مسأله محرجه ( فقط للبنات)

[حــــــــــــور]

السلام عليكم

كيف الحال؟ اخباركم ياحلوين ؟؟

انا عضوه جديده بالمنتدى وبنت جديده في الجامعه

لاتخافون مو مضيعه قسم الترحيب


بس حبيت اشاركم موضوع متعبني وهامني

وياليت القى الحل عندكم ويكون احساسي في محله عن هالمنتدى

انا من قبل لااتخرج وانا اتمنى ادرس بالفيصل علشان اكون قريبه من اهلي ورفيجاتي وحتى ديرتي

والحمدلله انقبلت والله استجاب دعاي

بس في مشكله وحاجه معكره علي





انـــــــــــــــــــــــــــــا
مــــــــــــــــــــــــــــو
مــرتــــــــــــاحـــــــه
بــــالـــــجــــامـــعــــه




لا تفهموني غلط مو من الجامعه نفسها من البنات اللي حولي

واللي معاي بالقروب كله دراسه وجد وانا مو ضد هالشي بس حلو انه نجمع بين المتعه والدراسه

والبنات نفسي نفسي

اتوقعت الجامعه وناسه بس صاير العكس معاي

احس روحي وحيده ومالي احد:011:

انا اجتماعيه وشاطره بس لا اراديا احس روحي اتحول لبنت انعزاليه وكسلانه:c8:

لما اسأل صاحباتي عن احوالهم يقولون لي انهم مرتاحين ومبسوطين من كل شي وااناا ارثي على حالي

ومااقدر اقول لهم اللي فيني لانه ماابي احد يحس بالشفقه اتجاهي

تمر علي ايام ابكي فيها من قلب لحالي بالغرفه احس بضيقه وكتمه :Cry111:

والله اروح الجامعه وانا مالي خلق وملانه وادخل واطلع من المحاظره من غير نفس

والله وحشتني المدرسه وافتقدت ايام ثانوي كنت مرتاحه فيها اكثرمن الحين مع انه كان ضغط علينا حق النسبه

حتى من اليئس اللي فيني دخلت مره شات علشان اتعرف على بنات من الجامعه

وطبعا فكروني شاب ابي اتعرف على بنات

هههههههههههههه:m07:



والدليل اني صرت مهمله اني للحين مانمت( الساعه 3 )وبكره علي دوام



ماابي اطول عليكم

بس ياريت اللي فاهمه علي او حاسه بشعوري ومرت به :s11:

تشاركني بالموضوع

واسفه على الازعاج


باي

[فله في كليه عله]

هلا بك الحور

نورتي الملتقى

أنا فاهمه عليك وحاسه بشعورك بس مامريت فيه لأن صديقاتي كانوا معي بالجامعه

الله يعينك بصراحه لأن المكان إلي ماترتاحين فيه أكيد مارح تقدرين تحبينه

يمكن لان كانت فكرتك عن الجامعه انها مثل الثنوري وأنا أول مادخلت الكليه كنت نفس تفكيرك س أكيد بتكون غير حاولي تتعرفين ع بنات وأنتي مارااح يصعب عليك لأن مثل ماتقولين أجتماعبه

ولي باك

[كاتم العبرات]

:c8::c8::c8:


أختي حور

أسف على الدخول لأني ولد وأنتي كاتبة للبنات فقط يعني يعتبر هذا لقافة مني بس سمحلي أقولك شيء

أنا درست بعيد عن أهلي و أصدقائي وحسيت بالغربة لأن مافيه أحد أعرفه ولكن بما أنني رجل ورجال قليل ههههههههههه

أقلمت نفسي مع الوضع و تعرفت على شباب من أحسن مايكون لدرجة أني تخرجت من الكلية ولسه بينا طلعات و تلفونات و أنا بصراحة مستغرب من كلامك لأني إلي لأعرفه أن البنات يتعرفون على بعض أسرع من الشباب

و بكوني مثل أخوكي الكبير أتمنى إنك تعطينهم فرصة ثانية و حاولي معاهم و أنتي أبدئي و مايصر إلا الخير ترى أحلى الأوقات هي اقوت الدراسة ولا ضيعنها عليك


في اتلختام لاتعتبريني حشري أو هذار أو ملقوف

أعتبريني فاعل خير والنصيحة بجمل

[|..الندى..|]

