كيف هي الدراسة في الأنتساب المطور

[siham]

بسم الله الرحمن الرحيم
سؤالي الأول :
أبغى اعرف عن كيفية الدراسة للأنتساب المطور العام ويما أنه عن بعد هل لازم اتابع المحاضرات التي تبث مباشرة عن طريق النت ام عادي اشوفها معاده و هل فيه واجبات نسويها
وسؤالي الثاني :
لو كنت أبغى اكمل سنتين فقط من الدراسة بالجامعة كدبلوم هل ممكن ولا لازم اكمل 4 سنوات لأني خايفه مااقدر تحصل لي ظروف تمنعني اسدد باقي الرسوم :011:
ارجو من الطلاب القدامى او ممن لديه معرفة ان يساعدني

[حياه]

سؤالي الأول :
أبغى اعرف عن كيفية الدراسة للأنتساب المطور العام ويما أنه عن بعد هل لازم اتابع المحاضرات التي تبث مباشرة عن طريق النت ام عادي اشوفها معاده و هل فيه واجبات نسويها ؟؟

نفس سؤالي

[صموته الدلوعه]

موفقييييييييييين

[فايز الكلثمي]

اتمنى تفصلووولنا موضوع التعليم عن بعد دا بليز

[المراكشي]

اللي اعرفه ياشباب انك اهم شي تحضر الامتحانات ولا في واجبات بالنسبة للمراجعة عند ملخصات ومحاضرات مباشرة ومسجلة احضرهازي ماتبي صراحة انا ربعي مجربين وماشي امورهم

بالتوفيق يارب

المراكشي

[siham]

اللي اعرفه ياشباب انك اهم شي تحضر الامتحانات ولا في واجبات بالنسبة للمراجعة عند ملخصات ومحاضرات مباشرة ومسجلة احضرهازي ماتبي صراحة انا ربعي مجربين وماشي امورهم

بالتوفيق يارب

المراكشي

مشكووووور اخوي لكن تبقى مشكلة من يريد اكمال سنتان فقط وليس 4 سنوات ياليت لو احد يجاوبني على هذا الموضوع

[عزيز]

اما عن طريقة الدراسه

فعن طريق البلاك بورد تدخلين بالباسوورد حقك والدكتور يسجل حضورك بمجرد دخولك وتستطيعين ان تشاهدي المحاضرات على الهواء مباشره او مسجله وسوف تجدين كل شي عن دراستك وعن المراجع والملخصات وكل شي في بالك


يعني دراستك عن طريق جهازك في البيت ولاتحضرين الجامعه ولاتشوفيها اصلا وحتى شهادتك يرسلونها لك

يعني لسان حالهم ( مانبي نشوفكم نرسل لكم كل شي وانتوا في مكانكم لاتغثونا) ههههههه


اما عن الاختبارات
فراح تكون في الرياض في مجمع مدارس اهليه نسيت اسمها بس راح تعرفينها من خلال الموقع وهي على حسب علمي بين مخرج 15 و 14 في شرق الرياض

وطريقة الاختبار سهله عباره عن اختيارات تختارين والنتائج برضوا عن طريق موقع الجامعه وحتى اذا اردتي ان تاخذي اجازه اختبارات فهناك الجدول الخاص بك مكتوب فيه اسمك وجدول الاختبارات ومختوم بختم الجامعه
بس لازم توفرين طابعه ملونه عشان يطلع الختم ملون ويكون رسمي وهو معترف به نظاميا


واي استفسار انا او الاخوه هنا في الخدمه


كل هذه المعلومات اخذتها منهم فديت خششهم ولا يحرمنا الله من نفعتهم فهم اثبتوا بجداره انهم حقين فزعه

وسلااااااااامتك

[عزيز]

الرد اعلاه نسخته لاني جاوبت احد الاخوات بنفس سؤالك


اما عن طريق التوقف عن الدراسه فهناك مجال لان تؤجلين الفصل الدراسي لين تتحسن ظروفك وكل هذا تجدينه في موقع الجامعه

اما عن مسأله شهادة الدبلوم فما عندي خبر فلعل احد الاخوان او الاخوات يجاوبونك

او بأمكانك مراسله الجامعه في نفس الموقع ( اسئله واستفسارات ) وما راح يقصرون معك ان شاء الله

[DewDrop]

لو كنت أبغى اكمل سنتين فقط من الدراسة بالجامعة كدبلوم هل ممكن ولا لازم اكمل 4 سنوات لأني خايفه مااقدر تحصل لي ظروف تمنعني اسدد باقي الرسوم :011:
ارجو من الطلاب القدامى او ممن لديه معرفة ان يساعدني

الدراسه هنا هي بكالوريوس وليست دبلوم
وبامكانك تقللي الرسوم بتقليل عدد الساعات المسجله في كل سمستر لكن راح تزيد سنين الدراسه

وبالتوفيق

[siham]

شكررررررررررا ً اخوي عزيز وDewDrop
والله يعطيكم العافية