سااااااااااعوني الله يخليكم اللي عنده علم بشي عن كلية التمريض با الاحساء يدخل يجاوبن

[شهزلان 2009]

[align=center]
السلام عليكم


اليوم كانت مقابلتي في كلية التمريض الحمد الله انقبلت

وصار كل شي على خير


بس اللي ابي اسئلكم انا طلع لي قبول في جامعة فيصل في كلية المجتمع وتركتها


وجاني ترشيح من كلية التمريض ورحت وسلمت اوراقي بس اللي ابي اعرفه


ان اليوم سمعت كلام من بنات خوفني حيييييييل

ان الكليه ماتستوعب اكثر من 20 طالبه وناس تقول ماتستوعب اكثر من 60 طالبه

خوفوني حيل



وانا جايبه في الثانويه يعني النسبه المركبه 98.31

وفي القدرات 74 وفي التحصيلي 80


بس ابي اعرف ان شا الله يقبلوني ولا لان خلاص مابقت لي الا هي






الله المستعان

[إبتسامة خجل]

والله مو عارفه شقولك بس ان شاء الله اانتي تكونين من تبع 20 ااو 60

لأن حتى العام سمعت ماقبلوا كثير

بس مو معروف المقياس للقبول عندهم

انتي اخذي خيرة وتوكلي على الله

اذا في فرصة تقدمي اوراقك

[عسولهـ]

هااااااااااااااه وش ذا الكلااااااااااام
انا تركت كل الجامعااات عشان هالجااامعه ولا سلمت اوراقي لاي جامعه
تخيلي عاااد مايقبلوني>> للاسف ماني قادره اتخيل شكلي

[شهزلان 2009]

انا مثلك ماقدمت اوراقي لاي جامعه لانهم قبلوني في الدمام وخذت خيره طلعت مو زينه

وقبلوني في فيصل وخذت خيره هم مو زينه

ماعدا هذي الكليه اهي الوحيده اللي طلعت الخيره زينه

الله كريم

بس انا اليوم انتبهت لاشياء انهم ماقبلو على نسب محدد لاني شفت بنات واجد نسبهم تتراوح من الادنى الى الاعلى


الله يوفق الجميع

[nursing care]

إن شاء الله تنقبلون حبيباتي

بس على فكرة الترشيح للمقابلة ما يعني القبول ,

القبول النهائي يكون بعد اختيار افضل الطالبات من بين جميع المتقدمات لأنه بالاساس اغلب اللي مقدمين
رشحوهم للمقابلة عشان يختارون منهم فقط .

فإذا كانت فيه فرصة تقدمون اوراقكم الاصلية في اي مكان انقبلتوا فيه اكيد عشان لا تضيع عليكم الجهات كلها .. و العام الماضي قبلوا 20 طالبة فقط و هذا العام راح يقبلون نفس العدد او زيادة بسيطة جدا


تمنياتي لكم بالتوفيق

[شهزلان 2009]

انا عارفه ان مو قبول اكيد بس ابي اسئلك من وين عرفتي ان 20 طالبه فقط

لان وحده من ربعي اليوم تقول انها سئلتهم ان العام قبلو بس 20 والسنه كم

قالو ان يمكن راح يقبلون اكثر والله العالم

[nursing care]

القبول يعتبر محدود في الاحساء لأن المباني ما اكتملت و أنا اعرف طالبات و استاذات هناك,
و حتى لو قبلوا اكثر من 20 راح يقبلون بالكثير 30 يمكن لكن ماراح توصل 60 طبعا

و نصيحة لوجه الله مو كل شي ناخذ فيه خيرة لأنك الآن ألزمتي نفسك بشي كنت في غنى عنه , و الخيرة لا تكون إلا في الحيرة الأكيدة بين أمرين فقط ..فانتبهي في خياراتك و قراراتك القادمة ..

تمنياتي لك بالتوفيق

[عسولهـ]

يااختي اذ عالمبااني الجديده تراها اكتملت والمبنى الجديد هو اللي رحنا سوينا المقابله فيه
وكاااااان من جد عجيييب ورهييييييب وجديييد
يعني المفروض يزيدون عدد الطالبات صح

[ااالغلا]

حبايبي انا من طالبات كلية التمريض اذا تقصدون كلية التمريض اللي بالاحساء تبع جامعه الملك سعود تابعه للحرس الوطني وكنا 20 طالبه والقبول يتم بعد المقابله الشخصيه والفحص الطبي بس وكانت نسبنا بالثانوي اغلبنا 90 وفوق بنسبه لي كنت 99,13اذا في اي استفسار انا بالخدمه

[عسولهـ]

ياختي انا سؤالي هل فيه امل يزيد عدد الطالبات المقبولات بماأن المبنى اكتمل بكاامل تجهيزاته؟؟؟

[ااالغلا]

المبنى الجديد اللي قريب من مبنى الاداره سويتو فيه مقابله ولا سويتو في مبنى الاداره مكتب العميده

[عسولهـ]

اناا مدري وش هو المبنى بالضبط بس هو اللي عند مستشفى الملك عبدالعزيز جديد ومكتوب عليه كلية التمريض

[ااالغلا]

