ماذا ســيــحل بطــالــبات الســكن القدامــى.؟؟

[روح شفافة]

سلام من الله ورحمه عليكم

صبااحكم خير وبركه يااارب

بما اني طالبه سكن حكومي>>الفيصل طبعا<< حبيت اتطمن على مستقبلي الواعد:cheese:

والخبر الي منزلينه بموقع الجامعه انه مافي سكن سواء للطلاب او الطالبات

طيب واحنا وين بنروح ..هل بنظل في السكن..؟؟:Cry111:

ولا حالنا حال غيرنا..؟ واذا لأ ليش ماعطونا خبر من قبل..

بااقي اغراضنا ماشلناها :s3:

اتمنى من بنات السكن الي عندها خبر تفيدنا

عشان نعرف وش نسووي..:mh19:

وشاكرة لكم حبايبي


:love080:

[مناكير]

كلمنا السكن قالو فيه سكن السنه

[روح شفافة]

غريبه دام في سكن ليش حاطين الإعلان في موقع الجامعه..!!

مشكوورة قــمـــر

[مناكير]

لما كلمناااا قالووو في سكن واعرف بنت من الطالبات المستجدات راحت سجلت وشافت الغرفه بعد...

اما بنسبه للاعلان قالو ماعندهم خبر عنه اصلا:g2:

[(نسيم)]

مناكير
اخبريتني بأنك تعرفين بنت سجلت وشافت الغرفة
هل السكن حاليا مفتوح
يعني هل استطيع الذهاب وتقديم اوراقي
اتمنى ان ارى ردا سريعا لكي افعل مايلزم ومن اين قامت بالتسجيل
وسأكون شاكرة لك اختي الكريمة

[نرجسسه]

يعني اكوو سكن حكومي

طيب يطلبون بعد كشف طبي ومدري ايش ووين ذاا السكن ؟

وكيف نظامهم في الموااصلات في باصات للقطيف؟؟

[روح شفافة]

لا مايطلبون كشف طبي..

والمواصلا ت تكون بالقطار طبعا..

ولا توكلين لك سيارة مثل الحمادي او تدابير..في مجموعه بنات مسوويت كذا

[نرجسسه]

آهــــــــــاااا

[كشمش]

السلام عليكم

بالله يابنات اللي تعرف بنات مسجلين بسكن الدمام تقول لي

ارجوكم لاتبخلون علي

[ستوبـ انا ـتوب]

السلام عليكم

لو سمحتوا ابي طريقه التسجيل بالسكن وشو الاوارق الي اجيبها معي

وشكر جزيل,,,,,,,

[secret55]

الله يـ3ـينكم

[(نسيم)]

مناكير
اخبريتني بأنك تعرفين بنت سجلت وشافت الغرفة
هل السكن حاليا مفتوح
يعني هل استطيع الذهاب وتقديم اوراقي
اتمنى ان ارى ردا سريعا لكي افعل مايلزم ومن اين قامت بالتسجيل
وسأكون شاكرة لك اختي الكريمة

هل من رد أخوتي

[jooOooli]

بنات ولاعليكم امر ابي اعرف كيف اسجل بسكن الجامعه اذا في

لان انتوا تقولون في وبالموقع مكتوب انه مافيه

واذا فيه كيف اسجل فيه ومين اكلم؟؟

انا من لخبر وانقبلت بالاداب فالحساء

ابي رد الله يخليكم

[غنج بنوته]

وانا كمان ابي اعرف اروح الحين لهم اقدم او لا او انتظر بعد العيد مثل ماقالو لي لان اخاف اروح بعد العيد وما احصل سكن وصعبه انا ساكنه بالخبر وصعبه علي اروح واجي حتى لو كان بالقطار رح يكون تعب وياليت ياروح تقولين لنا كيف السكن هناك وهل مقبول ان نجلس فيه او ممل بشكل غير طبيعي
انتظر ردودكم

[روح شفافة]

بنات ولاعليكم امر ابي اعرف كيف اسجل بسكن الجامعه اذا في

لان انتوا تقولون في وبالموقع مكتوب انه مافيه

واذا فيه كيف اسجل فيه ومين اكلم؟؟

انا من لخبر وانقبلت بالاداب فالحساء

ابي رد الله يخليكم

تروحي الى السكن نفسه وتقدمي اوراقك

وهم بيقولوا لك وش المطلوب بس العادة..صورة من بطاقه العائله ونسخه من شهادة الثنويه..

