تسجيل الدخول

مشاهدة النسخة كاملة : بعد اربع سنين دراسه هل يمكنني التحويل .؟

miss-nana
2010- 9- 13, 09:04 AM
السلام عليكم ورحمة الله وبركاته ...


أتمنى ألقى الجواب الشافي لسؤالي , لأني جد تايهه


أنا طالبه بكلية العلوم بجامعة الملك فيصل بالأحساء سنة رابعه وعندي انذار أول هذا الترم :(

والله كتب لي وتزوجت بالصيف وانتقلت للجبيل . وأنا مابي اترك دراستي :(

هل فيه مجال للتحويل الى كلية التربيه بالجبيل , ولا كلية العلوم بالدمام ..؟



:Cry111:
ريماس الجبيل
2010- 9- 13, 11:07 PM
وعليكم السلام ورحمة الله وبركاته

:o2: زواجك و إن شاء الله تقدرين تحولين

لأي كلية تبين مو مشكلة على راحتك بس

أنتي ماحددتي وشو تخصصك ؟؟

وماادري عن سالفة الأنذار شيء

وبالتوفيق لش

إن شاء الله الصبايا هون ينفعوك ويعطوك جواب لسؤالك
*(ONLY 2 YOU)*-
2010- 9- 14, 02:22 AM
مبروووك الزوآآج ...وعقبآآآل الصبايااالبآآقيين

صديقتي كانت بالآداب قسم عربي سنه ثالث طالعه رابع وطلبت تحويل وحولوها ..

طبعآآ مافيه عربي بكليتناا دخلت راض آطفال ورجعت لآول سنه وسوو لها معادله مع المواد اللي ناجحه فيها مااتدرسها مره ثاانيه ..
طوولت عليك سووري^_^
miss-nana
2010- 9- 14, 12:34 PM
يبارك فيكم ياااارب


الإنذار يعني معدلي تحت 2 :(

يعني فيه مجال أحول ولا ..!

أنا أبي أحول للجبيل ..!

يعني اي تخصص يقبلني ماعندي مشكله ابدا , أهم شي أكمل بكالوريس :(
rana ahmad
2010- 9- 14, 03:48 PM
مااعتقد تقدرين تحولين ومعدلك نازل ..
ريماس الجبيل
2010- 9- 15, 08:04 AM
هلا بما أن معدلك نازل ماادري اذا تقدري

تحولي ولالا لان من شروط التحويل ان

المعدل يكون عالي بس بما ان لك ظروفك

انا اعرف بنت حولوها كذا لان عنده ظروف

تمنع تواصل بكلية بعيده حولوها

انتي روحي بنفسك وشوفي افضل من

الكلام لاتضيعي على عمرك الفرصة

والله يوفقك عنك
miss-nana
2010- 9- 15, 10:09 AM
يعطيك العافيه ريماس ماقصرتي والله

ربي يسعدددك

ان شاء الله بحاول أروح في اقرب فرصه