مجموعه أسئلة >> طـآلبه مستجده ~

[A7bk]

بسم الله الرحمن الرحيم

أخبـآركمـ
عسـآكمـ طيبين
أنـآ طالبه جديدة بالجامعه يعني راح ادرس سنة تحضيري
عندي بعض الاسئلة واتمنى ما اكوون ثقيلة عليكمـ ^^
- أول يوم وين ندآومـ بـآلجـآمعه ووين نروح بالضبط والساعه كم الحضور ؟
- بالنسبة لنا احنا طلاب السنة التحضيرية هل لنا بطاقة جامعية والا نحصل عليها بعد دخول السنة الاولى ؟
- بالنسبة للمكأفأة متى نستلمها وبمبلغ كم بالنسبة لطالبات علمي بالثانوي وهل احنا نفتح لنا حسااب ببنك تحدده الجامعه والا مثل ما سمعت الجامعه بس تعطينا البطايق واحنا نفعلها بالبنك ونحط لها رقم سري ؟
- الملابــــــــــس اشلوون تنانير بالوان معينة واقمصة وبلايز بالوان معينة والا عادي اي شي وعادي جينز .؟!
- الجوالات انا عاارفه من دوون كاميرا بس الواحد يسأل أحسن =)
- سمعت بشي اسمه اللوكرات هذا شنوو ؟
- شنو اهم النصاايح اللي تنصحوني بها كطالبة مستجده في اول اسبوع دراسي لي بالجامعه ؟
- وشو بالضبط المواد اللي ندرسها بالسنة التحضيرية انا سمعت فيزياء وكيمياء وثقافة اسلامية سؤالي وش دخل هذي المواد بالحااسب ؟
- متى يبدأ ومتى ينتهي الدوآمـ ؟
- وبالنسبة للعباة لازم راس والا عادي كتف ..؟!
وأتمنى تفيدووني بكل ما تعرفوون حتى لو في سؤال ما سألته وعندكم معلوومة عنه أفيدوووني تكفووون ترآ أختكمـ مـآ عندهـآ علم بشيء أبد

وجعل ربي يوفقكم ويسهل دربكمـ يـآرب >> ادري ما قصرت بالاسئلة http://www.dm-un.com/vb/images/smilies/sm141.gif (http://www.dm-un.com/vb/images/smilies/sm141.gif)
بس مـآ عليه تحملوني
اي اي صج بغيت اسأل مين معـآي أبي اتعرف من الحين لا اتوهق اظل وحيده باليونفيرستي http://www.dm-un.com/vb/images/smilies/sm141.gif (http://www.dm-un.com/vb/images/smilies/sm141.gif)

تكفوووووون أبي رد

أختكمـ
A7BK ^.^

[كب كيك]

- أول يوم وين ندآومـ بـآلجـآمعه ووين نروح بالضبط والساعه كم الحضور ؟

على حسب المحاضرات الي بالدول الي نزلزلكم ياه

- بالنسبة لنا احنا طلاب السنة التحضيرية هل لنا بطاقة جامعية والا نحصل عليها بعد دخول السنة الاولى ؟
تاخذون البطاقات من الاستاذه الي توزعهم ما يمر اول شهر او شهرين الا انتو معاكم البطاقات ان شاء الله سالي الاداره منو يوزع ال بطاقات

- بالنسبة للمكأفأة متى نستلمها وبمبلغ كم بالنسبة لطالبات علمي بالثانوي وهل احنا نفتح لنا حسااب ببنك تحدده الجامعه والا مثل ما سمعت الجامعه بس تعطينا البطايق واحنا نفعلها بالبنك ونحط لها رقم سري ؟

مو الحين المكافئات بعد الدبلوم تاخذونها وبالنسبه للتفعيل اسألج واقولج لاني مو متأكده

- الملابــــــــــس اشلوون تنانير بالوان معينة واقمصة وبلايز بالوان معينة والا عادي اي شي وعادي جينز .؟!
تنانير طويله والبلايز لازم الكم يكون على الاقل نص كم اربع اصابع فوق الكوع اي لون و اي شي

- الجوالات انا عاارفه من دوون كاميرا بس الواحد يسأل أحسن =)

