فوبيا

[كب كيك]

السلام عليكم

ناس تخاف من الاماكن المرتفعه

ناس من البيتزا او الزيتون

ناس من الطماط

انت/ي هل عنك/ج فوبيا من اي شي وهل استخدمت/ي اي طريقه من طرق العلاج

ونفعت ولا لأ وشنو كان السبب الي خلاك/ج تخاف منه لدرجه الفوبيا

انا عندي فوبيا من الاماكن الضيقه المظلمه

والنمل


بالنسبه للنمل في طريقه علاج اني امسك لعبه من الشرة الي اخاف منها

وبما ان اللعبه ما ؤاح تسوي شي ختى الصجيه لا لانها اصغر من حجمي

بس ما قدرت امسكها مسكت كل الحشرات حتى الزهيوي

والنمله ما قدرت امسكها

والسبب اني لما كنت صغيره عمري تقريبا 6سنوات

شفت فلم عن النمل ياكل البشر الساعه 2 بليل بروووحي:Cry111:

[عز ودلال]

وعليكم السلام ورحمة الله وبركاته

صباح الخير كب كيك أنا عندي فوبيا من الأماكن المرتفعه والصراصير من وأنا صغيره ...

وقبل 5 سنين صار عندي فوبيا من العناكب والسبب إني مره كنت نايمه وأخر الليل الساعه 2

صحيت من النوم عطشانه رحت المطبخ وانا قاعده أشرب تعلق برجلي عنكبوت كبير ودخل

بسرعه في ملابسي وصرخت بأعلي صوتي وأهلي نايمين وقعدت أنقز وأصرخ مثل المجنونه

وبعدها حرررررررمت أدخل المطبخ بالليل حتى لو كنت بموت من العطش خوفي لايطلع لي مره ثانيه :000: :000:

[t3b-aljouf]

السلام عليكم ورحمة الله وبركاته

انا صراحه عندي فوبيا صراحه من شي اسمه مايونيز
اي شي فيه مايونيز
لو تقطعني اربآ اربآ ما اكلته
حتى يوم اشوفه تنسد نفسي على طوول
لذالك دايم اتجنب انزل للمطاعم عشان ماشوفه خخخخ
اما السبب كذا خلقه من ربي
ولا جربت اي علاج او غيره

[صفات]

عندي فوبيا من البالونات يعني آخاف لما أحد ينفخ بالونه معاي او جنبي
والسبب انه لما كنت صغيرة كنت انفخ بالونه كبيرة ونفخت نفخت نفخت نفخت نفخت الى ان بووووووووووووووش في وجهي ههههههه ومن هذآك اليوم لا حد ينفخ بالونه يقربي

[كب كيك]

اغلب الناس يعانون من الفوبيا مره شفت حلقه عن الفوبيا باحمر بالخط العريض الي كان يطلع بال ال بي سي

وشفت اشياء غريبه

ما احس ان الفوبيا مرض بالعكس عادي الخوف مو مرض وانا مو مع الناس الي يقولون ان الفوبيا مرض


منورينن