باقي 3 أيام ..وش خططكم

[تاج حيدر]

بسم الله الرحمن الرحيم
السلام عليكم جميعاً
آنا شفتكم اليوم متجمعين ماشاء الله قلت اسدح موضوع نفرفش فيه اشويات
وبنفس الوقت نمسح عالقلوب بعض >>> من كثر الهم إلي جانا من المنح ..الله يصلحهم بس
هالموضوع سولفوا فيه عن خططكم ..سواء انضمت الكلية إلى المنح او لا
آنا اتوقع ان فترة التسجيل راح تمدد وراح تنضاف في الأسابيع الأولى من الدراسة >>> آحساسي يقول كذا
آول شي راح ابتدي عن نفسي
انا حطيت لي 3 خطط
1
اول شي راح اسحب ملفي واقدم على المنح >>> إذا انضافت وقبلوني
وإذا ماقبلوني انتقل للخطة إلي بعدها
2
آدرس 3 شهور لغة واقدم السمستر الثاني عالموارد >>> إذا اقتنعت بالتمريض أو بعدها اكمل على حسابي
لأني حاسة انه يبغالي اشوي في اللغة
وإذا ماتوفقت لهذا كله انتقل للخطة الثالثة وامري لله
3
ادرس في الكلية إلي قبلوني فيها ..الحفر مع ان ظروفي ابداً ماتسمح وانقل في السنة إلي بعدها إلى هنا وإذا مانقولني اطلع واعادل المواد هنا في كلية الغد
..
حالياً حتى مااقدر اتوقع باي خطة إلى راح تصير لان اوراقي ضايعة وماادري في اشاعات تقول في ترقيات بعد العيد
وخوفي تشوف الجامعة اوراقي واسحبها ويرقون إلى نسبهم مثلي ><
عارفة اني قصيت عليكم قصة حياتي لكن شو نعمل هم يضحك هم يبكي
هآ خبروني عنكم وش راح تسون

[مكسورة القلب]

والله انا خطتي اسجل بالكليه حاليا مع اني اتتوقع ما في منح خلاص
بس وش اسوي هالسنه على حسابي وان شاء الله السنه الجايه منحه وربي كريم
وانا حالي حالك درست سنه جامعه وما توفقت بتخصص حلو وبسحب ><
واذا في تغيير على خطتي ان شاء الله اوافيكم فيه
ويسلموو على الموضوع ^^
يشرفني الرد الاول

[hyofa]

اهلين يابطه ^^

انا عني ياطويلت العمر عندي خطتين صغننتين ^^

اول حاجه ادا نزلت المنح الحمدالله سجلنا وبأمر الله انقبلنا

وادا لا طوالي ع الخطه التانيه

اكمل علوم ماليه واداريه وربك سميع الدعاء ^^

والحمدالله ع كل حآآآآآآآآآآآآآل

بالتوفيييق للجميع ^^

[تاج حيدر]

مكسورة وهوفي مشكورين لمروركم نورتوا
مكسورة آنا مادرست ولا سنة جامعية آنا مستجدة ^^ بس ودي انسحب من الحفر علوم صحية { دبلوم }
لأني عندي ارتباطات لفوق راسي هنآ

[اذكروا الله]

اذا مانزلت المنحة خلاص بكمل هالسنة على حسابنا .,

وفي حال جبت جيد جداً او ممتاز في السنة التحضيرية و انضمت الكلية تبع المنحة السنة القادمة

راح اقدم عليها واذا قبلوني راح تكون الدراسة مجاناً .....


الله يسهلها علينا وعليكم

///

[غنج بنوته]

الله يوفقكم يارب ويسهل عليكم

[.يوكي.]

اما عني انا مقدمة على المانع اذا قبلوني صيدلة الله كريم اما اذا ماقبلوني انتضر كلية الامير سلطان بس ^_^

ههههههههه غنج مخلصة ياقلبي تحسي براحة بال ماهيك <<< ادعي لنا ^^

[فراشه]

الله يوفقنا ويكتب اللي فيه الخيـر ...

الخطه اولى
اذا انضمت كلية الغد للمنح بدرس فيه صيدله باذن الله ..

الخطه الثانيه
ادرس بالكليه الي انقبلت فيها (كلية العلوم بالدمام) واتخصص كيمياء ..

,,,,,,,,,

طيب بنات اذا درست سنه بكلية العلوم بالدمام هل اقدر انقل للكلية الغد ؟؟

تاج حيدر من جد فيه ترقيات !! يارب اترقى انا وياكـ والجميع يااااربـــ

[فنه]

اني بعد أذا مانضمت بكمل هالسنه على حسابي وآخرتها هالكليه بتنظم للمنح ,, :)

[تاج حيدر]

فروشآ آنا على حسب إلي فهمته اني اقدر اعادل مواد السنة التحضيرية
بالنسبة للترقيات انا اسمع طلاطيش مني ومناك ... خصوصاً لان عدد كبير انسحبوا
ولاتنسي ان البعثات الخارجية في كثير معتمدين عليها وراح ينسحبون إذا طلع لهم وانا وحده قالت لي { سلمت اوراقها للبعثات } وقالوا لها
ان إلي راح يدرسوا بكالوريس ..طب مختبرات ..إلخ قبولهم مضمون
يعني تخيلي من الـ عشرة الآلف المبتعثين ان شاء الله آكيد منهم من جامعة الدمام وراح ينسحب عدد كبير لا يستهان به
فآنا اقول لك اكيد في ترقيات
بس انا وبين رغبتي إلي بعد الحفر 7 نسب ..فالأمل عندي ضعيف لكن بالله كبير

[Rei]

أنا عندي سؤال التسجيل تبع منح كليات الغد لسه مفتوح او لا ؟؟؟

و إذا كان مفتوح متى اقدر اسجل ؟؟

و ايش الأوراق اللي يبغوها؟؟

ياليت تفيدوني رجاءً

[سليماني]

رايح يفتح بكرة او بعده على الاكثر
فقط ينتهوا من تحديث الموقع

[Rei]

شـكــ وبارك الله فيك ـــرا لك ... لك مني أجمل تحية .