تسجيل الدخول

مشاهدة النسخة كاملة : طلاب كلية الجبيل الصناعية ... أي استفسار أنا حاضر ( الموضوع مفتوح للجميع )


QaHtAn
2010- 9- 19, 02:25 PM
بسم الله الرحمن الرحيم
السلام عليكم ورحمة الله وبركاته
لم يتبقى إلا أسبوع واحد فقط على بداية عام دراسي جديد .. أسأل الله التوفيق والنجاح لجميع الطلاب ..

في الحقيقة عند قبولي في كلية الجبيل الصناعية كنت مبهم عن كثير من الأشياء المهمة والأشياء التي يحتاجها أي شخص في الكلية فكنت أبحث عمن يدلني على بعض المعلومات التي تدلني .. ولم يقصر الكثير في ذلك .. وبعد الممارسة عرفت أكثر الأشياء ..

فمن خلال هذا الموضوع أحببت تقديم المساعدة لمن يريدها .. وقد سجلت خصيصاً لهذا الشيء .. أسأل والله يقدرني أن أجيبكم ..
وكذلك الموضوع مفتوح للجميع بالإجابة عن الاستفسارات ..

لا أريد منكم سوى الدعاء .. والتوفيق بيد الله

تحيتي لكم،،
فهد القحطاني ..

xssssx
2010- 9- 19, 02:34 PM
السلام عليكم
انا حبيت استفسر هل ممكن انقبل في كلية الجبيل الصناعية
ونسبتي الثانوية:80
اختبار القدرات:70
اختبار التحصيلي:70

المستطير الجافي
2010- 9- 19, 02:35 PM
مشكوور حبيبي فهد القحطااني

بس حبيت استفسر متى تنزل الجداول

و وش النظام بيكون اول يوم درااسي

يعني ضروري الدوام او لا

QaHtAn
2010- 9- 19, 02:55 PM
أخوي
xssssx

يا طويل العمر ..

نظام القبول يتم الكترونيا واوتوماتيكيا عن طريق الحاسب .. ويعتمد على حساب النسبة الموزونة ويفضلون قليلاً الإختبار التحصيلي ..

نظام القبول يعتمد على نسب المتقدمين الموزونة .. لأن الجهاز يختار مثلاً أول 500 من الطلاب أو أول 1000 وهكذا ..!!

عموماً إذا لم يتم قبولك حاول أن تعيد اختبار القدرات الفصل الجاي وعد تقديمك الفصل الثاني ..
وطبعاً فرص القبول في الفصل الثاني أوفر ..

muuhssin
2010- 9- 19, 03:04 PM
1 حبيت استفسر عن اكمال الدراسة
بالنسبة للقسم الاداري

2 كم النسبه المطلوبه للتحويل من القسم الاداري الى التقني

ويعطيك العافيه ...

QaHtAn
2010- 9- 19, 03:04 PM
مشكوور حبيبي فهد القحطااني

بس حبيت استفسر متى تنزل الجداول

و وش النظام بيكون اول يوم درااسي

يعني ضروري الدوام او لا


العفو طال عمرك ،،

بالنسبة للجداول راح تنزل قريباً وراح تجيك رسالة على الجوال إن شاء الله ..
طبعاً كأول سنة تحضيرية الفصل الأول والثاني ماراح تتحكم في الجدول .. يعني تكون ثابتة ..

بالنسبة للدراسة .. الدراسة تبدأ رسمياً يوم الأحد .. لكن يوم السبت فيه محاضرة تعريفية للطلاب المستجدين .. يعني الحضور غير إجباري .. ومن أراد الحضور لا يشترط الزي الرسمي للكلية ..
اللقاء التعريفي تقريباً يكون فيه تقديم أشياء أكاديمية راح يعرفها الطالب مع الزمن .. بالإضافة فيه سحب على جهاز لاب توب في نهاية اللقاء وفيه أيضاً أكثر من محاضرة لأكثر من شخص ..

هذا والله أعلم ،،،

QaHtAn
2010- 9- 19, 03:16 PM
1 حبيت استفسر عن اكمال الدراسة
بالنسبة للقسم الاداري

2 كم النسبه المطلوبه للتحويل من القسم الاداري الى التقني

ويعطيك العافيه ...

أولاً .. فيه أكثر من قسم إداري بإمكانك ان تكمل فيه بكالوريوس .. وفيه أيضاً احتمال افتتاح قسم ماجستير بعد فترة ..


تقريباً لا يوجد نسبة محددة ومعينة .. ولكن لا بد أن تعدي الفصل الأول وتقدم في بداية الفصل الثاني عند الإدارة ..

بشرط أن تكون الشروط متوفرة .. عدم وجود كلاً من .. السمنة .. عمى الألوان .. وفيه بعض الأشياء ..!!

king1
2010- 9- 19, 07:06 PM
السلام عليكم ان انقبلت في الكلية بس لو تقدر تعطيني معلومات عن التخصصات الي فيها بكلوريس
وكيف اقدر اكمل بكلوريس برى على حساب الهيئه الملكية
انا ودي اتخصص الات دقيقه ابي اعرف كم تقريبا رواتب المتخرجين من الدبلوم والمتخرجين من البكلوريس

QaHtAn
2010- 9- 19, 08:05 PM
السلام عليكم ان انقبلت في الكلية بس لو تقدر تعطيني معلومات عن التخصصات الي فيها بكلوريس
وكيف اقدر اكمل بكلوريس برى على حساب الهيئه الملكية
انا ودي اتخصص الات دقيقه ابي اعرف كم تقريبا رواتب المتخرجين من الدبلوم والمتخرجين من البكلوريس

يا طويل العمر التخصصات أربع ..

المكيانيكية .. الكيميائية .. القوى الكهربائية .. الآلات الدقيقة والتحكم ..

أما بالنسبة للإكمال فأتوقع أن المعدل المطلوب يكون فوق الـ 3 من أربعة .. وتعتمد على العدد المطلوب بالبعثات ..

بالنسبة لتخصص الآلات الدقيقة .. فهو مميز ومطلوب بكثرة في جميع الشركات ..
بالنسبة لمتخرجي الدبلوم راح يكون شغلهم في الصيانة يعني الدوام صباح ..
أما الرواتب .. يختلف التدرج بمختلف الشركات .. لكن الشيء المتوقع أن الراتب لن يقل عن 6000 ريال ..

أما البكالوريوس والله لا أملك الخبرة الكافية ..

أتمنى إني أفدتك ،،
دعواتكم ،،

الزعيم121
2010- 9- 20, 06:19 AM
اخوي في السنه التحضير الدوام الى الساعه كم وهل يكون طوال فترة دراستي ولا بس في التحضيريه
اتمنى تقدم لي شرح عن الوقت

ابن النفيس
2010- 9- 20, 10:31 AM
مشكوور اخوي والله يوفقك في الدنيا والاخرة ,,

انا طالب جديد واذا بدخل اشوف جدولي يطلع لي (لايمكنك الاستفادة من هذه الخدمة )

مدررري شسالفة !!

Abdullah-S
2010- 9- 20, 11:23 AM
السلام عليكم ورحمة الله وبركاته

ابي شرح للجدول ؟

QaHtAn
2010- 9- 20, 11:52 AM
اخوي في السنه التحضير الدوام الى الساعه كم وهل يكون طوال فترة دراستي ولا بس في التحضيريه
اتمنى تقدم لي شرح عن الوقت

في الفصل الأول من السنة التحضيرية راح يكون عندك 3 مواد ..

الإنجليزي i .. التربية الرياضية .. مهارات التعلم ..

الجدول راح يكون قسمين .. القسم الأول ممكن يكون الإنجليزي عندك من 9 الصباح إلى 3 العصر ..

أو راح يكون الإنجليزي عندك من تقريباً العصر..

راح يكون الوضع سهالات لا يهمك ..

أما إذا دخلت التخصص فراح تعدل جدولك على راحتك إن شاء الله ..
بالتوفيق..

QaHtAn
2010- 9- 20, 11:53 AM
مشكوور اخوي والله يوفقك في الدنيا والاخرة ,,

انا طالب جديد واذا بدخل اشوف جدولي يطلع لي (لايمكنك الاستفادة من هذه الخدمة )

مدررري شسالفة !!

يا طويل العمر والله ما عندي علم ..

لكن بإمكانك التأكد بالاتصال على الكلية على هذا الرقم ..

033402000

الله يسهل لك..

QaHtAn
2010- 9- 20, 12:04 PM
السلام عليكم ورحمة الله وبركاته

ابي شرح للجدول ؟

الجدول إن شاء الله سهل ولا يحتاج شرح ..

لكن راح أشرح بعض الرموز ..

Course Name == اسم المادة
CR == ساعات المادة أو معدل المادة .. يعني مثلاً إذا كانت 3 .. درجتك راح تنضرب في 3 وهكذا.. يعني المادة اللي تكون 4 مهمة جداً ولا تحاول تخسر درجات واجد .. بعكس المادة اللي تكون 1 تكون أهون ..
CT == عدد ساعات المادة اللي تدرسها في الأسبوع .. يعني إذا كنت تدرس المادة 5 مرات في الأسبوع راح تكون 5 وهكذا ...
Sc == الشعبة أو الفصل اللي راح تكون فيه ..
Activity :: تنقسم إلى قسمين
Theoretical == مادة نظرية ..
Practical == مادة عملية ..

بالنسبة للتوقيت في جدول في الأسفل يوضح لك كل الأرقام ..
يعني رقم 1 .. معناها من 7 الصباح إلى 8 .. وهكذا ...

Building == المبنى اللي تدرس فيه المادة ..
Room == رقم الكلاس أو الفصل اللي بتدرس فيه ..
Staff == اسم المدرس ..

Advisor Name == اسم المرشد حقك .. يعني اللي ترجع له في جميع أمورك الأكاديمية مستقبلاً إن شاء الله .. وممكن يتغير بين كل فترة وفترة ..

أتمنى أن يكون الشرح واضح ،،

بالتوفيق للجميع ..

QaHtAn
2010- 9- 20, 12:05 PM
كليات ومعاهد الجبيل الصناعية . نت (http://www.*********/forum/)

حياااكم الله معنا بمنتدى الكلية

نتمنى أن يتسنى للجميع الإستفادة من المواقع المختصة ..
ونتمنى استمرارها في نفس الوقت .. وكذلك الحيوية ..

ابن النفيس
2010- 9- 20, 12:09 PM
يعطيك الف عافية عزيزي ماقصرت و الله يوفقك و يوفقنا اجمعين يارب

QaHtAn
2010- 9- 20, 12:17 PM
يعطيك الف عافية عزيزي ماقصرت و الله يوفقك و يوفقنا اجمعين يارب

الله يجزاك خير ..

وترى المشكلة ليست لوحدك .. على جميع طلاب التحضيرية .. يعني ربما خلل بسيط أو شي معين وراح يتم حله ..

بالتوفيق ،،

المستطير الجافي
2010- 9- 20, 01:01 PM
الف الف الف مليون شكر لك اخووي فهد

استفدت كثيييير من الموضوع ومن استفسارات الاخواان

مششكور مرره ثاانيه

واذا فيه سؤال ثاني راح اجي و اسآل =$

QaHtAn
2010- 9- 20, 01:06 PM
الف الف الف مليون شكر لك اخووي فهد

استفدت كثيييير من الموضوع ومن استفسارات الاخواان

مششكور مرره ثاانيه

واذا فيه سؤال ثاني راح اجي و اسآل =$

حياك الله أخوي ..

وحنا حاضرين للجميع .. ودعواتكم هي نبراسنا للتقدم ..

king1
2010- 9- 20, 05:24 PM
يعطيك العاااافيه اخوي والله يوفقك

QaHtAn
2010- 9- 20, 11:57 PM
يعطيك العاااافيه اخوي والله يوفقك

الله يجزاك خير أخوي ..

//AMAZING//
2010- 9- 21, 12:41 AM
الله يعطيك العفية اخوي
يالغالي سؤالي ,,, هل لا يمكن تسليم السكن للطلاب الا مع بداية الدراسة
طيب انا راح اجي الإربعاء ع شان اطلع البدلة وبطاقة الكلية هل راح احصل السكن ع طول

طيب وش رايك في هالمدرسين
خان -لاب الأنجلش-*
AL-FAQEEHI -Writing-
G.M.AL-SARAKBI-Grammar-
G.ALI -SKILLS-
شعبة 17

سؤال جانبي ... هل يوجد فرع لمكتبة جرير قريب من الكلية
:(164):

ويعطيك الف عافية يالغلا على مبادرتك الطيبة :(204):

من جنب العارضه
2010- 9- 21, 09:17 AM
طيب اذا ابغى اغير جدولي ابغاه يصير مثل جدول صديقي اقدر ولا من جنب العارضه

من جنب العارضه
2010- 9- 21, 09:22 AM
اللي يسئل عن تسليم السكن يا حبيبي انا استلمته من قبل شهر يعني انت
من تطلع بطاقه الكليه راح تروح لاداره السكن وتسجل اسمك ويعطونك المفتاح باذن الله
اما بخصوووص مكتبه جرير موووجوده بمجمع الحويلات قريب مره مره من الكليه

//AMAZING//
2010- 9- 21, 01:12 PM
اللي يسئل عن تسليم السكن يا حبيبي انا استلمته من قبل شهر يعني انت
من تطلع بطاقه الكليه راح تروح لاداره السكن وتسجل اسمك ويعطونك المفتاح باذن الله
اما بخصوووص مكتبه جرير موووجوده بمجمع الحويلات قريب مره مره من الكليه

يعطيك العافية اخوي
صحيح في ايام التسجيل (قبل شهر تقريباً) يسلمون الطلاب السكن لكن بعض الشباب ماأستلموه
مثلي لأني كنت لازم ارجع الرياض واترك باقي الأجراءات بعدين

والف شكررر يالغالي

عبدالله111
2010- 9- 21, 01:45 PM
السلام عليكم
سؤال بخصوص السكن الله لايهينكم
اذا رحت يوم الاربعاء للكلية اقدر ادخل الغرفه واسكن فيها من الاربعاء ام استاجر برا مع العلم اني استلمت بطاقة الكليه ومفتاح الغرفه ؟؟؟ ارجوا سررعه الرد من الاخوان

QaHtAn
2010- 9- 21, 03:12 PM
الله يعطيك العفية اخوي
يالغالي سؤالي ,,, هل لا يمكن تسليم السكن للطلاب الا مع بداية الدراسة
طيب انا راح اجي الإربعاء ع شان اطلع البدلة وبطاقة الكلية هل راح احصل السكن ع طول

طيب وش رايك في هالمدرسين
خان -لاب الأنجلش-*
AL-FAQEEHI -Writing-
G.M.AL-SARAKBI-Grammar-
G.ALI -SKILLS-
شعبة 17

سؤال جانبي ... هل يوجد فرع لمكتبة جرير قريب من الكلية
:(164):

ويعطيك الف عافية يالغلا على مبادرتك الطيبة :(204):

بالنسبة للسكن .. فيه ناس استلموه قبل شهر تقريباً .. إن شاء يسلمونك إياهـ ..

بالنسبة للمدرسين .. المحاضرة الأولى اللي هي لاب انجلش ما تحتاج لمدرس .. لأنك تجلس على كمبيوتر وتجلس تحل في هالأسئلة ساعتين .. صحيح هي ملل تقريباً ولكن حاول تكيف نفسك مع الوضع .. مع العلم أنه فيه ناس يحبون هالمحاضرة .. يعني الشغلة أذواق ..

أما Writing -- إذا كان المدرس الفقيه وليس الفقيهي .. فهو حبيب جداً وهو مدير قسم اللغة الإنجليزية .. وفيه ناس يمدحونه ..

أما Grammer -- السراقبي سوري .. هذا يا طويل العمر لـه أكثر من 24 سنة في الكلية يدرس .. يعني خبرة لا مثيل لها .. وكذلك حبيب جداً ونكتي مع الطلاب واللي يشارك معه .. صحيح فيه سماجة بعض الشيء :(164): .. ويحب يفيدك أكثر من أنه يدرسك المادة .. ودائماً يقول لك جمل جديدة تستخدمها في حياتك مهمة جداً ..
ويقول أن كتاب Grammer مميز من ناحية المفردات أكثر من أنه في القواعد نفسها ..
بس ملاحظة .. من يدخل الفصل انسى أنك تتكلم ولا برا على طول بعد إنذار أول .. يعني حاول تسكت ولا تخرب العلاقة معه ..

أما Skills -- والله ما عندي علم عن هالمدرس ..


بالنسبة لمكتبة جرير .. فهي قريبة جداً جداً من الكلية .. يعني المسجد اللي تصلي فيه الجمعة هي بجنبه ..

وهي من إشارة الكلية امتداد شارع الحويلات .. تروح سيده وتعدي أول إشارة في الحويلات وتمشي شوي تحصلها في وجهك ..


