ساعدوني البنك رفض يعطيني الايصال الاصلي؟؟

[جنتي أومي]

السلام عليكم

الله يعافيكم جاوبوني انا متضااااااااااايقه

رحت اسدد للبنك الرياض ورفض يعطوني ايصال الايداع الاصلي عطوني نسخه منه كربون

حاولت بشتى الطرق يقول ماينفع كل الطلاب كذا ياخذون منا نسخه ويوم اصريت
قلت مراح يقبلوني الا بالاصلي عطاني ورقه ثانيه زي الجدول مكتوب اني سددت بالمبلغ ويعني زي الفاتوره كذا

الزبده تتوقعون عاااااااااادي تمشي اموري بالجامعه ولا لازم الايصال الاصلي لان اوراقي راحت اكيد لها يوم اذا ماينفع اشوف لي حل الشكوى على الله :d1:

[بـنـدر99]

مافيه أي مشكلة بإذن الله
النسخة الاصلية من حق البنك ومايعطونها أحد
تأخذين النسخة الزرقاء اللي هي الكربون
وترسلينها مع الأوراق للجامعة
أنا ارسلتها بنفس الطريقة

[رنجه]

صح أختي احنا الطلبه ناخذ النسخة والاصل عند البنك لاتخافين ابد

[جنتي أومي]

مشكورين يالى رديتو كذا ارتحت
اجل الله يسامحهم ليه كاتبين بالشروط عليك بارسال الايصال الاصلي الصادر من البنك ههههههههههههه مالت عليهم بس

[لــوســي]

أيوه حتى أنا ..

الأصلي يبقى مع البنك ..

والنسخه ترسل بس أهم شي تكون مختومه من البنك ..

[النور البين]

لاتخافين اختي
هذا نظام البنوك والجامعة عارفة هذا الشي
يأخذون الأصل ويعطون الكربون