هل يوجد طلبة من الكويت ؟؟

[الراشد11]

مرحبا يعطيكم العافية حبيت اسال هل يوجد طلبة في الانتساب من دولة الكويت

وجزاكم اللة الف خير

[دفرة محد معبرها]

مرحبتين اخوي ايه فيه طلبه في الكويت

بالتوفيق :119:

[الراشد11]

مرحبتين اخوي ايه فيه طلبه في الكويت

بالتوفيق :119:



وينهم ما اشوف احد رد على بعدين دراستهم انتظام ولا انتساب ؟؟

[دفرة محد معبرها]

وينهم ما اشوف احد رد على بعدين دراستهم انتظام ولا انتساب ؟؟


اخوي الانتظام صعب على شان الدريق
والانتساب احسن لك والاختبار بالخفجي الانها اقرب شي

[الراشد11]

بس الظاااهر ما فية كويتي انتسااب الا اناااااااااااا

[دفرة محد معبرها]

بس الظاااهر ما فية كويتي انتسااب الا اناااااااااااا


فيه بس يمكن على شان الاجازه :hahahahahah:

[ابواياد]

مشرفة الملتقى بناس من الكويت

[حياة الرووح]

هلا والله اخوي راشد وحياك الله معانا

حاسه فيك انا كنت نفسك اول مادشيت كنت حاسه بغربه وابي اي احد من منطقتي ابي احس بالامان لكن سبحان الله

بسسسرعه وبوقت قصير حسيت اني بين اخواني وخواتي وحبيت المكان وصرت اول ما اشبك اول مكان افكر فيه الملتقى

الاعضاء هني يشجعون وكل شي فيهم يخليك تحب المكان اكثر بسببهم

عموما الحين نفس ماقالت اختي دفره فترة اجازه انطر شوي لين تبدا الدراسه وبتحصل اكيد مثل ما حصلت انا ناس من منطقتي مع اني كنت مأيسه احصل اي احد

اكيييد بتحصل اذكر مره وحده من الكويت كانت بتقدم انتساب بس كانت صغيره حيل واذكر اني نصحتها ماتقدم وتروح جامعة الكويت
احسن بما انها صغيره وفيه مجال تدرس انتظام بالكويت


المهم انت حاول ترفع الموضوع من وقت للثاني وبيتجمعون ان شاءالله


موفق خيووو

[الراشد11]

عسى ربي يوفقكم ما قصرتووو ومامن غربة كلنا ديرة وحدة

[حياة الرووح]

ربي يوفق الجميع ومافيها شك كلنا اخوان واعز

[الراشد11]

رمضان كريم

[روعة جنوني]

,


,,كنت هنآ,,,:g26:


للرفع~

[الراشد11]

للرفع

[الراشد11]

للرفع

[حياة الرووح]

لا حول ولا قوة الا بالله <<== كلمه عظيمه لا تدعوها تفارق السنتكم








<-- للرفع~

[الراشد11]

واحد يرفع والثاني يكبس بس ماكو كويتين اللة كريم

[حياة الرووح]

تو الناس الحين اجازه وانت ادرى باهل الكويت منو يقعد بالديره هالحزه مع هالجو المووت

اهل الكويت مطشرين الحين اللي بمصر واللي بسوريا واللي بالسعوديه محد فاضي

انطر الدراسه تبلش وانا اتوقع فيه طلبه من الكويت ..

ولو كان مافي الخفجي فيه طلبه كثير وجنه منطقه من مناطق الكويت مافرقت

[بناس]

ارررررحب الراشد وحياه منورين اخواني


افا اهل الكويت يسالون وانا موجوده



امر اخوي انا من الكويت ومستوى ثالث الحين


واعرف كل شخص يدرس من الكويت بس اتوقع انت الطالب الوحيد


لان الباقي كلهم طالبات بحكم ان البنات يبون بكالوريس اكثر


شوف بقولك شي انسى اي حد يقول موضي رفضت شهادات الانتساب مو معتمده


خل كل شي على صوب


انا شخصيا قبل كم اسبوع سالت التسجيل اللي بالعديليه تبع القبول بجامعة الكويت


وبنفسه المسئول هناك قال تقبلج الجامعه احول لها


بس ماكان في وقت اجيب من الاحساء شهاده مختومه اني خلصت سنه بجامعة فيصل


وثاني شي وهو الاهم ان الدرسه هنا سسسسهله ومقدوره عليها بعد ربي


وبكالوريس انتساب عقب ماستر بالبحرين او مصر هم بعد انتساب وووبس


واي سوال انا حاظره اخوي

[الراشد11]

iهلا اختي تشرفت بمرورج على طاري موضي لو امي اسمها موضي كان تبريت منها هههههه الحمد للة ان اسمها باسكال


انا رجاال جااي من جامعة عين شمس خلصت سنة ثانية ومصر ماعاد ابيها لو يقولون خلك واخر السنة تعال اخذ الشهادة

وقبلها سنة جامعة الكويت وهم خليتهاا


المهم انتي وين تختبرين الاحساء ولا الخفجي وشهو التخصص ودي اتخصص ادارة بس خايف من الا حصاء والرياضيات والانجليزي

واللة مدري وبعدين كم طالبة انتسااب معاج كويتيات وشلون بتعادلونها بعدين ؟؟؟ ومطرقة التعليم العالي قدامكم انا مسجل واللة ان اخر شي افكر فية التعليم العالي اللة ياخذهم

