الله يوفقكم ردو علي والله خااااااااااااايفه

[هبوب نجد]

السلام عليكم ورحمة الله وبركاته


انا ولله الحمد انقبلت بادارة الاعمال طبعا كانت رغبتي الثانيه بعد الانجليزي
بس الخيره في مااختاره الله



المشكله اني من يوم جتني الرساله اللي فيها قبولي وانا شااايله هم وانواع الوسواس
يعني فرحتى ماكملت






اكيد بتقولون ليه ؟؟



السالفه اني قبل ثلاث سنوات تقريبا غيرت اسمي :011:

واسمي بالشهاده القديم وبكرت العائله طبعا الجديد


طبعا اذا جيت برسل الاوراق المطلوبه راح ارسل معها صوره من الكرت القديم وصوره من الجديد وراح اكتب لهم اني مغيره اسمي وبرسل الورقه اللي من الاحوال اللي فيها اني غيرت اسمي من .... الى ......



السؤال تتوقعون يقبلوني والا يرفضوني ؟؟؟


وربي خاااااااااااااايفه انهم يرفضوني بموووت قهر كنت احلم بالجامعه :011:




ياليت اللي عنده خلفيه بالموضوع يقوووول لي

[المستحيل20]

دامك وضحتي لهم ان شاء الله بيقبلونك لا تخافي

بس ودي انك تطلعين وثيقة جديدة بدل فاااقد افضل لك وارسليهااا لهم ( ^_^ )

[سمو الألم]

أفضل لك لأني أعرف وحدة مثلك شهادة التخرج باسم ووثيقة الشهادة الجامعية اسم فاضطرت تطلّع شهادة ثانية حتى يسمح لها انها تتوظف أو تقدم أوراقها بدون إشكال ودامك وضحتي مو مشكلة ومثل ما قال أخوي عاشق المستحيل طلعي بدل فاقد وأرسليها

[عظيم الشوق]

مافيه الا حل واحد

تروحين لاداره التعليم وتقولين لهم شهاتي ضايعه وطلعي بدل فاقد وتطلع لانها اعتقد ترفع وتاخذ اجراءاتها اسبوع على ماتجي الشهاده

وترفقين صوره من كرت العائله واقرار انك مغيره اسمك لاداره التعليم البنات وان شاء الله مايردونك خايبه

او سوي الطريقه اللي قلتيها انتي


والله يوفقك

[ابو نـواف]

مادام معاك الورقه الثبوتية بتعديل الاسم من الاحوال لا يهمك شي ان شاء الله يقبلونك وما فيه نظام بالجامعة يمنع من ذلك .
فقط قومي بارفاق صوره من الاصل ، ويمكنك اول بداية الدراسة بعد العيد ان تقومي بمراجعة ادارة التربية والتعليم - قسم شؤون الطالبات او قسم الاختبارات في المنطقة التي حصلتي الشهادة منها ويتم تعديل الاسم بالشهادة في اسرع وقت ومن ثما ارفاقها مع باقي الاوراق .

[اه ياقو قلبك]

ماعندك اي مشكله انشالله
دام اوراقكك كلها بالسليم

[محمــــــــــد]

ان شاء الله يقبلونك

الجامعه فيها ناس واعين ومرت عليهم كثير حالات مشابهه

توكلي على الله

[هاوي الشمال]

اختي اذا تطابق الاسم الجديد في شهادة الثانوية العامة وفي كرت العائله
اعتقد لا مشكله اطلاقا

ولكن فيما لو ان الشهاده لم يتم تعدليها بالاسم الجديد
فاعتقد راح يكون هناك اشكاليه

والحل الافضل
1. الاتصال على الجامعه قبل ارسال الاوراق للتأكد من ذلك
2. تستخرجين بدل فاقد بالاسم الجديد من ادارة التربية والتعليم وترسلي اوراقك

موفقه ان شاء الله

[أم ليــــان]

من رأي الاخوان

الافضل تطلعين بدل فاقد والموضوع ماياخذ وقت بس خذي اوراقك معك وفي نفس اليوم يطلعونها لك

[كلك حركات]

الدوام يبداء قبل انتهاء فتره ارسال الوثائق ولا اتوقع تطول اجراءت شهاده بدل فاقد

واحب اطمنك اوراقك كلها بالسلييم بس الاظمن لك تعديل الشهاده

تمنياتي للجميع بالتوفيق ,,,

[حياة الرووح]