تحيتي وتقديري،،،

QaHtAn
2010- 9- 21, 03:13 PM
السلام عليكم
سؤال بخصوص السكن الله لايهينكم
اذا رحت يوم الاربعاء للكلية اقدر ادخل الغرفه واسكن فيها من الاربعاء ام استاجر برا مع العلم اني استلمت بطاقة الكليه ومفتاح الغرفه ؟؟؟ ارجوا سررعه الرد من الاخوان


أخوي على كلام بعض الإخوان .. يقولون فيه ناس استلموه قبل شهر ..
يعني إن شاء الله إذا رحت وقدمت تستلمه على طول ..

الشيء الوحيد المطلوب هو بطاقة الكلية .. يعني تستلمه على طول ,, وأنت أولى من غيرك ..

QaHtAn
2010- 9- 21, 03:22 PM
طيب اذا ابغى اغير جدولي ابغاه يصير مثل جدول صديقي اقدر ولا من جنب العارضه

لا عز الله أنها من جنب العارضة ..!!

أخوي فيه أمل بقدر 0.0001% أنه يحصل ..
وهو أنك تروح عند مكتب المدرس الهندي وحيد ( Vahid ) وتحاول تكلمه وهو رايق .. لأنه هو الوحيد اللي عنده الباسوورد حق السيستم .. طبعاً توقع أنه يكرشك .. لكن ما فيه تعب حاول ..

مكتبه أول ما تدخل من البوابة الرئيسية على يسارك مقابل مكاتب الإدارة ..

//AMAZING//
2010- 9- 21, 05:51 PM
بالنسبة للسكن .. فيه ناس استلموه قبل شهر تقريباً .. إن شاء يسلمونك إياهـ ..

بالنسبة للمدرسين .. المحاضرة الأولى اللي هي لاب انجلش ما تحتاج لمدرس .. لأنك تجلس على كمبيوتر وتجلس تحل في هالأسئلة ساعتين .. صحيح هي ملل تقريباً ولكن حاول تكيف نفسك مع الوضع .. مع العلم أنه فيه ناس يحبون هالمحاضرة .. يعني الشغلة أذواق ..

أما writing -- إذا كان المدرس الفقيه وليس الفقيهي .. فهو حبيب جداً وهو مدير قسم اللغة الإنجليزية .. وفيه ناس يمدحونه ..

أما grammer -- السراقبي سوري .. هذا يا طويل العمر لـه أكثر من 24 سنة في الكلية يدرس .. يعني خبرة لا مثيل لها .. وكذلك حبيب جداً ونكتي مع الطلاب واللي يشارك معه .. صحيح فيه سماجة بعض الشيء :(164): .. ويحب يفيدك أكثر من أنه يدرسك المادة .. ودائماً يقول لك جمل جديدة تستخدمها في حياتك مهمة جداً ..
ويقول أن كتاب grammer مميز من ناحية المفردات أكثر من أنه في القواعد نفسها ..
بس ملاحظة .. من يدخل الفصل انسى أنك تتكلم ولا برا على طول بعد إنذار أول .. يعني حاول تسكت ولا تخرب العلاقة معه ..

أما skills -- والله ما عندي علم عن هالمدرس ..


بالنسبة لمكتبة جرير .. فهي قريبة جداً جداً من الكلية .. يعني المسجد اللي تصلي فيه الجمعة هي بجنبه ..

وهي من إشارة الكلية امتداد شارع الحويلات .. تروح سيده وتعدي أول إشارة في الحويلات وتمشي شوي تحصلها في وجهك ..


تحيتي وتقديري،،،
أفدتني الله يوووفقك وييسر لك اموورك

QaHtAn
2010- 9- 21, 06:10 PM
أفدتني الله يوووفقك وييسر لك اموورك

ما سويت إلا الواجب جزاك الله خير ..!!

اللي ما فيه خير للناس ما فيه خير لنفسه ..
هذي الجملة هي اللي تسيرني ..

صارخ الصوت
2010- 9- 21, 06:31 PM
أبي أعرف عن مدرسيني

الإنجليش :
al-farhan
abu - alama
a hori
alex

سكيلز :
a . o abbasher

الرياضة :
f . al - moshaikeh

@الطموح@
2010- 9- 21, 06:36 PM
السلام عليكم

ياشباب انا عندي مشكلة في وقت الدوام طبعا انا في السنة التحضيرية والان انشاء الله هذا السمستر الثاني لي في الكلية وطبعا انا واجهت مشكلة في بداية وقت الدوام وهوالساعة 11 والان الكلية وضعت لي نفس الوقت وانا ابي اغير الدوام الى الصباح هل اقدر او لا؟ وبالنسبة للكتب هل اذهب لهم بكرة في الصباح واشتري الكتب والا في اول يوم اروح واشتريها على راحتي لأني اخاف اجي اول يوم والكتب مو موجودة معي ويقول لي واحد من المدرسين (ايش على بالك طالب مستجد؟؟) وماهي حلوة من اولها أبسنت

QaHtAn
2010- 9- 21, 07:18 PM
أبي أعرف عن مدرسيني

الإنجليش :
al-farhan
abu - alama
a hori
alex

سكيلز :
a . O abbasher

الرياضة :
f . Al - moshaikeh

والله ما عندي علم إلا عن المشيقح.. وهو مدرس كبير ما شاء الله حتى ولده يدرس في الكلية ..

الرياضة ماهي ذات أهمية .. أهم شيء احضر ..

أتمنى أحد يفيدك ..

QaHtAn
2010- 9- 21, 07:30 PM
السلام عليكم

ياشباب انا عندي مشكلة في وقت الدوام طبعا انا في السنة التحضيرية والان انشاء الله هذا السمستر الثاني لي في الكلية وطبعا انا واجهت مشكلة في بداية وقت الدوام وهوالساعة 11 والان الكلية وضعت لي نفس الوقت وانا ابي اغير الدوام الى الصباح هل اقدر او لا؟ وبالنسبة للكتب هل اذهب لهم بكرة في الصباح واشتري الكتب والا في اول يوم اروح واشتريها على راحتي لأني اخاف اجي اول يوم والكتب مو موجودة معي ويقول لي واحد من المدرسين (ايش على بالك طالب مستجد؟؟) وماهي حلوة من اولها أبسنت


أخوي بالنسبة لجدولك .. مع الأسف أنك ما تقدر ..
إلا إذا استخدمت الطريقة ( السحرية ) اللي قلتها لأخوك من جنب العارضة في الرد 31 ..!!

أما بالنسبة للكتب .. على راحتك أخوي .. مش معقولة يجيك مدرس أول يوم يحقط على الطلاب ..
ثاني شيء ترا أول يوم ما فيه دراسة .. يعني أكيد بتجي السبت .. تشتريها أي وقت ..

عـزام الشمري
2010- 9- 21, 10:46 PM
QaHtAn وش تخصصك ؟

QaHtAn
2010- 9- 22, 01:01 PM
QaHtAn وش تخصصك ؟

آلات دقيقة وتحكم

العشق السرمدي
2010- 9- 22, 02:51 PM
يا غالي

أولا : اسأل الله العظيم رب العرش العظيم أن يوفقك في حياتك واخرتك وأن يرزقك من حيث لا تحتسب

ثانيا : قبل يومين وجدت أن الكلية منزله لي 16 ساعة في الترم الاول لي في تخصص الهندسة الكيميائية
على العلم انه في الخطة الاساسية المفروض ينزل لي 17 ساعة . فلا ادري ماذا افعل مع اني حاولت كثيرا الاتصال على الكلية لكن لا جدوى ,, وفي خانة تغيير الجدول لا يوجد الا خاصية تغيير الشعب اما اضافة وازالة مادة لا توجد ... ارجو منك الافادة مشكورا لو استطعت .

ثالثا :: طلاب التخصص هل يحضروا يوم السبت والاحد أم يكون اول يوم لحضورهم يوم الاثنين كما مكتوب في الجدول ... اعذرني على هذا السؤال فأنا طالب محول للكلية ولا اعرف شئ

شكرا

QaHtAn
2010- 9- 22, 05:45 PM
يا غالي

أولا : اسأل الله العظيم رب العرش العظيم أن يوفقك في حياتك واخرتك وأن يرزقك من حيث لا تحتسب

ثانيا : قبل يومين وجدت أن الكلية منزله لي 16 ساعة في الترم الاول لي في تخصص الهندسة الكيميائية
على العلم انه في الخطة الاساسية المفروض ينزل لي 17 ساعة . فلا ادري ماذا افعل مع اني حاولت كثيرا الاتصال على الكلية لكن لا جدوى ,, وفي خانة تغيير الجدول لا يوجد الا خاصية تغيير الشعب اما اضافة وازالة مادة لا توجد ... ارجو منك الافادة مشكورا لو استطعت .

ثالثا :: طلاب التخصص هل يحضروا يوم السبت والاحد أم يكون اول يوم لحضورهم يوم الاثنين كما مكتوب في الجدول ... اعذرني على هذا السؤال فأنا طالب محول للكلية ولا اعرف شئ

شكرا


أولاً :: الله يجزاك خير ويبيض وجهك ويعطيك على ما ذكرت ويرزقنا ويرزقك الجنة والمسلمين..

ثانياً :: أخوي أنت تقول حولت للكلية .. هل كنت في جامعة أو كلية سابقاً .. لأنه يمكن عادلوا لك بعض المواد وحذفوها من الخطة اللي تنزل ..
وفي حال عكس ذلك .. فعندك أول أسبوع بإمكانك تروح عند المرشد الأكاديمي ( Advisor ) حقك وتستفسر وبإمكانك الإضافة حتى في أول أسبوع إن أمكن ..
بمعنى أوضح المرشد اللي عندك راح يسعى لك بكل ما أوتي من قوة أنه ياخذ حقك أو يفهمك بالنظام اللي حصل ..

ثالثاً :: الدوام أخوي يبدأ يوم الإثنين .. إلا إذا بغيت تجي تشتري الكتب بدري وتجهز نفسك فهذا شيء يرجع لك .. أنا من ناحيتي ودي أنك تخلي يوم الإثنين بداية الدراسة كل شيء جاهز من كتب وأغراض تخصك ..
عشان ما تشغل نفسك وتتعب تتنقل من مطبعة إلى زاد إلى كلاسات ..


أتمنى أني أفدتك وأفدت غيرك ..

mohtref
2010- 9- 22, 07:24 PM
ّّّّيا شباب ّّّّ
اذا كنت أعرف شخص في الكلية و عنده سكن و انا بطاقتي مسجل فيها طالب غير ساكن هل أقدر اسكن معاه ؟ ؟
اتمنى تفيدوني

QaHtAn
2010- 9- 22, 10:30 PM
ّّّّيا شباب ّّّّ
اذا كنت أعرف شخص في الكلية و عنده سكن و انا بطاقتي مسجل فيها طالب غير ساكن هل أقدر اسكن معاه ؟ ؟
اتمنى تفيدوني


آسف على التأخير .. والله المباراة جننتني .. لولا الله ثم الوالدة والإخوان كان في المقبرة ألحين .. اغمى علي مرتين ورا بعض أعوذ بالله .. الله يفكني من هالكورة بس والله ما جابت إلا المرض..!!

نرجع للموضوع .. أخوي فيه ناس يسكنون مع أخوياهم ترم كامل وهو ماهم مسجلين .. يعني السالفة ماهي معقدة ..

بس أخوي إذا في غرفة خويك فاضية .. تقدر تروح تقدم سكن ويعطونك الغرفة هذي ..

البوعينين
2010- 9- 22, 10:54 PM
مبروووك فوز الهلال اخوووي ....
حبيت استفسر عن مدرس انجلش 4
اناجاني سينيكال ...؟ وش رايك فيه زين ولا متشدد مع الطلاب

كـآريزمـآ
2010- 9- 22, 11:54 PM
وآفي والله يـآ بو قحط ..
لبى قلبك يـآ شيخ .. جالسين نتمتع بنعيم فضلك !

نرجع لسـآلفة الجززمة الله يعزك و يعز الملائكة و السـآمعين !

تقولي .. : أقدر ألبس أي جزمة ؟ مهوب شرط حق السـلآمة ؟

QaHtAn
2010- 9- 23, 02:30 PM
مبروووك فوز الهلال اخوووي ....
حبيت استفسر عن مدرس انجلش 4
اناجاني سينيكال ...؟ وش رايك فيه زين ولا متشدد مع الطلاب

الله يبارك في عمرك .. وعساهم يجملونها في الأخير .. هذا الهلال من عرفته ما يجيبها إلا من عنق الزجاجة .. يعني ينشف ريقك ينشف غصب عليك .. الله يعين

ياطويل العمر سينيكل هذا مدرس جنوب أفريقي ..
والله هو يا طويل العمر يعني معقد شوي .. يعني إذا أنت مستواك طيب في الإنجليزي ومعطيها أهمية كبيرة راح تمشي وبمعدل كويس ..
المشكلة وين أنه يبغاك تقنعه غصب وإذا ما اقنعته بموضوعك ممكن يقولك في وسط كلامك رح اجلس ..
وفي الأخير يمكن يقولك عطني موضوع عن جهاز وطريقة وتركيبه .. وأيضاً يقولك أشياء فيها من التعقيد على الطلاب نوعاً ما ..

فأنا أعيد لا زال لديك الفرصة - إن أردت - للتغيير على حسب تقييمي وتقييم أقدر أقول كل الطلاب ..

1 -- ويليام .... 2 -- عبداللطيف كامبل ..... 3 -- يوسف ( دارين ) رايت - أبو عيسى - ....

هذا يبقى رأيي طال عمرك ..
وعسى الله يوفقك .. وترا المادة أنا قبلك حسيت أنها صعبة ومعقدة .. وبيني وبنك أنا مش مميز في العروض والبريزينتيشن .. وجبت فيها b+ مع رايت ..

QaHtAn
2010- 9- 23, 02:36 PM
وآفي والله يـآ بو قحط ..
لبى قلبك يـآ شيخ .. جالسين نتمتع بنعيم فضلك !

نرجع لسـآلفة الجززمة الله يعزك و يعز الملائكة و السـآمعين !

تقولي .. : أقدر ألبس أي جزمة ؟ مهوب شرط حق السـلآمة ؟

كل هذا بفضل الله ثم بفضلي إذا وجد فضل مني .. هذا واجب طال عمرك ..
وما عليك زود يا كاريزما ..

بشرح لكم سالفة حذاء السلامة - الله يعزكم - للي ما يعرف ..
حذاء السلامة ( Safety shoes ) هذي مطلوبة في المعامل فقط لاغير .. ليش؟؟

لأنه في المعامل فيه خطورة على الطالب .. إما من سقوط شيء عليه .. أو أنها حماية من بعض الصعقات الكهربائية التي تصيب الطالب .. وذلك لأهمية Ground بالنسبة للكهرباء .. فهي تعمل بمثابة الـ Ground للطالب .. فلذلك صعب يدخلك أي مدرس معمل بدون حذاء السلامة ..

طبعاً زي ما تعرفون في السنة التحضيرية كاملة .. لا يوجد أي مادة فيها معمل .. جميع ما تدرسونه مواد نظرية فقط لا غير .. لذلك لا حاجة لحذاء السلامة وتشل معك كيلو حديد في رجلك :(164):

كذلك حتى للمتخصصين .. في الحصص النظرية لا حاجة لحذاء السلامة .. يعني تقدر أول ما تطلع من المعمل أو المختبر تفصخها على طول وتلبس عادية ..

أتمنى أني وضحت لكم ..

وبالتوفيق للجميع ،،

العشق السرمدي
2010- 9- 26, 02:28 AM
السلام عليكم ورحمة الله وبركاته

ياشباب حبيت اسأل في حالة حصول الطالب على شهادة الدبلوم وأراد أن يكمل البكالوريوس ( نفترض ان الطالب قبل في برنامج البكالوريوس ) هل يلزمه ان يتدرب في إحدى الشركات ثم يرجع لاكمال دراسة البكالوريوس أم يقتصر التدريب على الطلاب الراغبين في الحصول على وظيفة مباشرة بعد الدبلوم ...

واذا تدرب الطالب ماهي المدة التي يتدرب فيها الطالب في الشركة
هل هو ترم صيفي أم ترم اساسي ؟؟؟

شكرا لكم

QaHtAn
2010- 9- 26, 03:07 AM
السلام عليكم ورحمة الله وبركاته

ياشباب حبيت اسأل في حالة حصول الطالب على شهادة الدبلوم وأراد أن يكمل البكالوريوس ( نفترض ان الطالب قبل في برنامج البكالوريوس ) هل يلزمه ان يتدرب في إحدى الشركات ثم يرجع لاكمال دراسة البكالوريوس أم يقتصر التدريب على الطلاب الراغبين في الحصول على وظيفة مباشرة بعد الدبلوم ...