بدون كميرا

- سمعت بشي اسمه اللوكرات هذا شنوو ؟

غالبا تكون فوق صناديق تحطين فيها الي تبين ومهاج المفتاح اخر خبري فيها كانت خمسين ريال بالشهر او بالسمستر ما ادري
بس تقدرين تحطين العبايه او الجنطه كتب ثقيله ما تحتاجينها بالبيت وتحتاجينها بالجامعه

- شنو اهم النصاايح اللي تنصحوني بها كطالبة مستجده في اول اسبوع دراسي لي بالجامعه ؟
لا تردين على الامن والبطاقه لا تنسينها ابداااااااااااااااااااااااااااااااا والتزمي باللبس ومهما صار لا تيبيم تليفون كاميرا لووووو شنو ولا تأمنين على اي بنت لان اغلبها من تخت لتحت ويخرعوووون لا تأمنين على اي بنت ورقمج السري الي بموقع الجامعه لا تعطينه حق اي بنت لا تطينه حق اي بنت لا تعطينه حق اي بنت لان ممكن يمسحون مواد او يرسلون حق دكاترة ايميلات بس الي عندج في البيت

- وشو بالضبط المواد اللي ندرسها بالسنة التحضيرية انا سمعت فيزياء وكيمياء وثقافة اسلامية سؤالي وش دخل هذي المواد بالحااسب ؟
ما ادري والله انا بكليه غير

- متى يبدأ ومتى ينتهي الدوآمـ ؟

على حسب المحاضرات
- وبالنسبة للعباة لازم راس والا عادي كتف ..؟!

عادي الي تبين

الله يوفقج ان شاء الله

ايه صح نسيت اقولج شي طريقه الدرياسه غير المدرسه لازم تسجلين كل شي مع الدكاترة
واول ترم بتحسن انج ضايعه ومو عارفه تدرسين بس عادي لو ركزتي مع الدكاترة كل شي يعدي

[!..قلب أنثى..!]

انتي تحضيرية حاسب؟ ^^

لي عودة قريباً

[A7bk]

كب كيك >> تسلمين على كل ششي يابعد عمري
ربي لا يحرمني من الطله الحلوووه والله يوفقك يالغلا بكل شي تتمنيه يارب

قلب انثى >> اي غلاي انا تووني دآخله الجاامعه يعني جديده فرش هع
انتظرك قلبي
حيـآكـ بأي وقت ^.^

[!..قلب أنثى..!]

http://www.ckfu.org/vb/t82446.html

لفي بهالموضوع واذا لقيت اي شي مو واضح او اي استفسار احنا موجودين

اجاوبِك من عيوني ^^

[A7bk]

تووني لافته ياعمرري
معلووماتك حلوه حييل
وربي يوفقك ياارب
الحين بروح الزق هناك ^.^

[تبوله الشهري]

الله يعينك يارب ويعينا

[H.S.Q]

:106:يسلموو استفدت منكم
وسوري لاني ماقدرت افيدك بشي لان وضعي مثلك الله يستر ويوفقنا يارب

[Wite Bunny]

مبروك قبولك بالجامعه

خواتي كفو و وفو

إذا عندك أي أسئلة زيادة لا تترددي

[e.a.a]

كب كيك !!

يعطييييك الف عآفية .. آاششوآ صآار عندي خلفية عن الجآمعة
م آنحررم فديتك !

[lole-33]

يعطيكممم آلف عافيه ~:2:

س حآابةة آسال آلبطاقة شلون اخذها وكيف ومتى استلمهآآ :2:

~~ طبعآ انا مستجده وموعارفه شي وماتقصرون هنآآ بمعلوماتكم الغنيه :1:

[عناقيد الضياء]

!!
اتوقع اخت كب كيك بكلية المجتمع ؟ اي دبلوم !

اذا كنتي مقبولة باحد المسارات ال 3 ( صحي , هندسي , علمي )..
راح تكون نظامكم مشابه باستثناء المواد ..

- أول يوم وين ندآومـ بـآلجـآمعه ووين نروح بالضبط والساعه كم الحضور ؟
* الجامعة بالراكة تدخلين من مدخل الطب مبنى 65 وأول ما تدخلين بتلاقين امن اساليهم وين قاعة العثمان بيدلونك عليها , لان فيها بيسون لكم يوم تعريفي عن الانظمة والشروط وكل شي تبين تعرفينه , وبيتيحون لكم وقت تسالون عن اي شي حابينه , في الغالب الدوام 8 .