والله كل شعورج نفس شعوري

أنا طقت كبدي منها أبي أطلع

حتى البنات اللي معي يحسون كذا

الجامعة كثير تجيب الكآبة

الله يعينا ونخلص منها

أحس الواحد يحس فيها بالغربة مو حلوة أبد

أنا هالأيام اللي جعل الجامعة حلوة عندي

بنات الملتقى الصراحة كلهم بنات خلوقين كثير
الله يوفقهم يارب

شوفي راح يروح الشعور مع الوقت

بس هذا اللي أقوله :119:
سلاااااااااام

[حــــــــــــور]

هلا حبيبتي الندى

انا مو على الجامعه نفسها ترى على اللي حولي هم اللي يعكسون علي هالشعور

انا اليوم رحت لكليه المجتمع وفروحني كثير ( لجنة المشاعل )

رسلت لوحده من العراق كتب وناقشت مع بنت أموره كتير عن الوقت وعطتني ساعه

هي صحيح اشياء بسيطه وصغيره بس غيرت نفسيتي شوي

وحتى سألتهم اذا اقدر اشترك معاهم واصير عضوه

:119:

[حــــــــــــور]

هلا والله فله في كليه عله

مشكوره على الرد عمري

وانشالله يكونون صديقاتك جنبك على طول :119:

انا عندي معارف من ثانوي بالجامعه بس مااختلط معاهم

انا صحيح اجتماعيه بس اخاف ادخل على احد عرض او اكون قطه وجه

[كاتم العبرات]

:bawling::bawling::bawling:

:Cry111::Cry111::Cry111:

الظاهر إنك زعلانة من حور علشان كذا مارديتي على تعليق

أنا أسف على تطفلي

[حــــــــــــور]

تسلم على الرد كاتم العبرات

لاتنحرج ولا شي ،، شدعوه

انا اصلا كنت كاتبه للبنات لانه اتوقعت انهم بحسون اكثر فيني ويمكن بعض الشباب

يستصغرون الموضوع ولامايعجبهم

ومره وحده تشويق في اسم الموضوع هههههههههههههه :33_asmilies-com:

انشالله تدوم لك هالصداقات اللي كونتها

انا ادري انه ايام الدراسه حلوه ومابتكرر علشان كذا ماابيها تضيع على دراسه فقط

وعلى فكره انا مو مالي احد بالمره بالعكس البنات في قروبي يحبوني والدليل انهم اختاروني ليدر:cool:

بس احس ماعندي وحده تكون معاي على طول

مره شكيت لبنت قالت لي لاتستعجلين الصديقه اللي تناسبك مابتشوفينها على طول

لازم يمر وقت بس مليت وانا انتظر

:070:

[حــــــــــــور]

كاتم العبرات

والله كنت اكتب لك رد بس انت استعجلت ورديت

ولا بعد انت اطول رد كتبته لك :cheese:

لا تزعل ولا تاخذ بخاطرك

[*"الحالمة"*]

الله يـ ع ـينكـ ياقــلبي حــور..
انا كــان شـ ع ـوري نفس شـ ع ـوركـ تمــاماً..
مع العلم انه فيه كمـ وحـدة من ربعاتي بالجامعة.. بس كل وحـدة كلية غــير :cheese:
انا ما عجبوني بنات الـ ج ـامعة عشان اني كلية التربية -مع احتراماتي لبنات التربية- بس بنات كلية التربية ابــــداً موووووو شي..
لحد الـ ح ـين وانا اتمنى اني كنت في كلية العلوم الزراعية! بناتها عسسسسسل :000:
*
انتي في أي كــلية حور؟
اذا كلية خدمة المجتمع.. وضعك احسن لأن الطالبات انفسهم خابرتكم ماتتغيرون.. فتقدرين تكونين عـلاقات بسرعة
عكس لما تكونين في كلية ثانية والشعب تتـ غ ــير,.
*
.
الله يوفقك يااقــلبي وهالإحساس صدقيني في أول سنة لأنك مو متعودة على الوضع.. بس راح تتعــودين ويروح عنك هالإحساس

*"مع خالص محبتي"*

[جامعي]

سلااام

اختي حوور..


دام انتي أجتماعية خلاص ما عليكي الا انك تتعرفين مع الوقت وأقرب شيء لك بنات الملتقى ما شاء الله
عليهم والندى خير مثال مثل ما قالت لك تغير الوضع عندها بعد ما تعرفت على الملقى وبناته..

وعندك أمثلة حية من العضوات المميزين في الأخلاق وروح المرح والدعابة وأنا أتوقع انهم أجتماعين

عندك الحالمة والندى وأخت القمر ودفا الروح وانغام وروح انسانه والمسيروريم والكثير الكثير أذا تعرفتي عليهم


يتغير وضعكي الى الأحسن ان شاء الله تعالى..



