طالبات الفيصل تفضلــووو لاهنتم >السكن<

[ajmal 7anane33]

السلام اعليكم ورحمه الله وبركاته..

ياشبااااب انـآ انقبلت في الفيصل وبكرا بسحب ملفي من المجتمع القطيف

واحابه اني اسكن في سكن الجامعي

ابيـكم تفيدوني عنه كيف اسجل ومتى ؟؟
وكيـــف السكن نظيف؟ مش نظيف؟؟ تنصحوني به لو لا <<<<<<< اهم شي:000:
وياخذون مبلغ نقدي او لا؟؟؟؟

افيييدوووني لاهنتووو:011:

[دمعة الآهات]

جامعه فيصل بالأحساء هالسنه مااافيها سـكـن
لأنهم يعدلوا في المبااااني
والخبر أكيد أنا قاريته في موقع الجامعه
اذا تبي تتأكـدي
دخلي عليه عند الأعلانات وراح تشوفيه

[ajmal 7anane33]

يو والحين وش السواااة ؟؟
يعني كل يوم رايحه جايه من الدمام الى الحسااء دوووخه راااااااس =s

[Sara Ali]

خيه فيه اسكانات خاصه بالاحساء للطالبات تبع القطيف :)

[ajmal 7anane33]

كيف يعني مافهمت اختي وضحي لي ؟

[غنج بنوته]

يالله طيب انا مثلك يعني شنو الحل صعبه انا ساكنه بالخبر ويضيع وقتنا كله بالطريق صعبه وش نسوي

[ajmal 7anane33]

مااادري ان شاء الله البنات يفيدووونا =(

[غنج بنوته]

طيب الحين ابي ادخل على موقع للجامعه فيصل يقول لي بياناتك خاطئه وانا متاكده من رقم الجوال والسجل
وتوني اليوم موديه ارواقي البريد ابي اشوف كان وصلهم اوراقي والا لسه شنو الحل

[القلب النابض]

حتى تعرفين اذا
اوراقك وصلت او لا
http://www.ckfu.org/vb/t86123.html
دخلي على الرابط
ووضحي

[القلب النابض]

فيه سكن خااص
اكثر من عماره هنا بالاحساء اسمع بنات يروحون فيهم يسكنون

وفيه بنات يعتمدون ع القطار يوميا

[غنج بنوته]

طيب القطار مو اي وقت رح يكون يمشي يعني مو نفس الوقت الي مثلا نطلع من الجامعه يكون وقت انه يمشي وين هذا السكن الي البنات ساكنين فيه وهل اهو تبع الجامعه او سكن بفلوس غير سكن الامل

[جبروت ابتسامة]

لا ياختي سكن الجامعة وهو قريب جدا جدا من الجامعة وبالنسبة للقطار تحجزين ع حسب الوقت المناسب لج ولاكن السكن الجامعي الحكومي بس تدفعين لهم 500 تامين

[نهر الفردوس]

السلام عليكم اخوي في سكن وراء العثيم مول التاجير ب300 ريال بالشهر وموافق الدعاء ياخي المسلم

[ajmal 7anane33]

اهلا بنات مافي سكن جامعي صار :(

بس في سكن غير السكن الجامعي وهو قريب من الجامعه مثل الحماادي< يمدحووه
والخلف والرضا وغيرهم

اذا احد يعرف عنهم يفييييييييدني ارجوكم مافي وقت

[بشششـآئر]

طيب ابي اعرف السسكن مثل الحمادي اللي مو حق الجامعه يعني

بعد ممنووووع جوال كآميررررآآ ؟؟

[المتمكن]

الله يسهل عليكم دام جا القبول السكن مقدور عليه ان شاء الله

الله يعينكم يالبنات

[أميرة القلعة]

السلام عليكم ورحمة الله وبركاته


بشششآر

حبيت أقولك أن جوال الكاميرا عادي استخدامه داخل سكن الحمادي

[بشششـآئر]

ياالببى انتي قسسسم طيب ممكن تعطييني عنوان هذا السكن

ورقمه وكذا عشااان استفسسسر عنهـ ..

[أميرة القلعة]

السلام

بشششآئر هذي الأرقام وبإمكانك الإستفسار

القطيف: 8555124 03 تحويله 19
الإحساء: 5820611 03 مباشر جوال: 0531639677
جوال:**********

والموقع للمكتب في القطيف

موفق بإذن الله ... لك مني أجمل تحية

[ملامح توت]

ـالاحسآآء مقدوورَ عليه .َ , بس شتقولوون للي انقبلت بالخفجي .َ :(

،

لا وبعد مافي سكن لاحكومي ولا خاص بالله كيف تجي هذي ّ!


،

ـالمهم / ...

عندي لكمَ فكرهَ بما انهَ الحين السسكن الحكومي الخاص بالجامعهَ تحت الانشآء .َ ,ِ


روحوآ وتعآلوآ بالقطآر وكلها شهر أو شهرين بالكثييييير.َ ,ِ الا وصار السسكن َ


وتتسهل وتروحوون هنآآك .َ هي مسآلهَ انكمَ تتعودوونَ بسسَ ِ , ’ ِ

موفقين ياجامعيآآآت :p

[مناكير]

الله يسهل عليكم

حاسه بشعوركم ...