حبيبتي الشغله عاديه وانا اللي عرفته عن ادارة الجامعه بعد اكثر من اتصال انهم متساهلين لابعد الحدود ومتعاونين ويتحملون الكثير من الاتصالات والاجابه غالبا تكون سريعه >> هذي تجربتي الشخصيه مو كلام الاعضاء

بالنسبه لمشكلتج اتوقع كل المطلوب منج ارفاق خطاب مكتوب بخط اليد تشرحين فيه الوضع كامل باختصار

+

الاوراق اللي تثبت انج غيرتي اسمج وبسسسس


ولا تحاتين ولا شي الشغله بسيطه ,, ولزيادة الطمأنينه كلميهم قبل ترسلين الاوراق ..


موفقه خيتووو

[حياة الرووح]

اي صح

نسيت شغله ,, اي مشكله بالنسبه للاوراق راح يعطونج مهله مفتوحه يعني شهر شهرين ثلاث على شان تعدلين اوراقج مثل مايطلبون منج >> هالكلام من الاداره نفسهم

لان انا بعد عندي مشكله بالنسبه لشهادتي وقالي لاتشيلين هم احنا اذا وصلتنا الاوراق راح نعطيج مهله مفتوحه على شان تضبطين وضعج



تطمني الامور سهالات

[هبوب نجد]

مســــــاء الانوار



لكل اللي رد على موضوعي الف الف شكر والله يعطيكم الف عاااااااافيه
والله ردودكم طمنتني

وبالنسبه لتغيير الاسم في الشهاده مشكلتي اني خريجه من منطقة الرياض والسكن حاليا بالمنطقه الشرقيه
والكل يقول لازم اغيرها بالرياض
بس ان شالله بحاول بعد العيد اروح الرياض وان شاءلله ماتطووول عندهم لان الوقت ضيق :011:




حياة الروح


يالغلا انا ودي اكلم الجامعه واستفسر منهم قبل ارسل الاوراق بس وشلون اتواصل معهم ؟

[حياة الرووح]

راجعتلج حبيبة قلبي انا اصلا ابيج بموضوع بعد

الحين طردوني عن اللاب ====>>> جهازها خرب وكل شوي مطروده :bawling:

برب

[عجمي]

الشباب كفو ووفو ولكن الاخ عظيم الشوق يقول انك اذا جيتيهم تقولين ضائعة ولكن اشور عليك لاتقولين ضائعةلإنهم قد يصدرون شهادة ثانيه ولكن بنفس الاسم القديم والحل بأنك تعطينهم اثباتات تغيير اسمك وهم بيطلعون شهادة ثانيه بأسمك الجديد

ومعك وقت قبل تاريخ 27/10 والله يوفقك ويوفق الجميع

[حياة الرووح]

حياة الروح


يالغلا انا ودي اكلم الجامعه واستفسر منهم قبل ارسل الاوراق بس وشلون اتواصل معهم ؟

حبيبتي هذا رقم مكتب العميد د\ عبد الله النجار

035895664

وهذا بعد يفيدج

عمادة التعلم الإلكتروني والتعليم عن بعد :
del@kfu.edu.sa
الهاتف :
0096635802278


سوري عالتاخير بس لاني عارفه هاليومين مافي اتصالات ,, ونفس ماقلت لج بيعطونج وقت مفتوح تبدين الدراسه معانا عادي وتضبطين اوراقج على راحتج عادي انا قالولي جذي على مشكلتي متخفيييييييش:cheese:

خليج على الرقم الاول (العميد)-->> الله ياني ازعجتهم ازعااااااج:hahahahahah:

موفقه خيتووو وربي يسهل يارب

[بنت العبدلي]

الله يوفقك ويسهل امرك

[هبوب نجد]

حياة الروح


يسلمووووو يالغلا ومشكووووره الف شكر تعبتك معي :mh318:

عجمي

يسلموووو عالرد والمرور

بنت العبدلي


وياااك يالغلا




ارسلت اوراقي لاخوي بالرياض واليوم راح لهم قالوا لااااازم تجي هي تخلص الاوراق او اي وحده لان القسم كله حريم :(154):

ان شاء الله تتيسر المشكله مابقى وقت

بس عندي سؤال شهادة السيره والسلوك مطلوبه بالجامعه ؟؟
واذا مطلوبه وين اعدلها ؟







ــــــــــــــــــــــــــــــــــــــــــــــــــ ــــــــــــــــــــــــ