واذا تدرب الطالب ماهي المدة التي يتدرب فيها الطالب في الشركة
هل هو ترم صيفي أم ترم اساسي ؟؟؟

شكرا لكم


أخي العزيز .. في حالة قبولك في البكالوريوس .. لا يلزمك أبداً التدرب في إحدى الشركات .. إنما يتم تدريسك كبدايتك في الكلية دراسة طبيعية .. وهذا ما يميز الكلية عن الجامعات المتبقية ..
وهو أنه بإمكانك التخرج بشهادة الدبلوم العالي والتقديم في الشركات إن رغبت .. أو إكمال البكالوريوس .. عكس الجامعات التي تجبرك على إكمال البكالوريوس حتى التخرج ..

وفي حالة أخرى - وهذا ما أفضله أنا شخصياً - بإمكانك التخرج بالدبلوم العالي .. والإلتحاق بوظيفة في إحدى الشركات .. وكسب بعض الخبرة وكذلك تكوين نفسك لمدة سنة على الأقل .. ومن ثم تكمل درجة البكالوريوس عبر نظام التفرغ الجزئي ( Part Time ) وهذا ما تسمح به الكلية وأغلب الشركات .. منها تكسب بعض الخبرة وتضمن عمل جاهز لك في الشركة ..

ولكن المهم أن تفهمه .. أنه لا بد أن تتخرج من الدبلوم بمعدل يفوق الـ 3 .. بالإضافة إلى تخرجك من البكالوريوس بمعدل جيد يلحقك بإحدى الشركات ..
لأني أذكر سألت رئيس القسم الذي أدرس فيه .. لماذا تقبلون في الدبلوم أكثر من 200 طالب .. بينما تقبلون في البكالوريوس حوالي الـ 20 طالب ..
قال الشركات لا يطلبون المهندسين بقدر ما يطلبون المشغلين .. يعني بمعنى أوضح .. الهندسة لا ترغبها الشركات كرغبة المشغل .. لأنها ربما توظف 30 مشغل ومهندس واحد يديرهم ..

يعني لا بد من دراسة الوضع قبل الدخول فيه ..

بالتوفيق للجميع ..

العشق السرمدي
2010- 9- 26, 03:47 AM
اشكرك يا غالي على ردك الرائع وعلى جميع الردود التي افدتني بها في السابق.


اولا انا في تخصص الهندسة الكيميائية وكما تعلم هذا التخصص لو يقف على الدبلوم سيعمل شفتات في الشركة ( دوامات صبح وظهر وليل ) وبالتالي هل هناك أمل لاكمال البكالوريوس عن طريق التفرغ الجزئي ؟؟
ثانيا / على حسب اللي تسمعه هل فرصة توظيف طالب البكالوريوس ( اذا كان مميز ومعدله فوق الثلاثة ) مثل فرصته اذا كان متخرج من برنامج الدبلوم لاننا كما تعرف ماشاء الله مدعومين وبقوة من الهيئة الملكية لكن لا اعلم هل هذا الدعم يصل لدرجة البكالوريوس


عذبتك معاي جزيت الجنه يا غالي

dark night
2010- 9- 26, 11:50 AM
السلام
اخوي لوسحبت ملفي من الكليه متى اقدر اقدم مره ثانيه بعد كم سميستر
وشكرا على موضوعك

QaHtAn
2010- 9- 26, 03:43 PM
اشكرك يا غالي على ردك الرائع وعلى جميع الردود التي افدتني بها في السابق.


اولا انا في تخصص الهندسة الكيميائية وكما تعلم هذا التخصص لو يقف على الدبلوم سيعمل شفتات في الشركة ( دوامات صبح وظهر وليل ) وبالتالي هل هناك أمل لاكمال البكالوريوس عن طريق التفرغ الجزئي ؟؟
ثانيا / على حسب اللي تسمعه هل فرصة توظيف طالب البكالوريوس ( اذا كان مميز ومعدله فوق الثلاثة ) مثل فرصته اذا كان متخرج من برنامج الدبلوم لاننا كما تعرف ماشاء الله مدعومين وبقوة من الهيئة الملكية لكن لا اعلم هل هذا الدعم يصل لدرجة البكالوريوس


عذبتك معاي جزيت الجنه يا غالي


تم الرد أخوي ،،

QaHtAn
2010- 9- 26, 03:45 PM
السلام
اخوي لوسحبت ملفي من الكليه متى اقدر اقدم مره ثانيه بعد كم سميستر
وشكرا على موضوعك


إذا سحبت ملفك من الكلية تماماً .. فأتوقع أنه بإمكانك التقديم من الفصل التالي ..

أما إذا انسحبت من الكلية وهو الأفضل .. فالعودة خلال سمستر أو اثنان تحدده مع الكلية ..

كـآريزمـآ
2010- 9- 28, 12:17 AM
مجهود تشكر عليه بو قحط .. فديت رآسك !

بالله الـ ( study skills ) > سـآعة بالاسبوع !

كم عدد ساعات الغياب المسموح بها ؟

QaHtAn
2010- 9- 28, 12:47 AM
مجهود تشكر عليه بو قحط .. فديت رآسك !

بالله الـ ( study skills ) > سـآعة بالاسبوع !

كم عدد ساعات الغياب المسموح بها ؟


في السابق الغياب كان 3 أسابيع من 15 أسبوع ..
أما بداية من هذا السمستر أصبح أسبوعين من 15 أسبوع ..

أي أنك تضرب عدد ساعات المادة أو المحاضرات بالأسبوع تضربها في 2 ويجيك العدد المسموح بالغياب ..

يعني Study Skills .. ساعة واحدة .. لو تضربها في 2 .. راح يكون عندك حد أقصى غيابين فقط .. الثالث سيكون حرمان من المادة ..

مستلج
2010- 9- 30, 03:55 AM
الســـلامــ
يعطيك الف عافيه اخوي ع موضوعكــ وماشاء الله عليك ما قصرت مع احــد

اخوي انا ان شاء الله ناوي ان اقدم ع الكلية بالسمستر الثاني وان شاء الله انقبل ابي اعرف تقريبا متى يبدأ التقديم ؟؟؟

والسؤال الثاني عن السكن انا طبعا ماني من الجبيل ومحتاج السكن وما ما معي احد يعني اذا درست بالكلية ان شاء الله راح ادرس لحالي وابي اعرف بالنسبه للروميت هو يحطون معي اي واحد بالغرفه ؟؟



خالص الشكر

تحياتي

تراب الحب
2010- 9- 30, 04:06 AM
بالنسبة للبطاقة من وين أطلعها ومن أي مكتب وكم رقم المكتب وين صاير المكتب بس ياريت توضح الموقع بشكل واضح

الزعيم نت
2010- 9- 30, 12:18 PM
مشكوووور اخوي وسؤالي

هذا اول سمستر لي في التخصص

ومدرس الفيزياء سألناه عن الورقة الي فيها الهوم وورك و الكوزات

قالنا عن طريق الانترانت من صفحة الاسدي

ياليت تفيدني كيف ادخل على صفحة الاسدي عن طريق الانترانت

وشكرا

QaHtAn
2010- 9- 30, 03:00 PM
الســـلامــ
يعطيك الف عافيه اخوي ع موضوعكــ وماشاء الله عليك ما قصرت مع احــد

اخوي انا ان شاء الله ناوي ان اقدم ع الكلية بالسمستر الثاني وان شاء الله انقبل ابي اعرف تقريبا متى يبدأ التقديم ؟؟؟

والسؤال الثاني عن السكن انا طبعا ماني من الجبيل ومحتاج السكن وما ما معي احد يعني اذا درست بالكلية ان شاء الله راح ادرس لحالي وابي اعرف بالنسبه للروميت هو يحطون معي اي واحد بالغرفه ؟؟



خالص الشكر

تحياتي


أخوي التقديم راح يكون إن شاء الله قبل نهاية الفصل الدراسي الأول .. وراح يكون موضح ومنتشر على مواقع الانترنت ..

أما من ناحية السكن .. شرطهم أن تكون المسافة بينك وبين الجبيل 130 كم وما فوق ..!!

أما الروميت فهو يأتيك صدفة .. إلا إذا تعرف أحد تبادل معه أو تبي تنقل لسكن ثاني فاضي .. بإمكانك ذلك ..

QaHtAn
2010- 9- 30, 03:03 PM
بالنسبة للبطاقة من وين أطلعها ومن أي مكتب وكم رقم المكتب وين صاير المكتب بس ياريت توضح الموقع بشكل واضح

تقدر تروح لمكتب الوكيل وهو من عند البوابة الرئيسية على طول .. تدخل من عند البوابة الرئيسية .. إدارة شئون الطلاب تحصلها على اليمين من الجنب ..

QaHtAn
2010- 9- 30, 03:08 PM
مشكوووور اخوي وسؤالي

هذا اول سمستر لي في التخصص

ومدرس الفيزياء سألناه عن الورقة الي فيها الهوم وورك و الكوزات

قالنا عن طريق الانترانت من صفحة الاسدي

ياليت تفيدني كيف ادخل على صفحة الاسدي عن طريق الانترانت

وشكرا

أخوي إذا فتحت الانترانت من مكتبة الكلية .. وزي ما تعرف الانترانت يعني الشبكة الداخلية .. يعني ما تفتحها إلا عن طريق مكتبة الكلية ..

تحصل حروف من A-Z تحت مكان تسجيل الدخول ..

اضغط على حرف K
بتطلع كل أسماء المدرسين اللي تبدأ بحرف الكاف .. بعدين تبحث عن اسم
Khalid Assadi .. خالد الأسدي وتضغط عليه.
بيفتح موقعه الخاص فيه .. طبعاً راح تحصل على اليسار روابط بالأزرق ..
تضغط على اسم المادة ( Fundamental Of Physics )
بعدين راح يوضح كل اللي تبغاه .. سواء أوراق الواجب .. أو الخطة الدراسية .. أو بعض الملخصات .. أو Cover Page حق العملي .. أو أوراق المراجعة ( التوتوريال ) ..

أتمنى أني وضحت لك ،،

صالح10
2010- 10- 1, 02:15 PM
1----أريد معرفة كم رواتب المتخرجين من كلية الجبيل الصناعية كل التخصصات ...... بالتفصيل لو سحت


2----التخرج يحناج إلى 5 أو 6 سنوات ((( كما سمعت من بعض الأخوه)))

تراب الحب
2010- 10- 1, 04:31 PM
سؤال1 : كم رقم المكتب الخاص بإصدار بطاقة الكلية وين صاير في أي قسم ؟
سوال2 : وين صاير مكتب الإسكان وفي أي قسم ؟

QaHtAn
2010- 10- 2, 12:26 AM
1----أريد معرفة كم رواتب المتخرجين من كلية الجبيل الصناعية كل التخصصات ...... بالتفصيل لو سحت


2----التخرج يحناج إلى 5 أو 6 سنوات ((( كما سمعت من بعض الأخوه)))

والله يا أخوي الشركات تختلف عن بعضها كثيراً .. ولا يوجد رقم ثابت ومعين لأي شركة ..
ولكن المؤكد أنه الكلية مميزة لدى جميع الشركات .. لأنها تخرج الدبلوم العالي وليس كأي دبلوم .. ويكفي أن الدراسة جميعاً باللغة الإنجليزية ..

أما التخرج بالدبلوم .. إذا راح تمشي كما هو مدرج راح تكون سنتين ونص غير السنة التحضيرية ..
وسنتين زيادة إذا بغيت تكمل بكالوريوس ..

QaHtAn
2010- 10- 2, 12:31 AM
سؤال1 : كم رقم المكتب الخاص بإصدار بطاقة الكلية وين صاير في أي قسم ؟
سوال2 : وين صاير مكتب الإسكان وفي أي قسم ؟

1 .. والله إني مضيعه وأنا أخوك .. لكن الظاهر أنه في الخمسينات على ما أذكر ..

2 .. مكتب الإسكان بجانب سوبر ماركت زاد على الزواية .. عند مواقف المظلات ..

ابو هأدي
2010- 10- 2, 06:03 AM
بسم الله الرحمن الرحيم
السلام عليكم ورحمة الله وبركاته

الله يعطيك العافية على طرح الموضوع المميز

حبيت استفسر منك انا يا خوي جاي ادرس في الكلية عن طريقة
شركة معادن وقالوا لي اني بادرس المستوى الاول والثاني والثالث بس

فحبيت اسالك كيف الدراسة فيها مع العلم ان معي شوي انجليزي

هل هي سهلة او اني باتعب فيها .؟؟؟

صالح10
2010- 10- 2, 02:50 PM
والله يا أخوي الشركات تختلف عن بعضها كثيراً .. ولا يوجد رقم ثابت ومعين لأي شركة ..
..


إلى أي رقم ممكن يوصل ........
أبغى أرقام مثلًا تقولي الحد الأدنى 3500 - 35000 ريال :(164):
+
عندي مشكله

أنا قدمت بعد ما تخرجت فقبلوني ..... ما رحت سلمت أوراقي ...... بعد سنه قدمت من جديد ولا قبلوني الكليه ....... علمًا بأن نسبتي المركبه أكثر من 81% ..... وهل أستطيع أني أقدم السميستر الجاي ولا ... لا
أشكر جهودكـــــــ
سأظل مبتسمًا رغم كلٍ الصعاب :049:

QaHtAn
2010- 10- 2, 09:16 PM
بسم الله الرحمن الرحيم
السلام عليكم ورحمة الله وبركاته

الله يعطيك العافية على طرح الموضوع المميز

حبيت استفسر منك انا يا خوي جاي ادرس في الكلية عن طريقة
شركة معادن وقالوا لي اني بادرس المستوى الاول والثاني والثالث بس

فحبيت اسالك كيف الدراسة فيها مع العلم ان معي شوي انجليزي

هل هي سهلة او اني باتعب فيها .؟؟؟


إذا كانوا يقصدون اللي ندرسها نحن .. وهذا ما لا أتوقعه .. لأن الإنجليزي اللي يدرسونه الشركات يختلف تقريباً عما ندرسه وعن الإقسام التي بنيت عليها ..

طبعاً إن شاء الله بالتدرج راح يكون سهل .. يعني ما دام تبدأ من المستوى الأول ( Level I ) فهذا شيء مميز .. يعني راح تتسهل وراح تستدرج أمورك ..

بالتوفيق لك في إكمال مستقبلك ..

QaHtAn
2010- 10- 2, 09:21 PM
إلى أي رقم ممكن يوصل ........
أبغى أرقام مثلًا تقولي الحد الأدنى 3500 - 35000 ريال :(164):
+
عندي مشكله

أنا قدمت بعد ما تخرجت فقبلوني ..... ما رحت سلمت أوراقي ...... بعد سنه قدمت من جديد ولا قبلوني الكليه ....... علمًا بأن نسبتي المركبه أكثر من 81% ..... وهل أستطيع أني أقدم السميستر الجاي ولا ... لا
أشكر جهودكـــــــ
سأظل مبتسمًا رغم كلٍ الصعاب :049:



يا اخوي ..

أنا راح أتكلم عن التخصصات الأربع الكبرى في الكلية الخاصة بالقسم التقني ..

( الهندسة الكهربائية -- الآلات الدقيقة والتحكم -- الميكانيكية -- الكيميائية )..

هذي إن شاء الله رواتبها في الشركات ما يقل إن شاء الله عن 6000 ريال .. عاد وين يوصل بعدين ما عندي علم والله ..
وأي شيء بالجهد والمثابرة راح يحصل مناله ..

أما من ناحية قبولك ..

هي تعتمد على نسب المتقدمين في النظام .. والجهاز يختار بالأولوية ..

أنت نعم بإمكانك تقدم السمستر القادم .. كأنك شخص جديد ولا يوجد أي مشكلة في ذلك .

صالح10
2010- 10- 3, 12:09 PM
يا اخوي ..


( الهندسة الكهربائية -- الآلات الدقيقة والتحكم -- الميكانيكية -- الكيميائية )..

هذي إن شاء الله رواتبها في الشركات ما يقل إن شاء الله عن 6000 ريال .. .

هذا الرقم للدبلوم أو البكالريوس :(159)::(159):

شكرًا لكــــ .....

سأعود بعد أيام لأسألكـــــ مرة أخرى :oao:

سعودي طموح
2010- 10- 3, 03:04 PM
بسم الله الرحمن الرحيم
السلام عليكم ورحمة الله وبركاته

كلية الجبيل الصناعية ، معهد الجبيل التقني ، كلية الجبيل الجامعية


هل يوجد تسجيل موازي في أحد هذه الكليات ؟

وهل لازال التسجيل مستمراً ؟

وكم قيمة التسجيل ؟

لآنه يقال يوجد تسجيل وينتهي هذا الاسبوع
ابغى تعطوني معلومات وتجيبوا على اسئلتي

الله يجزاكم كل خير ان شاء الله

QaHtAn
2010- 10- 3, 08:48 PM
هذا الرقم للدبلوم أو البكالريوس :(159)::(159):

شكرًا لكــــ .....

