سكن الجامعه

[غنج بنوته]

السلام عليكم احب ابارك لكل الي انقبلو وان شاء الله الي مانقبلو باذن الله رح ينقبلون
ويحطون في بالهم ان الله لايضيع اجر من احسن عملا
انا من الخبر وانقبلت بالاحسا
فا ابي اعرف شنو نظام السكن بالجامعه وكل الي تعرف شيء عنها ومتاكده منها ياليت تقول لي
من جد خايفه ان القوانين حق السكن ماتعجبني طيب متى اسجل بالسكن يعني
انتظر ردودكم
دمتم بود

[Sara Ali]

للأسف

لا يوجد اسكان جامعي لهذه السنه
http://www.kfu.edu.sa/ar/Lists/kfuAnnouncements/DispForm.aspx?ID=173

[غنج بنوته]

طيب ليه
يعني
وابي اسال انا كيف اجيب التعهدات مدري طباعه البريد الممتاز ابي اعرف ياليت اذا احد ارسل اوراقه يقول خطوه بخطوه لتن ابي ارسلهم يوم الاثنين وشنو الي يبونه

[كشمش]

ياعمري روحي اقرب مكتبه وقولي لهم يطبع لك ورقة التعهدات وورقة النماذج الاصليه طبعا من موقع الجامعة تاخذينهم اما البريد الممتاز تطبيعنها مرتين وتلاقينها تحت اسمك لما تدخلين عل ملفك مكتوب وربي يوفق الجميع اتمنى اني افدتك يااختي

[غنج بنوته]

طيب من وين ورقه التعهدات

[غنج بنوته]

اتمنى احد يرد علي بسرعه لان ابي اروح اطبعهم ورسل اوراقي

[كشمش]

ياعمري انتي ماعليك روحي المكتبة وقولي له هو يعرف شغله وتحصلين النماذج في موقع الجامعة نماذج القبول وتشوفين نموذجين نموذج التعهدات ونموذج البيانات الشخصية وتخلينه يطبعهم وبعدها تعبينهم بخط ايدك وبعدها تروحين للبريد الممتاز من ملفك

[غنج بنوته]

وين يكون البريد
من الملف>> تحملها ترا المخ مقفل عندها اليومين
ووين يكون موقع البريد الممتاز

[جبروت ابتسامة]

السلام عليكم ورحمة الله وبركاته
في بريد ممتاز بالخبر دقي ع 905 وخدي رقمهم وكلميهم وهم يقولولج موقعهم


اما بالنسبة للسكن الجامعي في سكن جامعي وانا من طالبات السكن السابقات
وقوانينة تناسب الجميع نوعا ما وبالنسبة للوقت التسجيل سجلي بالسكن
من الان لانهم ممكن يرفضونج بسبب عدم توفر اماكن شاغرة
وممكن تروحين الجامعه المبنى الثالث 29 وتروحين لمسؤلة السكن وهي تفيديك

[كشمش]

يااخت جبروت انت اي سكن تقصدين اللي بالاحساء او الدمام وكيف نحجز

[غنج بنوته]

طيب كيف اهم قالو لي ان هالسنه مافي سكن لطالبات عشان بيسوون تعديل مدري شنو
اخت جبروت انا اقصد بالاحسا مش بالدمام
الله يوفقنا يارب

[جبروت ابتسامة]

يااخت جبروت انت اي سكن تقصدين اللي بالاحساء او الدمام وكيف نحجز


انا بسكن الاحساء وحجزت عن طؤيق اني رحت السكن نفسة لاستادة لطيفة
لاكن انا متفاجئة انهم معتدرين هسنة كله من الموقع اختي كلمي الجامعة استفسري منهم ادا في ولا لا
لاكن انا من طالبات السكن العام
وسجلت باني جبت معي صورة من بطاقة العايلة و صورة من صك البيت وصورة تعريف من عمل الوالد وصورة من قبولج في كليتج ولازم يكون معاك رجال يخلص بعض الامور من قسم الرجال ولازم بعد تدفعون لهم 500 ريال فقط من اجل تامين واي استفسار انا حاضرة

