80 بثانوية العامة والقدرات60 والتحصيلي55




<<= يعني انتي مستوفية الشروط عزيزتي

والموارد تتكفل بسنوات دراستك وماراح تدفعي لهم بعد التخرج ان شاء الله

ودراستهم بشكل عام ايوة خلط
يعني اعملي حسابك احتمال اذا مسجلين بهالسنة شباب بفس تخصصك يعني يكونوا معك بالكلاس

وعند التسجيل تدفعي 100 ريال
مع الاوراق المطلوبة
و لما يدقوا عليك عشان اختبار تحديد المستوى للكليه راح تدفعي 100 كذلك


بالتوفيق ياقلبي ^-^

[معنى الهدوء]

شرقاويه مشكوره يالغلآ


كلك زوووئ



نخدمكم انـ شاء الله :)

[شرقاوية موووت]

العفووو ياقلبي ماسسوينا شيئ

بالخدمة موجودين ^-^

[الغاوويه]

السلااام عليكمــ
انا هذا الاسبووع رحت المانع وقدمت اوراقي ع الموارد البشريه بكالوريووس مختبرات طبييه
وانا نسبتي 91
والقدرات77
والتحصيلي 63

بس اسمعهم يقولون ان الموارد البشريه ماتدعم المختبرات الطبيه
صح ولالا؟؟

وهل يقبلون معدلي تبع الموارد؟

وغير 100 رسوم التسجيل
و 100 اللي عند اختبار تحديد المستووى
كم ندفع؟

[شرقاوية موووت]

وعليكم السلام ورحمة الله وبركاته


هلا حبيبتي

الموارد البشرية ماتدعم تخصص المختبرات الطبيه

ومعدلك ممتاز جدا وينقبل على تخصص الصيدله اذا تبين وتخصص التمريض

ويوجد دعم على هذه التخصصات





من شروط دعم الموارد البشرية
تخصص الصيدلة الحصول على نسبة 90 بثانوية العامة
و60 بالقدرات و55 تحصيلي
اما التمريض
الحصول على نسبة80 بثانوية العامة والقدرات60 والتحصيلي55



يعني انتي مستوفيه الشروط

ولكن تخصص المختبرات غير مدعوم يالغلا

ومايوجد غير الـ 200 للتسجيل
اما اذا بتدرسي على حسابك

مبلغ الدبلوم

بالسنة 24 الف

ومبلغ البكالريوس

بالسنة 60 الف

ومبلغ السنة التحضيرية اذا احتجتي لها

12 الف بالسنة



..


ربي يوفقك ياقلبو ..^-^

[الصديقة الوفيه]

السلام عليكم ورحمة الله وبركاته
أنا عندي أستفسار وياريت تساعدوني نسبتي المركبه 98,68 والقدرات 71 والتحصيلي 71
حابه أسجل في المانع سمعت أنو التسجيل فيه يكون بفلوس يعني على حسابنا بس لو سمحتو لو تقدرو تفيدوني هل الدفع يكون مقدم أو بعد الدراسه ينأخذ من الراتب ؟
وأذا كان تبع الموارد كيف يكون بدون فلووس ؟
ياريت لو تساعدوني لأني سجلت في الجامعات ولا جامعه قبلتني
وأنا حابه أدرس صيدله
شكرا

[جيـــفآآرآ]

السلام عليكم ورحمة الله وبركاته
أنا عندي أستفسار وياريت تساعدوني نسبتي المركبه 98,68 والقدرات 71 والتحصيلي 71
حابه أسجل في المانع سمعت أنو التسجيل فيه يكون بفلوس يعني على حسابنا بس لو سمحتو لو تقدرو تفيدوني هل الدفع يكون مقدم أو بعد الدراسه ينأخذ من الراتب ؟
وأذا كان تبع الموارد كيف يكون بدون فلووس ؟
ياريت لو تساعدوني لأني سجلت في الجامعات ولا جامعه قبلتني
وأنا حابه أدرس صيدله
شكرا

وعليكم السلام ورحمة الله وبركاته

هلا اختي نسبتك حلوهـ

بالنسبهـ للدراسهـ على حسابك يكون قيمة كل سمستر مقسومهـ على دفعتين دفعه بداية السمستر والدفعهـ الثانيهـ في منتصف السمستر

نظام الاستقطاع من الراتب وقفووه خلااص

راح تنقبلين صيدله بكلوريوس على حساب الموارد البشريهـ تتكفل بكامل الدراسه عنك لانك مستوفيه الشروط

الحقي وسجلي وانشاء الله قبولك مضمون

موفقهـ

[الغاوويه]

مشكورهـ شرقااوويه ع الرد والواافي
بس ان ماعطوني خبر وانا هناكـ
لاني قلت لهم ابغى اسجل تبع الموارد ووهم اللي سجلووا بيانااتي ف الملف
ولاقالوا انه غير مدعووم :)

الله يعطيكم العافيه

[شرقاوية موووت]

ايوة ياقلبي هم اذ1 شافوا انك مسستوفية الشروط للدعم راح يرفعوا اوراقك للموارد ..