اللة يستر لا تدري بنت حمود وتوقفها بعد ههههههههههه يارب سترك

[بناس]

يووووه شكل مره ماتنبلع معك ؟


طيب ليه خليت عين شمس حلوه


اكيد صعبه والا هي من طقه حسن برشامه مدري علي ؟؟؟؟ <<محد يفهمها غيرك دامك من هناك


شوف الكويتين معي بس مو كثير اللي جنسيتها كويتيه لكنها كلهم عايشين بالكويت يعني مالهم نيه


يتوظفون برا الكويت


انا اختباراتي بالخفجي اكيد والاحساء مالنا علاقه فيها ابد ابد الا اذا نبي ورقه وعليها ختم وذي مانحتاجها كثير


كل شي على النت حتى ورقة حضور الاختبارات للموظف على النت تطبعها


والاداره وخايف من الرياضيات ؟؟؟؟؟


اسمع مادة الاحصاء والانجليزي عاد بالاداب اجباري اول سنه


لكن مواد الاحصاء هي خمس مواد بس ويقولون دسمه وبعدين شي اسااسي الرياضيات بالاداره


انت شوف طموحك شنو تبي وخذ اللي تحب وترتاح له


انا تخصصي علم اجتماع يعني اخصائيه بمدرسه او مستشفى


واذا مره مره افتح لي عياده عن طيبه كلينك :) :) امزح

[الراشد11]

لا عين شمس ما تعرف سيد برشامة ولا غيرة والعن جامعة شفتها واصعب جامعة وربي لا والديرة بعد تجيب الهم


حدها اسبوع سياحة ويخب عليها بعد ججعلك ما تدرسين فيها خلك بديرة ابو متعب ابرك لك

بالنسبة للاحساء واللة عروقي جنوبية وجماعتي كلهم وعزوتي كلهم في هالديرة الى اهي الهفوف بس طبعا ودي اختبر في الخفجي علشان من قريب وودي اخاف الاحساء اسهل من ناحية المراقبين وكذا

المهم التسجيل محتاجينك اللة يجزاج خير وترى التسجيل بكرة

[متعب الحفراوي]

اللة لايغير علينا

[بناس]

هههههههه متعب اللهم امين


الراشد حياك الله وين ماكنت عادي انا لي اهل بالحفر واقدر اختبر على راحتي هناك لكن ابي الخفجي


اقرب ولان تعودت على القرووب


وعلى طاري مصر بسالك عن شغله عقب وجربتها شهر واسبوع مو بدون اهلك وناسك


واذا على التساهل من المراقبين معانا هنا كثير من الخففجي يقدرون يقولون لك عن المراقبين


لان تقريبا مايتغيرون هم نفسهم


اتوقع على راحتك لان ماسمعت حد تذمر ,,اذكر حرام طلاب من ابها اتوقع ماتسوى عليهم اختبارات


مراقبين ماعندهم تفاهم حتى مرات يسحبون منهم الاوراق غصب وقدموا الطلاب شكاوي


لكن الخفجي سهالات سجل وتوكل على الله صدقني سهل

[الراشد11]

بناس التسجيل الحين متى بكرة ولا التاريخ الى ذكرتية 18 ــ9 ؟؟؟

[بناس]

لا 18-9 احنا اسفه غلطت


انتم باجر الله يوفقكم ان شاء الله بس ماقلت لي اي تخصص بتسجل ؟؟


شنو كان تخصص بمصر

[الراشد11]

لا انسي مصر وتخصصهاا اللة يكرها كنت حقوق

الحين ابى ادارة اعمال وبعدين شنو مستوى اول وثاني هل المقصود سنة اولى وسنة ثانية ؟؟

طبعا شهادتي سعودية ونسبتي 87 ادبي علوم شرعية و قبل سنتين متخرج

[بناس]

ااااي وصلنا خير حقوق الحين صج بسالك

بس على الخاص


مستوى اول اللي بالكورس الاول ومستوى ثاني اللي بالكورس الثاني

وانا مستوى ثالث اللي خلصت اولى وثاني بس:)

[بناس]

اي صح ترا يقبلونك اداره لان نسبه مناسبه للتخصص الحمدلله

[الراشد11]

ما اقدر ارد عليك خااص المشاركات ما صارت 100

المهم

السؤال الى سالتني علية اى صح بس جامعة القاهرة مو عين شمس

واى شي حاضر بس سجلينى بكرة هههههههههههههه

[بناس]

ههههههههههههههههه الله يقطع ابليسك

هههههههههههههههههههههههه انت تلمحهم او لا


<< مو مستوعبه


المهم ابشر ماطلبت شي << بدت مصلحه ههههههههههههه


برسلك خاص ولايهمك

[الراشد11]

لا خلى ولا عدم

[بناس]

ربي يسلمك اخيي هذا الواجب كلنا نتعاون

ربي يحفظك

[الراشد11]

هذا من طيب اصلك

[روعة جنوني]

سبحان الله وبحمده سبحان الله العظيم

استغفر الله استغفر الله استغفر الله

استغفر الله استغفر الله استغفر الله
استغفر الله استغفر الله استغفر الله

استغفر الله استغفر الله استغفر الله

[رنجه]

هلابك اخوي بينا وامتحانك عندنا بالخفجي خخخ

[روعة جنوني]

للرفع....

[الراشد11]

للرفعـــــــــــــــــــــ