نفس الشعوري السنه الماضيه

اني سكنت في الامل حلو

وصحباتي سكانين في الحمادي يقولو زين

[شهود 22]

اناعندي عاادي بالقطار
بس ابي رقم الباص الي يوصل من القطار للجامعه
وخلونا كلنا بالقطار لين يتوفر السكن

اشرايكم

[نور الاعيان]

والله تراها صعبه تروحي وترجعي بالقطار
اني لما اضطر اني انزل يوم بالقطار وارجع الفجر اتعببببب مررره

احس يومي ضايع بين الجامعه والقطار والنوم
ابد مو تمام القطار
احسن شي السكن :119:

[بشششـآئر]

آمييرهـ انا سجلت بالحمآآدي انتي سآكنه هنآك رسلي لي اميلك اذا ممكن خآص

عششان ابي استفسسر عن السسكن آكثر ..

آشوف كيف حياتكم هنااك وكذذاا ..

[سواد الليل]

آمييرهـ انا سجلت بالحمآآدي انتي سآكنه هنآك رسلي لي اميلك اذا ممكن خآص

عششان ابي استفسسر عن السسكن آكثر ..

آشوف كيف حياتكم هنااك وكذذاا ..


كيفكم بنات .. الف مبروك على القبول وحياكم بالحمادي اني ساكنة بالحمادي من السنة الماضية الحمدلله مبسوطين بس اني بالعمارة الاولى اي شيء اني حاضرة :s3:

[غموض أنثى]

:love080:

موفقات بنــآت
الله يسهل عليكم
وتمشي أموركم كلها أوكي إن شاء الله
وحيــآكــم الله م ـــعـــآنــــا بالــ ح ـــمـــآدي
I miss you all
girls Hammadi
...!~* :g8:

:love080:

[هدايه]

ابارك لكم بقبولك في الجامعه
ويااارب سنة خير عليكم
بعرف سكن عندناا في الأحساء
أسمه سكن الرضاا لطالبات الجامعه ويجون فيه بنات من الدماام والقطيف
وفيه سياره تبع السكن توصلكم للجامعه لآن صديقتي من الدماام وساكنه فيه
موقع السكن : بجانب مطعم الصاقوره في النزهه
وبالنسبه للمواصلات من الدما م أو القطيف إلى الأحسااء صديقتي عاطيتي كرت الوعد الصادق للتوصيل الدخلي والخارجي للمملكه وهذا اللي يوصلهاا روحه وجيه
واللي حابه تاخذه مني تستفسر تراسلني بالخااص
وأي استفساار ثاني آنا حاضره
بالتوفيق

[حلم انثى]

اميره & غموض


وحشـــــــتـــــونـــــــــــي




ووحشني السكن و كل البنات




بالنسبه للاسكان الموجوده بالاحساء فيه " الحمادي , الخلف , الامل , نجمه الرضا " مقرهم القطيف

وفيه " تدابير " مقره الدمام


بالنسبه لي صار ليي سنتين بالحمادي و هـ السنه ان شاء الله الثالثه ^_^



بشائر انتي سجلتي في اي سكن واي شقه ..؟


وربي يوفق الجميع

[نبض الوجدان]

مرررررررررررررحبا بنااااااااااااااااااااااااااات

اني ساكنة بسكن الامل صارلي سنة والسكن مرررررررررررررره حلو ومعاملتهم حلوة

واسعارهم معقولة

حياكم بسكن الامل

[أميرة القلعة]

السلام

حلم أنثى أنتي بعد وووحشتيني

بشششآئر

وصلتك رساله خاصه فيها إيميلي

وأنا حاضره لأي طلب

مع تحياتي

:s3:

[MiS$ Amal ~]

السكن الجامعي انا شفته بالصور عند بنت عمتي وسالتها عنه
انا شفته نظيف من ناحية ننصح شيء راجع لك اذا عادي عندك تنحكرين لول يعنني تدرين دام ان سكن جامعي فآكيد
شروطه اكثر من شروط السكن الخاص .. انا بالنسبة للمبلغ اظن سمعت يأخذون تأمين 500 ريال
انا محتارة بين سكن الامل وسكن تدابير ~
فآبي اعرف الافضل من كل النواحي .. وإذا فيه صور لسكن تدابير حطوهم لي ..

[المتمكن]

الله يوفقك بسكن فيه يقولون الحمادي لبنات القطيف وسيهات

بس تصدقون من خلال تجربتي بالمنتدى احس جامعة فيصل 90% بنات القطيف ماكنت متوقع كذا

بس الله يوفقكم وتنور الحسا ياحليلكن فديت سوق السمش حقكم <<< ركزو على السمش


السمش بلغة القطيف بلغة الحسا fish:sunglasses2: