سيارتك تحت المجهر

[عابرةالظلام]

صباحكـ / مسائكـ جوري و كاديه


الصراحه من أول أفكر في موضوع يحرك القسم شوياات و جاء في بالي
هذا الموضوع أن شاء الله يكون فيه تفاعل من الاعضاء


{ سيارتكـ تحت المجهر } ....


راح أسئل مجموعه أسئله و العضو المختار طبعا راح يجاوب على كل الأسئله
الأسئله ...


:: @ نبـــــدأ بــالشكــــل الخارجي @ ::



وش هـــي سيـــارتك ووش لونــــــــــها ؟


تحب التعديــــل .. اذا نعم وش عدلت في سيارتكـــ ؟


قـــد صبغتها ؟


آخر مره غسلتها ؟




:: @ اولى ابتدائي في السوآقه @ ::




مــــن علمكــ السوآقه ؟


اول سيــــاره سقتها ؟


اول سيــــارهـ لكــ ؟


اول مكان رحت لهـ بسيــــارتك ؟


اول مخالفه ؟


دخـــلت التوقــــيف ؟ .. اذا ايه وش قالكــ ابــــوك ؟



:: @ اهتمـــــــــامكــ بسيــــارتكـــ @ ::


ويــــن توقف سيارتكــ فيه داخل البيــــت ولا في الشــــــارع ؟


شـــخص ودكــ دايـــم يجلس معكـــ قدام ؟


آشخاص ودكــ دايـــم تطــــلع معهم ؟


لـــو أحد طلب سيارتكــ يروح فيها مشوار قريب تعطيه ولا لا ؟


آحســـــــن وآشين شـــــــي في سيـــــــارتكـــ ؟


بـــنرووح رحله بسيـــآرتكــ مين تختـــــــــار من الاعضـــــــــــاء يركبـــــون معكــــ ؟


سيآآآآرهـ تحبها ؟ ...... سيآآآآرهــ تتمناها ؟


كـــــــلمه توصف فيها سيآآآآآآرتكـــ ؟

الله لا يهنيك نبيك تصور لنا سيارتك ؟


راح اختاااار امممممم

( وسام الخليج )


اي عضو يجااوب يختار عضو بعده من الشبااب ويرسل له تنبيه

اتمنى يعجبكم تحيااتي

[وســام]

صباحكـ / مسائكـ جوري و كاديه

صباح النور



{ سيارتكـ تحت المجهر } ....





:: @ نبـــــدأ بــالشكــــل الخارجي @ ::



وش هـــي سيـــارتك ووش لونــــــــــها ؟
يوكن


تحب التعديــــل .. اذا نعم وش عدلت في سيارتكـــ ؟
مافهمت نوعيه التعديل ..
أشتريها ما أظيف سوى التظليلة والتلبيسة الداخليه فقط لا غير


قـــد صبغتها ؟
ولله الحمد لا


آخر مره غسلتها ؟
بشكل يومي .. فيه عامل مرتبط معي بالغسيل




:: @ اولى ابتدائي في السوآقه @ ::




مــــن علمكــ السوآقه ؟
ولا أحد .. أجتهاد من نفسي


اول سيــــاره سقتها ؟
سيارة أخوي الكبير


اول سيــــارهـ لكــ ؟
فورد


اول مكان رحت لهـ بسيــــارتك ؟
ماذكر


اول مخالفه ؟
سرعه .. ناسي متى بالضبط


دخـــلت التوقــــيف ؟ .. اذا ايه وش قالكــ ابــــوك ؟
دخلته الحقيقه مرتين وكلها أيام الثانوية
كان ردة فعل الوالد قوية جدا ومنصدم وموضوع مو بالسالهل بالنسبه له



:: @ اهتمـــــــــامكــ بسيــــارتكـــ @ ::


ويــــن توقف سيارتكــ فيه داخل البيــــت ولا في الشــــــارع ؟
نظامي انا واخواني من سبق لبق
الكراج يشيل اربع سيارات بالكثير
وانواع العجله من يوصل الاول عشان يوقف داخل


شـــخص ودكــ دايـــم يجلس معكـــ قدام ؟
.........


آشخاص ودكــ دايـــم تطــــلع معهم ؟
أكيد القروب حقي


لـــو أحد طلب سيارتكــ يروح فيها مشوار قريب تعطيه ولا لا ؟
اذا كان يمون علي واعرفه اكيييد بعطيه


آحســـــــن وآشين شـــــــي في سيـــــــارتكـــ ؟
احسن مافيها سبورت ومرتفعه
ولله الحمد مافيه شي فيها شين


بـــنرووح رحله بسيـــآرتكــ مين تختـــــــــار من الاعضـــــــــــاء يركبـــــون معكــــ ؟
هههههههههههههههههههههه
كل الي بقائمة الاصدقاء
يبيلهم باص مو يوكن
هع هع


سيآآآآرهـ تحبها ؟ ...... سيآآآآرهــ تتمناها ؟
رنج روفر


كـــــــلمه توصف فيها سيآآآآآآرتكـــ ؟
المزيونة
هع هع

الله لا يهنيك نبيك تصور لنا سيارتك ؟
ان شالله


راح اختاااار امممممم

( علاج كحه )


اي عضو يجااوب يختار عضو بعده من الشبااب ويرسل له تنبيه

[عـ♥ـلاج كـ♥ـحه!]

الله يشغلك ياوسام !

داري لو الشغله فيها فلووس ماناديتني بس يومن فيها كرف وكتااابه وتفكير علىا طول حطيتني اول واحد !

طيب باخذ لفه في قوقل وشوي ولا العصر ولا بعد العيد ولا بعد سنه ولا بعد ما اموت اكتب لكم هي بالوصيه !

المهم لي رجعه وبس !

[عـ♥ـلاج كـ♥ـحه!]

وش هـــي سيـــارتك ووش لونــــــــــها ؟

اكيد بتكون سياره يعني وشهي ! وبخير وتسلم عليكم !

سيارتي سيارت اي مواطن سعودي كامري اللون بيضاااء تسر الناظرين !


تحب التعديــــل .. اذا نعم وش عدلت في سيارتكـــ ؟

ايام الثاانوي ايه لاكن الحين لاااااا !

قـــد صبغتها ؟

مره صدمت مصري وراح البويه حقت الصدام ورشيته بويه نفس لون السياره لاكن قصدك تلوين وخراابيط لاا !


آخر مره غسلتها ؟

قبل تقريباً اربعه ايام !


مــــن علمكــ السوآقه ؟

ابوووي الله يعاافيه ويطول بعمره يارب !


اول سيــــاره سقتها ؟

سيارت ابوي كانت جيب ( اي سيزوو ) < يحبوونه السوداانيه !


اول سيــــارهـ لكــ ؟

هوندا اكورد !

اول مكان رحت لهـ بسيــــارتك ؟

يعني بسيارتي انا ! اول سياره امتلكتها اذكر اشتريتها ومن المعارض علىا البيت عشان اوري اخواني السياره !

اول مخالفه ؟

المخالفات حطيتو يدكم علىا الجرررح انا قدر الله عليه وصار عندي 16 الف ريال مخالفات مروريه والحين الدعوىا مهي اسأله وسوالف انا محتاج فزعتكم يا اخوان من مال الله يامحسسنين ورقم الحساب علىا اي بنك تبون عندي ارقام انتضر ردودكم ! << قلبها شحاااته !

المهم ما اتذكرر من كثر المخاالفاات !

دخـــلت التوقــــيف ؟ .. اذا ايه وش قالكــ ابــــوك ؟

مرتين في اسبوع واحد عشان السرعه !
ابوي علىا فكره اما يقول خير ولا مايتكلم الله يخليه لي !

ويــــن توقف سيارتكــ فيه داخل البيــــت ولا في الشــــــارع ؟

في البيت عندنا مضله كبيره تكفي ست سيارات حتىا لو جونا ضيوف يحطون سياراتهم بالمظله !

شـــخص ودكــ دايـــم يجلس معكـــ قدام ؟

اي واحد بيعشيني علىا حساابه ! خخخ

الصراااحه امي !

آشخاص ودكــ دايـــم تطــــلع معهم ؟

فهد صاحبي وتركي ولد خالي وعبود اخوي وبها المنااسبه اقول لعلي ولد جارنا والله ماتروح معنا !


لـــو أحد طلب سيارتكــ يروح فيها مشوار قريب تعطيه ولا لا ؟
الصراحه سيارتي تكون مع غيري اكثر من انها تكون معي !

آحســـــــن وآشين شـــــــي في سيـــــــارتكـــ ؟

احسسن مافيها علىا كثر الكرررف ماشاء الله صااابره علي !
لين الحين صارلها معي سنتين ولاشفت منها غير الخير !


بـــنرووح رحله بسيـــآرتكــ مين تختـــــــــار من الاعضـــــــــــاء يركبـــــون معكــــ ؟

خطيبتي عضوه ابغىا اخذهاا وانتو لاااا ! خخخ

سيآآآآرهـ تحبها ؟ ...... سيآآآآرهــ تتمناها ؟
اششتي قيب !
الصراحه احب الجيب الاند كروزر وكان معاي بس الازمه الاقتصاديه الي صارت في العالم خلتني ابيعه واشتري الكامري !

كـــــــلمه توصف فيها سيآآآآآآرتكـــ ؟
ام الخير !
الهدباء !


الله لا يهنيك نبيك تصور لنا سيارتك ؟

ماعاد بقىا الا هي تبوني اوريكم صورت الغاليه !

العضوو الي بعدي بخليه بنت نذ111له عشان اذكرهم بموضوع سواقت المرأه خخخخخ !

طيب مين مين مين مين ! امممم

(مشاعر طفله )
اخبره مزعجتنا بالونيت حقهاا !