ايوووووه صح عند مستشفى الملك عبد العزيز بس انا كنت ادرس بالمبنى الاول اللي بالمبرز كان في شارع بو ميه بس حلو فتحو المبنى الجديد اناا ترى ماكملت سحبت ملفي هع هع اللي معكم المشرفه اللي سوت المقابله اسمها نسرين لابسه نظاره قصيره

[عسولهـ]

اهااا ياختي قولي من البداايه انك كنتي تدرسين
ايييه يالبااهاا نسرين احسهاا فللله بس هي اللي بس طابقت اوراقنا والمقابله سوتها وحده اسمها بثينه او سهيله مدري ماني ذاكره ومعها سودانيه وثانيه امريكيه اتوقع

[ااالغلا]

سناء سوريه شعرها قصير الامريكيه سمراااء سمينه صح

[عسولهـ]

لاااااااااا ماقابلتني سوريه اتوقع سعوديه
واللي اقصدها بالامريكيه بيضاء وملياانه وشعرها احمر قاصته بوي

[ااالغلا]

اهااا هذول ماسوولي المقابله ولا درسوني انا سوتها لي مصريه والعميده الهام ونسرين انتي قد خلصتي المقابله وقالوا لك عن الفحص الفحص راح يطول حتى برمضااان

[عسولهـ]

لاا ماقالوا شي عن الفحص يقولون بعد نتايج المقابله يوم السبت
وشسمه طيب الفحص وش عنه؟؟؟

[ااالغلا]

بسون لك فحص كااامل بيعطونك ابرة حساسيه اول شيء وبيحطون عليها دائره بالقلم بعدين بيخلونك تروحين وبعده بيدقون عليك ويخلونك تجين ويدخلونك ع دكتور انا دخلت ع الدكتور محمد الشهري وبيشوف اذا كان عند حساسيه ولا لا بعدين احنا دفعتنا دقونا ابره تطعيم من الوبء الكبدي بيسحبون منك 6 براويز دم وتحليل ثاني حق .....بول ....وانتي بالكرامه اسفه ع الكلام بس عشاان اوضح لك ويسون لك اشاعه وفحص نظر وسمع واسنان ..طبعا مو في يوم واحد

[عسولهـ]

حشى وش ذااااااااا كللللللللله
الله يعييين تكفيييين دعواتك

[ااالغلا]

الله ييسر لك كلها بتمر بسررررررعه ماتحسون بها ولا بعد فله مو تلبسون تنانير لا بناطيل عادي تلبسين تنوره بس لبناطيل مسموحه ويعطونك لاب كوت وبطاقه فيها صورتك واسمك زي الممرضاات ونااسه صح

[عسولهـ]

هههههه اي والله فلللله ووناسه انا وش مخليني متمسكه فيها غير هالونااسه

[ااالغلا]

انتي من سكااان لاحساء؟؟؟؟

[عسولهـ]

يب من سكان الحساء

[ااالغلا]

حلووو زين لاني انا من سكان الخبر تعبت من الروحه ورده بالقطار

[عسولهـ]

اهـــااااااا اجل ماالومتس يومن سحبتي ملفتس

[ااالغلا]

انتي اصلك واجدادك من الاحساء

[ااالغلا]

ونعم بكـ ياااعسوله وسبعة انعااااااااام ياقلبووو

[دمعة الآهات]

بسون لك فحص كااامل بيعطونك ابرة حساسيه اول شيء وبيحطون عليها دائره بالقلم بعدين بيخلونك تروحين وبعده بيدقون عليك ويخلونك تجين ويدخلونك ع دكتور انا دخلت ع الدكتور محمد الشهري وبيشوف اذا كان عند حساسيه ولا لا بعدين احنا دفعتنا دقونا ابره تطعيم من الوبء الكبدي بيسحبون منك 6 براويز دم وتحليل ثاني حق .....بول ....وانتي بالكرامه اسفه ع الكلام بس عشاان اوضح لك ويسون لك اشاعه وفحص نظر وسمع واسنان ..طبعا مو في يوم واحد




حركـــــااات فحص بـ بلااآش
هع هع هع هع
امــــــــــزح
يااااااااااااارب يوفقكم ويوفقني وياااااكمـ


دعــــــــــــــواتـكـــــــــمـ

تحياتي العطرة

[عسولهـ]

والنعم بحالتس يالغلاا


هههههههه ايه ابد شي بلاش رزقه بين
امييين خيتو دمعه
وشسمه انتي معنا بسعود ولا؟؟؟

[ااالغلا]

الله يوفقتس وانا اختس شدي حيلتس الله الله انا اول من بيجي عندتس بالعياده لا تخرجتي هع هع

[شهزلان 2009]

حبيبتي الغلا ماقصرتي على مساعدتك

بس ابي اسئلك يعني احين المبنى الجديد اهو اللي سوينا فيه مقابله مو المبنى الادراي انا عارفته

لان المبنى الاداري بنت خالتي سوت فيه مقابله ويختلف عن هذا تماما

واذا هذا المبنى الجديد المكتوب عليه كلية التمريض مكون من دورين فقط ارضي ودور فوقه بس يعني بيكون قبول الطالبات فيه قليل ولا ؟؟