^-^

[شرقاوية موووت]

السلام عليكم ورحمة الله وبركاته
أنا عندي أستفسار وياريت تساعدوني نسبتي المركبه 98,68 والقدرات 71 والتحصيلي 71
حابه أسجل في المانع سمعت أنو التسجيل فيه يكون بفلوس يعني على حسابنا بس لو سمحتو لو تقدرو تفيدوني هل الدفع يكون مقدم أو بعد الدراسه ينأخذ من الراتب ؟
وأذا كان تبع الموارد كيف يكون بدون فلووس ؟
ياريت لو تساعدوني لأني سجلت في الجامعات ولا جامعه قبلتني
وأنا حابه أدرس صيدله
شكرا

وعليكم السلام ورحمة الله وبركاته

هلا حبيبتي

ماراح ازيد عن الكلام الي قاله لك جيفارا الغلا لانه ماقصر معك ..

بس نسسبتك طيبة
وعندك مجال بكالريوس تمريض ودبلوم تمريض
وبكالريوس صيدله

ويشملك دعم الموارد وتتكفل بتكاليف دراستك ..

واذا على حسابك تبين
عندك دبلوم تخدير و بكالريوس مختبرات طبيه ودبلوم تامين صحي

توكلي على الله

بالتوفيق ^-^

[براءة روح]

:( بليز ساعدووني
أني قدمت تبع الموارد البشريه وونسبتي 90 وشوي .. وفي اختياار الرغباات حطيت الرغبه الاولى مختبرات والثانيه صيدله ووالحين يقولو ان المختبرات مو مدعووم يعني !! ماا بيدعموني !!!

وهل من الشروط الكشف عند الدراسه ؟؟هل الكشف اجباري عند الدراسه؟

وهل الشهاده معتمده والا لا؟

[شرقاوية موووت]

هلا حبيبتي

نسسبتك حلوة ياقلبي

وتخصص االمختبرات غير مدعوم ايوة

بس تخصص الصيدله مدعوم من الموارد البشرية

وانتي مستوفيه شرط نسبة الثانوية

بس ان شاء الله نسبتك القدرات والتحصيلي تكون بعد كويسة

واذا ماتبين المختبرات بمكانك انك تحولي للصيدله دامك حطيتيها الاختيار الثاني

مافيه مشكله يالغلا ..

ومن جهة الكشف
ايوة الكشف عن الوجه اجباري داخل المعهد للبنات
اما خارج المعهد يعني الكلاسات الخارجية فيه بنات يتغطون ..


* مميزات الدراسة بكلية ومعهد المانع:
- يمنح الطالب شهادة البكالوريوس معتمدة من وزارة التعليم العالي، وشهادة الدبلوم مصدقة من الهيئة السعودية للتخصصات الصحية.




ربي يوفقك عزيزتي .. ^-^

[الصديقة الوفيه]

جيــــفاارا & شرقاااوية شكرا شكرا لكم
عندي سؤال ثاني وأدري أني تعبتكم بس حابه أعرف أوقات الدوام عدهم لأني بروح أسجل
شكرا لكم مره ثانيه

[شرقاوية موووت]

العفووو حبيبتي ماسوينا شيئ والله


اوقات الدوام الرسمي

من 9 الصباح
الى الظهر تقريبا اللي اعرفه الى 2 او 3


تقريبا كذ1


ربي يوفقك يالغلا

[ولايه]

عندي استفسار انا دقيت على الكليه وقالو ان المختبرات مدعوم
وهنا انتو تقولون ان مو مدعوم ولما سجلنا كان بس لنا نختار رغبه وحده

[جيـــفآآرآ]

عندي استفسار انا دقيت على الكليه وقالو ان المختبرات مدعوم
وهنا انتو تقولون ان مو مدعوم ولما سجلنا كان بس لنا نختار رغبه وحده

داام هم قالوا لك انهـ مدعوم فهو مدعوم بس السمستر اللي رااح ماكان عليهـ دعم

وفيهـ تخصصات قالوا لناا انهاا مدعوهم وفي الاخير طلع ماالهاا دعم

[الصديقة الوفيه]

تسلمي أختي شرقااويه
أنا اليوم رحت سجلت وكان لنا أكثر من أختيار كان ثلاثه على ما أضن ونرتبهم حسب الي نبي
أن شاء الله يقبلوني
بالتوفيـــــــق للجمـــــــــــــيــــــــــع

[شرقاوية موووت]

ياقلبي عليك يسسلمك ربي يالغلاا

حلو حلو


ربي يوفقك حبيبتي ...