- بالنسبة لنا احنا طلاب السنة التحضيرية هل لنا بطاقة جامعية والا نحصل عليها بعد دخول السنة الاولى ؟

ايه لكم بطاقة جامعية بيوزعون عليكم اوراق باليوم التعريفي خاصة باستخراج بطاقة تعبينها بالمعلومات المطلوبة وتسلمينها لهم بمبنى 300 الدور الارضي .

- بالنسبة للمكأفأة متى نستلمها وبمبلغ كم بالنسبة لطالبات علمي بالثانوي وهل احنا نفتح لنا حسااب ببنك تحدده الجامعه والا مثل ما سمعت الجامعه بس تعطينا البطايق واحنا نفعلها بالبنك ونحط لها رقم سري ؟

تفتحين لك حساب بأي بنك تبينة وتحطين الايبان بالموقع وراح ينزلون لك كل شهر 990 .. اول مكافأه اتوقع بعد اول شهر دوام بتنزل .

- الملابــــــــــس اشلوون تنانير بالوان معينة واقمصة وبلايز بالوان معينة والا عادي اي شي وعادي جينز .؟!

اي عادي اللي تبينة بس تكون الوان بالمعقول ومناسبة لدوام صبح .. ( اسود كحلي رمادي ) بالنسبة للجنز مسموح بس ما انصحك فيه متعب وثقيل ويضايق بالمشي .. خذي لك شي خفيف وبارد اريح لك لانك بتضطرين تمشين كثير .. والاقمصة والبلايز اي لون تبينه .

- الجوالات انا عاارفه من دوون كاميرا بس الواحد يسأل أحسن =)
بالنسبة لمبنى التحضيري كان مسموح لنا الكاميرا ..

- سمعت بشي اسمه اللوكرات هذا شنوو ؟
تاخذين لك لوكر السنة ب 100 ،، تحطين اغراضك الزايدة بدل ما تروحين فيهم وترججعين كل يوم ..

- شنو اهم النصاايح اللي تنصحوني بها كطالبة مستجده في اول اسبوع دراسي لي بالجامعه ؟

اتبعي نصايحهم لك باليوم التعريفي .. احضري بالاوقات المطلوبة .. كوني اول باول مع الدكاترة واكتبي كل شي ، لا تعتمدين على احد ولا ((((( تسوفين )))) واجب اليوم خلصية اليوم لا تفكرين تاجلينه بيتراكم عليك وبتتعبين ، اهم نقططططة رتتبي وقتك رتبي وقتك رتبي وقتك رتبي وقتك حطي مليون خط واعرفي اولوياتك ..
وحاولي تجيبين معدل عالي يساعدك باختيار التخصص ,, خلي اساسك قوي دائما معدل التحضيري ان كان قوي راح ينبني عليه الباقي وبتتخرجين بمعدل حلو لكن ان كان نازل ببتتعبين بالسنوات الجاية عشان يرتفع مثل البناء عندنا اساسه يخلونه قوي عشان يرتكز عليه الباقي ،، ترا التحضيري مو صعب قد ما هو تحدي لك ولمعرفتك بترتيب وقتك .
- وشو بالضبط المواد اللي ندرسها بالسنة التحضيرية انا سمعت فيزياء وكيمياء وثقافة اسلامية سؤالي وش دخل هذي المواد بالحااسب ؟
تختلف من مسار لمسار ان كنتي علمي
السمستر الاول ( انقلش - رياضيات1 - تطبيقات الحاسب1 - مهارات الحاسب -مهارات التعلم والبحث )
السمستر الثاني ( انقلش - رياضيات2 - تطبيقات الحاسب2 - احصاء - مهارات الاتصال - تربية بدنية )

- متى يبدأ ومتى ينتهي الدوآمـ ؟
يبدا 8 الى 12 خاص بوقت الانقلش يوميا وبريك الغدا والصلاة من 12 الى 1
بعدها من 1 الى ( 3 او 4 او 5 ) ع حسب جدولك غالبا ما يطول الى 5 الا لما يكون عندك معمل حاسب

- وبالنسبة للعباة لازم راس والا عادي كتف ..؟!
لا اللي تبين

بالتتوفيق :16: