المقبولين في الرياض

[باسل.]

السلام عليكم

الف مبروك للي انقبلوا وعقبال الباقين

نبي نشوف اللي نقلبوا بالرياض كملو 20 شخص عشان يفتحون لنا مركز اختبارات

انا قبلوني اداره اعمال ..

يالله بالتوفيق للجميع

[نايس]

انا معك

ومعاي 2 بالرياض بس مو مسجلين بالمنتدى

وشكرا

[عظيم الشوق]

هلا باسل حياك

ههههههههههههه
حلوه تقول يكلمون 20

انا رايح مستوى ثالث

واللي يختبرون معنا بس في التربية الخاصه يمكن 200

ومجموعهم كلهم يمكن فوق الـ500 طالب وطالبه

لاتخاف
وترا اختبارهم في المدارس النموذجيه اللي على شارع عنيزه
الله يوفقم يارب

[بن منبه العالمي]

السلام عليكم

انا قبلوني ادارة اعمال ومعي واحد من اخوياي ادارة اعمال

بالنسبة يا عيال هل اقدر اغير التخصص واختار تربية خاصة

الا بسالك يا عظيم الشوق التربية الخاصة صعبة والا سهلة

[التغلبي2008]

ياحبيبي ما يحتاج تسأل عن العدد

طلاب الرياض كثير ومفتوح لهم مركز بالتأكيد

الي يسأل اهل المحافظات الصغيره مو اهل الرياض

[عظيم الشوق]

الا بسالك يا عظيم الشوق التربية الخاصة صعبة والا سهلة

كل انسان وميوله طبعا

بالنسبه لي اعتقد انها سهله واغلب موادها تعتمد على الحفظ

غير المستوى الاول لابد يكون فيه انجليزي ورياضيات لانها مواد تاسيسيه

واذا انت رغبت اداره اعمال خلك فيها نصيحه

[عالي الطموح]

مشاء الله عليك يا عظيم الشوووق الله يوفقك ويسهل عليك

طيب كيف دراسة التربية خاصه سهله والأ صعبه

انا من الرياض وتخصصي تربيه خاااصه

بس وين تكون الاختبارات فيه في اي حي من الرياض؟؟

[نايس]

عظيم الشوق

الاختبار بالصباح وبالمساء ولا بالصباح فقط

لاني موظف وطلعتي بالصباح صعبة

[عظيم الشوق]

Quote]
انا من الرياض وتخصصي تربيه خاااصه

بس وين تكون الاختبارات فيه في اي حي من الرياض؟؟ [/quote]


سهله والحمد لله بس شد حيلك عشان المعدل يطمر فووووق

الاختبارات ياطويل العمر في المدارس النموذجيه اللي على شارع عنيزه بين مخرج 13 و14 حي الريان

جنب الكلية التقنيه

والله يوفقك يارب


عظيم الشوق

الاختبار بالصباح وبالمساء ولا بالصباح فقط

لاني موظف وطلعتي بالصباح صعبة



الاختبارات تكون الساعه 4 العصر الى 6 هاذي الفتره الاولى والثانيه بعد المغرب الى العشاء هاذي الثانيه اذا كان عندك باليوم اختبارين

بالنسبه اذا انت موظف قبل الاختبار باسبوعين ينزلون على نظام الطلاب ايقونه حق اعذار الموظفين وتنزيل الجدول
تطبعه توديه عملك وان شاء الله يعفونك اسبوعين مده الاختبارات

والله يوفقكم

[Mr.BooB securit]

آه .. مــا ارق ( الــريــاض ) تــالــي الـلـيـل ..
إنـا لــو آبــي ..
خــذتـهــا بــيـــده ..ا ومــشـينــا ..

[Ranoooosh]

على علمي انه متوافر بالرياض والعدد كثير عموماا انا ومعي 3 بنات والله يوفقنا ويوفقك الجميع

[سعد الشمري]

انا قبلوني في الدراسات الاسلاميه انا في الرياض

[ابو ريم]

انا 23


تغبل مروري الساعه 6.38

[shammakl]

انا ماقبلوني للاسف

[أررريج]

صديقاتى كلهم اختبرو بالرياض الي سجلو العام انا انقبلت

[zaman alsamat]

الحمدلله تم قبولي إدارة اعمال

وان شاء الله الاختبار بالرياض


بس فيه استفسارات للدفعات السابقة

المحاضرات كلها نقدر نشوفها صوت او فيديو

هل فيه كتب ترسل لنا وملخصات

ودنا بأصحاب الخبرات السابقة تفيدنا كثير << المحترفين نقصد ههههههههه:mh35:


وتقبلو كل الشكر والتقدير

[باسل.]

