المقبولين ... هنآآ إستفسارآآتكم

[عبدالله الجديد]

شباب إحنا المقبولين عندنا كم سؤال وياريت أحد يجاوبنا ..

1- ايشهي المواد اللي بندرسها في الترم الأول ؟؟

2- كم تستمر فترة القبول .. يوم والا يومين ؟؟

3- اللي انجليزيته زينه يقدر يسوي تعديه للانقليزي ؟؟

4- كيف أسئلة المدرسين صعبة ولا سهله ؟؟ وكيف تجيب درجات زينه ؟؟

الله يوفقكم جاوبوا علينا اللي عندكم خبره ,, وسلامتكم

[ابن عرعر]

^^

مشكوور على الموضوع

وانا بعد ودي اعرف


متابع ...

[طارقtariq]

السلام عليكم ورحمة الله وبركاته

1- ايشهي المواد اللي بندرسها في الترم الأول ؟؟

رايح تدرس انجليزي كل يوم 4 حصص , وعندك مادة بدون كتاب ولاشي بس اهم شي تحضر مرة بالاسبوع ,وعندك رياضة حصتين مع بعض بالاسبوع وعندك حاسب حصتين بالاسبوع وهذي تابعه للانجليزي يعني هي على الكمبيوتر تسمع انجليزي , وعندك مادة حاسب بس بدون حصص يحددون لكم وقت للمحاضرة وهي سهلة اختبار بالاكسل والورد.
2- كم تستمر فترة القبول .. يوم والا يومين ؟؟

امممم

تقصد يعني كم يوم تحتاج تظل بالجبيل عشان تخلص اجراءات القبول..!!

يعني اذا انت نشمي وهب ريح مابتاخذ معاك غير يومين.
3- اللي انجليزيته زينه يقدر يسوي تعديه للانقليزي ؟؟

هو باختبار تحديد المستوى اذا سويت زين رايحة تجيك رسالة ع الجوال بيقولن لك عندك اختبار2 عشان اذا تعدي المستوى الاول لو لا.
4- كيف أسئلة المدرسين صعبة ولا سهله ؟؟ وكيف تجيب درجات زينه ؟؟

شوف اخوي المدرسين متعاااونيين معاااكم وااااايد

وان ماعليك الا انك تحفظ الكلمات المطلوبه وتحاول تطور من نفسك

ترى والله مررررررررررررة سهل اني ماكنت اعرف شي بالانجليزي بس الحمدلله عديت وتخصصت

بالتوفيق

[ابن عرعر]

مشكووور على مروورك << بعد اذن صاحب الموضوع


اخوي انا اوراقي جاهزه ... كيف استغرق يومين ولا بعد اذا كنت هب الريح

اذا على كذا بنظل اسبوع !!.

انا الي اعرف تدقيق بالاوراق

واختبار

وبعدها كذا حاجه ماتستغرق ساعتين بالكثير


ايش الي يخليك تقوول يومين



المهم مشكووور الف شكر افدتني كثير

وجزاك الجنه وما تتمنى


...

[طارقtariq]

اللي يخليك يوومين انك لازم تجيب نتيجة الفحص من العيادة اللي بتسوي فيها الفحص

وبعد كذا لازم تشتري الكتب وتشتري بدلة الكلية وبعد كذا تستلم السكن واخيرا تستلم البطاقة وتجي تداوم بعد العيد تحياااتي اخووي

اي استفساار بالخدمة

[ابن عرعر]

مشكوووور الف الف شكر


الحين فهمت ليه التاخير

بس الله يعين بنصبر

جزيت خيرا اخوي طارق

وعساك على القوه

...

[طارقtariq]

ولو بالخدمة اخوي
موفق بإذن الله ... لك مني أجمل تحية .

[مُحبة آل يس]

سؤال جزاكم الله خيرا

بخصوص التفويض البنكي هل لازم يكون جاهز معانا ؟؟؟؟؟ يوم السبت لان موعد مراجعة اخي يوم السبت؟؟؟

ممكن الاجابة جزاكم الله خيراً ..

[عبدالله الجديد]

مشكوورين شباب الله يعطيكم العافية ..

ماقصرتم .. الموضوع مفتوح ياشباب اللي عنده سوعال ؟؟

[مُحبة آل يس]

جاوبو على سؤالي الله يحميكم

[طارقtariq]

سؤال جزاكم الله خيرا

بخصوص التفويض البنكي هل لازم يكون جاهز معانا ؟؟؟؟؟ يوم السبت لان موعد مراجعة اخي يوم السبت؟؟؟

ممكن الاجابة جزاكم الله خيراً ..

اممم

انت اطبع الورقة من موقع الكلية وسجل بياناتك فيها وسجل رقم الحساب

التفويض مومهم وااايد

اهم شي انك تسجل رقم الحساب وتعطيهم وياه عشان ينزلون لك المكافأة فيه

موفق بإذن الله ... لك مني أجمل تحية .