طبعا انا نسبتي في الثانويه 98.31 مافي بيني وبينك فرق بسيط ههههههههه

ان شا الله راح يقبلوني

[شهزلان 2009]

عسوله صح بسئلج اي مبنى انتِ اللي تقولي اكتمل؟؟

[ااالغلا]

المبنى جنب المستشفى هذا جديد وراااح يزودون عدد طالبات اكيد

[وميض شمعة]

أنا سويت المقابلة واحس إني بنشات

وعدد الطالبات هالسنة 50

<< هذا هم اللي قالوا هالكلام

بس في دكتورة هناك فديتها أسمها سحر

جنان .. : )

بالتوفيق للجميع

[عسولهـ]

وميض انتي سويتي المقابله في المبنى اللي بجنب مستشفى الملك عبدالعزيز زيي؟؟

[وميض شمعة]

أيوا حبيبتي

داخل مستشفى الحرس هناك

ومكتوب كلية التمريض : )

[عسولهـ]

اهاا يلا ان شاء الله ننقبل كلنا يوم السبت ونصير صقيقات :)

[شهزلان 2009]

اي والله ياليت ننقبل كلنا ونصير صقيقات هههههههههه

انا امس كانت مقابلتي وتعرفت على بعض البنات

يمكن انتو هههههههههه

بس بغيت اعرف منو سحر هذي ؟؟ اهي سعوديه ولا يمكن تكون اهي اللي سوت معي المقابله هههه

[وميض شمعة]

ههههههههههههههههه

سحر هذي دكتورة سعودية تجنن

كانت جالسة جنب الدكتورة السودانية الدبة << من شفتها ماتأملت خير

إنشالله ننقبل ونسوي قرووب << أحلى ياقرووب

: )

[شهزلان 2009]

هههههههههه

انا اللي سوت لي المقابله وحده امريكيه بيضه وشقرا وحده مصريه لابسه حجاب ازرق >>> مو مهم الون ههههه

وحده سعوديه طيبه وحليوه وعريضه شوي >>> يارب اهي خخخخ

[وميض شمعة]

أأوما الأمريكية تجنن

أول ماشفتني أخذتني وضمتني

وسألتني عن أسمي وباقي الممرضات الأجنبيات

أخذوني اللي عندها عصير واللي ماي

يعني مدللة << والله حركتات

السعودية العريضة ممكن تكون سحر

لأن سحوورة بيضة وعريضة شوي وحلووة ماشالله عليها

إنشالله نلتقي هناك

<< مع إني يوم شفت كلية العلوم

خقيت عندها وقلت خلاص بعد ماأبغي تمريض

كلية العلوم احلى ^_^

[شهزلان 2009]

هههههههههههههه

الا اقول متى سويتي مقابلتك؟؟ انا سويتها يوم الاربعاء

وميض خيتي احسك حبوبه يارب نلتقي في الكليه ^_*

[عسولهـ]

مراااحب ياللي ان شاء الله نصير صقيقات
وشسمه شهزلان انا مع اول دفعه قابلت يوم الاثنين>>محد سألتس
الا اقول خيتو انتي من اي مدرسه؟؟؟

[ملح عنزيه]

يلا دعوآتكم لنـآ بأننـآ ننقبل ونصير صقيقات كلنا هع هع

انا طنشت كل الجامعاات ولاوديت آوراقي فيهم بالعلم آني انقبلت فيهم كلهم بسس حابه هالكليه ياارب أنقبل فيهـآ أنا وأنتم وجميع البنوتات يـــارب

[عسولهـ]

اي والله ياملح حتى انا طنشت كل الجامعااات
يااااارب لاتضيع صبرنا

[شهزلان 2009]

وانا بعد مثلكم تركت كل اللي انقبلت فيهم

وجيت لها يارب ان ننقبل كلنا

عسوله انا درست في ثانوية الدمام الثالثه عشر

وبعدها تزوجت ونقلت الحسا ودرست في مدرسة القرين ثاني وثالث ثانوي

[عسولهـ]

الله يحيتس خيتو شهزلان
يااااارب كلنااا ننقبل ونلتقي
هاانت بكره الفرج

[شهزلان 2009]

والله خوفي انهم مايطلعو النتايج بكره احنا سوينا اللي علينا والباقي على الله


والله ياعسلوله لو اعلمك سالفتي كان الظروف جابتني لها غصب >>>> احد قالك قولي سلفتك خخخخ

[عسولهـ]

لااا ان شاء الله تطلع
تفائلي تراني احب التفائل دااايم
وان شاء الله نلتقي واسمع سالفتس<< ذبحها الفضول

[ااالغلا]

اللي عجبتها الدكتوره سحر قاصه فكتوريا<<<<قاطه
الكليه روووووعه بس الدراسه يبي لها شدت حييييييل :150:
بيطلعونكم رحلااااااات والدكاتره اللي درسوني ..........
سناااء _سوريه>>>انجليزيGrammar/Ritting/Reeding/Lesening
ولبيبه _امريكيه سمرااااء>>>انجليزي Ritting/Reeding/Lesening
وخلود الجوهر_سعوديه>>>لغه عربيه {نحوو}وثقافه اسلاميه هذي موادالترم الاول بس في دكاتره رجااال بس مادرسونا عشااان يبونا نتأقلم .....كانو يدرسون السمسترات الثانيه
:119:بس اعرف منى ونسرين وعايشه ورنا وفي وحده خامسه مااذكر اسمهاا:t1:والعميده الهام:cheese:

