لكل طموحه جامعيه تحب مساعدة أختها

[طموح وأمل]

أنا مقدمه نقل من جامعة الملك فيصل بالأحساء إلى جامعة الدمام وكل الشروط المطلوبه مستوفيه بس أبغى أسأل متى أروح الجامعه أتأكد إا قبولني وإلا لا هذا الأسبوع وإلا الأسبوع الجاي (يعني مع بداية دوامنا أحنا الطالبات وإلا مع بداية دوام الموظفات)تكفون ردو علي اللي تعرف لاتبخل :d1::d1::d1:

جزاكم الله الف خير جعله بميزان حسناتكم

[منصورة]

السلام عليكم ورحمة الله وبركاته
صدقيني ماعرف بس قلت ارفع لك الموضوع ان شاء الله يساعدونك

[ضيائى]

روحى هذا الاسبوع وتاكدى

[صهيل الأمل]

هلا وغلا
انا نفس حالتك بس ناقله من جامعه لها الجامعه
لكن شيكت ع الوضع لاتروحين ولاتتعبين حالك اليوم آخرتها
توهم عقدوا مجلس القبول ومن الاربعاء وانا اكلم يقولوا من بكره في بكره
لكن لما كلمت الشوؤن اليوم قالوا لاتجين لين نعطيك خبر بيجيك رد باتصال او رساله بالقبول او الرفض
خلال هالاسبوع
لكن لاتتكلين كل اشوي شيكي ع الوضع
والله ييسر لنا ولك وللجميع كل خير ياااارب

[باربي الشرقيه]

الله يووووووفقك

[صهيل الأمل]

طموح امل شيكت على الوضع طلع الي قبلوهم بس 4 من 85 طالبه تخيلي
وللحين اسماء هالطالبات الاربع ماوضحوها ,,,,اااااااه ياتعليقة القلب
وربي منتظره ع احر من الجمر
اذا عندك خبر انتي والا غيرك من البنات يدلونا
الله يفرج الهم

[طموح وأمل]

مافي إلا يوم السبت نروح ونشوف شنو بيصير

[صهيل الأمل]

الحمد لله انقبلت وتم نقلي
وصاروا المقبولات فوق 17 طالبه مو اربع مثل اول
رحت تاكدت بنفسي لو انتظرتهم كان رحت فيها
وانتي ياطموح امل طمنيني وش صار معك

[عاشقة الزهراء]

السلام اخوات

اللي اعرفه اذا في قبول يدقون عليكِ بالارقام المدونه عندهم وينزلون اعلانات في اللوحات بأسماء المقبولين وسرعة التوجه اليهم تطمئنوا

بغيت منكم اخوتي رقم شؤون الطالبات بالحسا وبالاصح كلية التربية للأقسام العلمية وكلية العلوم بالجامعه ماابي الرقم العام وهو 5800000 ابي رقم مباشر اذا موجود فالي موجوده عندها ماتبخل علينا

[طموح وأمل]

هلا صهيل الحمد لله إنقبلت بس المشكله إنهم قالوا لي جيبي ملفك يوم الأثنين علشان نعطيك الجدول ونخلص أمورك وأنا رحت وصارت فيها حوسه للرجال والنساء فقالوا إحتمال نهاية الأسبوع نخلص الأوراق ولاأدري شنو أسوي خايفه بصراحه