وتحيااتي والله يوفقك الى ما هو خير وصلاح...

[حــــــــــــور]

عزيزتي الحالمه
مشكوره على الرد قلب

للاسف انا مو في المجتمع .. ،، بس كله رازه وجهي هناك ههههههههههههه :cheese:
انا في العلوم الطبيه التطبيقيه

انشالله السمستر الثاني بصير عندنا لابات ويمكن يتغير الوضع على قولتك

[حــــــــــــور]

هلا جامعي

انا اساسا داخله المنتدى اكون صداقات

ولا انا مايمديني اشبك عالنت واشارك على طول بالمنتدى


وانا خلاص قررت اخذ بنصيحتكم وباتعرف على بنات الملتقى
بس مااعرف كيف؟؟ :mh19:

اذا وصلت مشاركتي 20 باحاول اكلم الندى علشان تعطيني من خبرتها :119:


وتسلم على مرورك

[سبحان الله]

تبغين رأي لاتكونين صداقات عبر النت لأن اضرارها اكثر من فوائدها وثاني شي ايش عرفك ان المشترك بنت ولا ولد

[هايدي]

حــــــــــــــــــــــــــــور

صراحه انا حاسه بمعاناتك لانها صارت معي السنه الي طافت

الجامعه ممله حييييييييل اذا ماتعرفين احد او صاحباتك هادئين

بس انتي حاولي تكونين علاقات مع غير هالبنات

لانك اذا استمرتي عالوضع هذا مراح تملين بس الا بتفصلين من الجامعه

اتمنى لك التوفيق

واتمنى اني اشوفك قريب






تحياتي هايدي

[جامعي]

تبغين رأي لاتكونين صداقات عبر النت لأن اضرارها اكثر من فوائدها وثاني شي ايش عرفك ان المشترك بنت ولا ولد


مرحبا بك أخي سبحان الله..

حياك أخ جديد وعزيز..

با النسبة للأخت حور راح تتعرف على بنات الملتقى حصريااا:119:..

وعموما أخي حاليا معضم بنات الملتقى في الجامعه كونوا علاقات ويعرفون بعض .الأخت بمجرد تتعرف
على وحدة منهم عبر الرسائل الخاصة وتكون بينهم علامة مثلا ان يكون مكان اللقاء في مطعم الجامعة او
عند الكلية الفلانية وخلاص و تعرفهم على البقية..
وتحياتي..

[حــــــــــــور]

سبحان الله

طبعا انا مابعطيها رقمي او اتعرف عليها الا بسألها بعض الاسئله
مستحيل بنت من غير الجامعه تجاوبها
علشان اتأكد

:lllolll: اسوي لها استجاوب واكيد هالسالفه مافيها زعل

وتسلم على مرورك

[حــــــــــــور]

جامعي

مشكور على اهتمامك


:oao5:

[حــــــــــــور]

اهلين هايدي

هههههههههه والله كلامك بالضبط نفس اللي صاير

هو انا ودي اتعرف بس ماادري وش فيني نازل على الحيا فجأه

صايره استحي :c8:
هههههههههههه

وانا كمان اتمنى اشوفك :love080:

[حــــــــــــور]

:Cry111: بعدهم مشاركاتي 10






:097: حجه علشان ازيد المشاركات



اشششششششششش لاتعلمون احد :hush:

[جامعي]

:119:

أخت حور أتمنى ان تنحل مشكلتك أنتي حتى في المنتدى أجتماعية:lllolll:

وفيكي نوع من المرح والتجاوب وسعت الصدر...

وهذا الشيء يساعد على تجاوز الوحدة التي مريتي بهااا..

وأن شاء الله الملتقى يجمعنا على خير الملتقى حل الكثير من المشاكل من الأستفسارات والحاجات الأكاديمية
لطلاب والطالبات...

والأن ولله الحمد لعلة يحل مشكلة العزلة والوحدة والملل أذا كانت بنت جديدة على الجامعة :d5:

وتحياتي أخت حورر... وأذا تحسنت أحوالك بشرينا:119:

[*"الحالمة"*]

ايه..
واذا نويتي تتعــرفين على الحالمة بشرينا بعد! :lllolll:
*
Yeb ودنا نشــوفكـ بأســرع وقـتـ <---------<<خــبركـ مابقى شي على الإمتحانات!