[ook2005]

طارق كفى ووفى في الاجابة بس احب اضيف شي ركز على القرمر ( grammar) لانة يساوي تقريبا السكلز المقصود بالسكلز الريدينق والرايتنق واللسن لاتسوون مثل الشباب يهمل القرمر ويركز على السكلز ترى هالكتاب يعادل كل كتب السكلز
تحياتي للجميع

[عبدالله الجديد]

أخوي كتاب القرمر اللي هو esential grammer in use الأحمر ؟؟ ولا غيره ؟

[مُحبة آل يس]

اخي الكريم

الموضوع ليس هكذا
فأخي ليس لديه حساب في البنك وماذا يكتب الحساب !!
ولا ندري هل مهم نسلمها ولا من ضمن المعلومات ان لايكتمل القبول إن كانت البيانات ناقصة بارك الله بكم


أخواني الكرام ..
ماهي التخصصات التقنية في الكلية ..


أعذروني أخواني فأنا اسئل لأخي ......وليس لي

أختكم في الله

[طارقtariq]

نعم اخوي هو الاحمر

وهو سهل مرررررررررررة
بس شد حيلك وذاكر والكوزات مهمة بعد عليها نسبة 10%
موفق بإذن الله ... لك مني أجمل تحية .

[ook2005]

اللي اذكرة ان تاخذ خطاب من الكلية للبنك اللي تبي تنزل فية المكافأة بس عادي في اي وقت تجيبة انشا الله امورك طيبة

[طارقtariq]

اخي الكريم

الموضوع ليس هكذا
فأخي ليس لديه حساب في البنك وماذا يكتب الحساب !!
ولا ندري هل مهم نسلمها ولا من ضمن المعلومات ان لايكتمل القبول إن كانت البيانات ناقصة بارك الله بكم


أخواني الكرام ..
ماهي التخصصات التقنية في الكلية ..


أعذروني أخواني فأنا اسئل لأخي ......وليس لي

أختكم في الله

طيب اختي

مولازم يكون حساب اخوك حطي رقم حساب ابوك او اي احد قريب

وبعدين وقت الدراسة يراجعهم ويغيرونه له

التخصصات:
1-هندسة ميكانيكية ((تخصصي))
2-هندسة كيميائية
3-هندسة كهربائية
4-هندسة الآلات الدقيقة
5-كيمياء صناعية
6-تقنية البوليمرات
7-هندسة التصنيع
8- تقنية المعلومات والاتصالات((للمسارين العلمي والاداري))
ويوجد قسم التبريد والتكييف ولكن تم اغلاقه

واي سؤال اني بالخدمة


يمكن تكون مشاركتي الاخيرة يمكن وصلت 10 مشاركاتب اليوم



tariq
موفق بإذن الله ... لك مني أجمل تحية .

[مُحبة آل يس]

سؤال ايضا رحم الله والديك

هل يجيب اثبات ان مو من سكان الجبيل عشان يحصل على سكن ؟ولا بطاقة الاحوال تكفي ذلك

وايضا ...هل مضمونة الوظيفة تبع الهيئة الملكية عند التخرج

[طارقtariq]

سؤال ايضا رحم الله والديك

هل يجيب اثبات ان مو من سكان الجبيل عشان يحصل على سكن ؟ولا بطاقة الاحوال تكفي ذلك

وايضا ...هل مضمونة الوظيفة تبع الهيئة الملكية عند التخرج

لااختي مايجتاج يثبت انه مو من سكان الجبيل

البطاقة تكفي والشهادة الثانوية تكفي بعد

اختي مافي شي مضمون

بس اذا اخوك جد واجتهد الشركات هي تجيه للوظيفة

واي استفسار بالخدمة

موفق بإذن الله ... لك مني أجمل تحية .

[عبدالله الجديد]

بطل أخوي طارق الله يوفقك أن شاء الله ..

مجهود تشكر عليه ..

طيب همه يقلون في الاستماره شهادة القدرات والتحصيلي الأصل ؟؟ وش قصدهم

مو هذي اللي في موقع قياس ؟؟

[طارقtariq]

بطل أخوي طارق الله يوفقك أن شاء الله ..

مجهود تشكر عليه ..

طيب همه يقلون في الاستماره شهادة القدرات والتحصيلي الأصل ؟؟ وش قصدهم

مو هذي اللي في موقع قياس ؟؟


ااي اخوي ادخل موقع القياس واطبعهم وخذهم معاك يوم تسليم الاوراق

موفق بإذن الله ... لك مني أجمل تحية .

[عبدالله الجديد]

طيب حلو .. وت اباوت اللبس في الكلية ؟؟

يعني فيه ملابس خاصة للكلية والا نلبس جنزات وتياب ..

واذا فيه لبس خاص زي ماسمعت متى نلبسه ؟؟

[طارقtariq]

طيب حلو .. وت اباوت اللبس في الكلية ؟؟

يعني فيه ملابس خاصة للكلية والا نلبس جنزات وتياب ..

واذا فيه لبس خاص زي ماسمعت متى نلبسه ؟؟



اخوي حنا طلاب الكلية كلنا نلبس لبس موحد وتلبسه وقت الدوام

وتشتريه من الكلية وقت تقديم الاوراق

كل شي بيكون موضح لكم بالكلية وقت التسليم

موفق بإذن الله ... لك مني أجمل تحية .