[جبروت ابتسامة]

طيب كيف اهم قالو لي ان هالسنه مافي سكن لطالبات عشان بيسوون تعديل مدري شنو
اخت جبروت انا اقصد بالاحسا مش بالدمام
الله يوفقنا يارب


اختي انا متفاجئة من موقع الجامعة بهل الكلام ولاكن لم يتم ابلاغنا عن شيء يجوز ياختي انه في اكتفاء بالسكن وهدا رقم الحامعة 035800000

وكلمي السنترال 9 يحولج لمسؤلة السكن بالمنى الثالث عشان تفهمين السالفة وبالتوفيق

[كشمش]

اخت جبروت بس تدفعين لهم 500 ريال مرة وحده وماياخذون عليك كل شهر او كل سنه وبالله ابي جواب كم سؤال الحين الجامعة تؤمن باصات للطالبات والا الطالبات يؤمنون لنفسهم انا اتكلم عن الدمام واذا عندك خلفية هل طالبات كلية التربية بالجبيل ضمن سكن الطالبات

[روح شفافة]

اي 500 ريال تدفع مره وحدة وتكون الى جميع سنواتك الدراسيه وتواجدك بالسكن

والمواصلات توفرهم الجامعه من السكن للجامعه

موفقه

[غنج بنوته]

طيب الحين فيه والا مافيه وليه دام عطوني الاوراق حق التعهدات ان عدم مطالبه بالسكن او وسائل المواصلات يعني قولو لي شلون افهم

[مناكير]

الاحساء فيه سكن طالبات بس الظاهر ان طالبات دفعه الجديده مالهم

الدمام مافي سكن

[جبروت ابتسامة]

اخت جبروت بس تدفعين لهم 500 ريال مرة وحده وماياخذون عليك كل شهر او كل سنه وبالله ابي جواب كم سؤال الحين الجامعة تؤمن باصات للطالبات والا الطالبات يؤمنون لنفسهم انا اتكلم عن الدمام واذا عندك خلفية هل طالبات كلية التربية بالجبيل ضمن سكن الطالبات
اي نعم اختي دفعة واحدة وادا طلعتي من السكن يرجعونها لج
وبالنسبة لتامين الباصات نعم هناك باصات باوقات مختلفة تامنها لكم الجامعة وهدا الكلام عن سكن الاحساء اختي انا ماعرف شي صراحة عن سكن الدمام وطالبات الجبيل ينقبلون عندنا بالسكن مية بلمية لانه في بنات اعرفهم جايين من الجبيل وساكنبن بسكنا اللي هو بالاحساء موفقين

[غنج بنوته]

طيب اخت جبروت فيك تقولين لنا نبذه عن السكن الي بالاحسا طيب اذا مابغيت اسكن بالسكن طيب فيه باصات تجي تاخذنا او لا انتظر ردك

[جبروت ابتسامة]

طيب اخت جبروت فيك تقولين لنا نبذه عن السكن الي بالاحسا طيب اذا مابغيت اسكن بالسكن طيب فيه باصات تجي تاخذنا او لا انتظر ردك





هلا اختي النبدة انة عبارة عن مبنين متصلين بعض وفية قوانين مقبولة نوعا ما وان شالله رح تتعرفين عليها مع مديرة السكن وبالنسبة للباصات نعم هناك باصات متنوعة ع حسب اوقات محاضراتك رح تروحين فيها وبالتوفيق :119:

[غنج بنوته]

طيب انتي ساكنه بالسكن اول ا
واقدر اختار مين معي بالغرفه او شنو

[غنج بنوته]

بصررراحه انا خايفه اسكن وبعدين ما ارتاح هناك ابي احد ساكن هناك يقول لي كيف الوضع

[مناكير]

الوضع ان مافي نت

ممنوع جوال كام

ممنوع تلبسي قصير

ممنوع لبس البنطلون

ممنوع و ممنوع وممنوع

وبس يعني السكن حق دراسه وبس

[فيض عطاء]