*"مع خالص محبتي"*

[حــــــــــــور]

تسلم اخوي جامعي

مشكور على الاطراء اخجلتني

وصراحه اقتراحك مره حلوو

انه يكون مكان خاص حق تعارف البنات ويكون مثلا كذا بنت هم اللي يتأكدون من البنات

ويكون افضل لو بس بنات اللي يقدروا يدخلوه والمشرفين فقط

ويحددون مكان نلتقي فيه في الجامعه ونسوي شله ملتقى جامعه الفيصل :d4:

هههههههههههه ولازم اكون انا من المسؤلات لخبرتي الكبيره في هالموضوع

[أخت القمـر]

اهلاين وسهلاين ومرحبتين
حـــور
وش السالفه ليش متضايقه
لالا لاترجعينا للمدرسه
تكفيييييييين
الا المدرسه
الجامعه ارحم منها بالف مرهـ:cheese:

الا بسئلك
انتي بالدمام ولا الحسا؟؟
اذا بالحســا
ابشري ببنات الملتقى
عاد انا وين ماامشي بالجامعه اشوفهم
ومن البنات اللي شفتهم

المسير
ياي وخروا عني
حالمه
الندى
انا انسان
حياه بلا حياه
هايدي
الحــور مش انتي وحدهـ ثاني:cheese:
الميرزيه
لطووفي
رووز
دنيا غريبه
تحدوهــا البشر

وفي كم عضوه مايشاركون كثيرلدرجة اني نسيت اسمهم بالملتقى
بس شفتهم بالجامعه:cheese:

والله ماذكر الكل
وسووري اذا نسيت احد:c8:
بس شوفي كم وحدهـ
هذا غير طبعا البنات اللي تعرفت عليهم من الجامعه

واذا انتي بالدمام

في عضوات كثار بالدمام
واولهم ريوومه
تمنيت اشوفها بس هي بالدمام لكن شفت بنت خالها:cheese:
وريووومه معها شلتها تقدر تعرفك على باقي بنات الملتقى


كأني طولت بالكلام؟:cheese:

يلا تعالي ردي علي عشان توصل مشاركاتك 20:lllolll:

[حــــــــــــور]

الحالمه

انا بعد ياعمري اتمنى اشوفك قريب :love080:

[حــــــــــــور]

هلا والله
اخت القمر

انا مو بالحساء انا بالدمام

بصراحه مايصير حاطه لي لسته بالحسا والدمام بس ريووم غشش غش

بس تصدقي نفسي اروح مره زياره للحساء وقبل مااروح بادق عليك

باسوي مغامره وباروح مع كم بنت :lllolll: بس الحين مايمدي السمستر الثاني انشالله


ههههههههه ادري انه الحور وحده ثانيه اانا اول ماشفتها افتشلت انه اسمي مثلها :000:

وقلت باعتذر لها بعد





وتسلمي قلب على الرد الحلو اللي مثلك

[سارا]

مرحبا شباب و صبايا << يؤؤ نسيت الموضوع بس للصبايا

كيفك حبيبتي حوور و كيف نفسيتك

يووووه أنا دايما كذا ما أجي الا بعد ما تغبر المواضيع أجي أرد

ما علينا أن تصل متأخرا خيرا من أن لا تصل أبدا ... لا تسرع فالموت أسرع <<< خييييير :lllolll:

حبيبتي حوووور شوفي يا خييتي

مشاعرك أنا أشوفها طبيعية خصوصا لما ما يكون أحد من صديقاتك القديمات أنتقلو معك للجامعة

شوي شوي راح تشوفين نفسك وسط شلة محترمة لكم نفس الاهتمامات

( بس مو كل وقتهم ضحك و قرقشة و لعب لأن الجامعة بعد يبغا لها مجهود مو هين ... وقت للعب و قت للجد )

حبيبتي حوووور نصيحتي لك لا تتوقفين كثيييير عند مشاعرك لأني أحس ببداية الفترة الجامعية مشاعييير كثييييرة تتحذف علينا من كل جهة

فأنتي لا توقفين كثيييير و تحاولين تفلسفين مشاعرك

و حاولي أنك تشغلين نفسك بأشياء أنتي تستمتعين و تستفيدين منها

مثل ما قلتي لجنة المشاعل هذي لها نشاطات حاووووة بالجامعة اشتركي معهم و راح تفيدين و تستفيدين و تكتسبين الشهرة :d5:

و شي ثاني حاولي تكون لك نشاطات على مستوى دفعتك

مثلا تسوين نوووت للدكتور و توزعينها على بقية طلبة و طالبات الدفعة ... اختصارات .. اسألة ... أي شي تستفيدين منه و تستغلين وقتك بدل ما تقعدين تفكرين ليه مشاعرك كذا

حاولي أنك تتصلين مع مرشدات النشاطات الاجتماعية بالجامعة مثل الأستاذة هدى بو بكر ( اذا كنتي بفرع الجامعة بالدمام و اذا بالحسا مدري يمكن باقي البنات يفيدونك )

مثل الاستاذة هدى بو بكر و غيرها يشجعووون اذا عندك موهبة و يعطونك فرصة تشاركين بأنشطة الجامعة داخل الجامعة و خارجها

شاركي بحلقات تحفيظ القرآن و حلقات تفسير القرآن و تدارس الأحادي النبوية الشريفة اللي _ عادة _ تكون بمبنى المهيدب ( ب ) اللي هو المبنى اللي يدرسون فيه طالبات الطب الموازي

سووووووووري حبيبتي حوووور على الإطالة بس حاولت أعطيك أقتراحات تساعدك

و مهما شفتي من مواقف و أشياء بالجامعة لا تضيقين خاطرك و تقولين أنك ما كنتي تتوقعين أن الجامعة كذا

لأن الجواب راح يجيك .. ببساطة : ( ابتسمي .. فأنتي في KFU ) :lllolll:

[أم زهراء]

أنا مثل العادة آخر الواصلين ماادري ويش صار فيي لاتلوموني بس ويش أقول مشاغل الحياة

الله يخلي الجامعة ماتقصر تشوفي العجايب فيها ترى الاحساس انش وحيدة فيها اني اعتبره شي طبيعي خصوصا في البداية لانك منتقلة لمرحلة جديدة وتتعرفي على ناس وشخصيات جديدة مع مرور الوقت بيروح هذا الاحساس
أهم شي كل وحدة في الجامعة نفسي نفسي صحيح ترى اني تعجبت ولازلت اتعجب من هذا الشي ومع ذلك له فايدة انش تصيري تعتمدي على نفسش
ولازم بيصير لش صديق مقربة اكثر من البقية >>> مثل ايام المدرسة

وتراني بالدمام وفي نفس الكلية واكيد حابة اتعرف عليش تدري اني مااعرف احد من اعضاء الملتقى حاليا:000:

موفقةً

[حــــــــــــور]

هلا ساااارااا

مشكوره على الرد اللي يرد الروح

انا ادري انه الجامعه مو بس لعب وضحك بس لازم يكون موجود علشان الواحد يحب الدراسه ويتمتع فيها

انا حاليا نفسيتي احسن بوايد بس الاختبارات جايه والله يعين

انا اساسا اتأخرت عليك بالرد لانه كان علي اختبار كيمياء وصاير صعب


ومثل ماقلت من اول ( انا بالدمام )

وتسلمي على اطلالتك الجميله

[حــــــــــــور]

هلا ام زهراء

حتى انا كمان حابه اشوفك

برسلك ايميلي ولكذا بنت يبون يشوفوني بالجامعه

ونتفق :cheese:


ومشكوره على مرورك

[جامعي]

سلااام..

حمد الله تغيرت نفسيتك هذا اهم شيء وان شاء الله أذا تعرفتي على العضوات تتحسن أحسن وأحسن...

سلااام

[الخزامى]

ياسبحان الله أنا مثلك اولا أني جديده في المنتدى وثانيا أني متخرجه هذي السنه لكن الي يختلف اني كنت مسجله في الرياض بس سحبت أوراقي منها لأسباب بس أنشالله راح أقدم السنه الجايه المهم أني لما كنت أدرس هناك كنت مثلك أحسي أني وحيده والي يزيد وحدتي أني ماكنت مع أهلي لكن قدرت أتعرف على بنات واكون معهم صداقات ومثل ماقالو هذا شي طبيعي والله يوفقك في أختباراتك وأنشالله تتعرفين على بنات في الجامعه وأدعيلي أني أنقبل السنه ومن يدري يمكن نتقابل ونصير صديقات

[حــــــــــــور]

الخزامى

الله يعينك حبيتي بالرياض اصعب واصعب من هنا

وانشالللله يارب تنقبلي هنا

والله يوفقك

مشكوره على مرورك

[كاتم العبرات]

:lllolll::lllolll::lllolll:


مشكورة أختي حــــــــــــور ع الرد

ومثل مايقولون

الصديق و قت الضيق

:praying::praying::praying:


وأطلب من الله و العاطي الله إنك تتعرفين على الصديقة الصدوقة إلي تكون صادقة معك على طول و تقولك سلبياتك قبل إيجابياتك علشان تكونين في المقدمة دائماً و أبدً و إلى اللقاء

[So000oma]

الله يساعدك