ورقه من عمدة المنطفه الي انتي فيها(الخبر)..ومبلغ تأمين 500 ريال..ونسخه من جدولك الدراسي لما تستلميه

موفقه

[روح شفافة]

وانا كمان ابي اعرف اروح الحين لهم اقدم او لا او انتظر بعد العيد مثل ماقالو لي لان اخاف اروح بعد العيد وما احصل سكن وصعبه انا ساكنه بالخبر وصعبه علي اروح واجي حتى لو كان بالقطار رح يكون تعب وياليت ياروح تقولين لنا كيف السكن هناك وهل مقبول ان نجلس فيه او ممل بشكل غير طبيعي
انتظر ردودكم

اتصلي استفسري اول لا تروحي مشوار ويطلع مسكر..اتوقع دوامهم بيكون بعد العيد..

السكن صراحه انا اشوفه حلو ومرتب وهدوء..للي يبي طبعا..والي يبي ازعاج يعرف شلون يلاقيه..

ماعلينا..السكن كـكل..جو مناسب للمذاكرة وتكوين صدقات جديدة..والتعرف على بنات وعادات غير..

مــافي انترنت..فيه تلفزيون بس مو كل المحطات.

فيه كافتيريا وصاله رياضه..

جوال كاميرا ممنوع بالسكن..لابتوبك مو مشكله غطي الكميرا..ومايصير تفتيش الا نادر

وبس هذا الي عندي..

مــوفقه

[Mr-GaGa]

أخواااااااااااااااااتي

ما عندكم خبر من ناحية وضعنا كطلاب لنا نصيب من السكن ولا لا ؟؟
لأن بعد خبر عدم توفر السكن الطلابي ما ادري فيه سكن ولا

ياليت تفيدنا يا أهل الخبره

[روح شفافة]

اخوي والله ماعندي خبر..

بس سكنكم شفته من برا..واضح عليه قديم مرره

يمكن صحيح يعموا له ترميم

وفقت

[غنج بنوته]

طيب اقدر اجيب يعني معي لابتوب وكنكت يعني دام مافيه انترنت اقدر اجيب هذا وكيف هل السكن زحمه او شنو وكف اذا بطلب من المطعم وماعجبني الكفتيريا الي عندهم>>> ماتحاتي الا الاكل لبطنها
لا بس لازم نعرف شنو ناخذ معنا شنو غير الاوراق كيف قصدي من ناحيه كل شيء

[روح شفافة]

طيب اقدر اجيب يعني معي لابتوب وكنكت يعني دام مافيه انترنت اقدر اجيب هذا وكيف هل السكن زحمه او شنو وكف اذا بطلب من المطعم وماعجبني الكفتيريا الي عندهم>>> ماتحاتي الا الاكل لبطنها
لا بس لازم نعرف شنو ناخذ معنا شنو غير الاوراق كيف قصدي من ناحيه كل شيء

اي عادي تجيبين لابك وكنكت..مو مشكله

السكن اشوفه عادي مو زحمه يعني الغرفه مكفيه البنات

وفي مطاعم ماشاء الله وبقاله تقدرين تطلبي ويوصلوا لك..ومسموح لك تطلبي من الساعه 6 الصبح الى الساعه 12 بالليل

[al7o0or]

:: طيب في احـد عنده علم إذا كان هذا الاسبوع فيـه دوام عندهم ولا ؟!
لأنو اتصل إلى الجامعه وإداره واشراف السكن بس لامجيب .. :(

[غنج بنوته]

وانا كمان اتصل وماحد يرد ومليت وانا اتصل كمان
يعني اذ ماعجبني المطاعم الموجوده الي في الجامعه عادي اطلب من برا الجامعه وليه كم بنت سكون بالغرفه لاتقولين اكثر من ثنتين

[روح شفافة]

طبعا تقدري تطلبي من برا..

ونظام الغرف يكون ثنائي فقط..

[غنج بنوته]

اها كويس اذا كان كذا طيب اذا احد رح يجين للسكن عادي مثلا يعني صقيقتي اواختي هيك يعني عادي او ممنوع
وطيب اذا سكنا بالسكن شنو نجيب معنا من اغراض مثلا قولي اي شيء >> عشان تجهز البنت حالها
واقدر اختار روميتي بالغرفه