باالتوفييييق حبيبااتي دعواتي لكم بالنجاح دووووم:love080:

[شهزلان 2009]

مشكوره حبيبتي الغلا على مساعدتك لنا

بس حبيت اسئل العميده الهام تسوي مقابلات ولا ؟؟

لان انا السعوديه اللي سوت معي المقابله محترمه مشا الله عليها وبيضه وحليوه ولابسه حجاب

مو قصتها فكتوريا يعني مو سحر ههههههههه


عسوله قصتي يبالها جلسه ههههههه

[عسولهـ]

يب حتى انا سعوديه ومتحجبه اللي سوت لي المقابله
وشسمه بالله وش اسم اللي كنها امريكيه شعرها بوي احمر
يوه اجل السمراء امريكيه انا قابلتني وحده سمراء بس لهجتها عربي بحت يعني مو امريكيه

وشسمه شهزلان وقسم انتس حمستيني للسالفه<< ابووك يالشفااايه<<يعني الفضول للي مايعرف معناتها

[ااالغلا]

قلبي ايوه تسوي مقابلات سويت المقابله عندها كل البنات عندها العميده طويله وعريضه بيضاء بس مووو مره يعني طيوبه تضحك صوته ضخم شوي ترى مررره متفهمه اذا درستو وتبون شيء تلبيه لكم احنا كنا بس 20 طالبه واي شيء نبي يسوونه ويطلعونا رحلات وكنا نطلب غدااانا يجينا للكليه <<<هع اهم شيء الاكل
وسوو لنا يوم غداااء بوفيه مفتوووح

[ااالغلا]

انتووو كلكم من الاحساااء

[شهزلان 2009]

طمنوني ان شا الله راح انقبل فيها

لاني حيل خايفه فجاه يجيني يخوف ويروح وبعده يجي تفائل بس الخوف يطغي اه ياربي

[عسولهـ]

يااختي ابووووووووووووك يالفلللله والله حمستيني وشسمه على وين الرحلات؟؟>>اهم شي الوناسه
ياااااااااارب انقبل قبول نهائي بكره

[ااالغلا]

حبايبي تامرون ع شيء طالعه واذا تبووون شيء اسالوو واذا دخلت رديت

[شهزلان 2009]

شوفي سالفتي يا عسوله :119:

ذاك الاسبوع كنت با الدمام لان اهلي هناك


وجا يوم الاثنين وتجيني رساله الفجر من كلية التمريض


وفرحت ويجي العصر في نفس اليوم جامعة فيصل انقبلت في كلية المجتمع طبعا ما بغيتها وقلت يمديني حتى لو راح اسلم اوراقي عندي الى يوم الاربعاء وبلعم ان اوراقي كلها في الحسا

وانا قريت اللي في الرساله غلط ان اخر يوم للمقابله 29 شعبان قلت يمديني باقي اسبوع ههههه>>>> دائما تاجييييل


المهم يجي يوم الثلاثا والبريد الممتاز يحتاج يوم ويوصل وزوجي يجي من الدوام الساعه اربع المهم جا زوجي وانا متحيره انزل الحسا عشان اوراقي ولا لا

المهم نزلت الحسا والوقت جدا ضيق وصلت المغرب وابي اطبع الاوراق حق جامعة فيصل مو راضي

ابي احطهم في فلاش هم مو راضي زهقت و مكتب البريد يسكر الساعه 8 خلاص اقولك حرت عدل

واستخرت بين فيصل والتمريض طلعت فيصل مو زينه والتمريض زينه المهم وكل هذا صار وانا على بالي ان المقابله تنتهي 29 شعبان

وخلاص قلت بروح حق المقابله يوم السبت الا فجاه يدخل زوجي حق موقع جامعة سعود ويشوف ان اخر يوم اهو الاربعاء اللي يصير بكره

واجلس لج ابي اطبع اوراقي حق التمريض بسرعه انطبعو وبكل راحه ولا صار اي شي

احساسي يقولي نزلتي الحسا وكل شي صار خيره من الله ان انا اروح كلية التمريض

والله الموفق

ادري اذيتكم بقصة حياتي ههههههه:c8:

[عسولهـ]

يوووه تخيلن صديقت جاها قبول ترشيح عالايميل يوم الثلاثاء ومافتحت ايميلها الا اليوم
فقلت لها تاخذ اوراقها بكره وتشرح ضروفهاا وان شاء الله يسوون لها المقابله
تكفووون ادعو لهااا تجي معنا وننقبل كلنا..

[شهزلان 2009]

يارب انها تنقبل ونتجمع كلنا

[عسولهـ]

ياقلبي عليك ياشهزلان ان شاء الله الخيره فيما اختاره الله

[شهزلان 2009]

ان شا الله ياربي

وحده من ربعي تقولي المفروض انتِ الحين تصيري ضامنه القبول لان كل اللي سواه ربي خيره لك عشان التمريض

والله اعلم

[شهزلان 2009]

الا ماقلتي لي عسوله من وين انتِ من الحسا >>> تبي تتعرف البنت ههههه

[عسولهـ]

ولو حياتوو اتشرف
ارسلت لتس عالخاص

[شهزلان 2009]

وانا بعد اتشرف فيك خيتو

بس ها المنتدى مو راضي ارسل رسايل خاصه الا لما تصير مشاركاتي فوق المئه


تخيلي ولا وحده اعرفها انقبلت في التمريض ابي ربع حلوين مثلك>>>> واثقه اني راح انقبل ههههههه

[عسولهـ]

ياااحيااتي ان شاء الله تنقبلين
انا اعرف كم بنت حبوبه من المنتدى وشسمه ولما رحت سويت المقابله تعرفت ع كم بنوته
ان شاء اعرفك عليهن ويصيرون لتس ربع

[وميض شمعة]

ياحركتات

إنشالله ننقبل ونصير ربع

: )

ونفلها بالكلية << عايشة الجو من ألحين

[عسولهـ]

ههههههههه
ان شاء الله وربي تحمست

[شهزلان 2009]

قال رسول الله صلى الله عليه واله وسلم وصحبه اجمعين( تفائلو با الخير تجدوه )


وانا بصراحه بتفائل هههه
وان شا الله نلتقي ونسوي افضل قروب هههه

[السراج]

السلام عليكم ورحمة الله وبركاته
اختي شلونك ؟
حبيت اقولك انا نسبتي 99,26 وقدمت في الكليه ورشحوني للمقابله لكن انا كنت مرتبكه فيها بس جاوبت عليها بثقه لكن خفت اشوي لاني اول مرة اسوي مقابله المهم هل بالامكان ان انقبل فيها وشكراَ ياليت تردين لاني حابه ادخل فيها ....... وهل اهم يقتصروا على اجتياز المقابله فقط ولا النسبه ,,,,,,,,,,,,,,,

[شهزلان 2009]

والله يا اختي انا ما ادري عنهم با الضبط

لان هم ماشفتهم مثل جامعة فيصل والدمام وغيرها يحددو النسب اللي يطلبونها

شكلهم على المقابله والله يعين

[فارسة الاحلام]

اه اه انشاء الله يقبلونه ترى اهي املي الوحيد

[ااالغلا]

حبيبتي السرااج في بناات وياي لما سوينا المقابله ارتبكو شوي وانقبلووو عادي وفي بنااات كانوو مره واثقين من انفسهم ماقبلهم الله يوفق الجميع

[ااالغلا]

يااختي ابووووووووووووك يالفلللله والله حمستيني وشسمه على وين الرحلات؟؟>>اهم شي الوناسه
ياااااااااارب انقبل قبول نهائي بكره
اللي اذكره ودوناا منتجع (استراحه)مسبح وفله وشوي وتلفزيون ودجه وناااسه الى العصربس تعرفين سحبت الملف في اختبارات المد:g20:وههم قد وعدونا يطلعونا للمستشفى بس ما كملت هع هع:119:

[عسولهـ]

صباحكم ورد
ياختي اليوووم النتايج هااااااااانت
الا اقول يالغلا سوري عالفضول بس وش خلاك تسحبين ملفتس؟؟

[فارسة الاحلام]

اليوم يعني يرسلون على الايميل صح عسولللهههها

انشاء الله من المقبولين ترى مليت وانا انتظر

[عسولهـ]

ان شاء الله يحنون علينا ويرسلونها اليووم مايأجلونها للايام الجايه
انا من جد تركت كل الجااامعات اللي انقبلت فيها ونفس هالتخصص وحطيت امالي كلها بسعود

[فارسة الاحلام]

وانا خايفه مايرسلون لي والله اتحطم

ابي فرحت امي تكمل

[عسولهـ]

يالباااهاا بس الله يفرحها بتس
والله حتى ماما مو هاني لها نوم كنها هي اللي تنتظر القبول مو انا وهـ بس فديتهااا اطيب قلب

[فارسة الاحلام]

اه اه مو عارفه كيف انام احس دائماً افكر يقبلوني والا


ابي امي تفرح مثل يوم الا شافت رسلت الترشيح حق المقابله

والله يفرح امك يا عسوووولهااااا ويبشرك بالقبول

ودعوتك لي

[عسولهـ]

اميييييييييييين ياااااااارب يفرحنا ويفرح قلوووب الغاليااات معنااا
وننقبل ونصير صقيقاات>> هع انا صادقت كل اللي قابلن قبل اشوفهن

[فارسة الاحلام]

تصدقين عاد انا قاعده افكر ايش راح اسوي لمن انقبل

يعني متى بشتري ملبس وابي اتعرف غلى بنات

لاني مااعرف احد منهم بس تعرفت على كم بنت يوم المقابله

وبصراحه مااعرف عن هالكليه شي يعني شنو التخصصات وكم سنه ندرس

وشو نلبس يعني كل شي مااعرفه ههههههههه

[عسولهـ]

يووووووووه وانا اكثر واكثر
اللي اعرفه انها فللله حتى موظفاتها يوم المقابله كاااانوا عسل مرررررة

