تكفون الي تبغى بيت في الجنة ترد

[ريماس الجبيل]

السلام عليكم ورحمة الله وبركاته

لو سمحتوا صبايا الي عنده جواب صحيح ترد علي ضروري هاليومين:sdfgdsf:

أنا انقبلت بكلية التربية بحفر الباطن ضمن الدفعة الثانية
وسلمت أوراقي للبريد ويوم الثلاثاء اخر موعد للتسليم <المشكلة مو هنا >أدري طولتها وهي قصيرة

انا ابي اسحب ملفي هل الآن اسحبه من البريد ولا الكلية؟

ولا لازم اروح الكلية بنفسي اسحب الملف وللعلم المشوار بعيد :Cry111:

وانا ماقدر اروح هناك اسحب ملفي ؟

الله يعطيكم العافية ردوا

[rana ahmad]

اما ليه سلمتيهم من البدايه ؟!!

[reeem]

كلميهم

اتوقع تروحين لمقر الجامعه اذا كانوا ارسلولك ان الوثائق الاصليه وصلت

بس اتوقع اذا سحبتي اوراقك ماتقدرين تدرسين او تقدمين بجامعة الدمام لمدة 3 سنوات على ما اعتقد

[ريماس الجبيل]

إما rana سلمتهم وخلصت انا ابي جواب غير

شكرا ريم يعطيك الف عافية

يعني اللحين لما اسحب ملفي مااقدر يعدين اسجل بس في بنات اعرفهم سحبوا الملف وقدموا مرة ثانية

حيرتيني اللحين

[*(ONLY 2 YOU)*-]

للآسف مااعندي شيء اقدر افيدك فيه..

الله ييسر لك آمورك..

[نسيم الجوري]

قبل لا تسوي أي شي اتصلي عالكلية و خبريهم بالسالفة كلها

لكن أنا أعرف بنات كثير سحبوا ملفاتهم بالطريقة اللي راح أقولك عليها
و بما إنك سلمتيه و ناويه تسحبيه تحملي التعب شوي
أول شي تروحي للكلية بحفر الباطن ( أدري ما تقدرين لكن ما في إلا هالحل ) تقولي لهم بإنك تبغي تسحبي الملف .. راح يعطونك أوراق تاخذيها و ترجعين لجامعة الدمام و تعطينهم هاذي الأوراق وراح يسلمونك الملف .

لكن إنتي ليش تبغي تسحبيه ... طلع لك في مكان ثاني مثلاً ؟!!!!!
إذا كنتي راح تسحبيه لغير هذا السبب ما أنصحك أبد !!!! لأنك إذا سحبتيه ما راح تقدري ترجعي لهاذي الكلية في حفر الباطن

أنصحك تستخيري قبل كل شي ... و الله يوفقك دنيا و آخرة ياااارب

[ريماس الجبيل]

:Cry111:قبل لا تسوي أي شي اتصلي عالكلية و خبريهم بالسالفة كلها

وهذا الي بيصير انشاء الله

لكن أنا أعرف بنات كثير سحبوا ملفاتهم بالطريقة اللي راح أقولك عليها
و بما إنك سلمتيه و ناويه تسحبيه تحملي التعب شوي
أول شي تروحي للكلية بحفر الباطن ( أدري ما تقدرين لكن ما في إلا هالحل ) تقولي لهم بإنك تبغي تسحبي الملف .. راح يعطونك أوراق تاخذيها و ترجعين لجامعة الدمام و تعطينهم هاذي الأوراق وراح يسلمونك الملف .


يعني اللحين أروح كلية الحفر اسحب أوراقي وأرجع جامعة الدمام اسحب ملفي من هناك حتى لو مثلا السنة الجاية ابغى اقدم مايكون في سجل سابق لي بالكلية < وسؤال حبيتي وين جامعة الدمام هل تقصدين كلية الآداب والعلوم بالدمام ولا جامعة الملك فيصل لاني اعرف
انهم انفصلوا عن بعض بس مدري ويش المقر الاساسي لهم
لكن إنتي ليش تبغي تسحبيه ... طلع لك في مكان ثاني مثلاً ؟!!!!!

لاماطلع لي بمكان ثاني تبع الحكومة بس بروح ادرس في اكاديمية ولا معهد لان اهلي رافضين روحتي الحفر اول شيء بعيد وثاني شيء انا مااتحمل مشاوير بعيدة بتاتا اتعب
إذا كنتي راح تسحبيه لغير هذا السبب ما أنصحك أبد !!!! لأنك إذا سحبتيه ما راح تقدري ترجعي لهاذي الكلية في حفر الباطن

أنصحك تستخيري قبل كل شي ... و الله يوفقك دنيا و آخرة ياااارب

شكرا ياوردة والله يوفقك يارب

تحياتي

[نسيم الجوري]

إقتباس :
يعني اللحين أروح كلية الحفر اسحب أوراقي وأرجع جامعة الدمام اسحب ملفي من هناك حتى لو مثلا السنة الجاية ابغى اقدم مايكون في سجل سابق لي بالكلية
إي و اللي أعرفه إن السنة الجاية ما راح تقدرين تقدمين على جامعة الدمام
وسؤال حبيتي وين جامعة الدمام هل تقصدين كلية الآداب والعلوم بالدمام ولا جامعة الملك فيصل لاني اعرف
انهم انفصلوا عن بعض بس مدري ويش المقر الاساسي لهم
هذي إسمها جامعة الملك فيصل بالدمام ... لكن بما إن الناس يتلخبطوا بينها و بين جامعة الملك فيصل بالأحساء >>سموها جامعة الدمام و ما حد يعرفها بغير هذا الإسم
و إذا ما تعرفي طريقها هي موجودة لها خريطة كروكي في موقع القياس .. أو تقدري تدوريها في موقع ( ويكيمابيا ) أو في (جوجل إيرث )
لاماطلع لي بمكان ثاني تبع الحكومة بس بروح ادرس في اكاديمية ولا معهد لان اهلي رافضين روحتي الحفر اول شيء بعيد وثاني شيء انا مااتحمل مشاوير بعيدة بتاتا اتعب
طيب هم الأهل رافضين لأنهم ما يبغوكِ تروحي بعيد ؟ أو خايفين عليكِ من التعب ؟
و لأن إذا كنتي راح تطلعي و ناوية تقدمي السنة الجاية ما أنصحك أبداً


و أعتذر على الرد المتأخر >> لكن ما قدرت أرد قبل >> و أعتذر بعد إذا ما نفعك جوابي


موفقة دنيا و آخرة يا رب

[ريماس الجبيل]

موفقه بإذن الله ... لك مني أجمل تحية يانسيم الجوري

واهلي زي ماقلتي بالضبظ ونفسيا وجسديا انا مااتحمل

وناوية ادرس بمكان ثاني وللآن افكر اسحبه ولالا لاني اعرف بنات سحبوه وقدموا مرة ثانية انقبلوا وفي ثانيين لا من بداية التسجيل يقول لهم يوجد سجل جامعي سابق وانا محتارة ماني عارفة ويش اسوي يعني على الحظ ولا ايش ماادري ويش السالفة

وشـكــ وبارك الله فيك ـــرا لك ...