سلام بنات مبروك الشهر
ممكن سؤال
الله يوفق إلي تجاوب

اللبس في قسم العلوم بالاحساء
وش الالوان

[فيض عطاء]

وهل في سكن في الاحساء
إذا ليش ممنوع نطالب فيه

[فيض عطاء]

مشكورين على التطنيش

[Sara Ali]

فيض العطاء

كلية العلوم كان مقرر انكم تدرسون برى الجامعه فلو كان صحيح يعني الالوان محدوده
بس لو كان داخل الجامعه فلش حرية الالوان :)

[غنج بنوته]

طيب ليه كذا يالله يعني مثل شنو الالوان المحدده

[Sara Ali]

كان مفروض علينا

الابيض وَ السكري وَ البني

[الماضي الجميل]

السلام عليكم
انا انقبلت في جامعة الملك فيصل بالتحديد في كلية المجتمع ولله الحمد
ولكن الذي يزعجني في الموضوع اني انا من الدمام والجامعه في الاحساء وماني عارفه كيف القى حل في السكن والمشكله اني ما اعرف احد في الاحساء ...
ارجوكم ردوا علي وقولي لي وش الحل ؟
وانا عندي ملاحظه على هالوضع المفروض الاداره تسال البنات عند التسجيل في الجامعات وين مقر سكنها؟
مثلا انا المفروض لاني من سكان الدمام انقبل في جامعة الدمام وبنات الاحساء في جامعة الملك فيصل وهكذا..
لان الصراحه موضوع السكن امر مهم ويحتاج مناقشه ....
فاتمنى من الاداره يهتموا بهالامر..... انا ادري ان فيهم الخير وما راح يقصروا لان املي فيهم كبير في تحقيق المصلحه للطلاب و الطالبات ....
اولا ... انا اتشرف بالدراسه في هالجامعه
وثانيا... ارجو من الاداره الاطلاع على موضوعي والاجابه...
جزاكم الله خيرا...... وشكرا لاتاحة الفرصه لي ولغيري حتى نتمكن من الاستفاده

[مناكير]

السلام عليكم
انا انقبلت في جامعة الملك فيصل بالتحديد في كلية المجتمع ولله الحمد
ولكن الذي يزعجني في الموضوع اني انا من الدمام والجامعه في الاحساء وماني عارفه كيف القى حل في السكن والمشكله اني ما اعرف احد في الاحساء ...
ارجوكم ردوا علي وقولي لي وش الحل ؟
وانا عندي ملاحظه على هالوضع المفروض الاداره تسال البنات عند التسجيل في الجامعات وين مقر سكنها؟
مثلا انا المفروض لاني من سكان الدمام انقبل في جامعة الدمام وبنات الاحساء في جامعة الملك فيصل وهكذا..
لان الصراحه موضوع السكن امر مهم ويحتاج مناقشه ....
فاتمنى من الاداره يهتموا بهالامر..... انا ادري ان فيهم الخير وما راح يقصروا لان املي فيهم كبير في تحقيق المصلحه للطلاب و الطالبات ....
اولا ... انا اتشرف بالدراسه في هالجامعه
وثانيا... ارجو من الاداره الاطلاع على موضوعي والاجابه...
جزاكم الله خيرا...... وشكرا لاتاحة الفرصه لي ولغيري حتى نتمكن من الاستفاده


كلمت الجامعه وقاااو مع بدايه تاكيد التسجيل (الجداول) تجووو تسجلو في السكن

[ستوبـ انا ـتوب]

السلام عليكم
انا من بنات الانتساب المطور وتم بحمدالله قبولي في الانتظام
لكن في مشكله اني انا ماني من بنات الشرقيه ومااعرف عنها شي ولاعمري جيتها ولااعرف اهل الشرقيه كلها وبعد مااعرف وين اسكن ولا طريقه السكن هناك وخايفه من السكن ومن كل شي طمنوني الله يطمنكم بالعافيه

( بالله مااكسر القلب)