[فارسة الاحلام]

ادري ما تلقين فيه مكان ثاني مثلهم

في الترتيب والمعامله انشاء الله ندرس فيها

احس انها حلووووه مره

[عسولهـ]

اي والله مرررره حلوه تدرين حنا ان شاء الله اول دفعه تدرس بالمبنى الجديد يعني الدفعات اللي قبلنا بالمبنى القديم وراح ينقلون بداية السنه
بس قهرر شكلوه مافي ساحه<< كلن على همه سرى هع

[فارسة الاحلام]

ايه والله احس مافيه مساحه انا اموووووت على المشي وابي مساحه كبيره

مو اصغيره وانشاء الله نكون اول دفعه يعني ننقبل

واناخايف ماانقبل وبعدين مالي الا التقنيه وانا مو حيل احبها

[عسولهـ]

ايه اشوى مو بس انا اللي احب الفرفره والدواره خخخخ

خيتوو تفائلوا بالخير تجدووه ان شاء الله

[شهزلان 2009]

بنااااااات اليوم السبت ولا شفنا من النتايج شي يعني

كيف متى بيطلعوهم

[عسولهـ]

اي والله تلفت اعصابي وانا انتظر

[شهزلان 2009]

والله تعبت وانا احاتي خايفه حدي

[ااالغلا]

الله يوفقكم خواتي اذا انقبلتو يرسلون لكم رساله ويتصلون عليكم عشااان تسوون الفحص لاتخافون

[ااالغلا]

صباحكم ورد
ياختي اليوووم النتايج هااااااااانت
الا اقول يالغلا سوري عالفضول بس وش خلاك تسحبين ملفتس؟؟
والله ياحبيبتي انا سحبت ملفي كنت اتعب من الروحه والرده قطااااااااااااااااار اوووف تعب وكانت الدراسه حيييييل صعبه ماقدرت مافي وقت اذاكر اروح بالقطارالساعه4الفجر وارد الساعه7 المغرب عشااان مواعيد القطاار زفت _واللي تسال ماكو ساحه ايه التوقع لان المبنى الاول ماكان فيه ساااحه وكنا في دور واحد مانطلع للادوار الثانيه عشاان الرجال:g2:

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
حبيت اقول انا يوم رحت يوم الخميس للمقابله قالوا انهم بقبلون 50 طالبه و10 احتياط وانا القبول يوم الثلاثاء

[ملح عنزيه]

وعليكم السلام ورحمة الله وبركاته


أكيد القبول الثلاثاء؟؟؟؟

[ملح عنزيه]

وعليكم السلام ورحمة الله وبركاته


أكيد القبول الثلاثاء

[ملح عنزيه]

وعليكم السلام ورحمة الله وبركاته

القبول أكيد الثلاثااء؟؟

وصحيح بس 60؟؟ مافيه أمل اكثر

[شهزلان 2009]

والله ما ادري عنهم

بس هم كاتبين في الرساله اللي رسلوها ان اقصى موعد للناتئج يوم الثلاثاء

والله العالم

[عسولهـ]

مساء الخيرااات
بنات انا كلمتهم اليــوم ردت علي وحده نفسها براس خشمها تقول انتظري النتيجه هالاسبوع قلت طيب ماتقدري تحددي لي يوم قالت لا انتي بس انتظري,,

آآآه بس ياربي صبرناااا

[وميض شمعة]

ننتظر ونشوف

مشكلتهم مايعرفون يكتبون إيميلي <<هههههه


حتى يوم رشحوني للقبول ماجتني رسالة

ولمن سويت المقابلة

اللي طابقت أوراقي ماهي عارفة لإيميلي << ياحسرة قلبي

أنتظروا النتايج يوم الثلاثا والله يعين

[شهزلان 2009]

بكره الثلاثا والنتائج

والله خايفه لا ليلي ليل ولا نهاري نهار الله يعين

طيب لاسمح الله لو ما انقبلنا كيف نعرف؟

[وميض شمعة]

^^

ماراح تشوفين لارسالة ولا مكالمة ولاحاجة

والله يعين

[السراج]

السلام عليكم
هافي احد انقبل يقول؟

[الودعاني]

احووووووووووم
انا قبلووني..
وين مبروووووووووكـ:119:

المشكله اني قدمت الوثائق حقتي بجامعه الملك فيصل ..
اقدر اني اسحبها ولا لااااااااااااع.
والمشكله الثانيه صقيقتي اللي معي ماقبلوها وانا ما اعرف احد هونااااااااااااااك:011:
ياليت تقدرون تفيدووني بخصوص سحب الوثايق حقتي...

[عسولهـ]

احم احم
انـــا از كمنق
بناااااااااااااااااااااااااااات واخييييييييييييييييييييراااا
انقبــــــــــــــلت
كلللللللووووووش
وشسمه هاه بشرواا عنكم

ياللي تسأل عن سحب الاوراق قلبوو راجعي الجامعه ومبرووووكنيشن ان شاء الله نصير صقيقات هع..