[المجروووووحه]

اختي بتسجل صيدله

الرسوم بتكون عليها ولا على الموارد البشريه

نسبتها الثانويه 99
والقدرات والتحصيلي فوق 80
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟
وهل في سكن للطالبات؟؟؟
وايش افضلا قسم بين الثلاثه ؟؟؟؟؟؟

[جيـــفآآرآ]

اختي بتسجل صيدله

الرسوم بتكون عليها ولا على الموارد البشريه

نسبتها الثانويه 99
والقدرات والتحصيلي فوق 80
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟
وهل في سكن للطالبات؟؟؟
وايش افضلا قسم بين الثلاثه ؟؟؟؟؟؟

شروط الموارد تنطبق عليهااا تقدم عالكلية وتنتظر الرد منهم

كان فيهـ سكن بس ماا اضن اللحين

اي ثلاث اقساام؟

[شرقاوية موووت]

على ماسمعت انو خلاص لايوجد سكن بالمانع

وافضل تخصص تقريبا بكالريوس صيدله وله مستقبل حلو

ربي يوفقها

[المجروووووحه]

يعطيكم العافيه

[شرقاوية موووت]

يعافيك ربي حبيبتي

سهالات ان شاء الله

[5oo5a]

جيفارا او اي احد ممكن يجاوبني

صاحبتي متخرجة العام اللي راح

بس بغيت اسأل اذا سجلت بالكلية هل الموارد تدعمها او لا..؟؟؟؟؟؟؟؟؟؟؟؟

[شرقاوية موووت]

ايوة ياقلبي

بس على حسب نسبتها بالثانوية والقدرات والتحصيلي


..~ كم جايبة هي ؟

[5oo5a]

تسلمي والله اختي

نسبتها الثانوية 92.10

والقدرات 74 والتحصيلي 74

[شرقاوية موووت]

ايوة يالغلا

نسبتها حلوة

وكويس انو مامر على شهادتها 3 سنوات

والتخصصات المدعومة من الموارد

بكالريوس صيدله
دبلوم+بكالريوس تمريض

وبامكانها اختيار واحد من هالتخصصات وهي مستوفية جميع الشروط

راح يتم قبولها ان شاء الله عالموارد البشرية

موفقة خيتووو ..~

[الغاوويه]

صباح الخيير:)

يعطيكم العافيه
بس حبييت استفسر متى يطلع االقبوول ؟

[شرقاوية موووت]

صصباح النوور

يعافيك ربي غلاااتي

بعد ماتختبروا اختبار القبول برمضان

باذن الله يقولوا لك متى


..~

[الغاوويه]

آهآ اووكـ
مشكوورهـ آختي الله يعطييح العافيه

[شرقاوية موووت]

العفووو

يعافيك ربي

موفقة ...~

[الصديقة الوفيه]

Hi *******,

Welcome to MACHS e-College (http://www.sis.machs.edu.sa/) Portal. Your login has been successfully created with below credentials:

User name: ***
Password:*****
We will appreciate if you could login to e-college (http://www.sis.machs.edu.sa/) and submit the application for approval. Please keep a copy safe of this email for future references.

Regards,
MACHS SIS – Support Team

NOTE: This is a computer generated email, no reply is needed.

<<< وصلتني الرساله هذي ع الإيميل بس مو عارفه وشو المطلوب بالضبط الي يعرف ياريت لو يساعدني

[شرقاوية موووت]

ايوة هذا الباسسورد واليوزر نيم حقك

راح تدخلين عليهم للاطلاع على نتيجتك

على قبولك

على كل شيئ تحتاجينه

وهناا موقع الكليه

http://www.machs.edu.sa/en/index.aspx


وهنا تقريبا الدخول

http://machssis.brainvisaonline.com:900/pages/en-US/Login.aspx?ReturnUrl=%2findex.aspx

وشوفي هالموضوع يفيدك ان شاء الله


http://www.ckfu.org/vb/t71730.html


...~

[الصديقة الوفيه]

شكرا شكرا أختي شرقاااويه ماقصرتي تعبتك معاي
أنا فتحت الملف وهذا الي طلع لي


Your Application status is: Submitted Please contact your registrar for further assistance. Your Application status is: Submitted Please contact your registrar for further assistance.

[شرقاوية موووت]

العفووو خيتووو

مدرري والله اخر شيئ شنو طلع لك

=(

[الصديقة الوفيه]

والله أنا يوم فتحت الملف هذا الي طلع لي وماطلع شي غيره
أن شاء الله يقبلوني *ــــ*
تسلمي شرقاويييه على المساعده

[شرقاوية موووت]

يسسلمك ربي غلاتي ..~

[كبريآء]

الحين انتهى التسجيل ف المانع ع حساب الموارد او كيف.؟


فيدوني الله يخليكم ظروري

[شرقاوية موووت]

لالا موووجوود لسسسى ياقلبي ماانتهى

باقي عليه كم يوم

راح ينتهي بتاريخ 1 رمضان

موفقة ...~

[شرقاوية موووت]

تم قفل الموضوع

وللأطلاع على معلومات عن معهد المانع الصحي التوجه الى .-->>معلومات عن كلية محمد المانع للعلوم الطبية بالخبر (http://www.ckfu.org/vb/t45713.html)



وللأستفسارات عن التسجيل لعآم 1431 التوجه الى -->> «●تم فتح التسجيل بالمانع لعآم 1431.... ]|~ (http://www.ckfu.org/vb/t81688.html)