حلووو بالتوفيق لنا كلنا

طيب لاهل الخبرات كيف الاختبارات سهله ؟؟

ومشكورين حبايبي على المشاركه

[ام الدانه]

السلام عليكم
انا قبلوني علم اجتماع
شكراً اخوي عظيم الشوق ريحتني بموعد الأختبارات لأني موظفه وشلت هم من الحين
وصعبه استأذن كل يوم مشكوووره الله يوفقك

[اموون الرياض]

انا معكم بالرياض ...
انقبلت بادارة الاعمال ...
ابغى اعرف وين مقر اختبارات الرياض للبنات
وكيف طريقة الاسئله ؟

[بناس]

هلا اخوي ولاتشيل هم اكيد في مركز بالرياض من العام موجود :)

تفضل هنا والسموحه

http://www.ckfu.org/vb/t93543.html

[رغادي]

الله يطمنكم
كنت شايله هم هالشي , كيف أضمن وجود مركز اختبارات بالرياض
مادفعت رسوم ولا أرسلت أوراقي لما أتأكد :cheese:
أنا سجلت انجليزي :g2:

[ابوالجوهره]

انا مقبول في الرياض

ومعي حوالي 12 شخص اعرفهم

اسئل الله التوفيق للجميع

[meteb4u]

شـكــ وبارك الله فيك ـــرا لك ... لك مني أجمل تحية .

[اه ياقو قلبك]

حلووو كثير العدد مشالله
اتمنى للجميع التوفيق

[سوووفت]

فديت الرياض واهلها
انا اتوقع إن عدد الطلاب اللي من الرياض اكثر من طلاب الشرقيه >>> انت بس شف زحمة خريص
يمكن خلال سنتين الجامعه كلها تنقل الرياض مو بس مركز اختبارات >>> وش يحس به

انا قبلوني تربيه خاصه احم احم يعني اقول لطلاب التربيه الخاصه انسوا الاول على الدفعه << الولد شاطر
بالتوفيق للجميع وعقبال التخرج


تحيااااااااااااااااااااااتي

[محمــــــــــد]

قلت لي بين مخرج 13 و 14

والله مشوار .. مافيه شي حول الملز :no2:


اجل من غير رسوم اشتراك كل ترم .. بجهز لي ميزانية لتسديد مخالفات ساهر :150:

عموما ربك يعين ومشكورين جميعاااا

[عظيم الشوق]

بس فيه استفسارات للدفعات السابقة

المحاضرات كلها نقدر نشوفها صوت او فيديو

هل فيه كتب ترسل لنا وملخصات

ودنا بأصحاب الخبرات السابقة تفيدنا كثير << المحترفين نقصد ههههههههه:mh35:


وتقبلو كل الشكر والتقدير

هلا اخوي
طبعا المحاضرات جميعا بالصوت او الصوره كلها موجووده
وبالنسبه تبغى تسمع المحاضره وتسجل منها
او الدكتور يوصيك بكتاب
او بعض الدكاتره جزاه الله خير ينزل ملزمه زي الملخص وراح تجيك الاسئله منه يعني ملخص لنا كتاب او منهج من عنده
وهذا من صالحنا

وتقدر تطبعها من النت وكل محاضره تنزل معاها ملزمه وتقدر تطبعها اول باول

وبالتوفيق لـك

قلت لي بين مخرج 13 و 14

والله مشوار .. مافيه شي حول الملز :no2:


اجل من غير رسوم اشتراك كل ترم .. بجهز لي ميزانية لتسديد مخالفات ساهر :150:



والله اعتقد يالغالي مكان الاختبار جدأ ممتاز لانه بوسط الرياض وكلن يعرفه

احسن مركز اختبار بالرياض والا تروح الاحساء عشان تختبر

مافرقت ترا الملز مخرج 15 مابينك وبينه الا عشر دقايق

وانصحك تشتري ايفون وركب فيه برنامج الردار عشان يعلمك وين مواقع الكاميرات ^_*

[رغادي]

عظيم الشوق [ بما انه شكلك صاحب خبره :g20: << بتنشب لك

في تسجيل حضور المحاضرات ؟ لأن كأني قريت كذا ع الموقع
بس نسيت وين :mh19:

[بن منبه العالمي]

ياعظيم الشوق يا بعد سبدي


المهم انا المحاضرات كلها عن طريق النت صح انا ادراة اعمال هل هي عن طريق النت المحاضرات

وهل المحاضرات كل يوم نشوفها والا وشو افيدنا ياقلبي

وبعدين كيف اعرف المحاضرات وصاحب الماده هذي ومدري وشو

بعدين انا خشيت على البانر مدري وشيهو عيا لا يفتح معي الموقع مادري ليش

افيدنا