وش يقصدون يمه ؟؟يقولون يتيمه !!!!!

[ام ساره ووجدان]

أنقل لكم هذه الخاطره لما وجدت فيها من كلمات رقيقه وحزينه ومبكية .:s9:





يـــمـــه ..تكفين اسمعيني ...
يمـه بسألك شي ..جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..كل يوم اسمعه ..
واذا حاكيتك هاوشوني ..قالوا انسي ..
روحي يالله العبي .... !!يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..




اتمنى ان تنال استحسانكم

[m.a.n]

تسلمين يالغلا ع الكلمات الحزينه

يعطيك العافيه فديتك ،،

شـكــ وبارك الله فيك ـــرا لك ... لك مني أجمل تحية .

[عسولة الشرقيه]

آآآه قوويه مووت

والله انهاا تبكي

الله يحفظ امهااتنا وامهاتكم جمعيآ

والله يعووض كل من فقد له شخص غالي بدنياه

تسلمين اختي ع القصيده الحزينه المؤثره المبكيه

تقبلي مروري

أطيب تحيه

[ام ساره ووجدان]

اي وربي انها محزنه انا قعدت طول الظهر وانا ابكي واضم صغاري يارب لاتحرمني منهم ولاتحرمهم مني ولاتحرمني امي ياااارب ولاتحرم كل مسلم ومسلمه والديهم

لاله الا انت سبحانك اني كنت من الظالمين ..
تشرف متصفحي بمروكم يالغالين

[دلع مطير]

خربتي المود .......


كلمآت آليمممممه مرهـ

تسلمين يالغلا ..

[سميته غلاي]

راااائععع

الله يخلينا امهاتنا

[ام ساره ووجدان]

شرفتو متصفحي واشكر لكم تواجدكم

[أنين]

مؤلــــــــــــــــــم

ربي لا يحرمناا من امهاتنااا

[أبو عبدالله13]

كلمات حزينه ومبكيه000ولكن لو نوشدت بصوت جميل سوف يكون لها بالغ الاثر000والمنشيدين كثير وخاصة في قناة المجد

[القلب النابض]

مولمه جدا
وقاسيه
حفظهم الله وخفف عنهم
سلمتي

[ام ساره ووجدان]

اشكر لكم تواجدكم ...وعسى الله لايحرنما واياكم احضان امهاتنا ...اللهم ااااااااااااااامين يارب