سأعود بعد أيام لأسألكـــــ مرة أخرى :oao:

لا بالتأكيد هذا للدبلوم ..

حياك ،،

QaHtAn
2010- 10- 3, 08:52 PM
بسم الله الرحمن الرحيم
السلام عليكم ورحمة الله وبركاته

كلية الجبيل الصناعية ، معهد الجبيل التقني ، كلية الجبيل الجامعية


هل يوجد تسجيل موازي في أحد هذه الكليات ؟

وهل لازال التسجيل مستمراً ؟

وكم قيمة التسجيل ؟

لآنه يقال يوجد تسجيل وينتهي هذا الاسبوع
ابغى تعطوني معلومات وتجيبوا على اسئلتي

الله يجزاكم كل خير ان شاء الله

لا يوجد في كلية الجبيل الصناعية تسجيل موازي .. إلا ( في السنة التحضيرية ) في حالة عدت مادة الإنجلش أو الرياضيات مرتين .. راح تضطر تدفع 2500 للإكمال ..

أما عن بقية ما ذكرت من الجامعية والمعهد .. فلا أعلم أي شيء عنها والله .. ولكن لا أعتقد بنفس الوقت ..

العشق السرمدي
2010- 10- 4, 01:13 AM
سلام عليكم

اخوي قحطان انا طالب محول لكلية الجبيل الصناعية وهذي أول سنة تخصص لي .
حبيت اسألك عن طريقة الاختبارات من عدة جوانب :

1/ من يضع اختبارات كل مادة أقصد ( الميدترم والفاينل ) ,,, وهل هي موحدة على جميع الدفعة ؟؟
2/ ما هو مستوى الاختبارات في العموم .. هل من الممكن الحصول على قريد عالي في مادة
بدراسة الكتاب والنوت جيدا .. ام يجب حل اسئلة غير معتادة تكون بأفكار مختلفة عن مافي الكتاب والنوت .

شكرا لك

صالح10
2010- 10- 4, 12:02 PM
لا بالتأكيد هذا للدبلوم ..

حياك ،،

البكالريوس ممكن تعطينا أقل رقم ممكنــــ ......

شكرًا مره أخرى :(204):

صالح10
2010- 10- 4, 12:04 PM
عندي إستفسار آخر ........

أعطنا نبذة عن إختبار تحديد المستوى ...... :049:

QaHtAn
2010- 10- 4, 04:37 PM
سلام عليكم

اخوي قحطان انا طالب محول لكلية الجبيل الصناعية وهذي أول سنة تخصص لي .
حبيت اسألك عن طريقة الاختبارات من عدة جوانب :

1/ من يضع اختبارات كل مادة أقصد ( الميدترم والفاينل ) ,,, وهل هي موحدة على جميع الدفعة ؟؟
2/ ما هو مستوى الاختبارات في العموم .. هل من الممكن الحصول على قريد عالي في مادة
بدراسة الكتاب والنوت جيدا .. ام يجب حل اسئلة غير معتادة تكون بأفكار مختلفة عن مافي الكتاب والنوت .

شكرا لك


حياك الله أخوي .. وبالتوفيق لك لإكمال ما بدأت به والله يسهل عليك ..

1 .. تختلف كل الإختبارات عن بعضها .. طبعاً لكل مادة في أي تخصص أو مادة عامة .. رئيس أو مدير للمادة يسمى ( Subject Leader ) طبعاً في أغلب الأحيان هو اللي يختار أي نموذج للإختبار .. لأنه مثلاً كل مدرس يكتب نموذج وهو يختار السؤال الفلاني من هذا المدرس والسؤال الآخر من هذا النموذج ..
أو في حالة أخرى .. يختار مدرس ما يكتب الأسئلة وفق شروط وضوابط ومعايير معينة ..
أما الأسئلة أكيد راح تكون موحدة .. لأن كل اللي يدرسون المادة سيختبرون في يوم واحد .. ما عدا اللي عنده عذر أو ما شابهـ ..

2 .. أخوي الحضور والله العظيم هو أهم شيء .. ومن ثم تأتي الأشياء الأخرى ..
ثانياً .. أغلب المواد يمكن ما راح تحتاج الكتاب أبداً .. إلا فقط عشان المدرس يشوفه .. وتخسر فلوسك على الفاضي ..!!
بس أغلب المواد مثلاً إذا دخلت على اسم المدرس في الانترانت تحصل بجنب اسمه ( visit my website ) طبعاً ماهو كل المدرسين عندهم مواقع .. راح تحصل في الموقع بعض أوراق المراجعة وبعض النوت .. بالإضافة إلى ما يكتبه في المحاضرة .. وفهم للمادة .. اضمن لك تقريباً B+ ..

عموماً .. أغلب الكتب معقدة جداً .. ولكن شرح المدرس يسهلها كثيراً ..
وإجمالاً .. أكثر الأسئلة سهلة وأغلب المدرسين لا يحبذ أسئلة الذكاء ( Tricky ) إلا وضع سؤال واحد أو اثنين .. وذلك لكي يميز الطالب الفاهم عن غيره ..

هذا والله أعلم ،،

QaHtAn
2010- 10- 4, 04:38 PM
البكالريوس ممكن تعطينا أقل رقم ممكنــــ ......

شكرًا مره أخرى :(204):

والله ما عندي علم يا خوك ..

QaHtAn
2010- 10- 4, 04:43 PM
عندي إستفسار آخر ........

أعطنا نبذة عن إختبار تحديد المستوى ...... :049:

أخوي اختبار تحديد المستوى .. هو مقارب جداً للإختبارات التي تشاهدها في بعض مواقع الانترنت ..

هو عبارة عن اختبار يحدد مستواك .. لكي يضع الطلاب المتقاربين في المستوى في شعبة واحدة .. وذلك لتكافؤ المفاهيم والاستيعاب لدى الطلاب ..

وهناك ميزة في الإختبار .. بأنه في حالة حصلت على أكثر من 90 درجة من الإختبار ( وهي تقريباً سهلة لمن يمتلك خبرة في اللغة ) راح تختصر سيمستر كامل .. يعني راح تعدي English I

بالتوفيق للجميع ،،

محمد33
2010- 10- 4, 05:22 PM
السلام عليكم

حاب اسأل عن تخصص الاداري فتحوا له تكملة بكالوريس ولا بس التقني يقدر يكمل ؟؟
وابي اعرف وش التخصصات الي اقدر اكمل فيها بكالوريس؟؟؟؟

QaHtAn
2010- 10- 4, 10:46 PM
السلام عليكم

حاب اسأل عن تخصص الاداري فتحوا له تكملة بكالوريس ولا بس التقني يقدر يكمل ؟؟
وابي اعرف وش التخصصات الي اقدر اكمل فيها بكالوريس؟؟؟؟


لا أتوقع أخوي .. لكن هناك على ما أظن بعض الجامعات التي بإمكانك الإبتعاث إليها .. وكلية الجبيل معترفة لديها بكامل مناهجها ..

مثل على سبيل المثال .. جامعة تروي ..

أما عن التخصصات والله ما عندي علم عنها .. لكن Office managment .. بالإضافة إلى نظم المعلومات ..

نايف الغامدي
2010- 10- 6, 06:09 PM
يعطيك العافيه أخوي قحطان عندي استفسار بسيط وأتمنى ماتبخل علي
انا موظف بشركة وأتمنى اكمال مرحلتي الجامعية بكلية الجبيل الصناعية
قسم هندسة كيميائية المشكله كلمت الموظف قبل فترة وقال لي خبر مو سار الحقيقة
بخصوص الجدول مأتحكم فيه ىولا لي علاقه به وهذي مشكله كبيره الصراحه لان ماقدر ادوام بوقت دوامي بالشركه
فأتمنى تفيدني هل هالخبر صحيح وهل اقدر اتكلم مع احد المسؤولين ويساعدني او اي حل الله يحفظك

QaHtAn
2010- 10- 6, 06:30 PM
يعطيك العافيه أخوي قحطان عندي استفسار بسيط وأتمنى ماتبخل علي
انا موظف بشركة وأتمنى اكمال مرحلتي الجامعية بكلية الجبيل الصناعية
قسم هندسة كيميائية المشكله كلمت الموظف قبل فترة وقال لي خبر مو سار الحقيقة
بخصوص الجدول مأتحكم فيه ىولا لي علاقه به وهذي مشكله كبيره الصراحه لان ماقدر ادوام بوقت دوامي بالشركه
فأتمنى تفيدني هل هالخبر صحيح وهل اقدر اتكلم مع احد المسؤولين ويساعدني او اي حل الله يحفظك


لآ أخوي .. تقدر تعدل جدولك على راحتك .. وكذلك في حالة إغلاق بعض الشعب ..
الكلية تعطي كل شعبة فرصة لـ 2 أو 3 طلاب .. والأولوية لملئها طلاب التخرج وكذلك التفرغ الجزئي أو ( Part Time ) ..

بالتوفيق ..

نايف الغامدي
2010- 10- 6, 11:21 PM
يعطيك الف عافيه اخوي ولكن قريت لك رد على بعض الاخوان
في مرحلة التحضير يمنع التعديل على الجدول هل هذا صحيح ؟؟

QaHtAn
2010- 10- 7, 12:31 AM
يعطيك الف عافيه اخوي ولكن قريت لك رد على بعض الاخوان
في مرحلة التحضير يمنع التعديل على الجدول هل هذا صحيح ؟؟

أنا والله ما فهمتك يا نايف ..

أنا أحسب قصدك تكمل عندك دبلوم من أول وتبي تكمل بكالوريوس ..
أما إذا قصدك التحضيرية فجميع محاضراتها في النهار .. وكذلك لا أتوقع أن هناك نظام موازي في كلية الجبيل الصناعية ..

بالتوفيق أخوي ..

نايف الغامدي
2010- 10- 7, 12:13 PM
يعطيك العافيه اخوي قحطان وسالفة محاضرات النهار والله مشكله جدا
لاني موظف بشركه ودوامي شفتات بس مرات يصادفني ادوام بالنهار وصعب استاذن من العمل لاكثر من مره
طبعا يالغلا انا مابي ادرس موازي الي ابيه هو الدوام الجزئي وهذا لابأس به
ولكن بشوف حل اذا قدرت اعدل في الجدول من هنا ولا من هنا وربك يعين
مشكور مره ثانيه اخوي

العشق السرمدي
2010- 10- 7, 02:10 PM
:o2: تـــــســــتـــــاهـــــل الــــإشــــــراف يـــــا ولـــــــد قــــــحـــــطـــــان :o2:

والله يعينك علينا

QaHtAn
2010- 10- 8, 01:51 AM
يعطيك العافيه اخوي قحطان وسالفة محاضرات النهار والله مشكله جدا
لاني موظف بشركه ودوامي شفتات بس مرات يصادفني ادوام بالنهار وصعب استاذن من العمل لاكثر من مره
طبعا يالغلا انا مابي ادرس موازي الي ابيه هو الدوام الجزئي وهذا لابأس به
ولكن بشوف حل اذا قدرت اعدل في الجدول من هنا ولا من هنا وربك يعين
مشكور مره ثانيه اخوي

لا أيضاً أخوي نايف ..

المشكلة وين؟؟
المشكلة إن الدوام كله في النهار بالنسبة للتحضيرية ..

يعني التحضيرية فترتين ..
الأولى من 7 إلى 12 ... والثانية من 11 إلى 4 العصر .. ما فيه فترة ثالثة في الليل مثلاً ..

الله يعينك ويسهل عليك ..

عايض القحطاني
2010- 10- 9, 03:20 AM
سؤال بسيط لماذا قمت بحذف الموضوع المتكامل الذي يوجد به اكثر من 200 رد ؟؟؟؟


ففيه من الفائدة مايكفي لرد معظم الاسئله

QaHtAn
2010- 10- 9, 08:43 PM
سؤال بسيط لماذا قمت بحذف الموضوع المتكامل الذي يوجد به اكثر من 200 رد ؟؟؟؟


ففيه من الفائدة مايكفي لرد معظم الاسئله

أخوي عايض .. بداية قبل التعقيب .. أتوقع أنك تعلم أنه ليس من شيم الكبار أن تطرح الاتهام مباشرة دون دليل مادي وكذلك أمام الملأ ..
يعني كان بإمكانك إرسال رسالة خاصة توضح فيه وجهة نظرك أفضل من تنشرها وكأنك تريد إظهار الأخطاء ..

أولاً :: أنا لم أتسلم الإشراف في هذا القسم إلا قبل يومين فقط لاغير ..
ومنذ وجودي في هذا المنتدى والله لم أر الموضوع الذي تتحدث عنهـ .. إلا بعد ما تحدثت عنه أنت ..

والمشكلة الكبرى أنه موضوعك .. يعني كان بإمكانك أن تبحث عنه بواسطة اسمك فقط لاغير ..
الموضوع الذي لديك يوجد في الصفحة السابعة في القسم .. وأنت تدخل وتقول لماذا تحذف الموضوع ..

ما أقول إلا الله يسامحك فقط لاغير ..

والله بإمكاني أن أحذف الرد .. ولكن لكي لا تفهم الأمور كما تقول .. ولكي أوضح لكل من شاهد ردك الله يهديك ..

MURT
2010- 10- 10, 06:39 PM
عندي استفسار .../
هل يوجد نقل من الكلية الجامعية إلى الصناعيه...؟؟
واذا فيه ايش الأجراءات

QaHtAn
2010- 10- 10, 10:04 PM
عندي استفسار .../
هل يوجد نقل من الكلية الجامعية إلى الصناعيه...؟؟
واذا فيه ايش الأجراءات

والله يا طويل العمر .. تعتمد على المواد وطبيعة الدراسة في الكليتين ..
لأني والله ما عندي أي خبرة عن الكلية الجامعية ..

بالتوفيق..

MURT
2010- 10- 11, 06:53 PM
^^^^^^
انا رحت وسئلت الأدارة اليوم قالوا ...على حسب ادارة الصناعيه ..اذا كانو موافقين اقدر اخذ اوراقي...بس هل في تقديم الفصل الثاني؟؟؟؟

OPX
2010- 10- 11, 09:43 PM
السلام عليكم اخوي فهد
كيف حالك ؟
انشاء الله تكون بخير

والله استفدت من موضوعك جدا جدا من بداية الدراسة للحين وانا اشيك عليه دوريا
الله يوفقك دنيا واخره من حيث لا تحتسب ..
والله جاوبت على اكثر اسئلتي اللي ما احد من الكلية عرف يجاوبها

عذرا للاطالة .. بس الواحد ما يقدر يمنع نفسه من المدح في شخص يستاهل

انا عندي سؤال الله لا يهينك

معروف ان المكافأت نزلت من اسبوع تقريبا
بس انا ماجاني ولا حتى ريال
سألت معظم الشباب قالو وصلنا 490 ريال
ما ادري هل تأخير .. بس المشكلة مافي غيري تقريبا
انا انتظرت اسبوع الى اليوم .. ما ادري وش اسوي بالظبط

وش تنصحني اسوي يالغالي ؟

مع العلم اني سنه تحضيري .. وبنك الرياض ^^"
وايضا قدمت الورقة الخاصة بالبنك وقت التسجيل وكل البيانات معبئة وصحيحة ومختومه

الله يوفقك ويحفظلك والديك

QaHtAn
2010- 10- 12, 09:28 PM
^^^^^^
انا رحت وسئلت الأدارة اليوم قالوا ...على حسب ادارة الصناعيه ..اذا كانو موافقين اقدر اخذ اوراقي...بس هل في تقديم الفصل الثاني؟؟؟؟


ممتاز .. شد حيلك ..

ولكن أتمنى أن يكون في ذلك اليوم الذي ستأتي فيه أن يكون الأستاذ يوسف الشايجي - وكيل الكلية - في يومه ورايق لك .. لأنه هو نقطة ضعف الكلية رغم خبرته الكبيرة ...!!!!

