تسجيل الدخول

مشاهدة النسخة كاملة : كلية الهندسة تخصص الهندسه الكهربائيه ؟

THE X.O
2010- 8- 11, 03:17 AM
بسم الله الرحمن الرحيم
السلآم عليكم ورحمة الله وبركاته

ياجماعة الخير .. عندي استفسار عن تخصص هندسة الكهرباء
وش الوظائف بعد التخرج ؟
مستوى صعوبة التخصص ؟
اذا عندكم معلومات عنه لا تحرمونآ منها

يعطيكم العآفيه :119:

الرجاء الرد بأسرع وقت
الرشيدي
2010- 8- 11, 11:33 AM
بسم الله الرحمن الرحيم
السلآم عليكم ورحمة الله وبركاته
وعليكم السلام
ياجماعة الخير .. عندي استفسار عن تخصص هندسة الكهرباء
وش الوظائف بعد التخرج ؟
انت صاادق انت جيب الشهادة وشوف بعدين واش الوظائف
لان تخصص الكهرباء من افضل التخصصات اللي فيها فرص وظيفيه
اول شي ارامكو تقبلك على طول
وسابك
وشركة الكهرباء
واذا تبغى المجال العسكري يعطونك ملازم بمقدمية سنتين
انت شد حيلك واموورك تهون ان شالله
مستوى صعوبة التخصص ؟
اذا عندكم معلومات عنه لا تحرمونآ منها
المستوى فيه صعوبه لكن مافيه تخصص بالعالم صعب مع المذاكرة
يعطيكم العآفيه :119:
ويعطيك
الرجاء الرد بأسرع وقت
اوك
S H ! F T
2010- 8- 11, 11:51 AM
اول شيء السلام عليكم وكل عام وانت بخير


بالنسبه للهندسه الكهربائيه


اعرف ناس تخرجو من كم جامعه ويقولون انه صعب شوي ومن اصعب التخصصات وانا اقول كذا لانك استشرتنا ومن اشستشارك دخل بذمتك


ثاني شيء محدوده على تخصصات مجالات معينه وشركات معينه يعني اوكي ارامكو تقبل بس مو كثير المهندسين الكهربائيين يعني اغلبهم تحطه بشغله ماله شغل فيها اللهم اسم انه خلص هندسه كهربائيه

وعندك الكهرباء اكيد بتقبلك ان شاء الله بس ماتدري يمكن عندهم اكتفاء بعد ماتتخرج وسابك بعد تقبل بس الشركات الكبار تاخذ هندسه كهربائيه بس مو كثير مررره


والله يوفقك
Truth
2010- 8- 11, 12:53 PM
انا الي سمعت انه مرغوب و بكثره و في اماكن متعدده. بالنسبه للصعوبه فيه صعوبه.
THE X.O
2010- 8- 12, 02:23 AM
طيب اي افضل .. هندسة كهربآء والا التخصصات الاداريه ؟
JUDGMENT
2010- 8- 25, 07:56 AM
بسم الله الرحمن الرحيم
السلآم عليكم ورحمة الله وبركاته

ياجماعة الخير .. عندي استفسار عن تخصص هندسة الكهرباء
وش الوظائف بعد التخرج ؟
مستوى صعوبة التخصص ؟
اذا عندكم معلومات عنه لا تحرمونآ منها

يعطيكم العآفيه :119:

الرجاء الرد بأسرع وقت

صباح الخير اخوي:

اما من ناحية الوظائف الشباب ما قصروا ، لكن يبدو لي من طريقة كلامهم ان تخصصهم مش كهرباء.
خلني افيدك بصفتي جونيور كهرباء :075:

اما الوظائف ، والمجالات واسعه جدا ولا يحضرني حاليا الا الاتي:

1- شركات الاتصالات .
2- شركات الكهرباء .
3- شركات البتروكيماويات كلها.
4-شركات الالكترونيات.
5-المقاولات او الاستشارات الهندسيه.
6-الشركات البتروليه.
وترا مجال البحث فيها واسع جدا....

اما مستوي الصعوبه لايوجد (في حالة كنت تمام في الماث) اما اذا حاس انك ماتقدر على الماث (لاتضيع وقتك)...

اتمنا اكون فدتك، وموفقين جميعا باذن الله.
digital man
2010- 8- 28, 10:25 AM
ياحبيبي

انت تتكلم عن ثاني اكثر تخصص مطلوب على مستوى العالم
بعد الهندسة الميكانيكية طبعا

والوضائف بكل مكان
ابتداء من الشؤون البلدية
لحتى وكالة ناسا لعلوم الفضاء

اذا انت براسك تدرس وكويس في الرياضيات زي ماقال jud.
فراح تمشي امورك

وغير كذا لازم تكون تحب الشغله نفسها وتستمتع بالشغلات الكهربائية وطرية تشغيلها

وبالتوفيق
المتمكن
2010- 8- 28, 01:56 PM
والله انا محتار بين الكهربائية والمكانيكيه بس احس اسم ميكانيكيه غير مستساغ

ياريت حد يفيدنا
المتمكن
2010- 8- 28, 01:57 PM
وشكرا والله موضوعك اخوي افادني الله يجزاك خير
digital man
2010- 8- 29, 07:55 AM
وشكرا والله موضوعك اخوي افادني الله يجزاك خير



اا
digital man
2010- 8- 29, 08:00 AM
والله انا محتار بين الكهربائية والمكانيكيه بس احس اسم ميكانيكيه غير مستساغ

ياريت حد يفيدنا

ليش تحس انه غير مستساغ؟

عند عامة الشعب والناس البعيدين عن الجامعات والدراسات الاكاديمية والموظفين خارج الشركات
يعتقدون ان المهندس الميكانيكي هو ميكانيكي سيارات

والكهربائي (مصلح لمبات)

يعني لما تشوف واحد يقول انا ادرس هندسة كهربائية مثلا تشوف بعض الناس تتكلم عن اللمبات بالبيوت والمشاكل الكهربائية في البيوت

لكن الموضوع اكبر من الصورة الي الناس تتوقعها


اذا انت هاوي الميكانيكا لاتفكر بالاسم

او تضلم نفسك في تخصص ماتبيه

واستخير واستشير والله يوفقك