تسجيل الدخول

مشاهدة النسخة كاملة : بلحه2 فوتي هون للأهمية

هاوي الشمال
2010- 8- 6, 02:52 AM
السلام عليكم ورحمة الله وبركاته

الاخوه الافاضل

تحيه عطره لكم جميعاً

اختي الفاضله بلحه2

قرأت في احد ردودك على احد استفسارات الاخوان مايلي


جامعة الملك عبد العزيز من احسن الجامعات بس مافيها نظام الانتساب المطور

النظام اللي فيها نظام الانتساب التقليدي ونظام التعليم عن بعد

معني مافي وجه مقارنه

ونظام الانتساب المطور افضل بكثير من التقليدي ومن التعليم عن بعد بعييييييد عن التعقيدات اللي بالنظامين الاخرين

واذا على سهولة الدراسه وصعوبتها

اذا ماتبي تذاكر اول بأول اقولك من الحين الدراسه صعبه واذا ناوي تذاكر الدراسه سهله

الموضوع سهل جدا

وربي يوفقك وييسر لك امورك


ماهو الفرق بين الانتساب المطور ونظام التعليم عن بعد :mh19:
لاني لازم افهم وش الفرق بين الاثنين { :103: }

وبما ان هذه اول سنه لي في الانتساب حبيت توضح الصوره لي وللجميع

احترامي وتقديري
حياة الرووح
2010- 8- 6, 03:13 AM
وعليكم السلام ورحمة الله وبركاته

بس جذي؟ ماطلبت شي من عيوني

انا كنت نفسك وسألت ونبشت لحد ماوصلت لكل اللي ابي اعرفه


المهم حسب مافهمت

التعليم عن بعد : بشبه الانتساب المطور محاضرات عن طريق النت وتلاخيص بس مطلوب منك الحضور بنسبه معينه من عدد المحاضرات يعني على سبيل المثال لو المحاضرات طول السمستر 30 محاضره مثلا يطلب منك حضور 25% من المحاضرات يمكن تطلع سبع محاضرات تقريبا

ويعاملونك نفس الطالب المنتظم مطلوب منك اعمال سنه وبحوث وواجبات حالك حال الطالب المنتظم ودرجة الامتحان النهائي نفس درجة امتحان الطالب المنتظم بس للاسف اخر شي يكتبون على شهادتك التعليم عن بعد يعني فيه فرق بينك وبين المنتظم

اما الانتساب المطور : يعطونك كل شي عن طريق النت محاضرات ملخصات كل شي كل شي ومو مطلوب منك اي شي كيفك تبي تدرس ادرس تبي تهمل اهمل مو مطلوب منك الا الامتحان النهائي وعندنا بجامعه الملك فيصل درجة النجاح بالامتحان النهائي تختلف عن الطالب المنتظم ,, امتحانا عليه 100 درجه والنجاح من 60 ويكتب في شهادة التخرج الانتساب المطور وبس

انا اشوفه افضل من غيره


اما الانتساب التقليدي : مايحتاج معروف انتساب ماله داعي ومادري وش يحس فيه وماله هدف بالحياه والحمد لله تم الغاءه من جامعة الملك فيصل ,, نظام فاشل تكون طول السنه بعزله تامه عن الجو الجامعي وفوق انك تدفع فلوس للجامعه تروح تدور مدرسيين يشرحون لك الماده واخر شي راسب والا تمشي بالدز


ان شاءالله اكون وفقت بالشرح هذا اللي وصلت له اتمنى يكون دقيق

والسموحه اذا فيه قصور

واهنيك على الحرص والمتابعه وموفق يارب
هاوي الشمال
2010- 8- 6, 03:26 AM
كفيت ووفيت اختي بلحه2

والله يعطيك العافيه على جهدك

وضحت الصوره الان واتمنى تعم الفائده للجميع

شاكر لك تجاوبك السريع مع الاستغاثه :d5:

تحيتي
حياة الرووح
2010- 8- 6, 03:33 AM
ولو احنا عايله وحده هني وكلنا اخوان عسى الله ييسر لنا امورنا وعقبال مانساعد بعض في اجراءات التخرج يارب

واي خدمه لايردك الا كيبوردك
هاوي الشمال
2010- 8- 6, 03:37 AM
ولو احنا عايله وحده هني وكلنا اخوان عسى الله ييسر لنا امورنا وعقبال مانساعد بعض في اجراءات التخرج يارب

واي خدمه لايردك الا كيبوردك

مب غريبه عليك اختي بلحه هالروح الطيبه
وعسى الله يسهل الامور للجميع