QaHtAn
2010- 10- 12, 09:32 PM
السلام عليكم اخوي فهد
كيف حالك ؟
انشاء الله تكون بخير

والله استفدت من موضوعك جدا جدا من بداية الدراسة للحين وانا اشيك عليه دوريا
الله يوفقك دنيا واخره من حيث لا تحتسب ..
والله جاوبت على اكثر اسئلتي اللي ما احد من الكلية عرف يجاوبها

عذرا للاطالة .. بس الواحد ما يقدر يمنع نفسه من المدح في شخص يستاهل

انا عندي سؤال الله لا يهينك

معروف ان المكافأت نزلت من اسبوع تقريبا
بس انا ماجاني ولا حتى ريال
سألت معظم الشباب قالو وصلنا 490 ريال
ما ادري هل تأخير .. بس المشكلة مافي غيري تقريبا
انا انتظرت اسبوع الى اليوم .. ما ادري وش اسوي بالظبط

وش تنصحني اسوي يالغالي ؟

مع العلم اني سنه تحضيري .. وبنك الرياض ^^"
وايضا قدمت الورقة الخاصة بالبنك وقت التسجيل وكل البيانات معبئة وصحيحة ومختومه

الله يوفقك ويحفظلك والديك


الله يجزاك خير أخوي .. ويجعل لك مثل ما قلته وأكثر إن شاء الله .. ولم أتواجد هنا إلا لمساعدتكم ..

أخوي من المفترض أن تنزل لك المكافأة .. لأنك أول سمستر ولا يوجد أي مخالفات أو أي شيء يمنع نزول المكافأة ..

بإمكانك تراجع مكتب الإدارة .. وخاصة مكتب المحاسب - ما أدري والله كم رقمه - لكن تقدر تدخل وتسأل .. وهو راح يدلك إما تروح البنك أو المشكلة من الكلية نفسها ..

بالتوفيق لك أخوي ..

MURT
2010- 10- 13, 05:00 PM
ممتاز .. شد حيلك ..

ولكن أتمنى أن يكون في ذلك اليوم الذي ستأتي فيه أن يكون الأستاذ يوسف الشايجي - وكيل الكلية - في يومه ورايق لك .. لأنه هو نقطة ضعف الكلية رغم خبرته الكبيرة ...!!!!

طيب في تقديم الفصل الثاني؟؟؟ وأذا فيه متى بيكون؟؟

QaHtAn
2010- 10- 13, 06:43 PM
طيب في تقديم الفصل الثاني؟؟؟ وأذا فيه متى بيكون؟؟

أكيد فيه تقديم ..

لكن ماله تاريخ محدد الآن .. ولكن المؤكد أنه سيكون في نهاية الفصل الدراسي الأول .. يعني تقريباً في بداية محرم ..
وراح يمتد لأسبوعين تقريباً ..

صابر وحظي غابر
2010- 10- 18, 09:35 PM
السلام عليكم ورحمة الله وبركاته
اخوي انا عندي اكثر من سوال
ماهي افضل التخصصات في الكلية مستقبلا
هل ممكن السكن في الكلية اللي يجي الفصل الثاني ودورات المياه اعزكم الله عربي او فرنجي لاني لدي مشكلة
ثاني انا جايب 84 ثانوي
67 تحصيلي
83 قدرات
كم نسبتي الموزونة
ولك جزيل الشكر والله يوفقك وجميع مسلم لما يحبه ويرضاه

QaHtAn
2010- 10- 19, 01:08 AM
السلام عليكم ورحمة الله وبركاته
اخوي انا عندي اكثر من سوال
ماهي افضل التخصصات في الكلية مستقبلا
هل ممكن السكن في الكلية اللي يجي الفصل الثاني ودورات المياه اعزكم الله عربي او فرنجي لاني لدي مشكلة
ثاني انا جايب 84 ثانوي
67 تحصيلي
83 قدرات
كم نسبتي الموزونة
ولك جزيل الشكر والله يوفقك وجميع مسلم لما يحبه ويرضاه


وعليكم السلام ورحمة الله وبركاته ..

حياك الله أخوي ..

والله التخصصات تعتمد على حسب الرغبة وما يهواهـ الشخص ..
يعني البعض يرغب التعامل مع الكهرباء .. والآخر يرغب التعامل مع المواد الكيميائية .. وكذلك البعض يهوى القطع الميكانيكية والعمل مع الأدوات ..

أما بالنسبة للسكن .. فبالتأكيد إذا كنت تبعد عن الجبيل أكثر من 120 كيلو .. راح تحصل سكن ..
ودورات المياهـ .. على ما أعتقد أن مخلوط ما بين عربي وافرنجي ..

أما النسبة الموزونة .. فهناك برنامج خاص لحساب النسبة الموزونة تستطيع تحميله من خلال البحث في محركات البحث ..

صابر وحظي غابر
2010- 10- 19, 03:09 AM
الله يجزاك خير
طيب وش رايك بين جامعة الامام وكلية الجبيل لاني والله ضايع بينهن
ام التخصص وش رايك بالتحكم والالات الدقيقة له مستقبل

QaHtAn
2010- 10- 19, 08:45 PM
الله يجزاك خير
طيب وش رايك بين جامعة الامام وكلية الجبيل لاني والله ضايع بينهن
ام التخصص وش رايك بالتحكم والالات الدقيقة له مستقبل


والله ما عندي علم إلا من كلية الجبيل .. ولا أحب المقارنات .. لأني أخشى أقول لك وأنصحك في مكان ما ولا تنجح فيهـ ..

أما من التخصص .. فتخصص الآلات الدقيقة والتحكم من أفضل التخصصات في الكلية .. وهو تخصص عبارة عن تحكم عن بعض القياسات .. مثل قياسات التدفق والضغط وكذلك والمستوى للسائل بالإضافة إلى درجة الحرارة ..
ولا يوجد شركة لا تتعامل مع هذه القياسات ..

يعني تخصص ممتع .. وليس بتلك الصعوبة التي يذكرونها البعض ..!!

بالتوفيق لك ..

صابر وحظي غابر
2010- 10- 22, 08:28 AM
صباحك ورد
اخوي تقديم الترم الثاني عن طريق الانترنت والا ضروري حضوري
واذ كان على النت وقدمت وقبلوني ماجيهم الامع بداية دراستي والااحضر قبل
وشكر

Abdullah-S
2010- 10- 22, 09:48 AM
السلام عليكم

انا طالب بالكليه السنه التحضيريه وعندي كم سؤال عن الميجر

- كيف الاختبار صعب ولا سهل ؟
- في دراسه بيوم الاختبار ؟ ( الاختبار يوم الثلاثاء والاربعاء الجاي )
- لو جبت درجات نازله عادي ولا لا ؟

شكراا

QaHtAn
2010- 10- 22, 12:58 PM
صباحك ورد
اخوي تقديم الترم الثاني عن طريق الانترنت والا ضروري حضوري
واذ كان على النت وقدمت وقبلوني ماجيهم الامع بداية دراستي والااحضر قبل
وشكر


هلا أخوي .. حياك الله

أخوي التقديم راح يكون عبر الانترنت .. وستعلن نتائج القبول في الأسبوع التالي وسوف يتم تحديد يوم لحضورك في حل تم قبولك إن شاء الله .. وذلك لإكمال الإجراءات من فحص طبي وتفويض لإحدى البنوك لاستقبال المكافأة ,,, وإجراءات أخرى سوف يتم توضيحها لك لاحقاً..

QaHtAn
2010- 10- 22, 01:05 PM
السلام عليكم

انا طالب بالكليه السنه التحضيريه وعندي كم سؤال عن الميجر

- كيف الاختبار صعب ولا سهل ؟
- في دراسه بيوم الاختبار ؟ ( الاختبار يوم الثلاثاء والاربعاء الجاي )
- لو جبت درجات نازله عادي ولا لا ؟

شكراا

الاختبار سهل إن شاء الله في حال كنت فاهم اللي درسته .. مثل الجرامر ( القواعد ) ولازم أهم شيء تحفظ الكلمات اللي معكم زي اسمك .. وحاول تنسى اسمك ولا تنساها ..
أيضاء لازم تركز في الإستماع ( Listening ) من حيث مخارج الكلمات حتى تعرف الهجاء والحروف للكلمات ..

ويفضل كمبتدئ - إذا كنت كذلك - أن تكتب الجمل بالعربي وبعدين تترجمها على راحتك ..
لأنه في سؤال يتكلم 3 جمل تقريباً وأنت تكتب وراه .. وراح تكون من الكلمات اللي أخذتوها ..
وراح يعطيك وقت خمس إلى عشر دقائق بعد الإستماع عشان تعدل وتغير الإجابات إذا بغيت ..

* لا يوجد دراسة في يوم الإختبار ..

* والله شوف ما فيه أحد يقول درجة نازله عادي ..!!
يعني هو ماراح تطرد ولا شيء .. لكن راح تأثر في معدلك ..

طبعا للتوضيح للجميع .. المعدل في السنة التحضيرية كاملة هو لتحديد التخصص فقط وذلك بالمفاضلة بين الطلاب ..
ولكن بعد الدخول في التخصص سيبدأ المعدل من جديد ..

Hak
2010- 10- 24, 11:29 AM
انا طالب في الكلية الجامعية وابغى أحول للصناعية في طريقة تحويل أو لازم نسجل من جديد

QaHtAn
2010- 10- 24, 10:02 PM
انا طالب في الكلية الجامعية وابغى أحول للصناعية في طريقة تحويل أو لازم نسجل من جديد

أخي العزيز ..

إن شاء الله فيه تحويل وراح يعادلون لك بعض المواد .. لكن التوقيت والأمور هذي والله ما عندي علم ..

Abdullah-S
2010- 10- 25, 04:44 PM
* لا يوجد دراسة في يوم الإختبار ..



طيب والحاسب او الرياضه و الستدي سكلز في ولا لا ؟.

بدوي آكشن
2010- 10- 25, 09:42 PM
اخوي فهد

الله يجزاك خير اخوي

اذا ماعليك امر تعرف متى تقديم الترم الثاني ؟ ؟ ؟ ؟ ؟





لاهنت ياخوي

QaHtAn
2010- 10- 26, 01:24 AM
طيب والحاسب او الرياضه و الستدي سكلز في ولا لا ؟.

لا يوجد دراسة أبداً في يوم الإختبار ..

تختبر وتمشي ..

QaHtAn
2010- 10- 26, 01:25 AM
اخوي فهد

الله يجزاك خير اخوي

اذا ماعليك امر تعرف متى تقديم الترم الثاني ؟ ؟ ؟ ؟ ؟





لاهنت ياخوي

سيكون في شهر محرم القادم إن شاء الله ..

Abdullah-S
2010- 10- 26, 02:31 PM
لا يوجد دراسة أبداً في يوم الإختبار ..

تختبر وتمشي ..

اليوم كان عندي ستدي سكلز وما رحت وفي طلاب راحو وحضرهم واحنا غياب :(154):

كيف تقول مافي دراسه ؟ :(175):

QaHtAn
2010- 10- 27, 12:58 AM
اليوم كان عندي ستدي سكلز وما رحت وفي طلاب راحو وحضرهم واحنا غياب :(154):

كيف تقول مافي دراسه ؟ :(175):

أخوي والله في أيامنا .. ما كان فيه حضور
يعني أنا أتكلم معاك عما حصل معي ..

ولكن كان من الواجب أن تسأل .. ولا تعتمد على طرف واحد الله يصلحك ..

ابو مقص
2010- 10- 28, 11:56 AM
أخوي والله في أيامنا .. ما كان فيه حضور
يعني أنا أتكلم معاك عما حصل معي ..

ولكن كان من الواجب أن تسأل .. ولا تعتمد على طرف واحد الله يصلحك ..


و الواجب علينا إذا كنا ما نعرف الإجابة للوضع الحالي عدم التفلسف>>ركز على عدم التفلسف ههه

موفق اخي وماقصرت في خدمة الطلاب

Abdullah-S
2010- 10- 28, 02:50 PM
و الواجب علينا إذا كنا ما نعرف الإجابة للوضع الحالي عدم التفلسف>>ركز على عدم التفلسف ههه

موفق اخي وماقصرت في خدمة الطلاب




لا مو الغلط منه لانه صح مافي دراسه بالانقليزي ولا الرياضه ولا الحاسب بس المدرس الله يهديه حضر الطلاب 4 طلاب حاظرين والباقي غياب :(154):

ابو مقص
2010- 10- 28, 07:22 PM
لا مو الغلط منه لانه صح مافي دراسه بالانقليزي ولا الرياضه ولا الحاسب بس المدرس الله يهديه حضر الطلاب 4 طلاب حاظرين والباقي غياب :(154):

عزيزي في الميجر الإنجليش لا يوجد كلاسات إنجليش
اما الرياضة والإستدي سكيلز يوجد كلاسات >>طبعا هذا تبعا لنظام اما في حالة دكتور الرياضة والإستدي سكيلز صرح بعدم وجود كلاسات فهذا شي ثاني

والكلام ينطبق على الإنجليش تو إللي عندهم مااث يحضرواا إلا إذا قال لهم الدكتور لا تحضرواا >>مع انه شبه مستحيله يقول لهم لا تحضرواا

بالنسبة للحاسب فلا يوجد كلاساات المادة -سلف استدي -

وللمعلوميه لا يوجد اي خطأ من المدرس عندما يحضر الطلاب الموجودين ولو كان طالب واحد والباقي اكيد راح يحطهم غياااب

تحياتي لكما :049:

فهم
2010- 11- 1, 09:04 PM
السلام عليكم ورحمه الله وبركاته
تكفوووووووون يا جماعه الخير

انا محتاار وشرايكم ادخل كليه الجبيل ولا جامعه في بريطانيا اريد بكالوريوس هندسه ميكانيكيه ونا الان ببريطانيا اخذ لغه
وهل فيه فرق كبير بينها ولا لا
ومتى يبدأ التسجيل للفصل الثاني للكليه
والله لا يهيييييييينكم جميع

QaHtAn
2010- 11- 2, 04:29 AM
السلام عليكم ورحمه الله وبركاته
تكفوووووووون يا جماعه الخير

انا محتاار وشرايكم ادخل كليه الجبيل ولا جامعه في بريطانيا اريد بكالوريوس هندسه ميكانيكيه ونا الان ببريطانيا اخذ لغه
وهل فيه فرق كبير بينها ولا لا
ومتى يبدأ التسجيل للفصل الثاني للكليه
والله لا يهيييييييينكم جميع


والله يا أخوي ما أقدر أنفعك بشيء في الأمر هذا ..

حاول أن تستشير من كان يدرس في هذا التخصص هنا وهناك .. لكي تستفيد أكثر ..
وأيضاً لا تعتمد على استشارة واحدة أخوي .. حاول أن تستشير أكثر من شخص ..

وقبل كل شيء .. الإستخارة ولا غير الإستخارة ..

الله يوفقك ..

apple200
2010- 11- 2, 08:10 PM
بخصوص الاختبارات حق منتصف الفصل هل يوجد دوام من السبت الى الاثنين وهل يوجد دراسة والاختبارات النهائية من السبت الى الاثنين وكم ميجر يوجد

QaHtAn
2010- 11- 3, 12:31 AM
بخصوص الاختبارات حق منتصف الفصل هل يوجد دوام من السبت الى الاثنين وهل يوجد دراسة والاختبارات النهائية من السبت الى الاثنين وكم ميجر يوجد


والله استفسارك غير واضح أخوي ..

هل أنت تدرس السنة التحضيرية ؟؟

مفارق غالي
2010- 11- 3, 01:40 AM
السلام عليكم ورحمة الله وبركاته ..
حبيت أسئل يااخواني عن طريقة حساب النسبة الموزونه
في كلية الجبيل الصناعية ؟؟ وشكرااا

apple200
2010- 11- 4, 07:38 AM
هل في الاختبارت النصفية يوجد دوام؟؟؟ وكم اختبار ميجر يوجد؟

العشق السرمدي
2010- 11- 5, 03:26 PM
السلام عليكم

انا يا اخ قحطان نزلت لي المكأفاة الاولى في هذا الترم 490 ريال
وهذا الشئ غير مستغرب لأني جعلت قيمة الكتب تؤخذ من المكافأة

لكن الشئ الذي استغربته هو نزول المكافأة لي للمرة الثانية 490 ريال
وسألت الكثير من الشباب الذين دفعوا قيمة الكتب من مكافأتهم عن مكافأتهم الثانية
فوجدت ان المكافأة نزلت لهم كاملة 990 ريال .

اتمنى منك افادتي قبل الذهاب لادارة الكلية عن الاسباب المحتملة
على العلم بأني طالب محول للكلية وهذا الترم الاول لي في التخصص . ( أحد اصدقائي نفس وضعي بالضبط محول من جامعة وايضا مكافأته الثانية نزلت له 490 ريال )

شكرا لك

كـآريزمـآ
2010- 11- 6, 09:50 PM
بو قحط عسـآك ع القوة !
بالله سؤال خطافي احتري اجابته على احر من الجمر !!

س/ كيف اعرف موعد اختبار Introduction to computer ؟


سعسعت في موقعهم ولا عرفت الموعد !


بانتظـآرك :)

ابو هأدي
2010- 11- 14, 01:21 AM
سلام عليكم

اخوي فهد لا عدمنا وجودك...