[فارسة الاحلام]

مبرووووووووووووووووووووك


بس انا ما ارسلو لي ايش اسوي تحطمت والله تحطمت



:Cry111:

[السراج]

السلام عليكم ورحمة الله وبركاته
مبروووووووووووووك
انشاء الله انقبل بعد انا

[السراج]

بس الي انقبل كم نسبتكم يااخوات

[فارسة الاحلام]

طيب الى متى يرسلون يعني باقي والا خلاص

استسلم واسلم امري الى ربي

[السراج]

الي انقبلوا كم نسبكم بليز ضروري

[وميض شمعة]

مبروووكـ لكل المقبولاتــ

الله يوفقكم ..

[عسولهـ]

حبيباتي الله يبارك فيكم
وشسمه ان شاء الله ربي يبلغكم القبول ويفرح قلووبكم زي مافرح قلبي

انا نسبتي الموزونه 87 للي تسأل,,

[وميض شمعة]

^^

دووبة خلاص ماراح أصير صديقتكم


: (

ذكروني بالخير أنتي واللي بتتعرفين عليهم

<< اهئ اهئ

أنا وجهي للعلوم بس

الله يوفقك غلاتي

[فارسة الاحلام]

سؤال لو سمحتم يعني الحين خلاص ما يرسلون اكتفو والا لا

طمنوني

شكله ما فيه امل والله مو عارف ايش اقول حق امي بصيح

[وميض شمعة]

فارسة

أنا حالي من حالك منحرجة من أهلي

ياشيخة مدري ليه جاتنا شوتة محترمة

مع إن شكلنا يأهل

الشكوى لله :(

<< ياليتهم ماأكتفوا وأنا وأنتي تجينا رسالة على فجأة ونفرح

[فارسة الاحلام]

اي والله انا منحرج من امي حيل

ومنعزله ولا ادري ايش اقول لها

لا والمشكله انه خواتي كل احين وحده تسئل يعني حيل منحرجه

[فارسة الاحلام]

وميض

قولي ايش سجلتي فيه يمكن نصير جميع خلاص احس مااعد فيه امل في هالكليه

[وميض شمعة]

أنا أنقبلت بالعلووم

وأنتي يادووبة وين؟

[السراج]

السلام عليكم ورحمة الله وبركاته
بس اليوم ولا بعد بكرة انا نسبتي 80

[فارسة الاحلام]

والله الى الحين بس اتوقع الدفعه الجايه ياالعلوم او العلوم الزراعيه

[وميض شمعة]

^^

أنا نسبتي 84 ومافي امل

خلونا على فيصل


فارسة

إنشالله علوم عشان نصير صقيقات:119:

[فارسة الاحلام]

ايه عدل لانه شفت فيه منتدى ثاني انه حد اقصى الساعه 5 والحين خلاص


فيصل خلاص ماكو غيره هههههههههههه

[فارسة الاحلام]

وميض مو حط رغب غير يعني مثل التربيه علوم الحاسب

[السراج]

الامل بالله انا بعد انتظر الله كريم يفرجها علينا وعليكم

[وميض شمعة]

فرووسة


أنا حطيت

طب صيدلة علوم

يعني مالي غير علوم

الله يعين

..

<< منحرجة من أهلي : (

[وميض شمعة]

تدروون

بنات أقل منا بالنسبة

ونقبلوا : (

دلاخة وربي

[فارسة الاحلام]

اهااا الله يعين لا

انا حط علوم وعلوم زراعية وطب وصيدله وعلوم الحاسب والتربيه

[وميض شمعة]

كم نسبتكــ؟؟

[فارسة الاحلام]

اي عادي يا انه عندهم حظ يا انه واسط

واحن لن الله

[فارسة الاحلام]

بعد تعب 12 سنه والعناه

جاني القدرات والتحصيلي وحطمني آآه 75 واشوي

[وميض شمعة]

خلاص ياناس

حدنا في فيصل وبس

الله يعين

أنا أستأذنكم بروح أبشر اهلي

<< الله يعين على الإحراج

[الودعاني]

يلا ماتدرون يمكن خيرررهـ:119:
ترى النسب الموزونه مالها دخل الا بالترشيح بس
اما القبول ع المقابله بس
انا نسبتي الموزونه 78 يعني اقل منكم وانقبلت
لانوكنت جريئه شووي بمقابله وحاطه رجل ع رجل
ههههههههههههههههه
تووووويب الحين وش اسوووي ابي اسحب ملفي من فيصل عاااتي ولا لااااع..:119:
الموهم اللي انقبلت ابيها تصير صقيقتي لانو ما اعرف احد بنوب بنوب..