[mohtref]

الصور المطلوب احضارها هل بالزي الرسمي (الغترة) او حاسر ؟
وشكرا

[عبدالله الجديد]

????????????

[طارقtariq]

الصور المطلوب احضارها هل بالزي الرسمي (الغترة) او حاسر ؟
وشكرا

لك الاختيار تبي حاسر او يشماغ على كيفك

اني عن نفسي جبت لهم بدون شماغ
موفق بإذن الله ... لك مني أجمل تحية .

[mohtref]

مشكور اخي والله يرزقك الجنة

[عبدالله الجديد]

طيب يا أخوان الكلية فيها عياده للطلاب زي البترول ؟؟

وإلا تتعالج برا ؟؟ وش نظامهم في العلاج ؟؟

[طارقtariq]

طيب يا أخوان الكلية فيها عياده للطلاب زي البترول ؟؟

وإلا تتعالج برا ؟؟ وش نظامهم في العلاج ؟؟

امممم
عيادة مافي داخل

بس اعتقد انها تحت الانشاء يعني بس باقي الطاقم الطبي

في عيادات وتقدر تتعالج بمستشفى الهيئة الملكية

موفق بإذن الله ... لك مني أجمل تحية .

[Ahmad ALmulhim]

شباب متى موعد المراجعه للكيه بكره ولآ يوم الاححححد ؟

ابي ججواب ضروري تكفوون

[عبدالله الجديد]

أخوي حسب اللي مكتوب عندك في استمارة الترشيح

بالنسبة لي أنا يوم الأحد 27/8/1431

مدري اذا الجميع كلهم كذا والا لا ..

موفق ان شاء الله ..

[hashim]

لا مو الكل مثلكـ

اللي اعرفه انه ناس السبت وناس الاحد

[عبدالله الجديد]

هلا hashim

مشكور على ردك الحلو وتوضيحك ..

ممكن السبت للي نسبهم عالية والاحد للي أقل وهكذا ..

[hashim]

هلا hashim

مشكور على ردك الحلو وتوضيحك ..

ممكن السبت للي نسبهم عالية والاحد للي أقل وهكذا ..

يعني انا نسبتي عالية:150:

وليش مو العكس..؟
لو انت مو واثق من نفسكـ
ترى الكلية فيها مواد اسهل من الثانوية بووواجد
وفيه مواد اصعب بواجد
بس ترى كلها سهلات
والـ3.5 مي صعبه واجد
وادا تبي تجي الكلية لا تحط في بالكـ غير 4 من 4
اللي جابوها مو احسن منكـ

[عبدالله الجديد]

هههههههه ايه مو واثق وش رايك تعطيني
دروس في الثقة ,, الله يصلحك ياولدي ..

دعونا نتناقش هنا بموضوعيه وبما يفيد بعضنا
بعيداً عن الاستفزازات رجاءً ..

[abady]

طيب يااخواني انا قبلوني بالدفعه الثانيه

وعطوني موعد من 29 / 8 الى 4 / 9

بسس ماحصلت حجز الا الجمعه يعني 3/9

يعني عادي لو اجيهم اخر يوم من الموعد والا لا

وسؤالي الثاني هل تفتح الكليه بالويكند

ياليت تردون علي باسرع وقت
شاكر لكم

[صفحة أمل]

لو سمحتوا يااخوان





اخوي قبلوه وموعده الى 4-9

وللحين ماأخد قراره بين التقنية والصناااعية






اخوي لما ادخل بياناته مو أهو والحين خايف انو الادخال غلط ولا شي فيه طريقة يشوف فيها بياناته المدخله ؟؟؟؟


درجة الرياضيات والانجليزي حقين الثانوية ؟؟؟؟؟؟؟؟؟


وذا راح الجبيل يقدم اوراقه لازمـ تكون معاه رخصة السيارة لانه للحين ماطلعهااا وكمان التفويض لازم يكون جاهز معاه ؟؟؟؟؟؟

[صفحة أمل]

انتظر ردكم

[hashim]

هههههههه ايه مو واثق وش رايك تعطيني
دروس في الثقة ,, الله يصلحك ياولدي ..

دعونا نتناقش هنا بموضوعيه وبما يفيد بعضنا
بعيداً عن الاستفزازات رجاءً ..

اشفيكـ عزيزي انا بس امزح وياكـ
لا تزعل علي انا ما قصدي استفزكـ ولا شي بس :mh35:
وشو يا ولدي تراكت في عمري

[fahd-370]

نفس مشكلة الأخوآن اللي فوق
يآريت تتركون الهوآش وتركزون على اللي عنده أسئله
؟؟

[hashim]

نفس مشكلة الأخوآن اللي فوق
يآريت تتركون الهوآش وتركزون على اللي عنده أسئله
؟؟

انا ما كنت اقصد اتهاوش مع اي احد وادا كنت غلطت ع احد فانا اسف

لكن:103: