:)

[ترانيم احساس]

اهلا بــ إلي قاعد يقرا في ذا الموضوع لاتحسون انكم توهقتو هههههه

طيب انا طالبه جامعيه باالاحساء احس اني بورطه ودي حد يساعدني لأنو انا كنت مقبوله في رغبه بس

بعدين ودوني رغبه غير انا وهي كلية الدراسات التطبيقيه وخدمة المجتمع / حاسب

يا ليت الي دارس في مثل ذا الكليه يعطيني عنها معلومات عن كول شي بقدر مايستطيع

من تخصصاتها شنو احسن تخصص شسالفة موادها سهله صعبه كيف وضع الدراسه متعب او لا كيف الانجليزي مكثف

ولا خفيف ودكاترتهم بعد

ويقلون لي كيف كانت تجربتهم يمكن طولت عليكم بس امون عليكم انا اختكم الصغيرونه < حلفي

أنا انتظركم اوكي وراح اكون شاكره لكم بقوه :119:

[ilove.k.f.u]

وعليكم السلام ورحمة الله وبركاتهـ

حياك أختي ترانيم إحساس بكليتنا

أنا الأن ببدأ سنه ثانيه بهاذي الكلية وتخصصي مثل تخصصك حاسب آلي ونظم معلومات إدارية

كليتنا جدا مريحة من ناحية المبنى

والدراسة ندرس ثمان مستويات

أول أربع مستويات يكون تأهلي لكلية إدارة الأعمال وإذا حصلتي على المعدل المطلوب يحولنك إلى كلية إدارة الأعمال(كلية العلوم الإدارية والتخطيط )سابقا

من ناحية المواد والدكاترة أنا ماأنصحك تسمعي أي حاجه من البنات لأنهم راحوا يقولوا لك حولي لتخصص ثانية لأن الحاسب صعب

لكن أنتي إذا حبيتي تخصصك وناسب ميولك راح تبدعي فيه من ناحية الإنجليزي مو كل المواد انجليزي مواد محدده ومافيه صعوبه أبدا

وأنتي كمستجده هم اللي يرتبو لك الجدول ومواد أول سمستر

ثقافة إسلامية
تربية صحية
مبادئ إدارة الأعمال
مبادئ المحاسبة 1
مبادئ الرياضيات1
مبادئ الإقتصاد الجزئي
مبادئ القانون

ومن ناحية الدكاترة هو أنتي إذا ذاكرتي أول بأول وأثبتي وجودك راح هم يحترموك ويقدروك

وبالنسبة للإختبارات كل مادة لها اختبارين كل اختبار 20 درجة أو أحيانا يكون على حسب تقسيم الدكتور أو الدكتورة

وبعد الإختبار يعطوك الورقة تتأكدي من درجاتك

وكل يوم الأثنين من كل أسبوع هو نشاط الكلية من الساعه العاشرة والنصف إلى الساعة 12

تقريبا بإختصار هذا نظام كليتنا


أتمنى أني أفدتك..

.

[ترانيم احساس]

مشكوره اختي بقوه بصراحه افدتيني وعطيتيني صوره مختصره على الاقل

إذا صار عندي سؤال راح اقول انتو ماتقصرون وتسلمين والله يعطيك العافيه :)