ابي اسالك عن طريقة حسبت الدرجات في السنة التحضيرية

كيف طريقتها يعني الكوزات كم عليها والميجر كم عليه والفاينال والبرزنتيشن
والمدرس هل في يده درجات اول لا ؟؟؟؟

Abdullah-S
2010- 11- 19, 03:33 PM
اسسعدني خبر تمديد الاجازه لـ طلاب التعليم العام والتعليم العالي ،

اخواني ابي اعرف حنىا طلاب كليه الجبيل وش وضعنا ،؟

الزعيم نت
2010- 11- 28, 04:36 AM
السلام عليكم والرحمة


بس سمعت ان اقدر اخذ سلفة من الكلية


حبيت اعرف من اي مكتب ؟


و كم راح يكون التقسيط شهريا ؟


وشنو الطريقة عشان اقدم سلفة ؟


وشكرا

Nart
2010- 11- 29, 11:49 PM
ـ اهلين
ـ ابغى تفيدني لاني ابغى احول من كلية الى كلية الجبيل مع العلم اني في مدينة ثانية
ـ سؤالي :هل يتم معادلة المواد ام اعيد من الاول ?وانا في المستوى الخامس ?
ـ وابي اغير القسم غير القسم اللي انا ادرسة الحين
وشكرا وياليت تساعدوني ضروري:106:

ma_15
2010- 12- 19, 02:30 PM
السلام عليكم

ابغى تساعدوني
انا بسجل خويي في معهد الجبيل
التسجيل لكلية الجبيل والمعهد موحد
يعني رابط التسجيل واحد
انا عبيت البيانات باقي خيار مكتوب نوع الشهاده
شهادة خويي ثانوية صناعيه
والخيارات المتوفره في الموقع هي : علوم طبيعه وعلوم شريعة وعربيه وعلوم اداريه واجتماعيه

شـــــــــــــــــــــــــنـــــــــــــــــــو الحـــــــــــــــــــــــل؟؟؟

جت لي
2010- 12- 29, 02:50 PM
ياخوي ماهي الاشياء المطلوبه بالتقديم غير الثانوية والقدرات والتحصيلي


مكتوب التفويض البنكي وش هذا وفي ورقة دخول مركبه كيف اعبيها وفي كشف طبي ولالا


وسؤال اخير كيف الدراسه هناك صعبه سهله ترا انا بالانقلش مستواي متدني


تكفى جاااااوب باسرع وقت ممكن

بدوي آكشن
2010- 12- 29, 08:46 PM
^
اخوي جت لي , , ,


التفويض البنكي هو رقم الايبان الي هو : رقم الحساب وهذا تطلعه من البنك وانت واقف يعطونك اياه , ,


اما عن الدراسة بتكون سهله اذا شديت حيلك وصعبه ان تساهلت , , بس مافي شي صعب



اما عن الانقلش , , راح يدرسونك ترم كامل كله عن الانقلش , الي هي رايتنق , ولسننق , وقرمر



اتمنى اني افدتك , , وسووري على اللقافة , بس قلت يمكن معطينك الكلية مهله يومين قلت افزع اساعدك :33_asmilies-com::d5:




موفق اخوي ,

جت لي
2010- 12- 30, 01:02 AM
الله يجزاك خير ..


معليش بس بسالك تحملني الفحص الطبي هم يعطونياه ولا اطبعه من موقعهم واعبيه من مستشفى لان مافي شي بالموقع ....

آخر طموحي أنت
2010- 12- 30, 01:54 AM
جت لـــي

يالله حي القراااابة هلا بأهل عرعر

آمممم يابن آخي لا يعطونك وصف للمستشفى اللي بيكون فحصك عنده

وهم هناك يسألونك انت طالب كلية ..؟ ويفتحون لك ملف ويبدون بالفحص

ويعطونك نتيجة الفحص وتوديها لهم الا اذا استجد شي جديد عندهم ما عندي خبر فيه

جت لي
2010- 12- 30, 02:01 AM
الله يبقيك :love080: هلا بك مليوووووووون

مشكووورين انت والي رد قبل شوي :lllolll:

السكن وينه هذا اسكن لحالي ولا معاي ناس

srs
2010- 12- 30, 04:09 PM
حبيت استفسر اخووي عن درااست الادااري وش تخصصتها واي درجه ياخذها بعد التخرج بكالوريس والا دبلووم وهل يقدر يحوول تقني وايهم افضل من ناااحيه دواام ودرااسه وشهاده يقدريكمل فيها دراستها يعني ماستر وكذا..ويعطيك العااافيه وما قصرت...

الحب لك
2010- 12- 30, 11:55 PM
السلام عليكم


اخوي ممكن تفيدني ولك جزيل الشكر


انا جايب الميجر الاول f والثاني f بعد

هل فيه امكانيه اني اعدي السمستر بc+ او لا



وشكرا

المسدد البارع
2010- 12- 31, 02:13 AM
حبيت استفسر اخووي عن درااست الادااري وش تخصصتها واي درجه ياخذها بعد التخرج بكالوريس والا دبلووم وهل يقدر يحوول تقني وايهم افضل من ناااحيه دواام ودرااسه وشهاده يقدريكمل فيها دراستها يعني ماستر وكذا..ويعطيك العااافيه وما قصرت...

دراسة المسار الاداري سهلة خصوصا اللي عنده ميول للحاسب الالي
تخصصاتها كثيرة منها
1- ادارة المكاتب
2- المحاسبة
3- تقنية المعلومات
4- التسويق

و الله للاسف الكلية ما تمنح الا دبلوم في التخصصات الادارية جميعها بلا استثناء
و لا يوجد امكانية مواصلة البكالريوس في الكلية بس تقدر تكمل في الخارج مع معادلة جميع
الساعات

التقني مسار حلو للي يبي يفكر و يشتغل بيده
و كذلك في المسار التقني تمنحك الكلية دبلوم بس في تخصصات
يمكن ان تكمل في الكلية و تمنحك درجة البكالريوس
مثل :1- الهندسة الكيميائية
2- الهندسة الميكانيكية
3- الهندسة الكهربائية
4- هندسة الالات الدقيقة


الدوام بشكل عام يعتمد على عدد الساعات اللي تنزلها في السمستر الواحد
و الله يعينك اذا كان عندك كلاسات بالليل يعني من 7 مساء إلى 10 مساء هذا على
حد سواء الاداري أو التقني يعني بالمختصر انت و حظك

و الدراسة الاداري يميل بشكل كبير إلى السهولة و الليونة في التعامل بشكل بسيط
التقني لازم تكون جامد من البداية يعني لا تكون مايع و تقول لا انا اسوي كذي !!!!
التعامل بشكل عام يعتمد على نوعية المدرس اذا كان حبوب و طيوب انت في نعيم
و البي بلس في المخبة أما اذا كان شري الله يعينك بس لازم تتحمل الصعاب بعد شو تسوي

تقدر تحول من الاداري إلى التقني (على ما اظن ) في السمستر الثاني في السنة التحضيرية و العكس
صحيح من التقني إلى الاداري ( شي اكيد )

المسدد البارع
2010- 12- 31, 02:15 AM
السلام عليكم


اخوي ممكن تفيدني ولك جزيل الشكر


انا جايب الميجر الاول f والثاني f بعد

هل فيه امكانيه اني اعدي السمستر بc+ او لا



وشكرا

يعني f يعني كم الدرجات ؟
عشان اقدر احسب لك

الحب لك
2010- 12- 31, 03:25 PM
جايب يا طويل العمر القريد العام 54%
وفي القرمر لحاله 63%

srs
2011- 1- 1, 07:43 AM
دراسة المسار الاداري سهلة خصوصا اللي عنده ميول للحاسب الالي
تخصصاتها كثيرة منها
1- ادارة المكاتب
2- المحاسبة
3- تقنية المعلومات
4- التسويق

و الله للاسف الكلية ما تمنح الا دبلوم في التخصصات الادارية جميعها بلا استثناء
و لا يوجد امكانية مواصلة البكالريوس في الكلية بس تقدر تكمل في الخارج مع معادلة جميع
الساعات

التقني مسار حلو للي يبي يفكر و يشتغل بيده
و كذلك في المسار التقني تمنحك الكلية دبلوم بس في تخصصات
يمكن ان تكمل في الكلية و تمنحك درجة البكالريوس
مثل :1- الهندسة الكيميائية
2- الهندسة الميكانيكية
3- الهندسة الكهربائية
4- هندسة الالات الدقيقة


الدوام بشكل عام يعتمد على عدد الساعات اللي تنزلها في السمستر الواحد
و الله يعينك اذا كان عندك كلاسات بالليل يعني من 7 مساء إلى 10 مساء هذا على
حد سواء الاداري أو التقني يعني بالمختصر انت و حظك

و الدراسة الاداري يميل بشكل كبير إلى السهولة و الليونة في التعامل بشكل بسيط
التقني لازم تكون جامد من البداية يعني لا تكون مايع و تقول لا انا اسوي كذي !!!!
التعامل بشكل عام يعتمد على نوعية المدرس اذا كان حبوب و طيوب انت في نعيم
و البي بلس في المخبة أما اذا كان شري الله يعينك بس لازم تتحمل الصعاب بعد شو تسوي

تقدر تحول من الاداري إلى التقني (على ما اظن ) في السمستر الثاني في السنة التحضيرية و العكس
صحيح من التقني إلى الاداري ( شي اكيد )



يعطيك ربي الف الف الف عااافيه ولاقصرت ومشكور يالغااالي...

da7oOm
2011- 1- 1, 05:02 PM
مسسسآأكم الله بالخير جميعآأ ..


عندي سؤالين ويآليت تفيدوني .. أنا موعدي بكره انشالله في كليه الجبيل الصناعيه ..ومآقدرت اخلص مسسأله التفويض البنكي ..عآأدي اخلصهآأ بعد الموعد..!!

وبالنسبه للفحص الطبي .. هل هو تحليل دم لمعرفه فصيله الدم .؟
أو فيه حاجات ثانيه ؟

وأأسف ع الأطااله ...~

فلوح
2011- 1- 1, 06:56 PM
السلام عليكم ..
انا يا اخوان كنت مسافر وتوني ادري عن نتائج القبول ودخلت عليه عشان اشوف انقبلت او لا
وكل ما ادخل رقم بطاقة الاحوال يقول ليي الرقم غير صحيح وانا مسجل فيها يعني كيف يروح علي كذا تسجيلي وانا متاكد ما الحل يا اخوان:mad: ؟؟ ياليت تساعدوني هل انقبلت او لا ؟؟والله يوفق الجميع:000:

فلوح
2011- 1- 1, 07:30 PM
:mh12::sdfgdsf: ياليت تردون علي باسرع وقت والله مدري وش اسوي:mad:

بدوي آكشن
2011- 1- 2, 12:34 AM
مسسسآأكم الله بالخير جميعآأ ..


عندي سؤالين ويآليت تفيدوني .. أنا موعدي بكره انشالله في كليه الجبيل الصناعيه ..ومآقدرت اخلص مسسأله التفويض البنكي ..عآأدي اخلصهآأ بعد الموعد..!!

وبالنسبه للفحص الطبي .. هل هو تحليل دم لمعرفه فصيله الدم .؟
أو فيه حاجات ثانيه ؟

وأأسف ع الأطااله ...~




ياحبيبي اي شي ينقص من الي طالبينه يطردونك , , ,



وبعدين التفويض البنكي تطلعه وانت واقف حتى لو ماعندك بطاقة صراف , , يعني اذا بكره مامداك رح البنك بدري وطلعه ورح للكلية , , من اي بنك طبعا



اما الفحص الطبي , , ان كان عندك رخصة ماراح يحللونك دم , ,لانه مكتوب عليه الفصيلة

ويبون بعد عينه من البول وانت بكرامه

ويفحصون صدرك , , لاتخاف حتى لو تدخن ماراح يأثر شي



وفالك التوفيق اخوي ,,,

المسدد البارع
2011- 1- 2, 02:30 AM
السلام عليكم ..
انا يا اخوان كنت مسافر وتوني ادري عن نتائج القبول ودخلت عليه عشان اشوف انقبلت او لا
وكل ما ادخل رقم بطاقة الاحوال يقول ليي الرقم غير صحيح وانا مسجل فيها يعني كيف يروح علي كذا تسجيلي وانا متاكد ما الحل يا اخوان:mad: ؟؟ ياليت تساعدوني هل انقبلت او لا ؟؟والله يوفق الجميع:000:

شوف انت تأكد مرة و مرتين و اذا ما في اي فايدة يعني
للأسف ما انقبلت

ناصر الشمري
2011- 1- 4, 03:24 PM
الحين استلمنا الكتب بس كلها انجليزي
يعني الدراسه بس مادة الانجليزي ولا فيه مواد ثانيه ناخذها لابدينا

بدوي آكشن
2011- 1- 4, 10:55 PM
^
^
^
اي نعم اخوي الفصل الاول كله انقليزي فقط , , , ولا في شي غيره






موفق يابن شمر

جحمنزر
2011- 1- 5, 01:56 AM
ياشباب بلاه كيف طبيعة الدراسة وكيف يبدون معك بالدراسة بالانقلش يعني من اي مستوى ولا من الحروووف وهل الدراسة صعبه ؟؟؟؟
تكفوووون ابي رد لان فيه ناااس يقووولووون صعبه وواحد من اصدقائي انسحب من الكليه وهل تستطيع تحول الى معهد الجبيل التقني في حالة عدم نجاحك في الكلية ؟؟؟

kasper
2011- 1- 5, 03:58 PM
السلام عليكمً ,
استفسار بسيط , نتائج امتحان تحديد المستوى , متى تطلع نتيجتهُ ,,

ومشكور ع الموضوع , اخويُ , لا عدمنا جهودك الرـآئعه ,:(204):

جت لي
2011- 1- 6, 08:18 PM
السلام عليكم ... كل من افادني ومن لم تسمح له الفرصه بالرد الله يجزاه خير


مبروك للي انقبلوا واللي ماانقبلوا الله يوفقهم وينقبلون



الحمد لله قبلوني .. عطوني كتب انجليزي ومن ضمن الكتب كتاب قرمر


هذا طول الترم ادرسه ولا نفس الكتب الثانيه اسبوع ونخلصه لأني



سالت كذا واحد يقول لي كل اسبوع نخلص كتاب واختبار . مادري هل الكلام

صحيح ولالا

الواااصل
2011- 1- 7, 01:55 PM
السلام عليكم _ أنا دخلت على النتائج ومكتوب ( نأسف لعدم قبولك علماً أنه سيتم قبول دفعه ثانية في حال عدم أكتمال العدد ) .. أنا أقول أن شاء الله يقبلوني وأنا متفائل بالخير لكن / بطرح كم من سوؤال على اللي قبلتهم الكلية ؟

_ الشروط اللي عطوكم بس شرطين ( الفحص الطبي و التفويض البنكي ) ؟ أو أكثر من شرط ؟
_ طيب الفحص الطبي أنا معي رخصة يعني أعطيهم الرخصة ولا وشلووون ؟

ياليت تردوون لي عشان أخلص في حال قبولي :. والله يوفق الجميع

بدوي آكشن
2011- 1- 7, 06:05 PM
السلام عليكم _ أنا دخلت على النتائج ومكتوب ( نأسف لعدم قبولك علماً أنه سيتم قبول دفعه ثانية في حال عدم أكتمال العدد ) .. أنا أقول أن شاء الله يقبلوني وأنا متفائل بالخير لكن / بطرح كم من سوؤال على اللي قبلتهم الكلية ؟

_ الشروط اللي عطوكم بس شرطين ( الفحص الطبي و التفويض البنكي ) ؟ أو أكثر من شرط ؟
_ طيب الفحص الطبي أنا معي رخصة يعني أعطيهم الرخصة ولا وشلووون ؟

ياليت تردوون لي عشان أخلص في حال قبولي :. والله يوفق الجميع


لا حبيبي انت راح تطبع ورقة وفيها 6 خانات منها :

1-تجيهم ويطابقون البيانات ويصورونك < < واذا شعرك طويل حلقة من ذلحين

2-يحولونك على مستوصف < < تسوي فحص ( تحليل دم و بول وبراز وانتم بكرامة وطول ووزن ونضر ) اما الي بالرخصة هذي الفصيلة ماهي التحليل . , , ويوقولن لك تعال خذ التحليل بكرة

3- تجي تاخذ التحليل وتروح للكلية وتستلم كتب وملابس وتصريح دخول السيارة .


وبس



وفالك التوفيق ياخوي

الواااصل
2011- 1- 7, 10:52 PM
يعطيك العافية :. ماقصرت يااعادل الحربي بيض الله وجهك :(204):

الشيخ صجة
2011- 1- 8, 12:07 AM
سلام عليكم

أولا: حبيت اشكرك اخوي على الموضوع الأكثر من رائع


ثانيأ:كيف اعرف نتيجة اختبار تحديد مستوى اللغة الانجليزية؟

وهل هناك اختبار تعدية ؟

وشكرااااااااااااااااااااا لــــــــــــــــــــــــــــــــــــــك:love080:

سلطان الهاجري9
2011- 1- 8, 05:38 PM
كيفكم ياحلوين؟؟؟

انا طالب انقلش 2 تقني واكيد تعرفون ان احنا ندرس ماث وابي اسالكم سوووال مهم؟؟

هل في اختيار التخصص يركزووون على الانقلش بس او الانقلش والرياضيات

لاني اقدر اعدي في الرياضيات بــd وانا سمعت ان نسبه الانقلش ستين بالميه والرياضيات اربعين واذا كانت اربعين برسب بالماث عشان اجيب درجه عاليه واخذ افضل التخصصات

وانا ابي اعرف كم نسبه بالميه للرياضيات وكم للانقلش عشان يختارون التخصص

سو ا لف عشق
2011- 1- 12, 12:25 AM
السلام عليكم ورحمة الله وبركاته

حبيت استفسر اذا انا موظف في سابك كيف اقدر ادرس بالجبيل الصناعيه ؟؟

ابي ادرس موازي بس كيف ؟

وش المطلوب
ابي اكمل بكالوريوس اقدر اذا جبت المعدل اقدر او لا اخاف ان الدراسه بتكون صباحيه ؟؟

ارجو الرد ممن له خبره في هالاشياء

طموح رجل
2011- 1- 23, 04:00 AM
يعطيكَ ألف عافية إخوي فهد على المجهود اللي قاعد تسويه و إن شاء الله ينكتب لك الأجر عند الله

،
،
،

انآ اللي بغيت استفسر عنه تخصص الالات الدقيقة .. ابغى معلومات عنه بـ التفصيل يعني هل فيه هندسة التخصص هذا و وش المطلوب علي انا كـ طالب اطمح لـ هذا التخصص و وش يتطلب مني عشان يقبلوني بـ هندسة الالات الدقيقة .. و هل الفرص الوظيفية في هذا التخصص واسع مثل ما سمعت و لا شلون ؟

اتمنى الرد السريع اخوي لأني بصراحة متوهق .. :icon9:

و ألف شكر على المجهود اللي تبذله و كله أجر إن شاء الله :119:

م.أحمد
2011- 1- 23, 01:38 PM
^^

التخصص مطلوب لازم تجيب معدل عالي فوق 3.5 :000::000::bawling:

و يعتمد على الفيزياء و الرياضيات كثير

فلوح
2011- 1- 23, 05:38 PM
السلام عليكم ..
مالفرق بين تخصص اداري وتقني ؟؟ وماهو الافضل؟؟

فلوح
2011- 1- 23, 05:49 PM
ياليت تردون علي باقرب وقت ممكن

بدوي آكشن
2011- 1- 23, 08:50 PM
الاداري : تشتغل على مكاتب ومن التخصصات الي فيه ( تسويق محاسبة ) , , , , الخ


التقني : اذا درست 3 سنوات فتتخرج بمسمى ( فني ) او اذا كملت بكلريوس تتخرج ( مهندس ) . . .

ومن التخصصات الي فيه ( هندسه كيميائيه , كهربائيه , الات دقيقة ) , , , الخ



اما من الافضل

من سؤالي لناس ايهما افضل اثناء التقديم , اتضح لي ان التقني افضل من حيث الضمان الوضيفي , , وحتى بعد تقدر تكمل عليه بكلريوس , ,


اما عن الاداري ما ادري اذا فيه بكلريوس ولا لا . ( يفيدونك الاخوان انشالله )





ولاكن في حال انك اداري وحاب انك تحول تقني , , , تقدر ولاكن يشترط عليك دراسة ترم كامل ثم تحول

طبعا هذي احد الشروط ( ما ادري عن الشروط الثانية ) < < حبذا لو تستفسر من الادارة , يكون اضمن لك .





وفالك التوفيق انشالله ياخوي

بدوي آكشن
2011- 1- 23, 08:54 PM
انتبه اخوي , , , من حيث الافضل

مو معناة ان التقني افضل خلاص ان الاداري شين , , , بالعكس الاداري كويس جدا , ولاحض جدا من حيث الوضيفة.




بس على مايقولون , , ,

فيه الحلو وفيه الاحلى

فلسفة مايسترو
2011- 1- 24, 02:46 AM
الحين عندي إستفسار


إن شاء الله داخل الكليه الترم الثانئ
و خلصنا الدبلومـ ,, إن شاء الله
و حبينا نكمل بكالوريوس هل راح تكون سهله . . ؟
و الشئ الثانئ إن الله وفقنا و خلصنا بكالوريوس هل إني إجباري أتوظف بأحدى شركات الجبيل
ولا لي الحريه بالتوظف في إي مكان و منطقه . . ؟



ضروري يأخوان . . :icon9:

م.أحمد
2011- 1- 24, 04:55 AM
و حبينا نكمل بكالوريوس هل راح تكون سهله . . ؟


للأسف لا العدد المحدد للبكالوريوس قليل جداً تقريبا على ما سمعت 20 للكل تخصص و لازم يكون المعدل عالي فوق الـ 3.5



و الشئ الثانئ إن الله وفقنا و خلصنا بكالوريوس هل إني إجباري أتوظف بأحدى شركات الجبيل
ولا لي الحريه بالتوظف في إي مكان و منطقه . . ؟

حر وين ما تبغى تروح


ولاكن في حال انك اداري وحاب انك تحول تقني , , , تقدر ولاكن يشترط عليك دراسة ترم كامل ثم تحول

طبعا هذي احد الشروط ( ما ادري عن الشروط الثانية ) < < حبذا لو تستفسر من الادارة , يكون اضمن لك .


الشروط : أنك تدرس فصل و يكون معدلك فوق الـ 2.5 و أن لا يكون عندك سمنة مفرطة او عمى ألوان

أبو موسى
2011- 1- 24, 09:01 AM
السلام وعليكم أنا طالب جديد وحبيت أستفسر عن شي أنا قالولي يوم خلصت أوراقي تجي 1/3 وواحد ثلاثه يصادف يوم جمعه
وش السااااالفه:(107):

أبو موسى
2011- 1- 24, 09:22 AM
السلام وعليكم أنا طالب جديد وحبيت أستفسر عن شي أنا قالولي يوم خلصت أوراقي تجي 1/3 وواحد ثلاثه يصادف يوم جمعه
وش السااااالفه:(107): .

mhbobk99
2011- 1- 25, 04:23 AM
:mh12::mh12:السلااام عليكم ورحمة الله وبركااااته انا طالب كنت ادرس في كلية الجبيل الصناعية وكنت انقلش 1 وحملتها وبعدين اعدتها وعديتها بتقدير D وبعدها فصلت واللحين ودي ارجع صار لي ثلاث اترام تاركها اقدر ارجع واذا كااان اقدر الله لايهينك ابي الشرووط والطريقه

:mh12::mh12::mh12::mh12::mh12::mh12::mh12::mh12::m h12::Cry111::Cry111:

بدوي آكشن
2011- 1- 25, 07:31 AM
.



الدراسة 9 \ 3

مع بداية دراسة ورعان المدارس :biggrin:

مشاري الرياض
2011- 1- 26, 03:27 PM
السلام عليكم ,,,,,,,,لو سمحت ابغى اسأل عن كيفية التسجيل للجداول مع العلم انني مخلص الاوريا حاليا ,,,,,,وشكرا

صارخ الصوت
2011- 1- 27, 02:35 PM
بسم الله الرحمن الرحيم

كم سؤال على الطاير

كم مكافئة التميز ؟؟؟ يعني a+ كم يعطوه ؟؟؟ a ??? B+ ???

متى ينزلوا الجداول ؟؟؟

لو ابي أغير في الجدول ؟؟؟ هل يمكن ؟؟؟

و السلام خير ختام

mr.salloom
2011- 1- 28, 10:17 PM
السلام عليكم ورحمة الله وبركاته ،،
مساك الله بالخير أخوي ،،

ياخوي أنا نجحت في English 2 ومانجحت بالماث ( في السمستر 302 )
والسمستر اللي راح (311) عدت الماث مرة ثانية وبرضو مانجحت فيه ،
الآن كيف أدرس على نظام التقوية "Improvement" ؟؟
وش هي الإجراءات المطلوبة بالضبط ؟

واحد من الزقرت
2011- 1- 29, 11:58 AM
السلام عليكم

اخوي بالنسبة لبرنامج التفرغ الجزئي

وش قصته ابي معلومات عنه الله لايهينك

طموح رجل
2011- 1- 31, 02:24 AM
إخوي عادل يا ليت لو تفيدني في سؤالي عن تخصص ( الالات الدقيقة ) لأني مو لاقي الجواب الاكيد :icon9:

بدوي آكشن
2011- 1- 31, 02:34 PM
ياطويل العمر والسلامه

انا شفت سؤالك من قبل , , , لو عندي علم مابخلت عليك يالطيب

مير مالي علم فيه , , , العذر والسموحه اخوي

العشق السرمدي
2011- 2- 2, 07:28 AM
يا اخوان موب للدرجة ذي ان البكالوريوس تتطلب معدل 3.5

اعرف ناس كثير معدلاتها 2.9 وفوقها بشوي وماشاء الله الحين يدرسوا الهندسة وماشية امورهم

@الطموح@
2011- 2- 2, 10:49 AM
تكفون افيدوني عن تخصص هندسة التصنيع ايش طبيعة المواد اللي ندرسها ؟ وهل هو صعب جدا؟ وهل الوظيفة مضمونة ان شاء الله؟ وهل مستقبلها حلو بالنسبة لطبيعة الدوام ؟ او تكملة الدراسة؟
تكفون اللي عندة ولو جواب لسؤال واحد لايبخل. منتظركم:(269):

العشق السرمدي
2011- 2- 4, 01:41 AM
السلام عليكم

يا أخوان أنا محول من جامعة أخرى من 4 أشهر ولا أعرف النظام في الكلية من حيث :

هل يجب علي تأكيد دراستي للسمتسر القادم حتى ينزل لي الجدول الدارسي أم تنزل الجداول تلقائيا بدون تأكيد .

وهل نزلت لكم الجداول لأنه في الخطة الدراسية مكتوب ان موعد نزول الجداول يوم الثلاثاء الماضي .

شكرا

الوعد الصادقـ
2011- 2- 4, 02:43 PM
السلام عليكم

يا أخوان أنا محول من جامعة أخرى من 4 أشهر ولا أعرف النظام في الكلية من حيث :

هل يجب علي تأكيد دراستي للسمتسر القادم حتى ينزل لي الجدول الدارسي أم تنزل الجداول تلقائيا بدون تأكيد .

وهل نزلت لكم الجداول لأنه في الخطة الدراسية مكتوب ان موعد نزول الجداول يوم الثلاثاء الماضي .

شكرا

الظاهر انك من البترول

حياك يالغالي

الجدول ينزل تلقائيا وتقدر تغير المدرسين اذا نزل

العشق السرمدي
2011- 2- 5, 07:58 AM
الظاهر انك من البترول

حياك يالغالي

الجدول ينزل تلقائيا وتقدر تغير المدرسين اذا نزل



جزاك الله خير يا غالي ما قصرت

أبو ثامر
2011- 2- 6, 04:36 AM
عندي سؤال عن تخصص البوليمرات

طبعاً أخوي بعد ما خلص السنة التحضيرية

وضع رغبات التخصص و جاته الرغبة تقريباً الرابعة البوليمرات

ياليت الأخوان يفيدونا عن مستقبل التخصص بعد التخرج إن شاء الله

و أي الشركات التي تهتم بهذا التخصص

و هل في إمكانية لتغيير التخصص

أرجو إفادتي ,, و لكم جزيل الشكر

الوعد الصادقـ
2011- 2- 6, 02:28 PM
هلابيك بوثااامر نورتنا

والله التخصص حسب علمي كويس ومرغووب فيه لان مافي غير كليتنا تدرس هالتخصص

ورايحين يفتحون له بكالوريوس بالكلية

ويقدر يحول الى التخصص اللي يبغيه بس يجيب فوق 2.5

دمتم بود

@الطموح@
2011- 2- 6, 02:45 PM
الوعد الصادق تكفا افيدني عن تخصص هندسة التصنيع ايش طبيعة المواد اللي ندرسها ؟ وهل هو صعب جدا؟ وهل الوظيفة مضمونة ان شاء الله؟ وهل مستقبلها حلو بالنسبة لطبيعة الدوام ؟ او تكملة الدراسة؟ :106:

م.أحمد
2011- 2- 6, 04:33 PM
عندي سؤال عن تخصص البوليمرات

طبعاً أخوي بعد ما خلص السنة التحضيرية

وضع رغبات التخصص و جاته الرغبة تقريباً الرابعة البوليمرات

ياليت الأخوان يفيدونا عن مستقبل التخصص بعد التخرج إن شاء الله

و أي الشركات التي تهتم بهذا التخصص

و هل في إمكانية لتغيير التخصص

أرجو إفادتي ,, و لكم جزيل الشكر


التخصص مطلوب في كثير من شركات سابك و كثير شركات الجبيل و ينبع

تقدر التخصص بعد ما تجتاز أول فصل دراسي في التخصص بمعدل 2.5

&& رواتب خريجي الدبلوم موحدة في جميع شركات سابك

MILITO
2011- 2- 7, 04:35 PM
السلام عليكم حبيت اعرف افضل مدرسين للمواد سمستر ثاني للمحاسبه
Accounting Practice 1
Cost Accounting
Introduction to Finance
English Spreadsheet
Database Applications
Statistics
English IV

يعطووووووووووون ملخصاااااااااااااااااااااات:Cry111:

عـزام الشمري
2011- 2- 7, 10:12 PM
السلام عليكم حبيت اعرف افضل مدرسين للمواد سمستر ثاني للمحاسبه
accounting practice 1
cost accounting
introduction to finance
english spreadsheet
database applications
statistics
english iv

يعطووووووووووون ملخصاااااااااااااااااااااات:cry111:




وعليكم السلام

الانقلش انصحك تاخذه عند عبداللطيف كامبل <<< المدرس هذا مايقصر بالدرجاااات

امااا باقي المواااد والله مااعرفهم لان تخصصي تقني

موفق....

م.أحمد
2011- 2- 8, 09:33 PM
السلام عليكم



ما خاب من إستشار

أريد معرفة أفضل مدرسين للـ College Algebra & Trigonometry

ما رأيكم بـ M. TAHAYNEH ؟؟

راكان العتيبي
2011- 2- 8, 11:45 PM
يآ آخون جآ في الايآم الاخيره تآجيل الدراسه الى 16-3

بمناسبه شفا الملك

لو صدق و تاجلت أحنا يالجدد نداوم يعني أسبوع تعريفي ولا أجازه

KSR
2011- 2- 9, 12:27 AM
شباب بالله مساعدتكم
توني جديد بالكلية واخت الجدول
وفيه من المواد فيزياء وحاسب+Study Skills
مدري وش الطبخة
كل الكتب شاريها يوم تسليم الأوراق
لكن كلها انجليزي؟ ماشفت مادة ثانية؟
هل اشري كتب ثانية ولا ايش؟

م.أحمد
2011- 2- 9, 12:43 AM
يآ آخون جآ في الايآم الاخيره تآجيل الدراسه الى 16-3

بمناسبه شفا الملك

لو صدق و تاجلت أحنا يالجدد نداوم يعني أسبوع تعريفي ولا أجازه


يا أخوان لا تطلعون إشاعات الدراسة في موعدها :oao:

م.أحمد
2011- 2- 9, 12:45 AM
شباب بالله مساعدتكم
توني جديد بالكلية واخت الجدول
وفيه من المواد فيزياء وحاسب+Study Skills
مدري وش الطبخة
كل الكتب شاريها يوم تسليم الأوراق
لكن كلها انجليزي؟ ماشفت مادة ثانية؟
هل اشري كتب ثانية ولا ايش؟



ما في فيزياء يمكن قصدك فيزكس أكتف اللي هي التربية الرياضية
Study Skills مهارات التعلم محاضرة بالإسبوع ما لها كتب
ما عندك كتب غير الإنجليزي

KSR
2011- 2- 9, 01:00 AM
ما في فيزياء يمكن قصدك فيزكس أكتف اللي هي التربية الرياضية
study skills مهارات التعلم محاضرة بالإسبوع ما لها كتب
ما عندك كتب غير الإنجليزي
اسأل الله ان يوفقك ويسدد خطاك
السموحا جاي ومطفي النور خخخخخخ
ممتاز السالفة بس انجليزي وجايب فيزياء من مخي خخخخخ
الله يجزاك الجنة

صليب الراس
2011- 2- 9, 02:31 AM
صباح/مساء الخير ع الجميع

عندي استفسار بخصوص مكافأة التميز هل تنزل لطلاب التحضيري وإلا لا ؟

وبخصوص كتب English2 اللي هي كتب Grammar هل اقدر ادفع لهم في مركز بيع الكتب أو لازم يسحبون من المكافأة ؟

وبالتوفيق للجميع ...

عـزام الشمري
2011- 2- 9, 02:49 AM
مكافاه التميز تنزل لطلاب التحضيريه

مركز بيع الكتب يرفض استلام اي مبلغ كاش لازم يخربون على الطلاب ويسحبون مكافأتهم

حسن علي
2011- 2- 9, 04:21 AM
ابي معلوما عن هذا الاستاذ
s.a.al-humaidi

لاهنت

عـزام الشمري
2011- 2- 9, 12:14 PM
لااعرف عنه شي

اللي اعرفه انه سعودي من الاحساء

منصور العتيبي
2011- 2- 9, 02:55 PM
سلام شباب انا عندي اسئله ياليت الي عنده خبره يفيديني
انا توي انقبلت الفصل الثاني
الزبده جتني رساله امس من الكليه يقول خش على الموقع الجدول طلع
والحظور اليوم الاول بالثوب والا بالزي
وكيف اطلع الجدول مع اني خشيت بالرقم الجامعي والباسورد
ماطلع لي شي
ياليت تفيدوني:119:

منصور العتيبي
2011- 2- 9, 03:03 PM
شباب الله لايهينكم حبيت اسال عن مدة الدراسه الدبلوم اربع ولا ثلاث سنوات
انا سمعت انه اربع هل هو صدق ولا وش الوضع

MILITO
2011- 2- 9, 05:42 PM
بليزززززز عندي اسئلة:Cry111:

البيهافيير يدرسني موفيد كيف المدرس
؟؟؟؟؟؟؟؟؟؟؟؟ الماده لها ملخصات لاتقصروون معي بليززز :000:


ابي نصائحكم في مادة english iv شباااااااااااااااااااااااااب ابي نصائحكم لمادة كيف سهله .... الي عنده برسينشين عن المادة لايقصر معنا ............ اي شي تعرفه عن المادة يقولي بليززززززززززززززز .. والف شكر لكم:Cry111:




مادة ACCOUNTING PRACTICE 1 و INTRRODUCTION TO FINANCE
المدرس اسمه نااايف ....كيف المدرس ... الماده كيف

ليتك تحس
2011- 2- 10, 04:56 PM
السلام عليكم ورحمة الله وبركاتة انا ما انقبلت وان شاء الله انقبل السنه الجايه بس تكفووووون عندي سؤؤؤؤؤال للي متأكد والا يهون ابو قحط :love080: انا شغال في شركه ومدخلين اسمي التأمينات الاجتماعيه وسمعت الي اسمه يدخل الاتأمينات ما يدخل اي كليه او جامعه الي متأكد من جوابه يجاوب والي مهو متأكد بيض الله وجه والله يوفق من يرد على ويرزقه ان شاء الله الجنه

ابن جدعان
2011- 2- 10, 06:06 PM
السلام عليكم ورحمة الله وبركاته

هل من الممكن لخريجي كليات التقنية اكمال الدراسة في كلية الجبيل الصناعية ؟

واذا كان ممكن ماهي الشروط اللازم توفورها ؟

وجزاكم الله خيرا.

ابوهاني
2011- 2- 10, 06:18 PM
سلام شباب انا عندي اسئله ياليت الي عنده خبره يفيديني
انا توي انقبلت الفصل الثاني
الزبده جتني رساله امس من الكليه يقول خش على الموقع الجدول طلع
والحظور اليوم الاول بالثوب والا بالزي
وكيف اطلع الجدول مع اني خشيت بالرقم الجامعي والباسورد
ماطلع لي شي
ياليت تفيدوني:119:

ياطويل العمر اليوم الاول اختياري تجي بالثوب او زي الكليه كله واحد

وبالنسبه للجدول بعد ما تدخل اليوزر تلاقي عاليسار مكتوب class schedule تدخله تلاقي الجدول.


اتمنى اكون افدتك

ابوهاني
2011- 2- 10, 06:27 PM
شباب الله لايهينكم حبيت اسال عن مدة الدراسه الدبلوم اربع ولا ثلاث سنوات
انا سمعت انه اربع هل هو صدق ولا وش الوضع


الدبلوم ثلاث سنوات*وست شهور تطبيق

السنه الاولى سنه تحضيريه
والسنتين الي بعدها تخصص

منصور العتيبي
2011- 2- 10, 11:44 PM
الله يعطيك العافيه يابو هاني ومشكور افدتني وبقوه اشكرك لبا قلبك انت كذا:(204):

ابوهاني
2011- 2- 11, 01:43 PM
العفو حبيبي ما سوينا الا الواجب :wink:

كـآريزمـآ
2011- 2- 11, 01:46 PM
السـلآم عليكم و رحمة الله و بركآته

طآب مسآؤكم بكل خير .. و تقبل الله منكم صآلح الاعمال !

آخوآني على عجآلة ... :
انا طآلب حصلت على دي أن فجميع الموآد لظروف لا يعلم فيها الا الله !

و كمآ هو وآضح ان عندي فرصة الترم الثآني .. لكن متفآجئ ان الجدول مآ نزل لي !


أحد يقدر يفسر لي وش الحآصل ؟؟؟؟؟

alsulami
2011- 2- 13, 04:21 AM
السلام عليكم ورحمة الله

صباح الخير ..

اخواني انا في حيره من امري ما يعلم بها الا الله :mh12:

انا الحين اخذت ترم "تقويه" امبروفمنت في الماث ومجالي تقني

وخايف اني ما اعدي وودي احول اداري بس متخوف من المستقبل

انا ودي بالضبط برمجه وسمعت من خويي انه الان الواحد يقدر يكمل في الجامعيه بكالريوس :(107):

بس خايف من المستقبل (مو زي هندسة كيميائيه)

وش رايكم .. :Cry111: (نسبتي في الانجليزي a في الترم الاول و b في الثاني)

في التقني لو عديت افضل هندسة الكيمياء ..و في الاداري ودي بالبرمجه (احب الكمبيوتر)

(في الترم الثاني الماث ما كنت معطيه وجه بسبب المدرس .. الترم اللي بعده كنت اذاكر قبل الاختبار بكم يوم )

سمو الشعر
2011- 2- 13, 07:33 AM
السلام عليكم يا شباب

الي عنده معلومه عن ماده اسمها sterngth of material مادة تخصص للهندسه الميكانيكيه ..

وش رايكم في مدرس اسمه ادهي ثيوري
وعبدالبصير عملي

ابغى معلومه عنهم كيف هم ممتازين ولا لا ..

ابن جدعان
2011- 2- 14, 03:10 PM
السلام عليكم ورحمة الله وبركاته


هل من الممكن لخريجي كليات التقنية اكمال الدراسة في كلية الجبيل الصناعية ؟


واذا كان ممكن ماهي الشروط اللازم توفورها ؟


وجزاكم الله خيرا.

Suspect91
2011- 2- 15, 06:34 AM
سلام عليكم

انا سالفتي طويلله شوي :Cry111:

اخوي انا توني خلصت اول سمستر ف التخصص ,ونجحت ف كل لمواد ما عدا مادتين
1-Calculus
2- Electric Circut I



" علما بأن كل المواد ناجح فيها بـ D ,D+ الا الأنجلش C"

والآن منزلين لي مادة الPhisics (مع اني نجحت فيها بـ D

اتمنا الافاده اخوي

طموح رجل
2011- 2- 16, 07:16 PM
تكفوووووون يا جماعة جاوبوني عن تخصص الالات الدقيقة صراحة محتار لابعد درجة ابغى الجواب الاكيد

يعني التخصص ذا يتكلم عن وش و فيه هندسة في كلية الجبيل و لا لا ؟؟

و اذا كان فيه هندسة في الكلية يبعثونك برى تكمل دراسة في شمال كنتاكي مثل ما سمعت و لا لا .؟؟ بسررعة الجواب تكفوون يا جماعة

da7oOm
2011- 2- 26, 10:25 AM
السلآأم عليكم ورحمه الله وبركاته ..
انآ طالب بالسنه التحضيريه 4 ..

وغبت يومين وكان كل المحاضرات انقلش وكان عندي اختبار في اليوم الثاني .. وانا جتني اصابه بيدي.. ورحت للعياده اليوم الأول وقالو لازم تحديث ملف وانا طالب جديد مادل بالجبيل وبعد معاناه وصلت وحدثت ملفي.. وقالو الدكتور مو موجود الحين بالعياده .. واليوم الثاني جيتهم من الساعه 8 الصبح مع العلم محاضرتي تبدا 11 ولما جيتهم عملو لي اشعه وتحاليل وتبين انو عندي كسر في عضمه المفصل وكان عندي في نفس اليوم اختبار ومع التاخير ف المستشفى ومن العياده الى المستشفى الرئيسي بالجبيل خلصت العصر وراح علي الكويز .. وفي الاخير قالولي راح نسوي لك عمليه بعد اسبوعين وبالنسبه للعذر قالولي يوم الاثنين لانو طبعا اجازه السبت وماعطوني الا يوم واحد:Cry111:
ومع العلم ان اصابتي بالغه ..فمادري هل السكليف اللي هو العذر لو عطوني اياه تقبله الجامعه ؟ لانو نزلتلي بالجدول 8 ساعات غياب واذا جاوقت العمليه راح اتنوم اقلها اسبوع فمادري وش السواه ؟

والمستشفى قالولي ماندري كليتكم يقبلون الآعذار ولا لا لاني يوم سويت التحاليل ماكنت منوم وهو مكتوب في الشروط انك ماتعيد الاختبار الا لو كنت منوم .. وهل صحيح اذآأ ركبو لي اسيآأخ ما يقبلوني تقني ؟!

سديم الشمري
2011- 3- 10, 03:51 PM
السلام عليكم ورحمه الله وبركاته
انا تخرجت من الثانوي السنه ذي ونسبتي 72 وابي اقدم في كليه التقنيه ومع العلم قدراتي والتحصيلي حقي حلووو وااابي اقدم وموووووعارفه كيف ووين ومتى بالله اذاا ماعليكم امر تعلمووني الله يسعدكم بكمل من السنه الجديده...
:119::119:

ظلم السنين
2011- 5- 14, 11:26 AM
انا تخرجت من الثانوي نسبتي 74 شرعي
كم ادنى نسبة يتم قبولها

ومتى التقديم ,

ولكم مني صادق الدعوات

راعي الخيل
2011- 5- 14, 01:26 PM
منــتدى كـــلـــيـــة الـــجـــبـــيـــل الـــصــنـــاعية الخاص
اي سؤال اى استفسار كدا دحنا موجودين فى اى وقت
من هينا تقدر تدخل :
منــتدى كـــلـــيـــة الـــجـــبـــيـــل الـــصــنـــاعية (http://goo.gl/*****)
http://goo.gl/*****

ظلم السنين
2011- 5- 15, 08:39 AM
راعي الخيل اذا تعرف جاوب دخلنا المنتدى محد جاوب !

وهل الدراسة في الكلية عربي ولا انجليزي
(تخصص محاسبة) و (تخصص تسويق) ؟

بدوي آكشن
2011- 5- 16, 05:07 PM
الدراسه عنقلز في عنقلز


التقديم قبل رمضان في شعبان

واصل المنتدى وانشالله تعرف متى الوقت بالتحديد

no commen
2011- 5- 28, 08:04 PM
الو

no commen
2011- 5- 28, 08:05 PM
عندي سوال الترم تالصيفي متى يبدا التسجيل

الشمري.
2011- 6- 6, 07:59 PM
السلام عليكم ورحمه الله وبركاته
ياليت تفيدوني انا هالسنه اتخرج
نسبتي بالقدرات 74
وللمعلوميه انا ادبي هل الكليه تقبل الادبي ووش اقسامه اذا تقبل
وكم سنه ادرس وفي تكمله وكم سنه التكمله وكيف نظام الكليه اذا يقبلون
وابي معلوماات عن الكليه تكفون واذا تقبل متى يبداا التسجيل هالسنه ؟؟


انتظركم بفارق الصبر ..

موسى محمد
2011- 6- 10, 03:44 AM
السلام كيفكم ياشباب انشاء الله في اتم الصحه والعافيه

موسى محمد
2011- 6- 10, 04:15 AM
السلام عليكم كيفكم ... عندي اسئله بسيطه انشاء الله تكون بسيطه حاب اسأل عن النسبه الي ممكن ادخل بها كلية الجبيل الصناعيه ومدري كيف طالبين قدرات محدد او تحصيلي محدد تكفون ردو علي وكيف الكليه حلوه ام لا

بدوي آكشن
2011- 6- 11, 05:02 PM
اخوي


الكلية تطلب
40% تحصيلي

30% قدرات
30% ثانوي


لازم المجموع يكون من 75% وفوق

هذا ماتوقفت عليه السنة الماضية اما هالسنة مدري


والكلية جدا حلوة من ناحية دراسة ومن ناحية ضمان وضيفي .






بالتوفيق انشالله

موسى محمد
2011- 6- 11, 10:39 PM
شباب كم طالبه كلية الجبيل الصناعيه النسبه لخريجين الثانوي ومدري كيف طالبين قدرات محدد او تحصيلي محدد

مجنونكs
2011- 6- 13, 01:07 PM
السلام عليكم..

اخواني انا تخرجي من الثانوي بعد اسبوعين وحاب ادخل الكليه الصناعيه ...لكن سمعت من واحد انه بعد
السنه التحضيريه اقسام ادارية وتقنيه ومن شروط الاقسام التقنية عدم قصر القامه
فأبيكم تعلموني كم الحد الادنى للطول للقبول في هذه الاقسام .؟؟ لاني خايف ادخل واتورط بعد السنة التحضيريه

ابي اجااابه سريع الله يجزاااكم خير

بدوي آكشن
2011- 6- 13, 08:15 PM
^
اخوي

بالنسبة لطول القامه وضعف النضر

يتم عند تسليمك للملف للكلية ثم يرسلونك لمستوصف : هناك يقررون اي مجال تدخله انت مو زي ماقلت بعد السنة التحضيريه

بس في الغالب القصر لايؤخذ عليه ولاكن يركزون على ضعف النضر وعمى الاوان , , , , الخ





الطول كثير من الطلاب طولهم لا يتعدى 165



فلذاك لا تخشى


بالتوفيق اخوي :106:

no commen
2011- 6- 15, 05:29 AM
السلام عليكم
كيفكم يا شباب ..

متى يبدا الترم الصيفي ؟؟؟

الي يعرف ارقام مدرسين ماث يعطيني ؟؟
رجاء يا شباب ...

تـآيـه
2011- 6- 15, 08:55 AM
الله لا يهينك يا أخوي فهد واللي معه .. أتمنى أن تفيدوني

http://www.ckfu.org/vb/t194144.html

كابرس الوحش
2011- 6- 25, 08:24 PM
السلام عليكم

ياشباب انا متخرج من معهد الجبيل التقني تخصص دبلوم خراطة وتشكيل معادن بنسبة 83% ومعدل 2.6 من 4 هل استطيع اكمل بكالوريوس في كلية الجبيل الصناعية

ومتى اقرب موعد التقديم على البكالوريوس ومشكورين مقدما

أميرة نجد
2011- 7- 12, 10:00 PM
مرحباً ..

إخواني متى راح تكون العودة لطلاب السنة التحضيرية ..؟ ومواعيد الاختبارات يعني الجدول اللي فيه التواريخ

وشكراً لكم ..

استغفر الله...
2011- 7- 15, 01:53 PM
السلام عليكم ......
هل الكلية تدعم تخصصات البكليروس في الهندسه الكيميائيه وكيفية طبيعة الدراسه وهل تنصحني بدخولها خصوصا انني اريد بكليروس في الهندسه الكيميائيه بعد علمي انه تكملة البكاليروس صعب لشروطهم وهي معدل3.5 من4
يعني بعدما عدم قبولي في البترول هل تنصحني بهاذي الكلية ام جامعة الملك سعود او جامعة عزوز
وهل يعطوني سكن لاني من الدمام وصعبه اكون رايح جاااي

ارجوا الررررررد بسرعه الله يجزاك كل خير

عـزام الشمري
2011- 7- 15, 07:52 PM
هندسة الكيميائيه يوجد فيها بكالوريوس
ويجب ان يكون معدلكـ في الدبلوم 2.5 واكثر <<< الافضل لمن معدله اعلى من 2.5

انا انصحكـ في الكليه لانها المجال الوظيفي في مرحله الدبلوم عالي

اما مرحله البكالوريوس فالمجال الوظيفي بيكون عالى عندحصولك على معدل 3 وفوق من4