[شهزلان 2009]

كللللللللللوووووووووووووووووووووش باركووووووووووووووووووووولي:mh001::mh001:

والله من جد فرحت حيل تركت كل الجامعات واستخرت الله وفعلت با امره


عسوله و الودعاني يلا صرنا صقيقات >>> سرقت كلمتك هههههه

والله يوفق الجميع

[عسولهـ]

قلللللللوووووش فلللله صار عندي شله كبيره قبل اعرفهم هع

بنااااااااااااااات حبيباااااتي ترى فيه بكره بعد راح يرسلون رسايل قبول وان شاء الله تكونوا منهم وتكبر شلتنا>>>عايشه الجو هع

[الودعاني]

ههههههههههههه
عاشووو..
من جد حمااااس عقبال الباقي
تعاااالو بخصوص الفحص الطبي وش وضعه؟؟
احس خايفه منه:011:

[ذاكرة]

يعني نغسل إيدينا من الأمل ..؟:119:

وميض .
أنا ب العلوم أيضاً .
الحمد الله .. ربي يضع أمامنا الخير حتى لو كان غير مرئي ب النسبة لنا .
الخيره فيما اختاره سبحانه .
ماتعرفين يمكن عشان يصير لنا مجال وتترقى رغباتنا للصيدله او حتى طب !
مو مجرد مواساة ... كلو ممكن ^^


مبرووك كبيره جداً للمقبولات ، تستحقون النجاح ياحلوات .
.
.


إذاً دامنا اصبحنا مفلسين من أحلامنا الباقيه - الحرس -

هققق كبييره للعلوووم

[فارسة الاحلام]

اهاااا
تقولين بكره يرسلون امممممممممممم اتوقع الا مقابلتهم الاربعاء والخميس بكره

الله يريحش مثل ما ريحتني بتوففيق

انشاء الله يرسلون لي واكون معاكم يااارب

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
طمنوني اكيد فيه بكرة لان املي الوحيد هذا بليز

[وميض شمعة]

^^

أخاف أتأمل خير لبكرة

وبالأخير أنشات ههههههههههههههه

ذاكرة

هلابك بالعلوم غلاتي

والله يسمع منك ونترقى ياشيخة : )

بالتوفيق للجميع

[السراج]

السلام عليكم
كم الساعه يبدأون يرسلون ساعدوني هذا املي الوحيد انا انتظر ..........................

[شهزلان 2009]

والله يا اختي انا رسلو لي امس الساعه 12 الظهر

[وميض شمعة]

بالتوفيق لكل المقبولاتـ

من جد فرحت لكم من قلبي


والله يساعدكم على التعب

: )

[شهزلان 2009]

الله كريم ويوفقك يا وميض

ما تدرين يمكن بعد ماتخلصي بكالوريوس العلوم تدخلين كلية التمريض

الله يوفق الجميع

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
حبيت اسأل خلاص ماراح يرسلون نفقد الامل ولافي امل انهم يرسلون رجاء ردوا انا ماعندي امل الابهذي الكليه امي ماتبيني ادخل الاداب لاني علمي

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
بغيت اسأل هل في احد ارسلولوا خلال الايام الي مضت اقصد الاربعاء - الخميس - الجمعه - السبت لان اهم قالوا في احتياط 10 هل ارسلوا لوحدة تكفون جابواوهل في امل ان ياخذون طالبات اضافيين ؟.....................

[عسولهـ]

مرحباا خيتوو انا ارسلوا لي الاربعاء واليوم وبكره فحوصاتي
وشسمه وسمعت الموظفات اليوم يقولن ان باقي بنات راح يرسلون لهن.

بالتوفييق خيتوو..

[وميض شمعة]

شهزلان

يوفق الجميع

والله أعلم يمكن أدخل تمريض بعد البكالوريوس


<< إذا ماصارت عندي عايلة ومسؤولية : )

ربي يوفق الكل

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
انا حبيت اقول هل الخبر اكيد ان باقي طالبات راح يرسلون لهم لاني انا نسبتي 99.26 ونسبتي الموزونه 80 وانا سجلت بفيصل ونقيلت بالاداب وامي ماتبيني الاادخل مجال صحي رجاء ساعدوني وانا ارتبكت في المقابله خايفه حيل تضيع علي السنه بعد لان السنه الي مضت نفس الشيء بليز ردوا...............

[وميض شمعة]

^^

دقي عليهم وسأليهم

عشان ترتاحين

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
ها في اخبار جديدة عن القبول في امل ان انقبل ردوا تكفون بليز .......................

[السراج]

السلام عليكم والرحمة
اخباركم
حبيت استفسر هل طلعوا بنات احتياط لانهم قالوا في احتياط 10 واذا ماطلعوهم متى يطلعون
اشكر كل من يرد علي واسفه على الازعاج...........................

[شهزلان 2009]

اتوقع خلاص لاني توني ذاك الاسبوع رحت لهم وشفت بنت تبعي ورقه المفروض من زمان ...
يعني شكلها من الاحتياط وهم خلاص مافي احتياط سئلت موضفه وقالت قبلو 60 طالبه بس

انا رديت عليك في موضوعك اللي كتبتيه

وانصحك سجلي في معهد هجر ومعاهد التمريض الثانيه وان شاالله راح يقبلونك

[السراج]

السلام عليكم ورحمة الله وبركاته
كيف حالك إن شاء الله دائما بخير ؟
يعني مافي امل انقبل لاني انا حابه ادرس فيه ومتحمسه كثير بس ماافي امل الابالله مشكورة اختي اتعبتك معاي الله يجازيك خير واذا سمعتي اي خبر عنها بلغيني شـكــ وبارك الله فيك ـــرا لك ... لك مني أجمل تحية .

[كلك حركات]

الله يعطيك العافيه

[كلك حركات]

الله يوفق الجميع

[كلك حركات]

الله يعطيك العافيه