وحدة انقبلت بالانجليزي

[(كلمات)]

السلام عليكم مثل ما هو واضح انا انقبلت بالقسم الي كان نفسي فيه و بصراحة انا مو كل هذا بالانقليزي يعني اعطي نفسي المستوى الثاني ومتحمسة جدا للدراسة بس خوفني الناس من القسم وجابولي الاحباط
يقولون ما فلحو المنتظمين تبين تفلحين
والحين ابي منكم نصايح تحمسني وشلون اذاكر وايش المطلوب الله يخليكم ويعافيكم يارب لا تتركوني .
ونقطة ثانية الحين ابفهم المستوى الاول لكلية الاداب موادهم وحدة .

[BOSHHAD]

ما عندي خبرة لكن الي اعرفه ان اول سنتين سهل .. مب صعب الانجليزي في فيصل ..
وكنت بختار انجليزي مع اني يدوب مستوى اول .. لكن حبيت تربية خاصة لنها اجتماعية اكثر ..
ولا تخافين ولا شي .. والي بيجيبون نسب مب احسن منك// والله يوفقك !ّ

[Mnal]

مافيه شي يخوف مع العزيمه والاصرار ودامك حابه الانجليزي لاتخافي ربنا يساعدك اهم شي المذاكره,,,,,,,,,,,,, بالنسبه لسؤالك الثاني نعم طلاب المستوى الاول يدرسو ن كل المواد..مع كل الاماني للكل بالنجاح’’’

[عطرالوفاء]

حتى انا والله انقبلت انجليزي وونفسي اتخرج منه
ولاتسمعين للي يحطمونك ابدا
خليك اقوى منهم
وان شاءالله بنتعاون كلنا ونفيد بعض

[محمــــــــــد]

لا تصدقين كلام احد

كلن ومجهوده الانجليزي سهل

اهم شي تحبين التخصص

وكثري من متابعة الاشرطه التعليميه للغه ... واقري جرايد انجليزي حتى لو ما فهمتي

اللغه الانجليزيه سهله لا تحبطين من اولها

الموضوع اسهل مما تتخيلين

واله يوفقك

اما سؤالك الثاني فلا علم لي والله

وبالتوفيق

[عز الشوق]

مع الجد والاجتهاد مافيه شي صعب

[لــوســي]

ياليتني أنقبلت أنجليزي بس .. والله مابخلي حد يحطمني ..

مستقبلها حلوو .. وهو التخصص الوحيد اللي أذا درستيه تستفيدين منه في حياتك اليوميه

يعني حتى لو ماتوظفتي أو لقيتي عمل .. ماراح تكونين خسرتي ..

أحب الأنجليزي .. .وأذا حبيتي التخصص بتنجحين فيه ..

ويمكن اللي مانجحوا أنتظام ماكان فيهم الحماس ولا الرغبه ..

والأنتظام بصراحه معقد شوي .. مو زي الأنتساب المطور ..

أي غياب أو عدم حضور ينقص من معدلك .. أي شرود أثناء المحاضره راح يفوتك شيء مهم ..

بس الأنتساب قاعده في البيت بدون دوام أو ضغط .. ومتى ماروقتي فتحتي المحاضره ومافي شي بيفوتك

يعني شدي حيلك ولاتخافين ..

[(كلمات)]

الهبنقه عطرالوفاء محمــــــــــد عز الشوق لــوســي boshhad
الله يعطيكم العافية وما قصرتم ما تتصورون وشلون انرفعت معنوياتي

[رضا]

يجب علية التشد الحيل والتوفيق بيد الله
والترم الاول والثاني سهل

[المستحيل20]

انا دخلت انجليزي وربي يوفق

[فهد الراكة]

أنا بعد دخلت إنجليزي والله يعين

عندي الأساسيات في الإنجليش عشاني درست سنة لغة قبل كذا بس ولو الدراسة هنا اصعب

نبي واحد من المنتظمين يكون حولنا ويساعدنا

خاصة في السنة الأولى :Cry111:

[(كلمات)]

رضا مشكور
المستحيل 20 فهد الراكة الله يوفقنا يارب

[3z๏uẕ Aļt7ļẹaђ]

مافيه شئ بهالدنيا صعب وأنا متأكد بإذن الله إنك راح تتخرجين بمعدل طيب
لكن بشرط أن تكون عندك الرغبه ..
ولايغرك كلام الناس كلن يتكلم على هواه ..


الألماني ألبرت إينشتاين عالم الفيزياء النظريه يقول :

- أهم شيء هو ألا تتوقف عن السؤال.

- لا تقلق من العوائق التي تواجهك في الرياضيات، فأنا أؤكّد لك أن عوائقي أكبر بكثير.


مع تمنياتي لك وللجميع بدوام التوفيق بالحياة العلمية والعملية .,

[سماء الفجر]

انا بعد معاكم انجليزي وياما سمعت من كلمات التحبيط لكن مع العزيمه وشده الحيل الله يسهلها باذن الله اتمنى للجميع التوفيق
اما بالنسبه لكيف تدرسين نصيحه بما ان المستوى الاول اكثر مواده عربي حاولي تستغلين الوقت ودايم تسمعين راديو او تشوفين برامج انقلش بدون ترجمه تتعود اذنك على السماع واقري كتيب وقصص ابدي بقصص الاطفال وهذه الشي انا اسويه الحين بعدين ان شاء الله بنتطور ونقرا لشكسبير ههه

[(كلمات)]

3z๏uẕ Aļt7ļẹaђ الله يعطيك العافية ما قصرت
سماء الفجر يارب متى يجي ذاك اليوم الي نقراء فيه الروايات

[لبنونه]

وانا بعد انجليزى توكلى على اللة وهاذا بعض الناس تخصصهم تحبيط ماعليك منهم كلناا بعون اللة بنوريهم منو احناااباذن اللة الى الامام سر

[المكيل]

ان شاء الله ييسرها ويسهلها ربك ..... بس لابد يكون فيه جهد واجتهاد .... انا درست فترة لغة برا وكانت المدرسة تقول لنا لازم تذاكرون بالبيت عدد الساعات اللي تدرسونها بالفصل ...... ودائما ينصحونا نشوف التلفزيون ونكثر من السماع خصوصا ( الاخبار )
والقراءه بعد ... حاول تقرين الجرايد باللغة الانجليزية ... واقراء اخبار او معلومات عندك فكره عنها عشان تربطين بين معلوماتك عن الموضوع وبين المكتوب بالانجليزي
انا سجلت معكم للمرة الثانية بس الله ماكتب لي التوفيق وما انقبلت .... والترم الجاي ان شاء الله ناوي اسجل ... وان شاء الله تصيرين انت اللي تعلمينا ونستفيد منك