تسجيل الدخول

مشاهدة النسخة كاملة : الله يوفقكم الله يرزقكم الجنه سؤال ضروري قبل انتهاء التسجيل

خجل الورد
2010- 8- 17, 06:38 AM
السلااام عليكم


كل عام وانتوا بخير

وتقبل الله صيامكم وقيامكم


اخواني انا من دفعة 2008 .. دارسه بالأحساء في كلية الزراعه .. ولظروف انتقلت للدمام

فقررت اسجل بالأنتساب المطور << اختصرت السالفه :mh001:

وفعلا سجلت .. بس خايفه مايقبلوني لسببين

1 - ان دفعتي ماكان فيها قدرات ولا تحصيلي .. يعني انا ماعندي لا درجة تحصيلي ولا قدرات
2- اني لسا ماسحبت ملفي من الجامعه في كلية الزراعه .. :Cry111: خايفه اسحبه وما انقبل بهالمطور .. وخايفه اخليه وانطرد من المطور :g2:

احترررت ياليت تسااعدوني للي عنده خبرره ربي يسعدكم :011:
my Dreams
2010- 8- 17, 06:47 AM
أهلا اختي والله يكتب لك التوفيق في الدنيا والاخره شوفي وانا اخوش بالنسبة لموضوع التحصيلي والقدرات هذا غير مهم في التسجيل لانه فيه متقدمين كثير من سنوات سابقة وما طالبون غير بنسبة الثانوية العامة فلا تشيل هم .
اما حكاية سحب ملفك فلا تستعجلي بسحب الملف الحين انتظري الى 20 /9/1431 هـ يوم إعلان نتائج القبول في الانتساب المطور واذا تم قبولك إن شاء الله روحي اسحب الملف واعلمي ان عندك فرصة من 20 رمضان وحتى 20 شوال لتسليم الاوراق وتسديد الرسوم وبالتوفيق لك يا اختي
يـآرب توفـيـقكـ
2010- 8- 17, 06:52 AM
ماقصر الأخ my Dreams

هذا التقويم http://www.kfu.edu.sa/ar/Deans/elearning/Pages/calender.aspx

بالتوفيق للجميع
خجل الورد
2010- 8- 17, 06:57 AM
الله يجزاكم الجنه قولوا امين ^^

طيب كيف اعرف اني انقبلت .. لاني حطيت رمز سري بس تقولي صديقتي انهم يحطون اسم المستخدم بالاخير
وانا سكرت الصفحه بدون ما اتاكد :(
حياة الرووح
2010- 8- 17, 07:06 AM
ماقصروا اخواني قبلي بس تعديل على كلام اخوي معاج فرصه لتسليم الاوراق وسداد الرسوم لحد 18 > عشره

ورقم السجل المدني والباسوورد اللي ادخلتيه اثناء التسجيل كافي لمعرفة نتيجة القبول عموما احتمال يرسلونها على الجوال بعد

موفقه
my Dreams
2010- 8- 17, 07:08 AM
الله يجزاكم الجنه قولوا امين ^^

طيب كيف اعرف اني انقبلت .. لاني حطيت رمز سري بس تقولي صديقتي انهم يحطون اسم المستخدم بالاخير
وانا سكرت الصفحه بدون ما اتاكد :(

اللهم امين . النتائج تعرفينها من خلال بوابة الجامعة الالكترونية وذلك عن طريق رقم الهوية الي سجلتيها والرقم السري وبامكانك الحين تروحين وتسوين استعراض لطلب القبول وراح يطالبك برقم الهوية والرقم السري فقط والله يوفقنا واياك اجمعين
my Dreams
2010- 8- 17, 07:15 AM
اختي ترى أخر موعد لإرسال الاوراق والسداد هو يوم الثلاثاء 12/10/1431هـ الحين شفته بالتوقيت الزمني وذلك نتيجة تغير الموعد اكثر من مره من قبل ادارة الجامعة بس هذا هو الموعد النهائي حتى هذه الساعة ولو تغير راح افيدك بالتغير